Лорактив (Лоратадин)

Лорактив

Лоратадин

Дәрілік түрі, дозасы

Таблеткалар, 10 мг

Респираторлық жүйе. Жүйелі әсер ететін антигистаминді препараттар. Жүйелі әсер ететін басқа антигистаминді препараттар. Лоратадин.

АТХ коды R06AX13

- аллергиялық ринит пен созылмалы идиопатиялық есекжемді симптоматикалық емдеу

Қолдану басталғанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- жүктілік және бала емізу кезеңі

- 12 жасқа дейінгі балалар

Қолдану кезіндегі қажетті сақтандыру шаралары

Бауыр функциясының ауыр бұзылулары бар пациенттерге лоратадинді сақтықпен тағайындаған жөн.

Лорактив таблеткаларын қабылдауды теріге тест жүргізгенге дейін кем дегенде 48 сағат бұрын тоқтату керек, өйткені антигистаминді препараттар кедергі келтіруі немесе олай болмаған жағдайда, терінің реактивтілік индексіне оң реакциялардың ауырлығын азайтуы мүмкін.

Басқа дәрілік препараттармен өзара әрекеттесуі

Алкогольмен бір мезгілде қолданған кезде лоратадин таблеткалары психомоторлық белсенділікке әсер етуін үдетпейді.

Потенциалды өзара әрекеттесуі барлық белгілі CYP3A4 немесе CYP2D6 тежегіштерімен жүруі мүмкін, бұл лоратадин деңгейінің жоғарылауына және жағымсыз құбылыстар туындау қаупінің артуына әкеледі.

Кетоконазолмен, эритромицинмен және циметидинмен бір мезгілде қабылдау қан плазмасындағы лоратадин концентрациясының жоғарылауына әкеледі, бірақ клиникалық маңызды өзгерістерсіз (электрокардиограммадағы (ЭКГ) өзгерістерді қоса) болады.

Арнайы ескертулер

Педиатрияда қолдану

Препаратты 12 жасқа дейінгі балаларға қолдануға болмайды.

Жүктілік немесе лактация кезінде

Жүктілік кезінде лоратадиннің мальформативтік немесе фето/неонаталдық уыттылығы туралы куәландыратын деректер жоқ. Репродуктивті уыттылық туралы деректер де жоқ. Алайда, сақтық шарасы ретінде жүктілік кезінде лоратадинді қолдану ұсынылмайды.

Лоратадин емшек сүтімен шығарылады, сондықтан препаратты лактация кезінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Лорактив ұсынылған дозаларда көлік құралдарын немесе қауіптілігі зор механизмдерді басқару қабілетіне әсер етпейді.

Алайда, пациенттерге ұйқышылдықтың болуына байланысты ықтимал қауіп туралы хабарлау керек, ол көлік құралдарын немесе қауіптілігі зор механизмдерді басқару қабілетіне әсер етуі мүмкін .

Қолдану бойынша ұсынымдар

Дозалау режимі

Ересектер мен 12 жастан асқан балалар

Тәулігіне бір рет бір таблеткадан.

12 жасқа дейінгі балалар үшін дұрыс дозаны таңдау үшін қабылдауға анағұрлым қолайлы басқа қолжетімді дәрілік түрлерін пайдаланған жөн.

12 жастан кіші балаларға арналған Лорактив таблеткаларын қолданудың клиникалық тәжірибесі жоқ.

Пациенттердің ерекше топтары

Балалар

Препаратты 12 жасқа дейінгі балаларға қолдануға болмайды.

Егде жастағы пациенттер

Дозаны түзету қажет емес.

Бауыр жеткіліксіздігі бар пациенттер

Бауыр зақымдануы бар пациенттерге күнара лоратадиннің 10 мг (1 Лорактив таблеткасы) төмендетілген дозасы ұсынылады.

Бүйрек жеткіліксіздігі бар пациенттер

Дозаны түзету қажет емес.

Енгізу әдісі мен жолы

Таблеткалар ішке қабылданады.Таблеткаларды тамақтануға қарамастан қабылдауға болады.

