ЛаВенум®

МНН: Гепарин натрия
Производитель: Биосинтез ОАО
Анатомо-терапевтическо-химическая классификация: Гепарин в комбинации с другими препаратами
Номер регистрации в РК: № РК-ЛС-5№017385
Информация о регистрации в РК: 05.07.2016 - 05.07.2021

Инструкция

Саудалық атауы

ЛаВенум®

Халықаралық патенттелмеген атауы

Натрий гепарині

Дәрілік түрі

Сыртқа қолдануға арналған 1000 ХБ/г 30 г гель

Құрамы

100 г гель құрамында

белсенді зат100000 ХБ натрий гепарині,

қосымша заттар: метилпарагидроксибензоат (нипагин немесе метилпарабен), этанол (ректификацияланған этил спирті, «Экстра» маркасы), карбомер (карбопол), троламин (триэтаноламин), лаванданың эфир майы, 100 г дейін тазартылған су

Сипаттамасы

Түссіз немесе сарғыш реңді өзіне тән иісі бар гель

Фармакотерапиялық тобы

Құрамында гепарин бар жергілікті қолдануға арналған препараттар. Гепарин.

АТХ коды С05ВА03

Фармакологиялық қасиеттері

Фармакокинетикасы

ЛаВенум® зақымданбаған тері және шырышты қабықтар арқылы нашар өтеді, соның салдарынан препараттың іс жүзінде жүйелік кері сіңірілу әсері болмайды.

ЛаВенум® сіңірілгеннен кейін бауырда (ішінара бауыр гепариназасы ферментімен) және ретикула-эндотелий жүйесінде биоөзгеріске ұшырайды. Плазмадан жартылай шығарылу кезеңі 30-60 минут құрайды.

Фармакодинамикасы

ЛаВенум® теріге жаққан кезде тромбтардың түзілуін кедергілейді, қабынуға қарсы орташа, экссудатқа қарсы әсер көрсетеді және жергілікті ауыруды басатын әсер иеленеді. Тромбиннің түзілуін бөгейді, гиалуронидаза белсенділігін бәсеңдетеді, қанның фибринолитикалық қасиеттерін белсенділендіреді.

ЛаВенум® тромбқа қарсы әсер етеді және қабыну үдерісін азайтады, микроайналымды жақсартады және тіндік алмасуды белсенділендіреді, осының арқасында гематомалар мен тромбтардың сіңуін және тіндердің ісінуінің азаюын жеделдетеді.

Қолданылуы

- беткейлік көктамырлардың тромбофлебиті

- беткейлік перифлебит

- лимфангит

- беткейлік мастит

- жұмсақ тіндердің оқшауланған инфильтраттары мен ісінулері

- сіңірлер мен буындардың жарақаттары

- жұмсақ тіндер мен буындардың соғылулары

- теріастылық гематома

Қолдану тәсілі және дозалары

Сыртқа.

Гельді зақымданған аймаққа, диаметрі 3-5 см тері аумағына 3-5 см гель есебінен жұқа қабаттап жағады және теріге абайлап ысқылайды.

Қабыну құбылыстары жоғалғанша орта есеппен 3-7 күн аралығында күн сайын тәулігіне 1-3 рет қолданылады. Емдеу курсын ұзағырақ жүргізу мүмкіндігін дәрігер белгілейді.

Жағымсыз әсерлері

Кейде

– терінің аллергиялық реакциялары

– тері гиперемиясы

Препаратты ұсынылатын дозаларда қолданған кезде уытты әсерлері анықталмаған.

Қолдануға болмайтын жағдайлар

- препаратқа аса жоғары сезімталдық

- гель жағу көзделетін жерлердегі терінің ойық жаралы-некроздық, жұқпалану өзгерістері

- тері жабындары бүтіндігінің жарақаттық бұзылуы

- тромбоцитопения

- 18 жасқа дейінгі балалар мен жасөспірімдер

Дәрілермен өзара әрекеттесуі

Сыртқа қолдануға арналған басқа дәрілермен араластыруға болмайды, қабынуға қарсы стероидты емес препараттармен, тетрациклиндермен, гистаминге қарсы дәрілермен бір мезгілде жергілікті тағайындалмайды.

Айрықша нұсқаулар

Сақтықпен: қанағыштыққа бейімділіктің жоғарылауы, тромбоцитопения.

Ашық жараларға, шырышты қабықтарға, іріңді үдерістер болған кезде жағуға болмайды.

Гельді терең көктамырлық тромбозда қолдану ұсынылмайды.

Жүктілік және лактация кезеңі

Препаратты жүктілік кезінде және бала емізу кезеңінде қолдану жөніндегі спецификалық деректер жоқ.

Гепарин плацентарлық бөгет арқылы өтпейді және ана сүтімен шығарылмайды. Жергілікті қолданған кезде гепариннің туа біткен ақаулар дамуына ықпал ететіні туралы деректер жоқ. Бала емізу кезеңінде ЛаВенум® гелін кеуде аймағына жақпаған жөн. Гепарин жүктілік және бала емізу кезеңінде аса қажеттілік жағдайларында, ана үшін пайдасы мен шаранаға төнетін қауіп арақатынасын мұқият бағалаудан кейін ғана қолданылуы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Сипатталмаған.

Артық дозалануы

Гель компоненттері сіңімділігінің төмен болуына байланысты артық дозалану ықтималдығы аз.

Шығарылу түрі және қаптамасы

Сыртқа қолдануға арналған 1000 ХБ/г гель.

30 г-ден алюминий немесе ламинат сықпаларда.

Әрбір сықпа мемлекеттік және орыс тіліндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Синтез» ААҚ, Ресей Федерациясы, «Полло» ЖШҚ тапсырысы бойынша өндірілген, 640008, Қорған қ., Конституция даңғылы, 7.

тел./факс: (3522) 48-16-89

http://www.kurgansintez.ru

Тіркеу куәлігінің ұстаушысы

«ПОЛЛО» ЖШҚ, Ресей Федерациясы

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

«Deсalog» ЖШС, 050050, Қазақстан Республикасы,

Алматы қ., Глазунов к-сі, 41 А-1

тел. 2944221, тел. 8 7017315218

E-mail: deсalog@nur.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Deсalog» ЖШС, 050050, Қазақстан Республикасы,

Алматы қ., Глазунов к-сі, 41 А-1

тел. 2944221, тел. 8 7017315218

E-mail: deсalog@nur.kz

 

Прикрепленные файлы

091526171477976210_ru.doc 55 кб
370693171477977467_kz.doc 57 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники