Ливониб (Сорафениб)

Ливониб

Сорафениб

Дәрілік түрі, дозалануы

Үлбірлі қабықпен қапталған таблеткалар, 200 мг

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар. Протеинкиназа тежегіштері. Сорафениб.

АТХ коды L01XE05

Ливониб препараты гепатоцеллюлярлық карциноманы емдеуге қолданылады.

Ливониб препараты интерферон альфа немесе интерлейкин-2 негізіндегі сәтсіз емнен кейін немесе ондай ем көрсетілмеген пациенттерде таралған бүйрек-жасушалық обырды емдеуге қолданылады.

Ливониб препараты радиобелсенді йодқа рефрактерлі болатын үдемелі, жергілікті таралған немесе метастаздық дифференциацияланған (папиллярлық/фолликулярлық/Гюртле - жасушалық) қалқанша без обырын емдеуге қолданылады.

Қолданудың басталуына дейінгі қажетті мәліметтер тізбесі

Басқа дәрілік препараттармен өзара әрекеттесуі

Метаболизмдік ферменттер индукторлары

Ливониб препаратының бір реттік дозасын тағайындау алдында 5 күн бұрын рифампицин қолдану сорафениб AUC көрсеткішінің мәнін орта есеппен 37% төмендетеді. CYP3A4 белсенділігін және/немесе глюкурондануды индукциялайтын басқа препараттар (мысалы, шайқурай, фенитоин, карбамазепин, фенобарбитал және дексаметазон) сорафениб метаболизмін арттыруы және, осылайша, организмде оның концентрациясын төмендетуі мүмкін.

CYP3A4 тежегіштері

Ливониб препаратының CYP3A4 цитохромы тежегіштерімен клиникалық фармакокинетикалық өзара әрекеттесу ықтималдығы аз.

CYP2В6, CYP2C8 және CYP2C9 субстраттары

Сорафениб CYP2В6, CYP2C8 және CYP2C9 ферменттерін ин витро бірдей белсенділікпен тежейді.

Осы деректер негізінде Ливониб препараты күніне 2 рет ұсынылған 400 мг дозасында CYP2B6 немесе СYP2В8 ферментінің тежегіші бола алмайды деп жорамалдауға болады.

Бұдан бөлек, сорафенибті және CYP2В9 субстраты – варфаринді бір мезгілде қабылдау, плацебомен салыстырғанда, протромбин уақытының және халықаралық қалыптасқан қатынастың (ХҚҚ) орташа мәндерінің өзгеруіне әкелмеді. Демек, клиникалық мәнді іn vivo тежелуі күтілетін даму қаупі де төмен болады. Алайда варфаринмен немесе фенпрокумонмен ем қабылдап жүрген пациенттердің бәрінде ХҚҚ көрсеткіштерін жүйелі анықтап отыру керек.

CYP3A4, CYP2D6 B және CYP2C19 субстраттары

CYP3A4, CYP2D6B және CYP2C19 цитохромдарының субстраттары болып табылатын сорафениб пен мидазолам, декстрометорфан мен омепразол бір мезгілде қолданылғанда, тиісінше, аталған препараттар экспозициясында өзгеріс болмады. Бұл Ливониб препаратының P450 цитохромы тобына жататын изоферменттерді тежемеуін, индукцияламауын айғақтайды. Бұл деректер негізінде Ливониб препаратының осы ферменттер субстраттарымен клиникалық фармакокинетикалық өзара әрекеттесу ықтималдығы аз деп жорамалдауға болады.

UGT1A1 және UGT1A9 субстраттары

Бұл деректердің клиникалық маңыздылығы белгісіз.

CYP ферменттері индукциясымен іn vitro зерттеулер

Адамның өсірінділік гепатоциттерін сорафенибпен емдеу препарат қолдану аясында осы ферменттердің индукциялану ықтималдығы аз екенін көрсететін CYP1A2 және CYP3A4 ферменттері белсенділігінің өзгеруімен қатар жүрмеді.

Р-гликопротеин субстраттары

In vitro зерттеулері cорафенибтің Р-гликопротеин тасымалының тежегіші екенін көрсетеді. Ливониб препаратын бір мезгілде тағайындағанда дигоксин сияқты Р-гликопротеин субстраттарының плазмалық концентрациясының жоғарылауын жоққа шығаруға болмайды.

Ісікке қарсы басқа препараттармен біріктірілімі

Іn vitro зерттеулерінде сорафениб олардың жалпы ұсынылатын дозалану сызбасында гемцитабин, цисплатин, оксалиплатин, паклитаксел, карбоплатин, капецитабин, доксорубицин, иринотекан, доцетаксел және циклофосфамид сияқты ісікке қарсы әртүрлі басқа препараттармен бірге тағайындалды. Сорафениб гемцитабин, цисплатин, карбоплатин, оксалиплатин немесе циклофосфамид фармакокинетикасына клиникалық мәнді ықпалын тигізбеді.

Паклитаксел/карбоплатин

3 күндік үзілістермен (паклитаксел/карбоплатин тағайындауға дейін 2 күн және тағайындалу күні) паклитаксел (225 мг/м2) және карбоплатинді (AUC = 6) сорафенибпен (≤ 400 мг дозада х күніне 2 рет) бірге қолдану паклитаксел фармакокинетикасына елеулі ықпалын тигізбеді.

Паклитаксел (225 мг/м2 х 3 аптада 1 рет) мен карбоплатинді (AUC=6) сорафенибпен (400 мг х үздіксіз күніне 2 рет) бір мезгілде қолдану сорафениб экспозициясының 47%, паклитакселде 29% және 6-OH паклитакселде 50% артуымен қатар жүреді. Карбоплатин фармакокинетикасында өзгеріс білінбеді.

Бұл деректер Ливониб препаратын қабылдау кезіндегі 3 күндік үзілістермен (паклитаксел/карбоплатин тағайындауға дейін 2 күн және тағайындау күні) паклитаксел мен карбоплатин Ливониб препаратымен бір мезгілде тағайындалғанда дозаны түзету қажет еместігін көрсетеді. Сорафенибпен бір мезгілде үзіліссіз қолданғанда сорафениб пен паклитаксел экспозициясының клиникалық мәнді ұлғаюы белгісіз.

Капецитабин

Капецитабин (750-1050 мг/м2 х күніне 2 рет 1-ден 14 күнге дейін әр 21 күн сайын) және сорафенибті (200 немесе 400 мг х күніне 2 рет үздіксіз ұзақ уақыт) бір мезгілде қолдану сорафениб экспозициясының елеулі өзгерістеріне әкелмеді, бірақ осы орайда капецитабин экспозициясының 15-50% және 5-фторурацил экспозициясының 0-52% ұлғаюы болды. Сорафенибті бір мезгілде қолданғанда капецетабин мен 5-фторурацил экспозициясының орташаға дейін осы аздаған ұлғаюының клиникалық мәні белгісіз.

Доксорубицин/Иринотекан

Сорафениб пен доксорубицинді бір мезгілде тағайындау доксорубицин AUC көрсеткішінің 21% артуына әкеледі. Сорафениб пен белсенді метаболиті SN-38 одан әрі UGT1A1 қатысуымен метаболизденетін иринотекан бір мезгілде тағайындалғанда SN-38 AUC көрсеткішінің 67 120% артуы және иронетекан AUC көрсеткішінің 26-42% артуы болды. Осы бақылаулардың клиникалық маңызы белгісіз.

Доцетаксел

Доцетаксел тағайындалуына дейінгі және одан кейінгі 3 күндік үзілістермен доцетаксел (әр 21 күн сайын бір рет 75 немесе 100 мг/м2 ) және сорафенибті (200 немесе 400 мг х 21 күндік цикл ішінде 2-ден 19 күнге дейін күніне 2 рет) бір мезгілде қолдану доцетаксел AUC және Cmaх мәндерінің, тиісінше, 36-80% және 16-32% артуымен қатар жүреді. Ливониб препараты мен доцетаксел бірге тағайындалғанда сақ болуға кеңес беріледі.

Басқа препараттармен біріктірілімі

Неомицин

Асқазан-ішек флорасының эрадикациясы үшін қолданылатын жүйелі емес бактерияға қарсы препарат – неомицинді бір мезгілде қабылдау сорафениб экспозициясының төмендеуіне әкеліп, сорафенибтің бауыр-ішектік айналымына әсер етеді. Басқа антибиотиктердің әсерлері зерттелмеді, алайда осы әсерлеріне олардың глюкуронидазалық белсенділігі бар микроорганизмдермен әрекеттесу қабілеті себеп болуы ықтимал.

Арнайы сақтандырулар

Алақан-табандық тері синдромы (алақан-табан эритродизэстезиясы) және бөртпе сорафенибпен емдеу кезінде өте жиі байқалатын жағымсыз құбылыстарға жатады. Бұл реакциялар, әдетте, СТС критерийлері (Ұлттық обыр институтының жалпы уыттылық критерийлері) бойынша 1 немесе 2 ауырлық дәрежесінде болады және сорафенибпен емделген алғашқы алты апта ішінде байқалады.

Терінің уытты реакцияларын емдеуге жергілікті симптоматикалық емді пайдалануға болады. Қажет болса, емдеуді уақытша тоқтату және/немесе Ливониб препаратының дозасын түзету, немесе тері реакциялары ауыр болған немесе қайталанған жағдайларда Ливониб препаратымен емді тоқтату керек.

Артериялық гипертензия

Ливониб препаратымен емдеу кезінде артериялық қысымды жүйелі бақылап отырған жөн, ал қажет болса, оның көтерілуін гипертензияға қарсы стандартты еммен түзету керек. Ауыр немесе тұрақты артериялық гипертензия дамыған жағдайларда немесе гипертониялық криздер болғанда, гипертензияға қарсы талапқа сай ем жүргізілуіне қарамастан, Ливониб препаратымен емдеуді тоқтату мәселесін қарастыру керек.

Аневризмалар және артериялардың жарылуы

Гипертензия бар немесе онсыз пациенттерде VEGF (тамырлар эндотелийінің өсу факторы) тежегіштерін қолдану аневризмалардың түзілуіне және/немесе артериялардың қатпарлануына ықпал етуі мүмкін. Ливониб препаратымен емдеуді бастау алдында осы қауіп анамнезінде гипертензия немесе аневризма сияқты қауіп факторлары бар пациенттерде мұқият қарастырылу керек.

Гипогликемия

Сорафенибпен емдеу кезінде кейбір жағдайларда клиникалық симптоматикалық сипатта болатын және естен танумен байланысты ауруханаға жатқызуды талап ететін қандағы глюкоза деңгейінің төмендеуі хабарланды. Симптоматикалық гипогликемия жағдайында сорафениб қабылдауды уақытша тоқтату керек. Қант диабеті бар пациенттерде диабетке қарсы дәрілік заттың дозасын түзету қажеттілігінің бар-жоғын анықтау үшін қандағы глюкоза деңгейін жүйелі тексеріп отыру керек.

Қан кетулер

Ливониб препараты қан кетулер қаупін арттыруы мүмкін. Медициналық араласуды талап ететін кез келген қан кету туындағанда сорафенибпен емдеуді тоқтату мәселесін қарастыру ұсынылады.

Миокард ишемиясы және/немесе миокард инфарктісі

Ишемия және/немесе миокард инфарктісі туындағанда Ливониб препаратымен емді уақытша тоқтата тұру немесе тоқтату керек. 

QT аралығының ұзаруы

Сорафенибті қолданған кезде QT/QTc аралығының ұзаруы байқалды, ол қарыншалық аритмиялар жиілігінің артуына әкелуі мүмкін. Сондықтан, QTс аралығының, оның ішінде туа біткен сипатта ұзаруы бар пациенттерде немесе QT аралығының ұзаруын дамытатын алғышарттар болғанда; антрациклинді препараттардың жинақталған жоғары дозаларымен емдегенде; аритмияға қарсы белгілі бір препараттарды немесе QT аралығының ұзаруына әкелуі мүмкін басқа препараттарды қабылдағанда; гипокалиемия, гипокальциемия, гипомагнезиемия сияқты электролиттік бұзылулар болғанда Ливониб препаратын сақтықпен қолдану керек. Мұндайда пациенттерде мезгіл-мезгіл электрокардиография жасау және қан электролиттерінің (магний, калий, кальций) деңгейін анықтау керек.

