Метронидазол-Дарница

• русский
• қазақша

• Скачать инструкцию медикамента

Саудалық атауы

Метронидазол-Дарница

Халықаралық патенттелмеген атауы

Метронидазол

Дәрілік түрі

Инфузияға арналған 0,5% 100 мл ерітінді

Құрамы

1 мл ерітіндінің құрамында

белсенді зат: 5,0 мг метронидазол

қосымша заттар: 7,65 мг натрий хлориді, 1,79 мг натрий гидрофосфат додекагидраты, 0,44 мг лимон қышқылы моногидраты, инъекцияға арналған су 1 мл дейін.

Сипаттамасы

Мөлдір түссіз немесе сәл сарғыш сұйықтық.

Фармакотерапиялық тобы

Жүйелі қолдануға арналған бактерияға қарсы дәрілер. Имидазол туындылары. Метронидазол

АТХ коды J01XD01

Фармакологиялық қасиеттері

Фармакокинетикасы

Вена ішіне енгізгеннен кейін метронидазол организм тіндерінде кеңінен метаболизденеді. Қан плазмасы ақуыздарымен байланысуы 20%-дан азырақ, анық таралу көлемі 36 литрді құрайды. Өтті, сүйекті, церебральді абсцесті, жұлын-ми сұйықтығын, бауырды, сілекейді, тұқым сұйықтығын және қынаптан шыққан бөлінділерді қоса, организмнің көптеген тіндерінен және сұйықтығынан табылады, онда қан плазмасындағы концентрацияларға жуық концентрацияларға жетеді. Сондай-ақ плацента арқылы және емшек сүтіне қан плазмасындағы концентрацияларға баламалы концентрацияларда өтеді.

Метронидазол бауырда бүйір тізбектерінің тотығу және глюкуронидтің түзілу жолымен метаболизденеді. Метаболиттер қышқылдық тотығу өнімін, гидроксильді туындыны және глюкуронидті қамтиды. Қан плазмасындағы негізгі метаболит – гидроксилденген метаболит, ал несептегі негізгі метаболит – қышқылдық.

Метронидазолдың шамамен 80%-ы бүйрек арқылы шығарылады, ал олардың 10%-ға дейіні – өзгермеген күйінде. Метронидазолдың аздаған мөлшері бауыр арқылы шығарылады. Жартылай шығарылу кезеңі 8 (6-10) сағатты құрайды.

Бүйрек функциясының жеткіліксіздігі бөлініп шығуын тек аздап қана кідіртеді.

Бауырдың ауыр сырқаттарында клиресінің төмендеуі, қан плазмасынан жартылай шығарылу кезеңінің ұзаруы (30 сағатқа дейін) күтіледі.

Фармакодинамикасы

Препараттың әсер етуші заты – метронидазол – нитроимидазол туындыларының тобына жатады. Метронидазол микроорганизмдерге енуге қабілетті және анаэробты жағдайларда фередоксинді және флаводоксинді тотықтыру жолымен микробтық пируват-фередоксиноксидоредуктазамен нитрозорадикалдар түзеді. Нитрозорадикалдар негізгі ДНҚ жұбымен қосылу өнімдерін түзеді, ол ДНҚ тізбегінің үзілуіне және микроб жасушаларының құруына әкеледі.

Метронидазолдың ең төмен тежегіш концентрациясын (ЕТК) микробтарға қарсы сезімталдықты тестілеу жөніндегі комитет анықтаған, сезімтал организмдерді (S) резистентті (R) организмдерден айыратын нүктелер мыналар:

грампозитивті анаэробтар (S: ≤ 4 мг/мл, R > 4 мг/мл);

грамжағымсыз анаэробтар (S: ≤ 4 мг/мл, R > 4 мг/мл).

Сезімтал және резистентті микроорганизмдер тізімі

(жүйелік әсері бар антибиотиктердің резистенттілігі бойынша деректерді талдау жөніндегі Орталық басқарма деректері бойынша, Германия, желтоқсан 2009 ж.):

°Осы кестені жариялаған кезде қолжетімді деректер болған жоқ. Алғашқы әдебиетте тиісті түрлердің сезімталдығына қатысты ықтимал стандартты референтті сілтемелер және емдік нұсқаулар берілген.

