Ливтенсити (Марибавир)

ЛивтенситиТМ

Марибавир

Дәрілік түрі, дозасы

Үлбірлі қабықпен қапталған таблеткалар, 200 мг

Жүйелі қолдануға арналған инфекцияға қарсы препараттар. Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. Басқа вирусқа қарсы препараттар. Марибавир.

ATХ коды J05AX10

ЛивтенситиТМ цитомегаловирустық (ЦМВ) инфекцияны және/немесе гемопоэздік дің жасушаларының трансплантациясы (ГДЖТ) немесе тығыз ағзалар трансплантациясы (ТАТ) бастан өткерген ересек пациенттерде ганцикловирмен, валганцикловирмен, цидофовирмен немесе фоскарнетпен (резистенттілікпен немесе онсыз) емдеуге резистентті ауруды емдеу үшін қолданылады.

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• ганцикловирмен немесе валганцикловирмен бір мезгілде қолдану

Қолдану кезінде қажетті сақтық шаралары

Емдеу кезіндегі вирусологиялық тиімсіздік және емдеуден кейінгі қайталану

Резистенттілік байланысты вирусологиялық тиімсіздік ЛивтенситиТМ емдеу кезінде және одан кейін пайда болуы мүмкін. Емдеуден кейінгі кезеңде вирусологиялық қайталану әдетте емдеуді тоқтатқаннан кейін 4-8 апта ішінде пайда болды. pUL97 марибавирге резистенттілікке байланысты кейбір алмастырулар ганцикловирге және валганцикловирге айқаспалы резистенттілікпен қатар жүреді. Егер пациентте емдеуге жауап болмаса немесе қайталану болса, ЦМВ ДНҚ деңгейін үнемі бақылау және марибавирге төзімділікті бақылау қажет. Марибавирге резистенттілік анықталса, емдеуді тоқтату керек.

ОЖЖ зақымдануымен ЦМВ-ауруы

ЛивтенситиТМ ОЖЖ ЦМВ-инфекциясы бар пациенттерде зерттелмеген. Марибавирдің ОЖЖ-ге енуі плазмадағы деңгеймен салыстырғанда төмен болады деп күтілуде.

Осылайша, ЛивтенситиТМ ОЖЖ ЦМВ-инфекцияларын (мысалы, менингоэнцефалит) емдеуде тиімді болады деп күтілмейді.

Иммуносупрессанттармен қолдану

ЛивтенситиТМ P450 (CYP) цитохромының субстраттары болып табылатын иммуносупрессанттардың, терапиялық шектері тар 3A/p-гликопротеин (P-gp) концентрациясын арттыра алады (такролимус, циклоспорин, сиролимус және эверолимусты қоса). Бұл иммуносупрессанттардың деңгейін ЛивтенситиТМ қолданудың барлық кезеңінде, әсіресе препаратты қабылдауды бастағаннан кейін және тоқтатқаннан кейін үнемі бақылау қажет және қажет болса иммуносупрессанттардың дозасын түзету қажет («Басқа дәрілік препараттармен өзара әрекеттесуі» және «Жағымсыз реакциялар» бөл. қараңыз).

Дәрілік заттардың өзара әрекеттесуіне байланысты жағымсыз реакциялар немесе терапиялық әсердің төмендеуі қаупі

ЛивтенситиТМ препаратын жеке препараттармен бір мезгілде қолдану белгілі немесе ықтимал маңызды дәрілік өзара әрекеттесулерге әкелуі мүмкін, олардың кейбіреулері мыналарға әкелуі мүмкін:

• қатарлас дәрілік препараттардың әсерінен ықтимал клиникалық маңызды жағымсыз реакцияларға

• ЛивтенситиТМ емдік әсерінің төмендеуіне

1-кестеде дозалау бойынша ұсыныстарды қоса, осы белгілі немесе ықтимал маңызды дәрілік өзара әрекеттесулердің алдын алу немесе бақылау қадамдары көрсетілген («Басқа дәрілік препараттармен өзара әрекеттесуі» бөл. қараңыз).

Бриллиантты көк FCF алюминий лагы (E133)

ЛивтенситиТМ препаратында 18 жасқа дейінгі балаларда қолдануға тыйым салынған FD&C Blue №1 бояғыш/Бриллиантты көк FCF алюминий лагы (E133) бар

Натрий

Бұл дәрілік препараттың құрамында бір таблеткаға 1 ммольден аз натрий (23 мг) бар, сондықтан бұл препарат натрийден бос болып саналады.

Басқа дәрілік препараттармен өзара әрекеттесуі

Басқа дәрілік препараттардың марибавирге әсері

Марибавирді негізінен CYP3A4 метаболиздейді және CYP3A4 индукциялайтын немесе тежейтін препараттар марибавирдің клиренсіне әсер етеді деп күтілуде.