Асқазан-ішек жолының (АІЖ) тесілуі

АІЖ тесілуі пайда болғанда Ливониб препаратымен емді тоқтату керек.

Бауыр функциясының бұзылуы

Сорафениб организмнен көбінесе бауыр арқылы шығарылатындықтан, бауыр функциясының ауыр бұзылулары бар пациенттерде препараттың экспозициясы жоғарылауы мүмкін.

Варфаринмен бірге қабылдау

Варфарин мен сорафенибті бірге тағайындаған кезде кейбір пациенттерде қан кетудің жиі емес көріністері немесе ХҚҚ көрсеткішінің жоғарылауы білінді. Варфарин немесе фенпрокумон және сорафениб бірге тағайындалғанда протромбин уақытының, ХҚҚ көрсеткіштеріне, қан кетудің клиникалық белгілеріне жүйелі мониторинг қажет.

Жаралардың жазылуы

Ауқымды хирургиялық араласулар жасалған жағдайда алдын ала сақтану мақсатында Ливониб препаратымен емді уақытша тоқтату ұсынылады. Ауқымды хирургиялық араласудан кейін сорафенибпен емдеуді қайта бастау уақытына қатысты клиникалық тәжірибе шектеулі. Осыған байланысты, ауқымды хирургиялық араласулардан кейін препаратпен емдеуді жаңғырту шешімі жарақат жазылуының талапқа сай болуына берілетін клиникалық бағаға негізделуі тиіс.

Егде жастағы пациенттер

Бүйрек жеткіліксіздігі жағдайлары туралы хабарланды. Аталған пациенттерде бүйрек функциясына мониторинг өткізу қажеттілігі туралы мәселені қарастыру керек.

Ливониб препаратын негізінен UGT1A1 (мысалы, иринотекан) немесе UGT1A9 қатысуымен метаболизденетін/шығарылатын препараттармен бір мезгілде тағайындағанда сақ болу керек.

Сорафениб пен доцетаксел бір мезгілде тағайындалғанда сақтық шарасын қадағалау керек.

Неомицинді немесе асқазан-ішек жолы микрофлорасының елеулі дәрежеде бұзылуларын туындататын басқа антибиотиктерді бір мезгілде қолдану сорафениб биожетімділігінің төмендеуіне әкелуі мүмкін. Антибиотиктермен емдеу курсын бастар алдында қан плазмасында сорафениб концентрациясының төмендеу қаупіне назар аудару керек.

Нақты аурулар туралы ескертулер

Дифференциацияланған қалқанша без обыры

Емді бастар алдында дәрігерге әр жекелеген пациентте зақымданудың ең ауқымды көлемін, аурумен байланысты симптомдарды және үдеу жылдамдығын ескере отырып, аурудың болжануын мұқият бағалау ұсынылады.

Күмән тудырған жағымсыз реакцияларды емдеу Ливониб препаратын уақытша тоқтатуды немесе дозасын азайтуды талап етуі мүмкін.

Препарат дозасын азайту жағымсыз реакциялардың көрінісін ішінара ғана жұмсартты. Демек, ісікке қарсы белсенділігі мен жағымдылығын ескере отырып, пайда/қауіп арақатынасына қайта бағалау жүргізу ұсынылады.

Дифференциацияланған қалқанша без обыры кезіндегі қан кетулер

Дифференциацияланған қалқанша без обыры бар пациенттерде ықтимал қан кету қаупін ескере отырып, Ливониб препаратын тағайындау алдында трахея, бронх және өңештің ісік инфильтраттарына жергілікті ем жүргізген жөн.

Дифференциацияланған қалқанша без обыры кезіндегі гипокальциемия

Дифференциацияланған қалқанша без обыры бар пациенттерде Ливониб препаратын қолданғанда қандағы кальций деңгейін бақылап отыру ұсынылады.

