Метплитин (Ситаглиптин)

Ситаглиптин

Дәрілік түрі, дозасы

Ас қорыту жолы және зат алмасу. Диабет кезінде қолданылатын дәрілік препараттар. Инсулиндерді қоспағанда, қандағы глюкоза деңгейін төмендететін препараттар. Дипептидилпептидаза 4 (DPP-4) тежегіштері. Ситаглиптин.

АТХ коды А10ВН01

Қандағы глюкозаны бақылауды жақсарту үшін ересек пациенттердің 2 типті қант диабетін емдеу.

Монотерапия

Диета мен физикалық жүктемелерін талапқа сай бақылау болмаған кезде, сондай-ақ метформинді қолдануға қарсы көрсетілімдері немесе жақпаушылығы бар пациенттерде

Метформинмен біріктірілген ем

Диетамен және физикалық жүктемелермен бірге метформин емдеумен гликемияны талапқа сай бақылау болмаған кезде

Сульфонилмочевина препараттарымен біріктірілген ем

Гликемияны диетамен және физикалық жүктемемен талапқа сай бақылау болмаған кезде метформинді қабылдау қарсы көрсетілімдерге немесе жақпаушылыққа байланысты қолайсыз жағдайларда сульфонилмочевина препаратының ең жоғары көтерімді дозасымен бірге емдеумен

PPARγ агонистімен (тиазолидиндиондармен) біріктірілген ем

PPARγ агонистін қолдануға көрсетілімдер болған кезде, сондай-ақ PPARγ агонистімен бірге диетамен және физикалық жүктемелермен емдеу гликемияны талапқа сай бақылау болмаған кезде

Метформинмен және сульфонилмочевина препараттарымен біріктірілген ем

Гликемияны диетамен және физикалық жүктемемен талапқа сай бақылау болмаған кезде осы препараттармен қосарлы емдеумен бірге

Метформинмен және PPARγ агонистімен біріктірілген ем

Осы препараттармен диета және физикалық жүктемелермен бірге гликемияны қосарлы емдеумен талапқа сай бақылау болмаған кезде

Инсулинмен біріктірілген ем (метформинмен немесе онсыз)

Инсулиннің тұрақты дозасымен бірге диетамен және физикалық жүктемесімен гликемияны талапқа сай бақылау болмаған кезде инсулинге қосымша (метформинмен немесе онсыз)

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- жүктілік және лактация кезеңі

- 1 типті қант диабеті (инсулинге тәуелді)

- диабеттік кетоацидоз

- 18 жасқа дейінгі балалар мен жасөспірімдер (клиникалық деректердің болмауына байланысты)

Қолдану кезінде қажетті сақтық шаралары

Ситаглиптинді 1 типті қант диабеті бар пациенттерге тағайындамаған жөн, сондай-ақ диабеттік кетоацидозды емдеу үшін қолдануға болмайды.

Басқа дәрілік препараттармен өзара әрекеттесуі

Басқа препараттардың ситаглиптинге әсері

Метформин

50 мг дозада ситаглиптинмен тәулігіне 2 рет 1000 мг дозада метформиннің көп реттік дозаларын бірге қолдану 2 типті қант диабеті бар пациенттерде ситаглиптин фармакокинетикасына елеулі әсер еткен жоқ.

Циклоспорин

100 мг бір реттік дозада ситаглиптинді және 600 мг бір реттік дозада циклоспоринді бір мезгілде қолдану ситаглиптиннің фармакокинетикасы мен бүйрек клиренсіне елеулі әсер етпеді. Осының салдарынан р-гликопротеиннің басқа тежегіштерімен елеулі өзара әрекеттесу күтілмейді.

CYP3A4 тежегіштері (мысалы, кетоконазол, итраконазол, ритонавир, кларитромицин)

In vitro зерттеулері ситаглиптин метаболизміне жауап беретін негізгі фермент CYP2C8 қатысуымен CYP3A4 болып табылатынын көрсетеді. Метаболизм, оның ішінде CYP3A4 жүйесі арқылы бүйрек функциясы қалыпты пациенттерде ситаглиптинді шығаруда кішкентай рөл атқарады. Күшті CYP3A4 тежегіштері (мысалы, кетоконазол, итраконазол, ритонавир, кларитромицин) бүйрек функциясының ауыр бұзылулары бар немесе бүйрек ауруының терминалдық сатысы бар пациенттерде ситаглиптин фармакокинетикасына әсер етуі мүмкін. Сондықтан күшті әсер ететін CYP3A4 тежегіштері (мысалы, кетоконазол, итраконазол, ритонавир, кларитромицин) бүйрек функциясының ауыр жеткіліксіздігі немесе бүйрек ауруының терминалдық сатысы бар пациенттерде ситаглиптин фармакокинетикасын өзгерте алады. Ауыр бүйрек жеткіліксіздігі кезінде күшті әсер ететін CYP3A4 тежегіштерінің әсері бойынша клиникалық деректер қазіргі уақытта жеткіліксіз.