ЛивтенситиТМ және CYP3A тежегіштері болып табылатын дәрілік препараттарды бір мезгілде қолдану қан плазмасындағы марибавирдің концентрациясының жоғарылауына әкелуі мүмкін. Дегенмен, ЛивтенситиТМ CYP3A тежегіштерімен бір мезгілде қолданғанда дозаны түзету қажет емес. Күшті және орташа CYP3A индукторларын (мысалы, рифампицин, рифабутин, карбамазепин, фенобарбитал, фенитоин, эфавиренз және шайқурай) бір мезгілде енгізу плазмадағы марибавирдің концентрациясын айтарлықтай төмендетеді деп күтілуде, бұл тиімділіктің төмендеуіне әкелуі мүмкін. Осылайша, CYP3A индукциялық потенциалы жоқ балама дәрілік препараттарды қолдануды қарастырған жөн. ЛивтенситиТМ күшті цитохром P450 3A (CYP3A) индукторларымен рифампицинмен, рифабутинмен немесе шайқураймен бір мезгілде қолдану ұсынылмайды.

Егер ЛивтенситиТМ басқа күшті немесе орташа CYP3A индукторларымен (мысалы, карбамазепин, эфавиренз, фенобарбитал және фенитоин) бір мезгілде қолданудан басқа амал болмаса, ЛивтенситиТМ дозасын күніне екі рет 1200 мг-ға дейін арттыру керек («Дозалау режимі» бөл. қараңыз).

Марибавирдің басқа дәрілік препараттарға әсері

ЛивтенситиТМ валганцикловирмен және ганцикловирмен бір мезгілде қолдануға болмайды. Марибавир ганцикловир мен валганцикловир активациясы /фосфорлау үшін қажет адамның pUL97 CMV киназасын тежеу арқылы ганцикловир мен валганцикловирдің вирусқа қарсы белсенділігіне қарсы тұра алады («Қолдануға болмайтын жағдайлар» бөл. қараңыз).

Емдік концентрацияларда марибавирді CYP1A2, 2A6, 2B6, 2C8, 2C9, 2C19, 2E1, 2D6 және 3A4 субстраттарымен; UGT1A1, 1A4, 1A6, 1A9, 2B7; өт тұздарын кетіруге арналған сорғымен (BSEP); экструзия ақуызымен бірнеше дәрілік заттар мен (MATE)/2K; органикалық анионды тасымалдаушылармен (OAT)1, органикалық катионды тасымалдаушылармен (OCT)1 және OCT2, органикалық анионды тасымалдаушы полипептидпен (OATP)1b1 және OATP1B3 бір мезгілде қолданғанда клиникалық маңызды өзара әрекеттесулер күтілмейді (1-кесте).

CYP1A2 индукциясы арқылы өзара әрекеттесу қаупін жоққа шығаратын клиникалық деректер жоқ. Сондықтан CYP1A2 субстраттарының тиімділігінің жеткіліксіздігі қаупіне байланысты ЛивтенситиТМ және терапиялық диапазоны тар сезімтал CYP1A2 субстраттары (мысалы, тизанидин және теофиллин) болып табылатын дәрілік препараттарды бір мезгілде қолданудан аулақ болу керек.

Марибавирмен бір мезгілде қолдану плазмадағы такролимус концентрациясын арттырды (1-кестені қараңыз ). Такролимус, циклоспорин, эверолимус немесе марибавирмен сиролимус иммуносупрессанттарын бір мезгілде тағайындаған жағдайда, ЛивтенситиТМ препаратымен емдеу кезінде, әсіресе қабылдауды бастағаннан кейін және тоқтатқаннан кейін иммуносупрессанттардың деңгейін үнемі бақылап отыру керек және қажет болғанда дозаны түзету керек («Қолдану кезіндегі қажетті сақтық шаралары» бөл. және 1-кестені қараңыз).

Марибавир клиникалық маңызды концентрацияларда Р-гликопротеин тасымалдаушысын тежеді. Сондықтан ЛивтенситиТМ және сезімтал P-gp субстраттарын (мысалы, дигоксин, дабигатран) бір мезгілде қолданғанда сақтық таныту керек. Сарысудағы дигоксин концентрациясын бақылау керек, қажет болғанда дигоксин дозасын азайту қажет болуы мүмкін (1-кестені қараңыз).

Марибавир клиникалық маңызды концентрацияларда BCRP тасымалдаушысын тежеді. Осылайша, ЛивтенситиТМ розувастатин сияқты сезімтал BCRP субстраттарымен бір мезгілде қабылдау олардың әсерін арттырады және жағымсыз әсерлерге әкеледі деп күтілуде.

Марибавир OAT3 тежейді, сондықтан OAT3 арқылы тасымалданатын дәрілік заттардың плазмадағы концентрациясы жоғарылауы мүмкін (мысалы, ципрофлоксацин, имипенем және циластин).