QT аралығының ұзаруы немесе қарыншалық аритмия сияқты асқынуларды болдырмау үшін ауыр гипокальциемияны жоққа шығару қажет («QT аралығының ұзаруы» тармағын қараңыз).

Дифференциацияланған қалқанша без обыры кезіндегі тиреотропты гормон супрессиясы

ТТГ > 0,5мБ/л жоғарылаған пациенттерде Ливониб препаратын қолданған кезде оның деңгейін бақылау керек.

Бүйрек-жасушалық обыр

Бұл пациенттерде пайда/қауіп арақатынасына баға берілген жоқ.

Қосымша заттар туралы ақпарат

Ливониб препаратының құрамында 1 таблеткада 82,5 мг натрий кроскармеллозасы және натрий лаурилсульфаты бар. Осы мөлшердің негізінде, препарат «натрийден бос» деп санауға болады.

Жүктілік немесе лактация кезінде

Сорафенибті жүкті әйелдерде қолдану туралы деректер жоқ. Сорафенибті шұғыл қажеттілік болмаса қолданбау керек және анасы үшін пайдасы мен щарана үшін қауіптерін мұқият бағалағаннан кейін ғана қолданылады.

Бала туу әлеуеті бар әйелдер емделу кезінде контрацепцияның тиімді әдістерін пайдалануға тиіс.

Сорафенибтің емшек сүтімен бөлінетіні белгісіз. Сорафениб баланың өсуі мен дамуына ықпал етуі мүмкін болғандықтан, Ливониб препаратымен ем кезеңінде әйелдер емшек емізуден бас тартуы керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Автокөлікті басқару қабілетіне ықпалы жөнінде зерттеулер жүргізілген жоқ. Сорафенибтің автокөлікті немесе қауіптілігі зор механизмдерді басқару қабілетіне ықпалы жөнінде дәлелдер жоқ.

Қолдану жөніндегі нұсқаулар

Дозалану режимі

Ливониб препаратын ісікке қарсы ем тағайындау тәжірибесі бар дәрігерлер тағайындауы тиіс.

Ливониб препаратының ұсынылатын тәуліктік дозасы 800 мг құрайды. Тәуліктік доза екі рет қабылдауға (тәулігіне 2 рет 2 таблеткадан) тағайындалады. Емдеуді препараттың клиникалық тиімділігі сақталып тұратын кезге дейін немесе оның қолайсыз уытты әсерінің білінуіне дейін жалғастырады.

Дозаны түзету

Болжамды жағымсыз реакциялардың дамуы Ливониб препаратын қабылдауды уақытша тоқтатуды және/немесе дозасын азайтуды қажет етуі мүмкін.

Егер гепатоцеллюлярлы карциноманы (ГЦК) және үдемелі бүйрек-жасушалық карциноманы (РЦК) емдеу кезінде дозаны азайту қажет болса, Ливониб препаратының дозасын күніне 400 мг дейін (күніне 1 рет 2 таблетка) төмендету керек.

Егер қалқанша бездің дифференциацияланған карциномасын емдеу кезінде дозаны азайту қажет болса, Ливониб препаратының дозасын күніне 600 мг дейін төмендетіп, қабылдауды 2 бөлікке бөлу керек (200 мг-ден 2 таблетка қабылдау және 12 сағаттан кейін қосымша тағы бір 200 мг таблетканы қабылдау).

Егер Ливониб препаратының дозасын қосымша төмендету қажет болса, оны 2 қабылдауға бөліп, күніне 400 мг дейін төмендетуге болады (қабылдау арасындағы 12 сағат аралықпен күніне 2 рет 1 таблеткадан), қажет болса, күніне 1 таблеткаға (200 мг) дейін қосымша төмендетуге болады. Жағымсыз реакциялардың айқындылығы азайғаннан кейін, гематологиялық реакцияларды қоспағанда, Ливониб препаратының дозасын арттыруға болады.

