Летродэй (Летрозол)

Летродэй

Летрозол

Дәрілік түрі, дозалануы

Үлбірлі қабықпен қапталған таблеткалар, 2.5 мг

Антинеопластикалық және иммуномодуляциялайтын препараттар. Эндокриндік ем. Гормондар антагонистері және олардың аналогтары. Ароматаза тежегіштері. Летрозол.

АТХ коды L02BG04

• cүт безінің ерте гормон-оң инвазиялық обыры бар, менопаузадан кейінгі әйелдерде cүт безінің обырын адъюванттық емдеуде

• тамоксифенмен 5 жыл бойы алдын ала стандартты адъюванттық ем қабылдаған, менопаузадан кейінгі әйелдерде сүт бездерінің ерте гормон-оң инвазиялық обырында адъюванттық емді жалғастыру

• сүт безінің гормон-оң обыры бар менопаузадан кейінгі әйелдерде бірінші желілі емде.

• оның алдында антиэстрогендермен емделген, менопаузадан кейінгі әйелдерде қайталанудан немесе үдеуден кейінгі сүт безінің таралған обырында (табиғи немесе жасанды түрде туындаған)

• химиялық ем қолайсыз болған және шұғыл операциялық араласым көрсетілмеген жағдайда сүт безінің гормон-оң, HER-2 теріс обыры бар менопаузадан кейінгі әйелдердің адъюванттық емес емінде

Құрамында гормональді рецепторлары жоқ сүт безінің обыры бар пациенттерге препараттың тиімділігі көрсетілген жоқ.

Дәрілік препаратты қолданудың басталуына дейінгі қажетті мәліметтер тізбесі

- белсенді затқа немесе «Құрамы» бөлімінде атап көрсетілген қосымша заттарының кез келгеніне аса жоғары сезімталдық

- пременопаузаға тән эндокриндік статус

- жүктілік және лактация кезеңі

- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Басқа дәрілік препараттармен өзара әрекеттесуі

Летрозол CYP2A6 және CYP3A4 изоферменттерінің әсерімен елеулі дәрежеде метаболизмге ұшырайды. Циметидин CYP450 цитохромдарының спецификалық емес, әлсіз тежегіші ретінде плазмадағы летрозолдың деңгейіне әсер еткен жоқ. CYP450 цитохромдарының күшті тежегіштерінің әсері белгісіз.

Летрозолды ісікке қарсы басқа препараттармен бірге қолданудың клиникалық тәжірибесі қазіргі уақытта жоқ.

Летродэй препаратының басқа жиі қолданылатын препараттармен клиникалық тұрғыдан маңызды өзара әрекеттесулер байқалған жоқ.

Тамоксифен, басқа антиэстрогендер немесе құрамында эстрогендер бар препараттар, летрозолдың фармакологиялық белсенділігін төмендетуі мүмкін. Одан басқа,тамоксифенді летрозолмен біріктіру плазмадағы летрозолдың деңгейін айтарлықтай төмендетеді. Осылайша, летрозолдың тамоксифенмен, басқа анти-эстрогендермен немесе эстрогенді препараттармен біріктірілімінен аулақ болу керек.

In vitro летрозол Р450 2А6 және 2С19 цитохромы изоферменттерінің белсенділігін басады (соңғысын – орташа), алайда мұның клиникалық маңыздылығы белгісіз. Сондықтан, летрозолды метаболизмі негізінен осы изоферменттерге тәуелді және емдік индексі тар препараттармен (мысалы, фенитоин, клопидогрел) бірге қолданғанда сақтық шараларын сақтау керек.

Арнайы сақтандырулар

Менопауза статусы

Постменопаузадағы статусы анықталмаған пациент әйелдерде емді бастағанға дейін менопауза статусын нақты анықтау мақсатында ЛГ, ФСГ және/немесе эстрадиол деңгейлерін анықтаған жөн. Летродэйді постменопаузадағы эндокриндік статусы бар пациенттерге ғана тағайындауға болады.