Δ Пенициллинге аллергиясы бар пациенттерге ғана қолданылуы мүмкін.

Қолданылуы

Метронидазол-Дарница, инфузияға арналған 0,5% 100 мл ерітінді, пероральді түрде қолдану мүмкін болмаған жағдайда, ересектерге және балаларға қолдану үшін көрсетілген.

- абдоминальді, колоректальді хирургияда, гинекологиялық араласымдарда, сондай-ақ асқазан-ішек жолы аймағында сезімтал анаэробты бактериялардан, әсіресе Bacteroides түрлерінен және анаэробтық стрептококктардан туындаған инфекциялардың, егер инфекцияның осы типінің туындау қаупі жоғары болса, операциядан кейін жұғуына профилактика жүргізу үшін.

- Bacteriodes түріндегі анаэробты бактериялардан, сондай-ақ анаэробты стрептококктерден туындаған құрсақішілік және гинекологиялық инфекциялардың ауыр түрлерін, егер бұлар шамамен аурудың негізгі себептері болып табылса, емдеу үшін.

Аралас аэробты және анаэробты инфекцияларда аэробты инфекцияларды емдеу үшін бактерияларға қарсы тиісті дәрілерді қосымша қолданған жөн.

Метронидазолды қолданған кезде микробтарға қарсы препараттарды тиісінше қолдану жөніндегі ұлттық және халықаралық нұсқауларды ескерген жөн.

Қолдану тәсілі және дозалары

Препаратты вена ішіне баяу инфузия түрінде қолдану керек (яғни кем дегенде 20 минут бойы, әдетте бір сағат ішінде, ең жоғары 100 мл). Клиникалық көрсетілімдері бар болған жағдайда емдеу дәрілік заттардың пероральді түрімен жалғастырылуы мүмкін.

Анаэробты бактериялар әсерінен туындаған операциядан кейінгі профилактика

Әсіресе абдоминальді (әсіресе колоректальді) және гинекологиялық хирургияда.

Антибиотикпен профилактиканың ұзақтығы қысқа болуы тиіс, негізінен, операциядан кейінгі кезеңмен шектеледі (24 сағат, бірақ 48 сағаттан аспайды).

Ересектер: операциядан 30-60 минут бұрын вена ішіне бір реттік 1000 мг-1500 мг дозамен инъекция, немесе, альтернативті түрде, тура операция алдында, операция кезінде немесе одан кейін 500 мг, содан кейін әрбір 8 сағат сайын 500 мг.

2-ден 12 жасқа дейінгі балалар: операцияға дейін 1-2 сағат ішінде қабылданатын бір реттік 20-30 мг/кг доза түрінде.

Анаэробты инфекциялар:

Егер пациенттің жай-күйі дәрілік затты пероральді түрде қабылдауға мүмкін болмаса, ең алдымен вена ішіне енгізу пайдаланылуы тиіс.

Ересектер: күн сайын бір реттік доза түрінде 1000 мг - 1500 мг немесе, альтернативті түрде әрбір 8 сағат сайын 500 мг.

2-ден 12 жасқа дейінгі балалар: әдеттегі тәуліктік доза бір реттік доза түрінде күніне 20-30 мг/кг немесе әрбір 8 сағат сайын 7,5 мг/кг құрайды. Тәуліктік доза инфекцияның ауырлығына байланысты 40 мг/кг дейін арттырылуы мүмкін. Емдеу ұзақтығы әдетте 7 күнді құрайды.

Дәрілік затты пероральді түрде қабылдауды сондай сызба бойынша тағайындауға болады.

Дәрілік затты пероральді түрде қабылдауға мүмкіндігінше тезірек ауыстырылуы тиіс.

Емдеу ұзақтығы

7–10 күні бойы емдеу көптеген пациенттер үшін қанағаттанарлық болуы тиіс, бірақ клиникалық және бактериологиялық нәтижелеріне байланысты, мысалы, ішектен, ауыз-жұтқыншақтан немесе жыныс жолдарынан анаэробтық патогендермен эндогендік қайта жұқтыруға тап болған аймақтардан инфекцияларды құрту үшін емдеу ұзартылуы мүмкін.

