Медулак-WM

Медулак-WM

Лактулоза

Дәрілік түрі, дозасы

Шәрбат 667 мг/мл, 250мл

Ас қорыту жолы және зат алмасу. Іш қатуларды емдеуге арналған препараттар. Осмостық іш жүргізгіштер. Лактулоза.

АТХ коды А06АD11

- констипациялық синдромды емдеуде

- бауыр энцефалопатиясын (команы) емдеуде

Қолдануды бастағанға дейін қажетті мәліметтер тізбесі

– белсенді затқа немесе препараттың қосымша компоненттерінің кез келгеніне аса жоғары сезімталдық

– галактоземия

– асқазан-ішек жолының бітелісі, асқазан-ішек жолының тесілуі немесе тесілу қаупі.

Қолдану кезінде қажетті сақтық шаралары

Препарат құрамында лактоза, галактоза және фруктозаның шамалы мөлшері бар, сондықтан галактоза немесе фруктозаны көтере алмаушылық, Лапп-лактаза тапшылығы немесе глюкоза-галактоза мальабсорбциясы сияқты сирек тұқым қуалайтын бұзылулары бар пациенттерге препаратты қабылдауға болмайды.

Басқа дәрілік препараттармен өзара әрекеттесуі

Өзара әрекеттесуіне зерттеулер жүргізілген жоқ.

Арнайы ескертулер

Шығу тегі белгісіз абдоминальді ауыру симптомдары (диагноз қойылмаған тесілу немесе асқазан-ішек жолының бітелуі немесе диагноз қойылмаған аурудың осы жағдайының қандай да біріне бейімділік) пайда болған жағдайда препаратпен емдеуді бастамас бұрын дәрігерден кеңес алу керек.

Емдеуден кейін бірнеше күн ішінде емдік әсері жеткіліксіз болған жағдайда дозаны түзету және/немесе емдеуді қайта қарау қажет.

Қант диабеті бар пациенттерде констипациялы синдромын емдеуде әдеттегі дозаны түзету қажет емес.

Бауыр энцефалопатиясын емдеу кезінде әдетте препарат дозасын жоғары етіп тағайындайды, оны қант диабетімен ауыратын пациенттерде ескерген жөн.

Түзетілмеген дозаларды ұзақ қолдану және препаратты дұрыс қолданбау диареяға және электролиттердің тепе-теңдігі бұзылуы мүмкін.

Емдеу кезінде босату рефлексі бұзылуы мүмкін екенін ескерген жөн.

Балалар

Препарат балаларға шұғыл жағдайларда және дәрігердің бақылауымен қолданылуы керек.

Жүктілік немесе лактация кезінде

Жүктілік

Препаратты жүктілік кезінде қолданғанда шаранаға лактулозаның әсері оның жүйелік әсерінің аздығынан күтілмейді.

Препаратты жүктілік кезінде қолдануға болады.

Емшек емізу кезеңі

Бала емізетін әйелге лактулозаның жүйелік әсері шамалы ғана болғандықтан емшек еметін балаға препараттың әсері жоқ деп саналады.

Препаратты емізу кезінде қолдануға болады.

Препараттың көлік құралдарын жүргізуге және қауіптілігі зор механизмдерді басқару қабілетіне әсер ету ерекшеліктері

Препарат көлік құралдары мен басқару механизмдерін басқару қабілетіне әсер етпейді немесе шамалы әсер етуі ықтимал.

Қолдану жөніндегі нұсқаулар

Констипациялық синдром

Препараттың тәуліктік дозасын өлшегіш стақанды пайдалана отырып бір реттік немесе екі реттік қабылдауға бөліп қолдануға болады.

Бастапқы доза пациенттің емге деген реакциясына байланысты демеуші дозаға дейін түзетілуі мүмкін. Емдік әсерге қол жеткізу үшін бірнеше күн (2-3 күн) емдеу қажет болуы мүмкін.

Бауыр энцефалопатиясы

Ересектер

Препараттың бастапқы дозасы тәулігіне 3-4 рет 30-45 мл-ден. Бұл доза күніне 2-3 рет жұмсақ нәжіс қамтамасыз етілетіндей етіп демеуші дозаға дейін түзетілуі мүмкін.

Балалар

Бауыр энцефалопатиясы бар 18 жасқа дейінгі балалар мен жасөспірімдерде лактулозаның қауіпсіздігі мен тиімділігі анықталмаған. Деректер жоқ.

Егде жастағы пациенттер мен бүйрек немесе бауыр жеткіліксіздігі бар пациенттер

Дозалауға арналған арнайы ұсыныстар жоқ, өйткені лактулозаның жүйелік әсері шамалы.

Енгізу әдісі және жолы

Препарат ішуге арналған.