Дәрілік препараттың бір немесе бірнеше дозасын өткізіп алған кезде қажетті шаралар

Препараттың кезекті дозасын өткізіп алған кезде оны мүмкіндігінше тезірек қабылдау керек. Егер келесі дозаны қабылдауға аз уақыт қалса, оны жоспарланған уақытта қабылдаған жөн. Өткізіп алған препараттың орнын толтыру үшін препараттың екі еселенген дозасын қабылдауға болмайды.

Артық дозалану жағдайында қабылдануы қажет шаралар

Симптомдары: ұйқышылдық, тахикардия және бас ауыруы.

Емі: қажетті уақыт кезеңі ішінде симптоматикалық және демеуші ем. Асқазанды шаю, ұсақталған белсендірілген көмірді сумен қабылдау. Лоратадин гемодиализ жолымен шығарылмайды, ал лоратадиннің перитонеальді диализ жолымен шығарылатын-шығарылмайтыны белгісіз. Шұғыл көмек көрсетілгеннен кейін пациент дәрігердің бақылауында болуы тиіс.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қабылдамас бұрын дәрігермен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

- бас ауыруы (12%)

Жиі

- бас айналу, ұйқышылдық, жүрек айнуы

- жөтел, мұрыннан қан кету, ринит, жоғарғы тыныс жолдарының инфекциялары

- диарея, ауыздың құрғауы, диспепсия, тәбеттің жоғарылауы, фарингит

- шаршау

Жиі емес

- қозу, мазасыздық, абыржу, депрессия

- бас сақинасы, күйгелектік, тершеңдік, шөлдеу, құсу, парестезия

- конъюнктивит, көздің ауыруы

- құлақтың ауыруы, құлақтың шуылдауы

- кеудедегі ауырсыну, гипертония, жүрек қағысының жиілеуі

- бронхит, бронх түйілуі, мұрынның құрғауы/бітелуі, ентігу, синусит, түшкіру, дисфония

- дәмнің бұзылуы, метеоризм, гастрит, іш қату, тіс ауруы

- дерматит, терінің қышуы, ыстықты сезіну, есекжем

- артралгия, астения, арқаның ауыруы

- несеп шығарудың өзгеруі

- дисменорея

- қызба, дімкәстік

Сирек

- анафилаксия (аллергиялық реакция), аллергияның өршуі

- амнезия, анорексия, зейін қоюдың төмендеуі

- гиперкинез, гипестезия, тремор

- айқын көрмеу, жас ағуының өзгеруі

- қан түкіру, артериялық гипотензия, ісіну, естен тану, тахикардия

- ларингит

- стоматит

- пурпура, құрғақ шаш, құрғақ тері, жарыққа сезімталдық

- аяқтың құрысуы

- импотенция, либидоның жоғалуы, меноррагия

- қан кернеулер

Өте сирек

- арықтау

- елестеулер

- құрысулар

- блефароспазм

- сілекей бөлінудің өзгеруі

- бауыр функциясының бұзылуы (гепатит), бауыр некрозы, сарғаю

- алопеция, көп формалы эритема

- миалгия

- несеп түсінің өзгеруі

- вагинит, гинекомастия

- қалтырау

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат- 10 мг лоратадин,

қосымша заттар: кальций гидрофосфаты, натрий крахмалы гликоляты, жүгері крахмалы, тазартылған тальк, магний стеараты, тазартылған су.

Сыртқы түрінің, иісінің, дәмінің сипаттамасы

Сопақша пішінді, екі жақ беті дөңес, ақ немесе ақ дерлік түсті таблеткалар.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада. 1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Плетхико Фармасютикалз Лтд

Дхаравара, Калария – 453 001, Индор (М.П.), Үндістан

Тіркеу куәлігінің ұстаушысы

Plethico Laboratories Pvt. Ltd.

38, Industrial Estate, Pologround, Indore – 452015, (M.P.), Үндістан

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Метабол Казахстан» ЖШС, Қарағанды қ., Ермеков к-сі, 110/2

тел.+7(212) 43-38-11, факс +7(212) 43-38-15

электронды пошта: metabolcompany@mail.ru