Бактериялық вагиноз:

Жасөспірімдер: 5-7 күн бойы күніне екі рет 400 мг немесе бір реттік доза түрінде 2000 мг.

Урогенитальді трихомониаз

Ересектер және жасөспірімдер: 7 күн ішінде бір реттік доза түрінде 2000 мг немесе күніне 3 рет 200 мг немесе 5-7 күн бойы күніне екі рет 400 мг.

<10 жастағы балалар: пероральді бір реттік доза түрінде 40 мг/кг немесе 7 күн бойы 2-3 қабылдауға бөлінген күніне 15-30 мг/кг; дозаны 2000 мг-ден асырмау керек.

Лямблиоз.

10 жастан асқан пациенттер: 3 күн бойы күніне бір рет 2000 мг немесе 5 күн бойы күніне үш рет 400 мг немесе 7-10 күн бойы күніне екі рет 500 мг.

7-ден 10 жасқа дейінгі балалар: 3 күн бойы күніне бір рет 1000 мг.

3-тен 7 жасқа дейінгі балалар: 3 күн бойы күніне бір рет 600-ден 800 мг дейін.

2-ден 3 жасқа дейінгі балалар: 3 күн бойы күніне бір рет 500 мг.

Амебиаз:

10 жастан асқан пациенттер: 5-10 күн бойы күніне 3 рет 400-ден 800 мг дейін

7-ден 10 жасқа дейінгі балалар: 5-10 күн бойы күніне 3 рет 200-ден 400 мг дейін.

3-тен 7 жасқа дейінгі балалар: 5-10 күн бойы күніне 4 рет 100-ден 200 мг дейін.

2-ден 3 жасқа дейінгі балалар: 5-10 күн бойы күніне 3 рет 100-ден 200 мг дейін.

Педиатриялық пациенттерде Helicobacter pylori-ді емдеу

Біріктірілген ем құрамында күніне 20 мг/кг доза 7-14 күн бойы күніне екі реттік жалпы 500 мг дозадан аспауы тиіс.

Егде жастағы адамдар

Дәрілік затты егде жастағы адамдарға, әсіресе жоғары дозаларды қолданған кезде сақтықпен қолдану ұсынылады, күні бүгін пациенттердің осы санатына дәрілік заттарды қолдану жөнінде ақпараттар саны шектеулі.

Бүйрек функциясының жеткіліксіздігі бар пациенттер.

Бүйрек функциясының жеткіліксіздігі бар болғанда метронидазолдың дозасын түзету қажет емес.

Гемодиализге іліккен пациенттерде, метронидазолды гемодиализ процедурасын жүргізгеннен кейін бірден қайталап енгізген жөн.

Бауыр функциясының жеткіліксіздігі бар пациенттер.

Бауыр функциясының жеткіліксіздігі жоғарылаған пациенттерде қан сарысуындағы деңгейін бір мезгіде бақылай отырып, дозаны төмендету қажет.

Жағымсыз әсерлері

- инфекциялар және инвазиялар: генитальді суперинфекциялар (Сandida әсерінен туындаған), жалған жарғақшалы колит, ол емдеу кезінде немесе одан кейін туындауы мүмкін және ауыр персистерлеуші диарея түрінде көрініс береді.

Шұғыл емдеудің нақты сипаттамасы «Қолдану ерекшеліктері» бөлімінде берілген.

- қан және лимфа жүйесі тарапынан: лейкопения, гранулоцитопения, тромбоцитопения, агранулоцитоз, апластикалық анемия.

Препаратты ұзақ уақыт қолданғанда міндетті түрде қан формуласына ұдайы бақылау жүргізу керек.

- психика тарапынан: сананың шатасуы жағдайы, ашушаңдық, депрессия, психоздық бұзылыстар, елестеулерді қоса.

- жүйке жүйесі тарапынан: бас ауыру, бас айналу, ұйқышылдық немесе ұйқысыздық, құрысулар, шеткері нейропатия (мұның симптомдары парестезия, ауыру, аяқ-қолдарда ауырлық және шаншу сезімдері), энцефалопатия, баяу өрбитін мишық синдромының дамуы (оның симптомдары атаксия, дизартрия, жүріс-тұрыстың бұзылуы, нистагм, тремор болып табылады).