Бүйрек функциясының бұзылуы

Летродэй креатинин клиренсі 10 мл/мин төмен пациент әйелдердің жеткілікті санында зерттелген жоқ. Мұндай пациент әйелдерде емдеуден күтілетін пайдасы мен әлеуетті қаупінің арақатынасын мұқият екшеген жөн.

Бауыр функциясының бұзылуы

Бауырдың ауыр жеткіліксіздігі бар пациенттерде (бауыр циррозы және Child-Pugh бойынша С класы) летрозолдың жүйелі экспозициясы және жартылай шығарылуының ақырғы кезеңі дені сау адамдағыға қарағанда шамамен 2 есе ұзақ. Сондықтан, мұндай пациенттерде Летродэйді абайлап және қауіп/пайда арақатынасына мұқият баға берілгеннен кейін қолданған жөн.

Сүйек тініне әсері

Летродэй эстрогендер деңгейін төмендететін күшті препарат болып табылады.

Остеопорозы бар және/немесе анамнезінде сыну болған немесе остеопороз қаупі жоғары әйелдерде адъювантты немесе ұзақ адъювантты емді бастағанға дейін сүйек денситометриясы жолымен сүйегінің минералды тығыздығына мұқият баға беру қажет. Летродэй препаратын қабылдау кезінде және қабылдағаннан кейін остеопороздың дамуын бақылаған жөн. Пациенттің қауіпсіздік бейініне байланысты адъювантты емде бірізді емдеу сызбасын қолдану мүмкіндігін қарастыруға болады (2 жыл летрозол, одан кейін 3 жыл тамоксифен).

Тендинит және сіңірдің үзілуі

Сирек жағдайларда тендиниттің дамуы және сіңірдің үзілуі туралы хабарламалар келіп түскен. Пациенттерге мониторинг қажет, ал сіңірлер зақымданғанда тиісті шараларды қабылдау керек (мысалы, иммобилизация).

Басқа да сақтық шаралары

Летродэй препаратының тамоксифенмен, басқа да анти-этрогендермен немесе құрамында эстроген бар препараттармен біріктірілімдерінен аулақ болу керек, өйткені бұл препарттар летрозолдың фармакологиялық белсенділігін төмендетуі мүмкін.

Летродэй препаратының әр таблеткасында 48,7 мг лактоза моногидраты бар.

Препаратты галактозаға төзімділіктің сирек тұқым қуалаған бұзылулары, лактазаның тұқым қуалаған толық тапшылығы немесе глюкоза-галактозаның сіңбеу синдромы бар пациент әйелдерге тағайындамау керек.

Бір реттік дозадағы натрий мөлшері 1 ммольден (23 мг) аз, препарат натрийден бос деп саналады.

Ұрпақ өрбіту жасындағы және перименопаузалық кезеңдегі әйелдер

Летродэйді постменопауза статусы нақты анықталған пациент әйелдерге ғана тағайындауға болады. Летрозолмен емдеу аясында аналық бездер функциясының қалпына келуі туралы хабарлар бар болғандықтан, емдеудің басында постменопауза статусы белгіленгеніне қарамастан, егер қажет болса, дәрігер контрацепцияның сенімді әдістерін пайдаланудың маңыздылығын пациент әйелмен талқылауға тиіс.

Жүктілік

Дәрігер жүктілік басталуы мүмкін әйелдерге (мысалы, перименопауза жағдайында немесе постменопауза жуықта басталғаннан кейін), постменопаузадағы статус жеткілікті айғақталғанша, Летродэй препаратын енгізер және контрацепцияның жеткілікті шараларын қолданар алдында жүктілікке тест жасау қажеттілігін талқыға салуға тиіс.

Дамудағы ақаулардың бірлі-жарым жағдайлары туралы хабарланды (лабиальді тұтасу, қос жыныстылық). Летродэй жүктілік кезінде қолданылғанда дамудағы ақауларды туғызуы мүмкін. Жануарлардағы тәжірибелік зерттеулер ұрпақ өрбітуге уыттылығын анықтады.

