Ксельжанс®

Ксельжанс®

Тофацитиниб

Дәрілік түрі, дозасы

Үлбірлі қабықпен қапталған 5 мг таблеткалар

Антинеопластикалық және иммуномодуляциялайтын препараттары.

Иммуносупрессанттар. Селективті иммуносупрессанттар. Тофацитиниб.

ATХ коды L04AA29

Қолданылу

Ревматоидты артрит

Ксельжанс® препараты бір немесе бірнеше негізгі ревматизмге қарсы препараттарға жауабы жеткіліксіз немесе олар жақпаған кезде ересек пациенттерде метотрексатпен біріктірілімде (МТТ) ауырлығы орташа немесе ауыр белсенді ревматоидты артритті емдеуге қолданылады. Ксельжансты® МТТ жақпаушылығында немесе МТТ-мен емдеу мақсатқа сай емес болған жағдайда монотерапия түрінде қолдануға болады.

Псориаздық артрит

Ксельжанс® препараты метотрексатпен (МТТ) біріктірілімде  негізгі ревматизмге қарсы препараттарға (НРҚП) жауабы жеткіліксіз немесе олар жақпайтын ересек  пациенттердегі белсенді псориазды артритті емдеу үшін қолданылады.

Қолдануды бастағанға дейін қажетті мәліметтер тізбесі

• белсенді затқа немесе препараттың қосымша заттарының кез келгеніне аса жоғары сезімталдық

• белсенді туберкулез (ТБ), сепсис сияқты күрделі инфекциялар, немесе оппортунистік инфекциялар

• бауыр функциясының ауыр бұзылуы

• жүктілік және лактация кезеңі

• тұқым қуалайтын галактоза жақпаушылығы, Лапп лактаза тапшылығы немесе глюкоза және галактоза мальабсорбциясы синдромы

Қолдану кезінде қажетті сақтық шаралары

Ревматизмге қарсы басқа дәрілік заттармен біріктіріп қолдану

Ксельжанстын® қолдану зерттелген жоқ, ісік некрозы факторының (ІНФ) антагонистері, интерлейкин (ИЛ)-1R антагонистері, ИЛ-6R антагонистері, CD20-ға моноклональді антиденелер, ИЛ-17 антагонистері, ИЛ-12/ИЛ-23 антагонистері, ко-стимуляцияның іріктелген модуляторлары және белсенділігі жоғары иммунодепрессанттар, мысалы азатиоприн, циклоспорин және такролимус сияқты биологиялық негізгі ревматизмге қарсы препараттармен біріктіріп пайдаланудан аулақ болу керек, өйткені иммуносупрессияның күшеюмен одан әрі инфекцияның даму қаупінің арту мүмкіндігі бар.

Ксельжансты® МТТ-мен біріктіріп қолданған кезде, Ксельжанс® препаратын монотерапия түрінде қолданған кездегіге қарағанда жағымсыз құбылыстардың жиілігі жоғарылағаны байқалды.

Ксельжанстын® 4 типтегі фосфодиэстераза тежегіштерімен біріктіріп қолдану зерттелмеді.

Веналық тромбоэмболия (ВТЭ)

Тофацитиниб қабылдаған пациенттерде кейбір жағдайларда өліммен аяқталған өкпе артериясының тромбоэмболиясын (ӨАТЭ), сондай-ақ терең веналардың тромбозын (ТКТ) қоса алғанда, ВТЭ елеулі құбылыстары байқалды. Тофацитинибті қолданған кезде ІНФ тежегіштерін қолданумен салыстырғанда ВТЭ тәуекелінің дозаға тәуелді жоғарылауы байқалды.

Тофацитинибті қолдану көрсеткіштері мен дозалануына қарамастан, ВТЭ қауіп-қатерінің белгілі факторлары бар пациенттерде сақтықпен қолдану керек.

ВТЭ қауіп факторлары анамнезде ВТЭ болуын, пациенттерде ауқымды хирургиялық араласуды, иммобилизацияны, миокард инфарктісін (өткен 3 ай ішінде), жүрек жеткіліксіздігін, біріктірілген гормоналды контрацептивтерді немесе гормон орын басу терапиясын қолдануды, қан ұюының тұқым қуалаушылық бұзылысын және қатерлі ісіктерді қамтиды. Сондай-ақ, жасы, семіздік (ДСИ ≥ 30), диабет, артериялық гипертензия, шылым шегушінің мәртебесі сияқты ВТЭ қауіп-қатерінің қосымша факторларын ескеру қажет. Тофацитинибпен емдеу барысында ВТЭ қауіп-қатерінің өзгеруін талдау үшін пациенттерді қайта бағалауды кезең-кезеңмен жүргізген жөн.

ВТЭ белгілері мен симптомдары бар пациенттерге дереу бағалау жүргізу және дозасына немесе қолдану көрсеткішіне қарамастан, ВТЭ-ға күдік бар пациенттерде тофацитиниб қолдануды тоқтату қажет.

Күрделі инфекциялар

Ксельжанс® препаратын қабылдаған пациенттерде бактериялық, микобактериялық, инвазивті зеңдерден, вирустық немесе басқа шартты-патогенді микроорганизмдерден туындаған күрделі және кейде өліммен аяқталған инфекциялар туралы хабарланды. Оппортунистік инфекциялардың пайда болу қаупі Азия аймақтарында тұратын пациенттерде жоғары. Глюкокортикоид қабылдап жүрген ревматоидты артриті бар пациенттер инфекцияға бейім болуы мүмкін.