Пробенецид

In vitro зерттеулері ситаглиптиннің Р-гликопротеин мен органикалық анионды тасымалдаушы-3 (OAП3) үшін субстрат болып табылатынын көрсетті. Ситаглиптиннің ОАП 3-жанама тасымалдаушысы in vitro пробенецидпен басады. OAП3 тежегіштерінің бірге тағайындалуы in vivo зерттелмеген.

Ситаглиптиннің басқа препараттарға әсері

Метформин, глибурид, симвастатин, росиглитазон, варфарин, пероральді контрацептивтер

In vivo клиникалық зерттеулері CYP3A4, CYP2C8, CYP2C9 немесе OCT субстраттарымен өзара әрекеттесудің төмен ықтималдығын анықтады. Ситаглиптин аталған препараттардың фармакокинетикасына елеулі әсер етпейді.

Дигоксин

Ситаглиптинді дигоксинмен бірге қолдану қан плазмасындағы дигоксин концентрациясының аздап жоғарылауымен қатар жүрді. Дигоксин дозасын түзетудің қажеті жоқ, алайда ситаглиптин мен дигоксинді бір мезгілде қолданатын пациенттерді мұқият бақылау керек.

Арнайы ескертулер

Жедел панкреатит

ДПП-4 тежегіштерін қолдану жедел панкреатиттің даму қаупімен байланысты.

Пациенттерге жедел панкреатиттің тән симптомдары туралы хабарлау керек: іштің тұрақты, қатты ауыруы. Ситаглиптин тоқтатылғаннан кейін панкреатит көріністерінің жоғалуы байқалды (демеуші ем жүргізумен/жүргізусіз); некроздаушы немесе геморрагиялық панкреатит және/немесе өлім жағдайлары туралы өте сирек хабарланды. Панкреатитке күдіктенген жағдайда ситаглиптин мен басқа да потенциалды қауіпті препараттарды қолдануды тоқтату керек.

Егер жедел панкреатит расталса, ситаглиптин қабылдауды қайта бастамаған жөн. Анамнезінде панкреатиті бар пациенттерде сақ болу керек.

Басқа гипергликемияға қарсы препараттармен біріктірілімде қолданған кезде гипогликемия

Ситаглиптинді монотерапия түрінде және гипогликемия туындатпайтын басқа препараттармен (мысалы, метформин және/немесе PPARγ агонисті) біріктірілімде қолданудың клиникалық зерттеулерінде оларды ситаглиптинмен бірге қабылдаған кезде анықталған гипогликемияның пайда болу жиілігінің көрсеткіштері плацебо қабылдаған кездегі көрсеткіштерге ұқсас болды. Басқа гипергликемияға қарсы препараттармен тағайындалғандағыдай, ситаглиптинді инсулинмен немесе сульфонилмочевина препараттарымен біріктіріп тағайындаған кезде гипогликемияның пайда болуы байқалды. Сондықтан гипогликемия қаупін азайту үшін сульфонилмочевина немесе инсулин препараттарының төменгі дозаларын қолдануды қарастыруға болады.

Бүйрек жеткіліксіздігі

Ситаглиптин бүйрекпен шығарылады. ШСЖ <45 мл/мин/1.73 м2 бар пациенттерге немесе гемодиализдегі немесе перитонеальді диализдегі бүйрек ауруының терминалды сатысы бар пациенттерге дені сау пациенттермен салыстырғанда препараттың неғұрлым төмен дозасы ұсынылады. Ситаглиптинді басқа диабетке қарсы препараттармен біріктіріп тағайындаған кезде бүйрек жеткіліксіздігі бар пациенттердің денсаулық жағдайын бақылау қажет.

Аса жоғары сезімталдық реакциялары

Маркетингтен кейінгі кезеңде ситаглиптинмен ем қабылдаған пациенттерде аса жоғары сезімталдықтың күрделі реакцияларының пайда болуы туралы хабарламалар алынды. Анафилаксия, ангионевроздық ісіну және терінің эксфолиативтік жай-күйі (Стивенс - Джонсон синдромын қоса) сияқты аса жоғары сезімталдық реакциялары ситаглиптинмен емдеу басталғаннан кейінгі алғашқы 3 ай ішінде, ал бірнеше жағдайда-бірінші дозаны қабылдағаннан кейін пайда болды. Аса жоғары сезімталдық реакциясына күдік туған кезде ситаглиптинді қолдануды дереу тоқтату, реакцияның басқа да ықтимал себептерін бағалау және қант диабетін баламалы емдеуді тағайындау керек.