Летродэйді жүктілік кезінде қолдануға болмайды.

Емшек емізу

Летрозол және оның метаболиттері емшек сүтіне бөліне ме, белгісіз. Жаңа туған нәрестелер мен балалар үшін қаупін жоққа шығаруға болмайды.

Летродэйді лактация кезеңінде қолдануға болмайды.

Фертильділік

Летрозолдың фармакологиялық әсері ароматазаны тежеу есебінен эстроген өндірілуін басу болып табылады. Әйелдерде пременопаузада кері байланыс механизмі бойынша эстроген синтезінің басылуы гонадотропин ЛГ және ФСГ деңгейлерін жоғарылатады. Өз кезегінде, ФСГ деңгейінің жоғарылауы фолликулалық өсуді стимуляциялайды және овуляцияны туындатуы мүмкін.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері.

Летрозол көлік құралдарын басқару және қауіптілігі зор әрекет түрлерін орындау қабілетіне елеусіз мөлшерде ықпал етеді. Летрозолды қолдану кезінде сирек жағдайларда қажығыштық, бас айналу, ұйқышылдық байқалды. Осыған байланысты көлік құралдарын және механизмдерді басқарған кезде сақ болу керек.

Қолдану жөніндегі нұсқаулар

Дозалану режимі

Ересектер және егде жастағы пациенттер

Ұсынылатын доза - күн сайын, тәулігіне 2,5 мг. Егде жастағы пациент әйелдерде Летродэйдің дозасын түзету қажет етілмейді.

Сүт безінің таралған немесе метастаздық қатерлі ісігі бар пациенттерде Летродэймен емдеуді аурудың үдеу белгілері пайда болғанша жалғастырады.

Адъювантты және кеңейтілген адъювантты емде Летродэй препаратымен емдеу 5 жыл бойына немесе аурудың қайталануы болғанша жалғастырылуға тиіс.

Адъювантты бірізді емнің тәжірибесі бар (2 жыл бойы летрозол қабылдап, 3 жыл бойы тамоксифенге ауысу).

Адъювантты емес емде ісік көлемінің оңтайлы азаюын анықтау мақсатында Летродэй препаратымен емдеуді 4-тен 8 айға дейін жүргізуге болады. Талапқа сай жауап болмаған жағдайда Летродэй қабылдауды тоқтату, хирургиялық ем тағайындау және пациентпен әрі қарай емдеу мүмкіндіктері туралы кеңесу керек.

Пациенттердің ерекше топтары

Балалар мен жасөспірімдер

Летродэйді балалар мен жасөспірімдерге қолдану ұсынылмайды. Балалар мен 17 жасқа дейінгі жасөспірімдерде препараттың тиімділігі мен қауіпсіздігі әлі анықталған жоқ. Олардың негізінде дозалануына қатысты ұсынымдар жасау мүмкін болмайтын тек шектелген деректер бар.

Бүйрек функциясы бұзылған пациенттерге

Бүйрек жеткіліксіздігі бар және креатинин клиренсі ≥10 мл/мин пациенттерде Летродэйдің дозасын түзету талап етілмейді. Креатинин клиренсі ≥10 мл/мин төмен бүйрек жеткіліксіздігі бар пациенттерді емдеу туралы жеткілікті деректер жоқ.

Бауыр функциясы бұзылған пациенттер

Бауырдың орташа және ауыр дәрежедегі (Чайлд-Пью шкаласы бойынша А немесе B класы) бұзылуы бар пациенттерде Летродэйдің дозасын түзету талап етілмейді. Препаратты бауырдың ауыр бұзылуы бар пациенттерде қолдану жөнінде жеткілікті деректер жоқ. Бауырдың ауыр бұзылуы бар пациенттерді (Чайлд-Пью шкаласы бойынша С класы) мұқият бақылау керек.

Енгізу әдісі және жолы

Летродэйді тамақ ішуге байланыссыз ішке қабылдау керек.