Марибавир MATE1 тежейді. ЛивтенситиТМ сезімтал MATE1 субстраттарымен (мысалы, метформинмен) бір мезгілде қабылдау клиникалық маңызды өзара әрекеттесулерге әкелуі мүмкін екендігі туралы клиникалық дәлелдер жоқ.

Жалпы ақпарат

Егер қатарлас дәрілік препараттардың дозасын түзету ЛивтенситиТМ емдеуге байланысты жүргізілсе, дозаны ЛивтенситиТМ емдеу аяқталғаннан кейін түзету керек. 1-кестеде дәрілік препараттардың белгіленген немесе ықтимал клиникалық маңызды өзара әрекеттесулерінің тізбесі келтірілген. Сипатталған дәрілік заттардың өзара әрекеттесуі марибавирмен жүргізілген зерттеулерге негізделген немесе марибавирді қолдану кезінде пайда болуы мүмкін дәрілік заттардың болжамды өзара әрекеттесуі болып табылады («Қолдану кезіндегі қажетті сақтық шаралары» бөл. қараңыз).

1-кесте: Басқа дәрілік препараттармен өзара әрекеттесу және дозалау жөніндегі нұсқаулар

↑ = ұлғаю, ↓ = төмендеу, ↔ = өзгеріссіз

СА = сенімді аралық;

* Бір реттік доза үшін AUC0 -∞, екі реттік тәуліктік доза үшін AUC0-12.

Ескертпе: кесте ауқымды емес, бірақ клиникалық маңызды өзара әрекеттесулердің мысалдарын қамтиды.

a Тағайындау туралы тиісті ақпаратты қараңыз.

Арнайы ескертулер

Педиатрияда қолдану

18 жасқа дейінгі балаларда ЛивтенситиТМ препаратының қауіпсіздігі мен тиімділігі анықталмаған.

Жүктілік немесе лактация кезінде

Жүкті әйелдердің марибавирді қолдануы туралы деректер жоқ. ЛивтенситиТМ жүктілік кезінде және контрацепцияны қолданбайтын бала туу жасындағы әйелдерде қолдану ұсынылмайды. Марибавир қан плазмасындағы жүйелі әсер ететін пероральді контрацептивтердің концентрациясына әсер етпейді деп күтілуде. Марибавир немесе оның метаболиттерінің емшек сүтіне өтетін-өтпейтіндігі белгісіз. Емшектегі бала үшін қауіпті жоққа шығаруға болмайды. ЛивтенситиТМ препаратымен емдеу кезінде емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЛивтенситиТМ препараты көлікті басқару және механизмдермен жұмыс істеу қабілетіне әсер етпейді

Қолдану жөніндегі нұсқаулар

ЛивтенситиТМ тығыз ағзаларды трансплантациялауды немесе гемопоэздік дің жасушаларын трансплантациялауды бастан өткерген пациенттерді басқару тәжірибесі бар дәрігер тағайындауы тиіс.

Дозалау режимі

Ұсынылатын доза 400 мг (200 мг екі таблетка) құрайды, тамақтануға қарамастан тәулігіне екі рет, бұл 8 апта ішінде 800 мг тәуліктік дозаға сәйкес келеді. Емдеу ұзақтығы әр пациенттің клиникалық сипаттамаларына байланысты әр түрлі болуы мүмкін.

CYP3A индукторларымен бір мезгілде қолдану

Марибавирдің тиімділігінің ықтимал төмендеуіне байланысты ЛивтенситиТМ P450 3A (CYP3A) цитохромының күшті индукторлары рифампицинмен, рифабутинмен немесе шайқураймен бір мезгілде қолдану ұсынылмайды.

Егер ЛивтенситиТМ басқа күшті немесе орташа CYP3A индукторларымен (мысалы, карбамазепин, эфавиренз, фенобарбитал және фенитоин) бір мезгілде қолданудан басқа амал болмаса, ЛивтенситиТМ дозасын күніне екі рет 1 200 мг-ға дейін арттыру керек.

Дәрілік препараттың бір немесе бірнеше дозасын жіберіп алған кезде қажетті шаралар

Пациенттерге егер олар ЛивтенситиТМ дозасын өткізіп алса және келесі дозаны келесі 3 сағат ішінде қабылдау керек болса, онда олар өткізіп алған дозаны жіберіп, әдеттегі кесте бойынша емдеуді жалғастыруы керек. Пациенттер келесі дозасын екі есе көбейтпеуі немесе тағайындалғаннан жоғары дозаны қабылдамауы керек.

Пациенттердің ерекше топтары

Егде жастағы пациенттер

65 жастағы пациенттер үшін дозаны түзету қажет емес.