Ауыр және мүгедектікке алып келетін артралгия

ДПП-4 тежегіштерін қабылдаған пациенттерде ауыр және мүгедектікке алып келетін артралгияның дамуы туралы жеке маркетингтен кейінгі хабарламалар бар. Симптомдардың дамуының басталуы дәрілік ем басталғаннан кейін бір күннен бірнеше жылға дейін ауытқыды. Емді тоқтатқаннан кейін ауру симптомдарының жеңілдеуі байқалды. Аурудың симптомдары бірдей немесе ұқсас ДПП-4 тежегішін қайта тағайындағаннан кейін қалпына келді. Күшті буын аурулары дамыған кезде ДПП-4 тежегіштерін ықтимал себеп ретінде қарастыру және қажет болған жағдайда емді тоқтату қажет.

Буллезді пемфигоид

Маркетингтен кейінгі кезеңде ДПП-4 тежегішін қолдануға байланысты ауруханаға жатқызуды қажет ететін буллезді пемфигоид туралы хабарламалар алынды. Тіркелген жағдайларда пациенттер, әдетте, жергілікті немесе жүйелі иммуносупрессивті емнің көмегімен және ДПП-4 тежегішін қабылдауды тоқтатумен емделді. Пациенттерге ситаглиптин алу кезінде күлдіреуіктің немесе эрозияның дамуы туралы хабарлау қажет. Буллезді пемфигоидқа күдік туған жағдайда, ситаглиптинді қолдануды тоқтатып, пациентті диагностикалау және тиісті ем алу үшін дерматологқа жіберу керек.

Балаларда қолданылуы

Клиникалық деректердің болмауына байланысты 18 жасқа дейінгі балаларға ситаглиптин қабылдау ұсынылмайды.

Егде жастағы пациенттерде қолданылуы

Жасына байланысты дозаны таңдаудың қажеті жоқ.

Егде жастағы пациенттер бүйрек жеткіліксіздігінің дамуына бейім, сондықтан басқа жас топтарындағыдай, айқын бүйрек жеткіліксіздігі болған кезде ситаглиптин дозасын түзетуді қарастыру қажет.

Натрий

Препараттың бір реттік дозасындағы натрий мөлшері 9.5 мг( 25 мг доза) , 19.0 мг (50 мг доза), 38.0 мг (100 мг доза) құрайды. Тұзсыз диетаны ұстанатын адамдарға тағайындағанда сақ болу керек.

Жүктілік және лактация кезеңі

Жүкті әйелдерде ситаглиптиннің қауіпсіздігі бойынша талапқа сай және қатаң бақыланатын клиникалық зерттеулер жүргізілген жоқ. Адам организмі үшін потенциалды қауіп белгісіз. Деректердің болмауына байланысты препаратты жүктілік кезінде қолдануға болмайды. Ситаглиптиннің ана сүтімен бөлінетіні белгісіз. Жүктілік және лактация кезеңінде ситаглиптинді қабылдау ұсынылмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Ситаглиптин автокөлікті және күрделі механизмдерді басқару қабілетіне әсер етпейді. Алайда, ситаглиптинді қолдану кезінде ықтимал бас айналу мен ұйқышылдықты ескеру керек.

Егер ситаглиптин сульфонилмочевина препараттарымен немесе инсулинмен біріктірілімде қолданылса, пациенттерді гипогликемияның пайда болу қаупі туралы да ескерту керек.

Қолдану жөніндегі нұсқаулар

Дозалау режимі

Метплитинді тамақтануға қарамастан қабылдауға болады. Бастапқы ұсынылатын доза тәулігіне 1 рет 100 мг құрайды. Метформинмен және/немесе PPARγ агонистімен (тиазолидиндиондар) біріктіріп Метплитин препаратын қолданған кезде препараттардың дозаларын түзету талап етілмейді. Препараттар бір мезгілде қабылдануы тиіс.

Метплитин препаратын сульфонилмочевина препараттарымен немесе инсулинмен біріктірілімде қолданғанда, гипогликемия қаупін төмендету үшін сульфонилмочевина немесе инсулин препараттарының неғұрлым төмен дозаларын қолдануды қарастыруға болады. Метплитин препаратының дозасын жіберіп алған кезде пациент оны есіне түсіргеннен кейін қабылдауы керек. Жіберіп алған күні препараттың қосарлы дозасын қабылдамаған жөн.