Пациенттердің ерекше топтары

Балалар

Балаларда және 18 жасқа толмаған жасөспірімдерде тиімділігі мен қауіпсіздігі анықталмады. Қолжетімді деректер жоқ.

Егде жастағы пациенттер

Препарат дозасын жас шамасына қарай (65 жастан асқандарда) түзету қажет емес.

Бүйрек жеткіліксіздігі бар пациенттер

Бүйрек функциясының жеңіл, орташа немесе ауыр бұзылуларында Ливониб препаратының дозасын түзету қажет емес.

Диализді қажет ететін пациенттер туралы деректер жоқ.

Бүйрек дисфункциясының даму қаупі бар пациенттерде су-электролиттік теңгерімге жүйелі бақылау жүргізу ұсынылады.

Бауыр жеткіліксіздігі бар пациенттер

Чайлд-Пью шкаласы бойынша А және В класындағы (жеңілден орташа дәрежеге дейін) бауыр жеткіліксіздігі бар пациенттерге дозаны түзету қажет емес. Чайлд-Пью шкаласы бойынша С класындағы бауыр функциясының бұзылуы бар пациенттерде сорафенибті қабылдау зерттелген жоқ.

Енгізу әдісі және жолы

Пероральді.

Препаратты ашқарында немесе май мөлшері төмен немесе орташа тамақпен бірге, не болмаса тамақтан кемінде 1 сағат бұрын немесе 2 сағат өткеннен кейін қабылдау керек.

Таблеткаларды бір стақан сумен жұту керек.

Артық дозалану жағдайында қабылдау қажет болатын шаралар

Сорафенибтің артық дозалануы кезіндегі спецификалық антидоты жоқ. Сорафенибтің ең жоғары, клиникалық тұрғыда зерттелген дозасы күніне екі рет 800 мг құрайды. Осы дозаны қолдану кезінде байқалған жағымсыз құбылыстар негізінен диареямен және дерматологиялық жағдайлармен қатар жүрді. Артық дозалануына күдіктенген жағдайда, сорафенибті қабылдауды тоқтату және, қажет болса, демеуші ем тағайындау керек.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Сорафенибтің ең күрделі жағымсыз әсерлері миокард инфарктісін/ишемияны, асқазан-ішек жолының тесілуін, дәріден болатын гепатит, қан кету мен гипертониялық кризді қамтиды.

Сорафенибтің ең жиі жағымсыз әсерлері диарея, қажу, алопеция, инфекциялар және алақан-табандық тері реакциясын, бөртпені қамтиды.

Көптеген клиникалық зерттеулерде немесе тіркеуден кейінгі қолдану кезінде байқалған жағымсыз реакциялар төменде тізбеленген.

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100 - ˂ 1/10 дейін), жиі емес (≥1/1000 - ˂ 1/100 дейін), сирек (≥ 1/10000 - ˂ 1/1000 дейін), өте сирек (˂1/10000), белгісіз (қолда бар деректер негізінде бағалау мүмкін емес).

Өте жиі

- инфекциялар

- лимфопения

- анорексия, гипофосфатемия

- қан кетулер (оның ішінде АІЖ-нан, тыныс жолдарынан қан кетулер және миға қан құйылу), артериялық гипертензия

- жүрек айну, құсу, диарея, іш қату

- терінің құрғауы, бөртпе, алопеция, алақан-табандық тері реакциясы, эритема, қышыну

- артралгия

- қатты қажу, әртүрлі жерде орналасқан ауырсыну синдромы (оның ішінде ауыз қуысының ауыруы, іштің ауыруы, ісік аумағының ауыруы, бас ауырулары, сүйектердің ауыруы), қызба

- дене салмағының төмендеуі, қан плазмасында липаза мен амилаза деңгейінің жоғарылауы

Жиі

- фолликулит

- лейкопения, нейтропения, анемия, тромбоцитопения

- гипотиреоз

- гипокальцемия, гипокалиемия, гипонатриемия, гипогликемия

- депрессия

- шеткері сенсорлық нейропатия, дисгевзия

- құлақтың шыңылдауы

- жүректің іркілісті жеткіліксіздігі, ишемия және миокард инфарктісі

- қан кернеулер

- ринорея, дисфония

- стоматит (оның ішінде ауыздың құрғауы, глоссодиния), диспепсия, дисфагия, гастроэзофагеальді рефлюкс

