Левофта Уно

Левофта Уно

Левокабастин

Дәрілік түрі, дозалануы

0,05 % көзге тамызатын дәрі

Сезім мүшелері. Офтальмологиялық препараттар. Деконгестанттар және аллергияға қарсы препараттар. Аллергияға қарсы басқа препараттар. Левокабастин.

АТХ коды S01GX02

Аллергиялық конъюнктивит

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне жоғары сезімталдық

- жүктілік және лактация кезеңі

- 12 жасқа дейінгі балалар

- жұмсақ жанаспалы линза тағу.

Қолдану кезінде қажетті сақтық шаралары

Инъекция жолымен енгізуге болмайды.

Жанаспалы линзаларды препаратты тамызар алдында алып тастау керек.

Егер көздің ауыруы, көрудің өзгеруі пайда болса, қызару немесе тітіркену кетпесе, жағдай жақсармаса немесе нашарласа немесе жаңа симптомдар пайда болса, препаратты қолдануды тоқтатып, дәрігерге қаралу керек.

Басқа дәрілік препараттармен өзара әрекеттесуі

Басқа офтальмологиялық препараттармен бірге қолданар алдында дәрігермен кеңесіңіз.

Арнайы сақтандырулар

Жүктілік

Препараттың адамның организміне әсері туралы мәліметтер жоқ. Жүйелі қан ағымына өтетін өнімнің елеусіз мөлшерін, сондай-ақ жануарларға жүргізілген зерттеулерде эмбриоуытты немесе тератогендік әсерлердің табылмағандығын ескере отырып, препаратты жүктілік кезінде қолдануға сақтық шаралары сақталған жағдайда рұқсат етіледі.

Емшек емізу

Деректердің болмауына байланысты препаратты лактация кезеңінде пайдалану ұсынылмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Тамызған кезде пациенттің автомобильді жүргізу қабілетіне уақытша әсер етуі мүмкін және аздап тітіркенудің салдарынан көру қабілетінің бұзылуы мүмкін. Бұл жағдайда көлік жүргізуге немесе механизмдермен жұмыс жасамас бұрын көру қалыпты жағдайға жеткенше күту ұсынылады.

Қолдану жөніндегі нұсқаулар

Дозалану режимі

Ұсынылатын доза: әрбір көзге 1 тамшыдан күніне 2 рет.

Қажет болса, дозаны арттыруға болады: 1 тамшыдан күніне 3-4 рет.

5 күн ішінде әсері болмаған жағдайда препаратты тоқтатып, дәрігерге көріну керек.

Пациенттердің ерекше топтары

Балалар

12 жастан асқан балаларда қолдануға болады.

Енгізу әдісі және жолы

Конъюнктивалық қалтаға тамызу үшін.

Бір дозалы құтыны бөліп алып, құтының жоғарғы ұштығын бұрап алу керек.

Басыңызды сәл артқа шалқайтыңызз, төменгі қабақты бос қолдың саусағымен төмен қарай тартыңыз. Құтыны мүмкіндігінше тік ұстап, ұштығын төмен қаратып, көзге қарай бір тамшыны абайлап сығу керек. Ерітіндінің ластануына жол бермеу үшін құтының ұштығының көзбен жанасуына немесе саусақтармен жанасуына жол бермеңіз.

Артық дозалану жағдайында қабылдау қажет болатын шаралар

Симптомдары: нұсқаулыққа сәйкес қолданған кезде артық дозаланудың пайда болу қаупі барынша аз, алайда кездейсоқ артық дозаланудан кейін седация болуы жоққа шығарылмайды

Емі: көзді стерильді физиологиялық ерітіндімен мұқият шаю керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Жиі

- көздің шырышты қабығының тітіркенуі (ауыруы, шаншуы, күйдіріп ашуы), көрудің бұзылуы

Жиі емес

- қабақтың ісінуі

Өте сирек

- конъюктивит, көздің ісінуі, қабақтың қабынуы, көз гиперемиясы, жас ағу.

Өте сирек жағдайларда, фосфатты көзге тамызатын дәрілерді қолданғаннан кейін, мөлдір қабықтың елеулі зақымдануы бар кейбір пациенттерде мөлдір қабықтың кальцификациясы туралы хабарланды.

- көздің қызаруын, көздің қышынуын қоса, қолдану орнындағы реакция.

- ангионевроздық ісіну, аса жоғары сезімталдық реакциясы

- жанаспалы дерматит, есекжем

- бас ауыруы.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл препараттың құрамында

белсенді зат - 0,543 мг левокабастин гидрохлориді (0,5 мг левокабастинге баламалы)

қосымша заттар: гидроксипропилбетадекс, натрий дигидрофосфаты дигидраты, динатрий фосфаты додекагидраты, натрий хлориді, тазартылған су

Сыртқы түрінің, иісінің, дәмінің сипаттамасы

Мөлдір, түссіз ерітінді.

Шығарылу түрі және қаптамасы

0.3 мл препараттан тығыздығы төмен полиэтиленнен жасалған бір дозалы құтыда. Бір дозалы 10 құтыдан бір-біріне дәнекерлейді және пішінді ұяшықсыз қаптамаға салады.

1 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Лаборатория Шовен

Zone Industrielle Ripotier Haut, 07200 Обена, Франция

Тел./ факс: 33 (0) 475 35 66 00

Электронды пошта: office.ru@bauschhealth.com

Тіркеу куәлігінің ұстаушысы

«Бауш Хелс» ЖШҚ

Ресей Федерациясы, 115162, Мәскеу қ., Шаболовка к-сі, 31-үй, 5 құр.,

Тел./ факс: +7 495 510 2879

Электронды пошта: office.ru@bauschhealth.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бауш Хелс» ЖШС

Алматы қ, A26T9G0, Алматы қ, Қажы Мұқан к-сі, 22/5

Телефон + 7 727 3 111 516, факс +7 727 3 111 517