Өткізіп алған дозасын пациент әйел еске түсірген бойда бірден қабылдау керек. Алайда, егер келесі дозаны қабылдау уақыты келіп қалса (2 немесе 3 сағаттың ішінде), өткізіп алған дозаны қабылдамай, препаратты әдеттегі режимде қабылдау керек. Екі есе дозасын қабылдауға болмайды, өйткені ұсынылған 2.5 мг дозадан артық дозаларында жүйелі әсерінің пропорционалды емес жоғарылауы туындауы мүмкін.

Артық дозалану жағдайында қабылдау қажет болатын шаралар

Летрозолмен артық дозалану жағдайлары туралы жекелеген хабарламалар бар.

Емі: спецификалық антидоты белгісіз. Симптоматикалық және демеуші ем жүргізілу көрсетілген.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Әртүрлі жағымсыз әсерлердің пайда болу жиілігіне баға берген кезде мынадай градациялар пайдаланылды: өте жиі (≥10%), жиі (≥ 1%-дан < 10% дейін), жиі емес (≥ 0.1%-дан < 1% дейін), сирек (≥ 0.01%-дан < 0.1% дейін), өте сирек (< 0.01%), жиілігі белгісіз (қолда бар деректермен есептеу мүмкін емес)

Өте жиі

• гиперхолестеринемия

• буындардың ауыруы

• қан құйылулар

• гипергидроз

• қатты қажығыштық (соның ішінде астения және дімкәстік)

Жиі

• артериялық гипертензия

• жүректің айнуы, құсу, диспепсия, іш қату, диарея, абдоминальді ауыру

• тәбеттің нашарлауы, тәбеттің артуы, дене салмағының артуы

• бас ауыру, бас айналу, вертиго

• алопеция, терінің құрғауы, бөртпе (соның ішінде эритематозды, дақты-папулезді, псориазға ұқсас және везикулярлы бөртпе)

• миалгия, сүйектердің ауыруы, остеопороз, сүйектердің сынулары, артриттер, арқаның ауыруы, кеуденің ауыруы

• жүрек қағуының жиілеуі

• әлсіздік

• депрессия

• шеткері ісінулер

• қынаптық қан кетулер

Кейде

• лейкопения

• тахикардия, жүрек-қантамырлық ишемиялық асқынулар (соның ішінде стенокардия ұстамаларының пайда болуы немесе өршуі), хирургиялық араласымды керек ететін стенокардия, миокард инфарктісі, миокард ишемиясы)

• тромбофлебит (соның ішінде беткейлік және терең веналардың)

• ісік ошақтарындағы ауыру (метастаздары бар пациенттер)

• мазасыздық (соның ішінде күйгелектік), ашушаңдық

• ұйқышылдық, ұйқысыздық, жадының нашарлауы, дизестезия (соның ішінде парестезия, гипестезия), дәм сезімінің бұзылуы, ми қан айналымының қатты бұзылуы, білезік өзегінің синдромы

• ентігу, жөтел

• стоматит, ауыз ішінің құрғауы

• бауыр ферменттері деңгейлерінің жоғарылауы, гипербилирубинемия, сарғаю

• несеп жүйесінің инфекциялары, поллакиурия

• қынаптық қан кетулер, вульвовагинальді құрғақтық, сүт бездерінің ауыруы

• катаракта, көздің тітіркенуі, көрудің бұлдырауы

• қышыну, есекжем

• жайылған ісінулер, температураның жоғарылауы, шырышты қабықтардың құрғауы, шөлдеу

• салмақтың жоғалуы

Сирек

• өкпелік эмболия, артериялық тромбоз, цереброваскулярлық инфаркт

Өте сирек

• гепатит

Жиілігі белгісіз

• анафилаксиялық реакциялар

• ангионевроздық ісіну, уытты эпидермалық некролиз, мультиформалы эритема

• триггерлік саусақ

Адъювантты емдеуде пациенттер летрозолды және тамоксифенді орта есеппен 5 жыл бойы қабылдаған кезде, сәйкесінше, хирургиялық араласымды керек ететін стенокардия (1.0%, – 1.0%-бен салыстырғанда), жүрек жеткіліксіздігі (1.1%, – 0.6%-бен салыстырғанда), артериялық гипертензия (5.6%, – 5.7%-бен салыстырғанда), ишемиялық инсульт/ми қан айналымының транзиторлық бұзылулары (2.1%, – 1.9%-бен салыстырғанда) сияқты жағымсыз реакциялар білінді.