- кератоакантома/жалпақ жасушалы тері обыры, эксфолиативті дерматит,

акне, терінің қабыршақтануы, гиперкератоз

- миалгиялар, бұлшықеттердің түйілуі

- протеинурия, бүйрек жеткіліксіздігі

- эректильді дисфункция

- астениялық синдром, тұмау тәрізді синдром, шырышты қабықтар қабынуы

- қан плазмасында трансаминазалар деңгейінің транзиторлы жоғарылауы

Жиі емес

- анафилаксиялық реакциялар, аса жоғары сезімталдық реакциялары (оның ішінде тері реакциялары және есекжем)

- гипертиреоз

- дегидратация

- қайтымды артқы лейкоэнцефалопатия

- гипертониялық криз

- өкпенің интерстициальді ауруларына ұқсас құбылыстар (пневмонит, сәулелік пневмонит, жедел респираторлық дистресс-синдром)

- панкреатит, гастрит, асқазан-ішек жолының тесілуі

- билирубин деңгейінің жоғарылауы, сарғаю, холецистит, холангит

- экзема, мультиформалы эритема

- гинекомастия

- қандағы сілтілі фосфатаза деңгейінің транзиторлы жоғарылауы, протромбин деңгейінің және ХҚҚ мәндерінің қалыптан ауытқуы

Сирек

- ангионевроздық ісіну

- QT аралығының ұзаруы

- дәріден болатын гепатит

- қайталанатын сәулелік дерматит, Стивен-Джонсон синдромы, лейкоцитокластық васкулит, уытты эпидемалық некролиз

- рабдомиолиз

- нефроздық синдром

Белгісіз (қолда бар деректер негізінде бағалау мүмкін емес)

- энцефалопатия

- аневризмалар және артериялардың жарылуы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Үлбірлі қабықпен қапталған бір таблетканың құрамында:

белсенді зат - сорафениб тозилаты 200.00 мг сорафенибке баламалы;

қосымша заттар: микрокристалды целлюлоза (Авицел РН 101), натрий кроскармеллозасы, гипромеллоза 50 срs, натрий лаурилсульфаты (Kolliphor fine), натрий кроскармеллозасы, магний стеараты.

Үлбірлі қабық: Опадрай қоңыр (03F565212): гипромеллоза, титанның қостотығы (Е 171), макрогол/полиэтиленгликоль, темірдің қызыл тотығы (Е 172).

Сыртқы түрінің, иісінің, дәмінің сипаттамасы

Дөңгелек пішінді, бір жағында «ВАЗ» өрнегі бар және екінші жағы тегіс, қызыл түсті үлбірлі қабықпен қапталған таблеткалар.

Шығарылу түрі және қаптамасы

30 немесе 120 таблеткадан тығыздығы жоғары полиэтиленнен жасалған құтыға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

BDR Pharmaceuticals International Pvt. Ltd.,

R.S. No: 578, Near Effluent Channel Road, Village: Luna,

Taluka: Padra, District: Vadodara – 391 440, Үндістан.

Тел. +91 22 4056 0560, bdrpharma@vsnl.com

Тіркеу куәлігінің ұстаушысы

BDR Pharmaceuticals International Pvt. Ltd.,

R.S. No: 578, Near Effluent Channel Road, Village: Luna,

Taluka: Padra, District: Vadodara – 391 440, Үндістан.

Тел. +91 22 4056 0560, bdrpharma@vsnl.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан Республикасы, 050043, Алматы қ., Мирас ықшам ауданы, 157, блок 2, т.е. 819. Тел. (727) 311-81-96/97, электронды пошта: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Канумуру И. Г., Қазақстан Республикасы, 050043, Алматы қ., Мирас ықшам ауданы 157, блок 2, т.е. 819. Тел. (727) 311-81-96/97, ұялы. +77479911904, электронды пошта: irina.volovnikova@gmail.com