Құрысулар немесе шеткері нейропатия белгілері пайда болған кезде, мұны дәрігерге дереу мәлімдеген жөн.

- көру мүшелері тарапынан: көрудің бұзылуы, көзге заттың қосарланып көрінуі, жақыннан көргіштік, окулогирлі криз (жекелеген жағдайлар).

- жүрек-қантамыр жүйесі тарапынан: электрокардиограммада T тісшесінің тегістелуі сияқты өзгерулер.

- ас қорыту жолы тарапынан: жүректің айнуы, құсу, диарея, глоссит және стоматит, ащы дәмі бар кекіру, эпигастральді аймақта ауырлық сезімі, құсу, тәбеттің жоғалуы, ауыздан металл дәм тату, тілдің өңезденуі, панкреатит (жекелеген жағдайлар).

- гепатобилиарлық жүйе тарапынан: гепатобилиарлық бұзылыстар, бауырлық энзимдердің және билирубиннің аномальді мәндері, гепатит, сарғаю.

- тірек-қимыл аппараты және дәнекер тіні тарапынан: артралгия, миалгия.

- несеп шығару жүйесі тарапынан: несеп түсінің күңгірттенуі (метронидазол метаболитінің бөлініп шығуына байланысты), дизурия, цистит және несепті ұстай алмау.

- иммундық жүйе, тері және теріасты шелі тарапынан: тері реакцияларын (қышыну, есекжем, мультиформалы эритема), ангионевроздық ісінуді, дәрі-дәрмектік қызбаны қоса, жеңіл және орташа дәрежедегі аса жоғары сезімталдық реакциялары, ауыр жүйелік аса жоғары сезімталдық реакциялары (анафилаксиялық шокқа дейінгі анафилаксия); Стивенс–Джонсон синдромы (жекелеген мәлімдемелер), Лайелл синдромы (жекелеген мәлімдемелер).

Стивенс–Джонсон синдромы және Лайелл синдромы сияқты ауыр реакциялар дереу емдік араласымды қажет етеді.

- жалпы бұзылыстар және енгізген жердегі бұзылулар: енгізгеннен кейін венаның тітіркенуі (тромбофлебитке дейін), пустулезді бөртпе, әлсіздік.

Қолдануға болмайтын жағдайлар

- метронидазолға, нитроимидазолдың басқа да туындыларына немесе дәрілік заттың басқа да компоненттеріне жоғары сезімталдық

- жүктіліктің алғашқы триместрі

- бауыр функциясы жеткіліксіздігінің ауыр дәрежесі бар науқастар

- қан түзу функциясының бұзылулары

- орталық немесе шеткері жүйке жүйелерінің бақылауға келмейтін аурулары

Дәрілермен өзара әрекеттесуі

Препаратты басқа дәрілік заттармен бір мезгілде қолданғанда келесі өзара әрекеттесулер болуы мүмкін:

амиодаронмен бірге – QT аралығының ұзаруы және torsade de pointes туралы мәлімделді; препараттарды бір мезгілде қолданғанда электрокардиограммада QT алалығына мониторинг ұсынылады, ал torsade de pointes жағдайын көрсетуі мүмкін бас айналу, жүректің қағуының жиілеуі немесе есінен айырылу сияқты симптомдар пайда болған жағдайда дәрігерге қаралу керек;

барбитураттармен бірге – метронидазолдың бауырлық метаболизмі күшейеді және қан плазмасынан оның жартылай шығарылуы 3 сағатқа дейін төмендейді;

бусульфанмен, карбамазепинмен, литиймен, такролимуспен, фторурацилмен, циклоспоринмен бірге – соңғысының қан плазмасындағы концентрациясы жоғарылайды (такролимус жағдайында – оның бауырлық метаболизмінің басылуына байланысты болуы мүмкін); метронидазолды литиймен бір мезгілде қолданғанда сақтық таныту керек; такролимуспен немесе циклоспоринмен бірге – олардың қан плазмасындағы концентрациясына және бүйрек функциясына мониторинг жүргізу керек және қажет болған жағдайда дозасын түзету керек; метронидазолды бусульфанмен біріктіріп қолдануға, ауыр уыттылықтың потенциалды қаупіне және өліммен аяқталуына байланысты, жол бермеген жөн;