Кеңейтілген адъюванттық емдеуде летрозол препаратымен орта есеппен 5 жыл бойы және плацебомен 3 жыл бойы ем жүргізгенде, сәйкесінше, хирургиялық араласымды керек ететін стенокардия (0.8%, – 0.6%-бен салыстырғанда), алғаш диагностикаланған стенокардия немесе оның барысының нашарлауы (1.4%, –– 1.0%-бен салыстырғанда), миокард инфарктісі (1.0%, – 0.7%-бен салыстырғанда), тромбоэмболиялық бұзылулар (0.9%, – 0.3%-бен салыстырғанда), ишемиялық инсульт/ ми қан айналымының транзиторлық бұзылулары (1.5%, – 0.8%-бен салыстырғанда) сияқты жағымсыз реакциялар білінді.

Кеңейтілген адъюванттық емдеуде летрозол қабылдаған пациенттерде, плацебо қабылдаған пациенттерге (сәйкесінше, 5.8% және 6.4%) қарағанда, сүйектердің сынуы және остеопороз (пациенттердің 10.4%-да сүйектердің сынулары, 12.2%-да остеопороз) үлкен дәрежеде байқалды. Плацебомен 3 жыл емдеумен салыстырғанда, летрозолмен емдеудің орташа ұзақтығы 5 жылды құрады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат – 2.50 мг летрозол,

қосымша заттар: лактоза моногидраты, микрокристалды целлюлоза (101 класы), натрий крахмалы гликоляты (А типі), тазартылған су, жүгері крахмалы, коллоидты сусыз кремнийдің қостотығы, магний стеараты,

Опадрай сары қабығы 03F520312: гипромеллоза, тальк, титанның қостотығы (Е171), темірдің сары тотығы (Е172), макрогол/ полиэтиленгликоль; тазартылған су.

Сыртқы түрінің, иісінің, дәмінің сипаттамасы

Дөңгелек пішінді, екі жағы аздап дөңес, шеті қиғашталған, қошқыл-сары түсті үлбірлі қабықпен қапталған, бір жағында “L2.5” жазуы бар және екінші жағы тегіс таблеткалар.

Шығарылу түрі және қаптамасы

30 таблеткадан тығыздығы жоғары полиэтилен контейнерге салынған.

Контейнерге өздігінен желімденетін заттаңба және медициналық қолдану жөніндегі қазақ және орыс тілдеріндегі нұсқаулық бекітілген.

2 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші және тіркеу куәлігінің ұстаушысы туралы мәліметтер

Eugia Pharma Specialities Limited

Sy No. 550, 551 and 552, Kolthur Village/Колтур Виллидж, Shamirpet Mandal, Medchal-Malkajgiri District, Telangana, Үндістан.

Тел. +91 04030848000, e-mail: info@aurobindo.com

Тіркеу куәлігінің ұстаушысы туралы мәліметтер

Eugia Pharma Specialities Limited

Plot No.2, Maithrivihar, Ameerpet,

Hyderabad/Хайдерабад - 500 038, Telangana, Үндістан.

Тел. +914066725000/1200, +914023736370, факс +914067074059, +914023747340, e-mail: info@aurobindo.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан, 050043, Алматы қ., Мирас ықшам ауд., 157, т.е.ү. 819.

Тел. (727) 311-81-96/97, e-mail: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Канумуру И. Г., Қазақстан, 050043, Алматы қ., Мирас ықшам ауд., 157, т.е.ү. 819.

Тел. (727) 311-81-96/97, +77479911904, e-mail: irina.volovnikova@gmail.com