Бүйрек жеткіліксіздігі бар пациенттер

Бүйрек жеткіліксіздігі бар пациенттерде Метплитин препаратымен емдеу басталғанға дейін және емдеу үрдісінде мезгіл-мезгіл бүйрек функциясын бағалау ұсынылады.

Жеңіл бүйрек жеткіліксіздігі бар пациенттерге (ШСЖ 60 мл/мин/1.73 м2 < 90 мл/мин/1.73 м2 дейін) Метплитин препаратының дозасын түзету қажет емес.

Бүйрек жеткіліксіздігінің орташа дәрежесі бар пациенттерге (ШСЖ 45 мл/мин/1.73 м2 < 60 мл/мин/1.73 м2 дейін) Метплитин препаратының дозасын түзету талап етілмейді.

Бүйрек жеткіліксіздігінің орташа дәрежесі бар пациенттер үшін (ШСЖ 30 мл/мин/1.73 м2 < 45 мл/мин/1.73 м2 дейін) Метплитин препаратының дозасы тәулігіне 1 рет 50 мг құрайды.

Гемодиализ немесе перитонеальді диализ қажет пациенттерді қоса, ауыр бүйрек жеткіліксіздігі бар (ШСЖ 15 мл/мин/1.73 м2 < 30 мл/мин/1.73 м2 дейін) немесе БЖТС (ШСЖ < 15 мл/мин/1.73 м2) пациенттер үшін Метплитин препаратының дозасы тәулігіне 1 рет 25 мг құрайды. Метплитин диализ уақытына қарамастан қолданылуы мүмкін.

Бауыр жеткіліксіздігі бар пациенттер

Жеңіл және орташа бауыр жеткіліксіздігі бар пациенттерде Метплитин препаратының дозасын түзету қажет емес. Препарат бауырдың ауыр жеткіліксіздігі бар пациенттерде зерттелмеген.

Егде жастағы пациенттер

Егде жастағы пациенттер үшін препараттың дозасын түзету қажет емес.

Балалар жасы

Осы жас тобында қауіпсіздік және тиімділік бойынша клиникалық зерттеулердің болмауына байланысты 18 жасқа дейінгі балалар мен жасөспірімдерге Метплитин препаратын қолдану ұсынылмайды.

Енгізу әдісі және жолы

Метплитинді тамақтануға қарамастан қабылдауға болады.

Артық дозалану жағдайында қабылдануы қажеті шаралар

Емі: артық дозаланған жағдайда абсорбцияланбаған препаратты асқазан-ішек жолынан алып тастауды, клиникалық мониторингті (ЭКГ қоса), симптоматикалық емді қамтитын стандартты шараларды қолдану керек.

Ситаглиптин әлсіз диализденеді, алайда клиникалық қажеттілік жағдайында ұзартылған диализ тағайындалуы мүмкін (3-4 сағат ішінде дозаның 13.5% жойылады).

Перитонеальді диализ жүргізу кезінде ситаглиптинның шығарылуы туралы деректер жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Сұрақтар пайда болған жағдайда кеңес алу үшін медицина қызметкеріне жүгіну қажет.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Ситаглиптин монотерапиясының плацебо-бақыланатын клиникалық зерттеулері және маркетингтен кейінгі бақылау барысында анықталған жағымсыз реакциялардың жиілігі

Жиі

- гипогликемия†

- бас ауыру

Жиі емес

- бас айналу

- іш қату

- қышыну*

Сирек

- тромбоцитопения

Белгісіз

- анафилаксиялықты қоса, аса жоғары сезімталдық реакциялары*,†

- интерстициальді өкпе ауруы*

- құсу*

- жедел панкреатит*,†,†

- фатальді және фатальді емес геморрагиялық және некроздаушы панкреатит*,†

- ангионевроздық ісіну*,†

- бөртпе*,†

- есекжем*,†

- тері васкулиті*,†

- Стивенс-Джонсон синдромын қоса, терінің эксфолиативтік аурулары*,†

- буллезді пемфигоид*

- артралгия*

- миалгия *

- арқаның ауыруы*

- артропатия*

- бүйрек функциясының бұзылуы*

- жедел бүйрек жеткіліксіздігі*

* маркетингтен кейінгі кезеңде анықталған жағымсыз реакциялар.

† «Арнайы ескертулер» бөлімін қараңыз

† төменде ТECOS жүрек-қантамырлар қауіпсіздігі туралы зерттеуді қараңыз.