дисульфираммен бірге – сананың шатасуы немесе тіпті психоздық реакциялар орын алады; препараттардың осы біріктірілімдерін қолдануға жол бермеген жөн;

контрацептивтермен бірге – кейбір антибиотиктер жекелеген жағдайларда пероральді контрацептивтердің тиімділігін төмендетіп, ішекте стероидты конъюгаттардың бактериялық гидролизіне әсер етіп, осылайша, конъюгацияланбаған стероидтардың қайталап сіңуін төмендетуі мүмкін, соның нәтижесінде белсенді стероидтардың плазмалық концентрациялары төмендейді. Бұл әдеттегідей емес өзара әрекеттесу стероидты конъюгаттардың өтпен бірге бөлініп шығуы жоғары деңгейде болатын әйелдерде білінуі мүмкін. Пероральді контрацептивтердің тиімді емес белгілі жағдайлары ампициллинді, амоксициллинді, тетрациклинді, сондай-ақ метронидазолды қоса, әртүрлі антибиотиктерді қолданумен байланысты;

микофенолят мофетилімен бірге – пероральді биожетімділігі төмендейді; препараттарды бір мезгілде қолданғанда микофенол қышқылының иммуносупрессиялық әсерінің азайғанын анықтау үшін мұқият клиникалық және зертханалық мониторинг ұсынылады;

кумарин туындыларымен бірге – кумарин туындыларының антикоагулянттық әсері күшейеді және бауырдағы деградацияның төмендеуі салдарынан қан кетулер қаупі жоғарылайды; препараттарды бір мезгілде қолданғанда антикоагулянттардың дозасын түзету қажет болуы мүмкін;

фенитоинмен бірге – фенитоинның бауырлық метаболизмі бәсеңдейді және оның плазмалық концентрациясы төмендейді, сондай-ақ метронидазолдың тиімділігі де төмендейді;

циметидинмен бірге – шығарылуының азаюына байланысты қан плазмасындағы метронидазол концентрациясы артады.

Метронидазолмен емдеу кезінде бас айналу және жүректің айнуы сияқты (дисульфирам тәрізді әсер) жағымсыз реакциялар дамуы мүмкін болғандықтан, алкоголь ішімдіктерін пайдалануға жол бермеген жөн.

Бұл дәрілік затты «Қолдану тәсілі және дозалары» және «Қолдану ерекшеліктері» бөлімдерінде көрсетілгендерден өзге басқа дәрілік заттармен араластыруға болмайды.

Айрықша нұсқаулар

Бауырдың ауыр бұзылулары, гемопоэз бұзылыстарымен (гранулоцитопенияны қоса), шеткері немесе орталық жүйке жүйесінің белсенді немесе созылмалы ауыр бұзылыстары бар пациенттерге дәрілік затты қолдануға болмайды.

Бауыр функциясы бұзылған пациенттер:

Метронидазол негізінен бауырлық тотығуымен метаболизденеді. Метронидазол клиренсінің елеулі бұзылуы бауыр функциясының жеткіліксіздігі бар болған жағдайда туындауы мүмкін. Мұндай пациенттерде трихомониазды емдеу үшін метронидазолды пайдаланудың пайда/қаупі арақатынасын мұқият зерттеген жөн. Метронидазолдың плазмалық деңгейін мұқият бақылау керек.

Кокейн синдромы бар пациенттерде құрамында жүйелік емдеуге арналған метронидазол бар дәрілік заттармен емдеуді бастағаннан кейін өте тез басталатын ауыр гепатоуытты/бауыр функциясының жедел жеткіліксіздігі жағдайлары, соның ішінде өліммен аяқталатын жағдайлар жөнінде мәлімделді. Сондықтан осы популяцияда метронидазолды оның қаупіне мұқият баға бергеннен кейін және альтернативті ем жоқ болған жағдайда ғана пайдаланған жөн.

Емдеуді бастар алдында және ем аяқталғаннан кейін, бауыр функциясы қалыпты ауқым шегінде болғанға немесе негізгі қалыпты мәндерге қол жеткізгенге дейін, бауыр функциясына бақылау жүргізілуі тиіс. Егер емдеу кезінде бауыр функциясының көрсеткіштері едәуір нашарласа, препарат қолдануды тоқтатқан жөн.