Бауыр функциясы бұзылған пациенттер

Бауыр жеткіліксіздігінің ауырлық дәрежесі жеңіл (Чайлд-Пью бойынша А класы) немесе орташа (Чайлд-Пью бойынша В класы) пациенттер үшін ЛивтенситиТМ препаратының дозасын түзету қажет емес. Бауыр жеткіліксіздігі ауыр пациенттерде ЛивтенситиТМ препаратын қолдану зерттелмеген. Бауырдың ауыр жеткіліксіздігі бар пациенттерде марибавирдің әсері айтарлықтай арта ма, жоқ па белгісіз. Сондықтан бауыр жеткіліксіздігі ауыр пациенттерге ЛивтенситиТМ тағайындау кезінде сақ болу ұсынылады

Бүйрек функциясы бұзылған пациенттер

Бүйрек жеткіліксіздігі жеңіл, орташа немесе ауыр дәрежедегі пациенттер үшін ЛивтенситиТМ препаратының дозасын түзету қажет емес. Диализдегі пациенттерді қоса, терминальді сатыдағы бүйрек жеткіліксіздігі (ТСБЖ) бар пациенттерде ЛивтенситиТМ препаратын қолдану зерттелмеген. Марибавирдің плазма ақуыздарымен байланысуының жоғары деңгейіне қарай диализдегі пациенттер үшін дозаны түзету қажет емес деп болжануда.

Педиатрияда қолдану

18 жасқа дейінгі пациенттерде ЛивтенситиТМ қауіпсіздігі мен тиімділігі анықталмаған. Қолжетімді деректер жоқ.

Енгізу жолы және тәсілі

Ішке қабылдау үшін.

Босап шығуы тез таблеткаларды тамаққа қарамастан тұтастай, ұсақталған күйде ішке немесе ұсақталған күйде назогастральді немесе орогастральді зонд арқылы қабылдауға болады.

Артық дозалану жағдайында қабылдануы қажет шаралар

ЛивтенситиТМ препаратымен артық дозаланудың салдарын бейтараптандыратын белгілі антидот жоқ. Артық дозаланған жағдайда пациентті жағымсыз реакциялар үшін бақылау және тиісті симптоматикалық ем тағайындау ұсынылады. ЛивтенситиТМ плазма ақуыздарымен байланысуының жоғары дәрежесіне байланысты диализ плазмадағы ЛивтенситиТМ концентрациясын айтарлықтай төмендетуі екіталай.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

ЛивтенситиТМ препаратын қолдану туралы сұрақтар туындаса, емдеуші дәрігерден кеңес сұраңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі:

• Дәм сезудің бұзылуы

• Диарея, Жүрек айнуы, Құсу

• Шаршау

Жиі:

• Бас ауыруы

• Іштің жоғарғы бөлігінің ауыруы

• Тәбеттің төмендеуі

• Иммуносупрессанттар деңгейінің жоғарылауы, дене салмағының төмендеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Үлбірлі қабықпен қапталған бір таблетканың құрамында:

белсенді зат – марибавир (ұнтақталған) 200 мг

қосымша заттар: микрокристалды целлюлоза, натрий крахмал гликоляты, магний стеараты

Үлбірлі қабықтың құрамы:

поливинил спирті, макрогол/полиэтиленгликоль, титанның қостотығы (Е171), тальк, FD&C Blue №1/Бриллиантты көк FCF алюминий лагы (Е133), тазартылған су.

Сыртқы түрінің, иісінің, дәмінің сипаттамасы

Бір жағында «SHP» және екінші жағында «620» нақыштамасы бар көк түсті үлбірлі қабықпен қапталған сопақша дөңес таблеткалар.

Шығарылу түрі және қаптамасы

28 немесе 56 таблеткадан тығыздығы жоғары полиэтиленнен жасалған, балалардың ашып алуын бақылайтын полипропилен қақпақпен тығындалған құтыға салынады.

1 немесе 2 құтыдан (№112 орам үшін) медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Каталент СТС, ЛЛС, АҚШ / Catalent CTS, LLC

10245 Hickman Mills Drive, Kansas City, MO 64137, USA

Телефон: +1 816 767 6103

Эл.пошта: deborah.wade@catalent.com

Тіркеу куәлігінің ұстаушысы

Такеда Фармасьютикалс Интернейшнл АГ Айрлэнд Брэнч, Ирландия /

Takeda Pharmaceuticals International AG Ireland Branch, Ireland

Block 2, Miesian Plaza, 50-58 Baggot Street Lower, Dublin 2, Ireland

Телефон: +1 800 937 970

Эл. пошта: medinfoEMEA@takeda.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Такеда Казахстан» ЖШС

050000 Алматы қ., Қонаев көш., 77

Телефон нөмірі +7 (727) 2444004

Эл. пошта: AE.AsiaCaucasus@takeda.com