Жеке жағымсыз әсерлердің сипаттамасы

Дәрілердің себеп-салдарлық байланысына қарамастан хабарланған және пациенттерде және көбінесе ситаглиптин қабылдаған қосымша жағымсыз құбылыстарға жоғарғы тыныс жолдарының инфекциясы және назофарингит, остеоартрит және аяқ-қолдың ауруы кірді.

Кейбір жағымсыз реакциялар ситаглиптинді басқа диабетке қарсы препараттармен біріктіріп қолдану зерттеулерінде ситаглиптинмен монотерапия зерттеулеріне қарағанда жиі байқалды. Оларға гипогликемия (сульфонилмочевина мен метформиннің үйлесімінде өте жоғары жиілік), тұмау (көбінесе инсулинді қолданғанда (метформинмен немесе онсыз)), жүрек айну және құсу( көбінесе метформинді қолданғанда), жазықтылық( көбінесе метформин немесе пиоглитазонды қолданғанда), іш қату (көбінесе сульфонилмочевина мен метформиннің үйлесімінде кездеседі), шеткері ісінулер (пиоглитазонды немесе пиоглитазон мен метформинді біріктіргенде жиі кездеседі), ұйқышылдық және диарея (метформинді қолданғанда сирек кездеседі), ауыздың құрғауы (инсулинді қолданғанда сирек (метформинмен немесе онсыз)).

Педиатриялық популяция

2 типті қант диабеті бар 10-17 жас аралығындағы педиатриялық пациенттерде ситаглиптин зерттеулерінде жағымсыз реакциялар бейінін ересектерде байқалғанмен салыстыруға болады.

TECOS жүрек-қантамырлар қауіпсіздігін зерттеу

Trial Evaluating Cardiovascular Outcomes with Sitagliptin-ситаглиптиндегі жүрек-қантамырлар нәтижелерін бағалау (TECOS).

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат – 28.345 мг/56.690 мг/ 113.380 мг ситаглиптин гидрохлориді моногидраты 25 мг/ 50 мг/ 100 мг ситаглиптинге баламалы

қосымша заттар: микрокристалды целлюлоза, натрий кроскармеллозасы, повидон (К-30), кальций гидрофосфаты, магний стеараты, опадрай II ақ 85F18422 (гидролизденген поливинил спирті, титанның қостотығы (Е171), макрогол (33500)/PEG, тальк), опадрай II сары 85F520260 (гидролизденген поливинил спирті, титанның қостотығы (Е171), макрогол (33500)/PEG, тальк, темірдің сары тотығы (Е172)), опадрай II қоңыр 85F565140 (гидролизденген поливинил спирті, титанның қостотығы (Е171), макрогол (33500)/PEG, тальк, темірдің қызыл тотығы (Е172), темірдің сары тотығы (Е172)), су.

Сыртқы түрінің, иісінің, дәмінің сипаттамасы

Бір жағында «411» нақыштамасы бар дөңгелек пішінді, ақ түсті таблеткалар (25 мг доза үшін).

Бір жағында «417» нақыштамасы бар дөңгелек пішінді сары түсті таблеткалар (50 мг доза үшін).

Бір жағында «471» нақыштамасы бар дөңгелек пішінді қоңыр түсті таблеткалар (100 мг доза үшін).

Шығарылу түрі және қаптамасы

Үлбірлі қабықпен қапталған 14 таблеткадан PVC + Alu-Alu (25 мг, 50 мг және 100 мг дозалары үшін) пішінді ұяшықты қаптамада.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады (25 мг, 50 мг және 100 мг дозалары үшін).

Үлбірлі қабықпен қапталған 10 таблеткадан Alu-Alu жасалған ұяшықты қаптамада (25 мг, 50 мг және 100 мг дозалар үшін)

3 ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады (25 мг, 50 мг және 100 мг дозалары үшін).

2 жыл.

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Др. Редди'с Лабораторис Лимитед, Үндістан

FTO 2 Survey No 42p,43,44p,45p,46p,53,54&83, Bachupally Village, Bachupally Mandal, Medchal Malkajgiri District -500090, Telangana, Hyderabad/Хайдарабад

Тел: 8(727) 394-13-05 ; 394-12-94

е-mail: Maira.Zhagiparova@drreddys.com

Тіркеу куәлігінің ұстаушысы

Др. Редди'с Лабораторис Лимитед, Хайдарабад, Индия

Тел: 8(727) 394-13-05 ; 394-12-94

е-mail: Maira.Zhagiparova@drreddys.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Қазақстан Республикасындағы «Д-р Редди’с Лабораторис Лимитед» компаниясының өкілдігі: 050057 Алматы қ., 22 линия к-сі, 45,

Тел: 8(727) 394-13-05; 394-12-94 , е-mail: Maira.Zhagiparova@drreddys.com