Кокейн синдромы бар пациенттерге дәрігерді бауырдың потенциалды зақымдануының кез келген симптомдары жөнінде дереу мәлімдеу және метронидазол қбылдауды тоқтату керек.

Орталық жүйке жүйесінің аурулары:

Метронидазолды орталық жүйке жүйесінің белсенді аурулары бар пациенттерге сақтықпен пайдаланған жөн. Емдеу атаксия, бас айналу немесе сананың шатасуы туындаған жағдайда тоқтатылуы тиіс. Неврологиялық жағдайлардың өршу қаупін орталық және шеткері ауыр неврологиялық аурулар анықталған немесе өршімелі парестезиясы және эпилепсиясы бар пациенттерде ескерген жөн. Ми абсцесін қоспағанда, орталық жүйке жүйесінің белсенді ауруы бар пациенттерге метронидазолды қолданғанда сақтық таныту қажет.

Препаратпен емдеу аса жоғары сезімталдықтың ауыр реакцияларының (анафилаксиялық шокты қоса) пайда болуымен қатар жүруі мүмкін. Мұндай реакциялар дамыған жағдайда препарат қолдануды тоқтатқан және жалпы шұғыл емдеуді бастаған жөн.

Метронидазолмен ұзақ емдеу, сүйек кемігі функциясының бәсеңдеуіне байланысты, гемопоэздің бұзылуына әкелуі мүмкін. Оның көрініс беруі «Жағымсыз реакциялар» бөлімінде берілген. Препаратты ұзақ уақыт қолданғанда қан формуласын мұқият бақылаған жөн.

Бүйрек аурулары:

Метронидазол гемодиализ арқылы шығарылады және оны процедура аяқталғаннан кейін енгізген жөн.

Натрий мөлшері төмен диетада жүрген және гипонатриемия кезіндегі пациенттер:

Метронидазолды қолдану натрий мөлшері төмен пациенттердің жай-күйін одан сайын нашарлатуы мүмкін.

Алкоголь:

Пациенттерге метронидазолмен емделу кезінде және емдеуді аяқтағаннан кейін 48 сағат ішінде, дисульфираммен байланысты әсерлер (жүректің айнуы, құсу, тахикардия) туындауы мүмкін болғандықтан, алкоголь қабылдамауға кеңес берген жөн.

Емдеу кезінде немесе келесі апта ішінде дамуы мүмкін ауыр персистирлейтін диарея (көп жағдайда Сlostridium difficile әсерінен туындаған) жалған жарғақшалы колиттің зардабы болуы мүмкін. Антибиотиктер әсерінен туындаған ішектің бұл ауруы өмірге қауіп төндіруі мүмкін және шұғыл емдеуді қажет етеді. Метронидазолмен емдеу кезінде ішектің жиырылуын басатын препараттарды қолданбаған жөн.

Метронидазолмен қарқынды немесе ұзақ емдеу:

Препаратпен немесе құрамында басқа нитроимидазолдар бар препараттармен емдеу ұзақтығы 10 күннен аспауы тиіс. Тек ерекше жағдайларда ғана қажет болғанда емдеу кезеңін тиісті клиникалық және зертханалық мониторингті қатар жүргізе отырып, ұзартуға болады. Қайталап емдеуді жекелеген жағдайлармен барынша жоғары шектеген жөн. Осы шектеулерді нақты ұстанған жөн, өйткені белгілі бір ісіктердің даму жиілігінің жоғарылауына байланысты метронидазолдың ықтимал мутагендік белсенділігін жоққа шығаруға болмайды, бұл жануарларға жүргізілген зерттеулерде тіркелді.

Метронидазол аспартатаминотрансферазаны, аланинаминотрансферазаны, лактатдегидрогеназаны, триглицеридтерді және глюкозогексокиназаны энзиматикалық-спектрофотометриялық анықтау нәтижелеріне ықпалын тигізіп, олардың мәндерін төмендетуі (нөлге дейін ықтимал) мүмкін.

Метронидазол NADH өлшегенде қалпына келтірілген NADH төмендеуінің ақырғы нүктесін анықтауға негізделген тұрақты ағымдық әдіспен бауыр энзимдерін анықтауға ықпалын тигізуі мүмкін. Бауыр ферменттері концентрацияларының әдеттегідей емес, нөлдік мәнін қоса, төмендеуі білінуі мүмкін.