Шәрбәтті тағам қабылдауға байланыстырмай-ақ сұйылтылған немесе сұйылтылмаған түрде қабылдауға болады. Қажет болса, әр дозаны сумен, жеміс шырындарымен немесе басқа сұйықтықтармен қабылдауға болады. Қабылданған бір реттік дозаны ауызда ұстамай бірден жұту керек.

Дозаны пациенттің жеке қажеттіліктеріне сай түзету керек.

Бір реттік тәуліктік дозаны тағайындаған жағдайда оны бір уақытта қабылдау керек, мысалы, таңғы ас кезінде.

Препаратты дозалау үшін қаптамада бар өлшегіш стақанды пайдаланыңыз.

Іш жүргізетін дәрілермен емдеу кезінде күн бойына жеткілікті мөлшерде сұйықтық ішу ұсынылады (1,5-2 литр, 6-8 стақанға сәйкес келеді).

Артық дозаланған жағдайда қолдану қажет шаралар

Симптомдары: өте жоғары дозада ішке қабылдаған кезде, диарея, электролиттер тепе-теңдігінің бұзылуы және іштің ауыруы мүмкін.

Емі: препаратты қабылдауды тоқтату немесе дозаны азайту, диарея немесе құсу салдарынан сұйықтықтың көп мөлшерде жоғалуы жағдайында электролит теңгерімсіздігін түзету, симптоматикалық ем. Арнайы антидот белгісіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қолдану керек шаралар

Лактулозаны алғашқы күндері қолданғанда метеоризмнің дамуы мүмкін. Әдетте, ол екі күннен кейін қайтады. Ұсынылған дозадан жоғары қабылдаған кезде іштің ауыруы және диарея байқалуы мүмкін, мұндайда дозаны төмендету керек. Бауыр энцефалопатиясын емдеу кезінде ұзақ уақыт бойы жоғары дозаларды қабылдаған жағдайда пациенттерде диареяның салдарларынан электролиттік теңгерімнің бұзылуы ықтимал. Доза күніне 2-3 рет жұмсақ нәжіс қамтамасыз етілетіндей етіп түзетілуі керек.

Жағымсыз реакциялар жиілігінің параметрі мынадай түрде анықталады: өте жиі (≥ 1/10); жиі (≥ 1/100, бірақ < 1/10); жиі емес (≥ 1/1000, бірақ < 1/100); сирек (≥ 1/10000, бірақ < 1/1000); өте сирек (< 1/10000); жиілігі белгісіз (қолда бар деректер бойынша бағалануы мүмкін емес).

Өте жиі – диарея;

Жиі - метеоризм, іштің ауыруы, жүрек айну, құсу

Жиі емес - диарея салдарынан электролиттік тепе-теңсіздіктің бұзылуы

Балалар

Балаларға арналған қауіпсіздік бейіні ересектермен бірдей болады деп күтіледі.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл шәрбаттың құрамында

белсенді зат - 667 мг сұйық лактулоза.

Препарат құрамында қосымша заттар жоқ, бірақ құрамында қанттың өндірістік (мысалы, лактоза, галактоза, фруктоза) қоспасы болуы мүмкін.

Сыртқы түрінің, иісінің, дәмінің сипаттамасы

Мөлдір, түссіз немесе қоңыр-сары тұтқыр сұйықтық.

Шығарылу түрі және қаптамасы

250 мл препараттан алғашқы ашылуы бақыланатын пластмасса бұрандалы қақпақпен жабылған күңгірт шыныдан жасалған құтыларда.

1 құтыдан өлшегіш стақанмен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.

4 жыл

Құтыны ашқаннан кейін препаратты 28 күн ішінде пайдалану керек.

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Мұздатып қатыруға болмайды.

Рецептісіз

Өндіруші туралы мәлімет

«УОРЛД МЕДИЦИН ИЛАЧ САН. ВЕ ТИДЖ. А.Ш.», Түркия.

15 Теммуз Мах, Джами Йолу Джад №50, Гюнешли Багджылар.

Тіркеу куәлігінің ұстаушысы

«УОРЛД МЕДИЦИН ИЛАЧ САН. ВЕ ТИДЖ. А.Ш.», Түркия

Квартал 15 Теммюз, Джамийолу көшесі, No.50, WM-Плаза, Гюнещли-Багджылар, Стамбул, 34212, Түркия

Тел: +90 212 474 70 50 Факс: +90 212 474 09 01

http://www.worldmedicine.com.tr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС,

Алматы, Түрксіб ауданы, Сүйінбай даңғылы 222 б

Тел/факс: 8 (7272) 529090

е-mail: rin_pharma@mail.ru

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«TROKA-S PHARMA» ЖШС,

Алматы, Сүйінбай даңғ. 222-б

Ұялы тел +7 701 786 33 98.

е-mail: pvpharma@worldmedicine.kz