Пациенттерге метронидазолдың әсерінен несептің түсі (метронидазолдың метаболиттеріне байланысты) өзгеруі мүмкін екендігін алдын ала ескерткен жөн.

Препарат тек бір реттік пайдалануға ғана жарамды. Пайдаланылмаған қалдықтарды жою керек.

Препаратты 0,9% натрий хлориді ерітіндісінде немесе 5% глюкоза ерітіндісінде сұйылтуға болады. Сұйылту процедурасы кезінде әдеттегі асептика шараларын қолданған жөн.

Ерітіндіні, егер ол мөлдір болса, ал контейнер немесе қаптамасында көзге көрінетіндей бүлінулер жоқ болса ғана, қолдану керек.

Балалар

Препаратты 2 жастан асқан балаларға қолданады.

Жүктілік және лактация кезеңі

Жүктілік кезеңінде метронидазолды қолданудың қауіпсіздігі жеткіліксіз зерттелген. Атап айтқанда, оны қолдану туралы мәлімдемелер қарама-қайшы келеді. Кейбір зерттеулерде даму кемістіктері жиілігінің артқаны байқалды. Клиникаға дейінгі зерттеулерде метронидазолдың тератогендік әсерлері байқалған жоқ.

I триместр ішінде метронидазолды, қауіпсіздеу баламалар жоқ болғанда, өмірге қауіп төндіретін ауыр инфекцияларды емдеу үшін ғана қолданады. II және III триместрлер ішінде метронидазолды, егер ана үшін күтілетін пайдасы шарана үшін ықтимал қаупінен басым болса, басқа инфекцияларды емдеу үшін де қолдануға болады.

Метронидазол емшек сүтінен өтетін болғандықтан, емдеу кезінде бала емізуді тоқтатқан жөн. Қоректендіруді емдеу аяқталғаннан кейін кем дегенде 2-3 күннен соң ғана қайта жаңғыртқан жөн, өйткені метронидазолдың жартылай шығарылу кезеңі ұзағырақ болады.

Автокөлікті және аса қауіпті механизмдерді басқару қабілетіне дәрілік заттың ықпал ету ерекшеліктері

Метронидазолды вена ішіне енгізгенде көлік құралдарын және аса қауіпті механизмдерді басқару қабілетіне ықпалы жөнінде зерттеулер жүргізілген жоқ.

Дәрілік затпен емдеу кезінде автокөлікті басқару және зейінді жұмылдыруды және психомоторлы реакциялардың шапшаңдығын қажет ететін потенциалды қауіпті қызмет түрлерімен айналысу ұсынылмайды.

Артық дозалануы

Симптомдары: Ересектерде артық дозаланған жағдайдағы клиникалық симптомдар, әдеттегідей, жүректің айнуымен, құсумен, атаксиямен және бағдардан аздап адасумен шектеледі, сондай-ақ төменде сипатталған жағымсыз реакциялар дамуы мүмкін.

Емі: қажет болған жағдайда метронидазолды гемодиализ жолымен тиімді түрде шығаруға болады. Спецификалық емі немесе антидоты жоқ.

Симптоматикалық ем жүргізіледі.

Шығарылу түрі және қаптамасы

Полипропиленді құтыда препарат 100 мл-ден. Құтыға өздігінен желімденетін жабынымен заттаңба жапсырылады. Бір құты медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Түпнұсқалық қаптамасында, 25°С-ден аспайтын температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл. Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы.

Өндіруші

«Дарница» Фармацевтикалық фирмасы» ЖАҚ

Украина, 02093, Киев қ., Бориспольская к-сі, 13.

Тіркеу куәлігінің иесі

«Дарница» Фармацевтикалық фирмасы» ЖАҚ, Украина

Тұтынушылардан дәрілік заттың сапасы жөніндегі шағымдарды (ұсыныстарды) Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері:

«Утегенова Ж.Ж.» ЖК

050043, Алматы қ., Навои к-сі 68, үй 49

телефон: (+ 727) 2424328

е-mail: vigilance@darnitsa.kiev.ua