Жергілікті инфекцияларды қоса, белсенді инфекциялары бар пациенттерде Ксельжанс® препаратын қолдануды бастамау керек.

Ксельжанс® препаратын тағайындар алдында оны мына пациенттерде қолданудың қауіптері мен пайдасын таразылаған жөн:

• қайталанған инфекциясы бар;

• анамнезінде күрделі немесе оппортунистік инфекциясы бар;

• микоздар бойынша эндемиялық аймақтарда тұратын немесе саяхаттайтындар;

• инфекцияның дамуына бейім болуы мүмкін қатарлас патологиялық жай-күйлері бар;

• 65 жастан асқан.

Ксельжанс® препаратымен емдеу барысында және оны аяқтағаннан кейін пациенттерде инфекция белгілері мен симптомдарының дамуын мұқият бақылау керек. Егер пациентте күрделі инфекция, шартты-патогенді микроорганизмдер туындатқан немесе сепсис дамыса, Ксельжанс® препаратымен емдеуді тоқтата тұру керек. Ксельжанс® препаратымен емдеу кезінде пациентте жаңа инфекция дамығанда иммунитеті әлсіреген пациенттерге сай келетін дереу және толық диагностикалық тексеруден өтуі тиіс; тиісті бактерияға қарсы емді бастау керек, ал пациентке мұқият бақылау жүргізу қажет.

Егде жастағы пациенттер мен қант диабеті бар пациенттер популяцияларында жалпы алғанда инфекция жиілігінің жоғарылығы байқалатындықтан, мұндай пациенттерді емдеген кезде сақтық таныту керек. 65 жастан асқан пациенттерді тофацитинибпен емдеуді тиісті баламалы емдеу әдістері болмаған жағдайда ғана қарастырған жөн.

Инфекцияның даму қаупі лимфопения дәрежесі ұлғайған сайын жоғарылауы мүмкін, және пациентте инфекция дамуының жеке қаупіне баға бергенде лимфоциттер санына көңіл бөлу керек.

Туберкулез

Ксельжанс® препаратымен тағайындар алдында оның мына пациенттердегі қауіптері мен пайдасын таразылау керек:

• анамнезінде туберкулезі бар;

• туберкулез бойынша эндемиялы аймақтарда тұратын немесе саяхаттайтындар.

Ксельжанс® препаратымен емді бастағанға дейін және ем кезінде пациенттің жай-күйіне баға беру және қолданылатын ұсынымдарға сәйкес жасырын немесе белсенді инфекцияға тексеру жүргізу керек.

Осы инфекцияға тексерілу нәтижесі оң, жасырын туберкулезі бар пациенттер Ксельжанс® препаратымен емді бастағанға дейін стандартты микобактерияға қарсы терапияның толық курсын өтуі керек.

Сондай-ақ туберкулезге тексерудің нәтижесі теріс, бірақ анамнезінде жасырын немесе белсенді туберкулезі бар, талапқа сай емдеу курсы расталмаған пациенттерде, сондай-ақ туберкулезге тексерудің нәтижесі теріс, бірақ туберкулездік инфекцияның даму қаупінің факторлары бар пациенттерде Ксельжанс® препаратымен қолдануды бастағанға дейін туберкулезге қарсы ем жүргізу мәселесін қарастыру керек. Нақты бір пациентте туберкулезге қарсы емді бастау мақсатқа сай ма, жоқ па деген шешім қабылдауды оңайлату үшін туберкулезді емдеу тәжірибесі бар медицина қызметкерінен кеңес алу ұсынылады. Емді бастар алдында пациенттерде, оның ішінде жасырын туберкулезге теріс нәтижесі барларында туберкулездің даму белгілері мен симптомдарының бар-жоғын мұқият бақылау керек.

Вирустың реактивациясы

Ксельжанс® препаратымен клиникалық зертеулерде вирустық инфекциялардың, герпес вирусының (мысалы, белдемелі герпестің) реактивация жағдайларын қоса, реактивация жағдайлары байқалды. Ксельжанс® препаратымен ем қабылдаған пациенттерде белдемелі герпестің пайда болу жиілігі жоғары екені байқалады:

• Лимфоциттердің абсолюттік саны (ЛАС) 1000 жасуша/мм3 аз болатын пациенттерде.

• Ұзаққа созылған РА бар, бұрын бір немесе бірнеше биологиялық НРҚП-мен емделген пациенттерде.

Созылмалы вирусты гепатитте Ксельжанс® препаратының С гепатиті вирусының реактивациясына әсері белгісіз. Ксельжанс® препаратымен емді бастар алдында вирусты гепатитке клиникалық ұсынымдарға сәйкес скрининг жүргізілуі тиіс.

Қатерлі және лимфопролиферациялық ауру

Меланомалық емес тері обыры (МЕТО) бойынша сәтті емделіп шыққан пациенттерді қоспағанда, емдеу басталған сәтте немесе анамнезінде қатерлі ісігі бар пациенттерде, немесе емдеу барысында қатерлі жаңа түзілім дамыған пациенттерде Ксельжанс® қолдануды жалғастыру мәселесін шешкен кезде емдеу басталғанға дейін Ксельжанс® препаратымен емдеудің қаупі мен пайдасын таразылау керек. Ксельжанс® препаратының организмнің қатерлі жаңа түзілімдерге қарсы қорғаныш күштеріне әсер ету мүмкіндігі бар.

Ксельжанс® препаратымен ем қабылдаған пациенттерде лимфома жағдайлары тіркелді. РА бар пациенттер, әсіресе ауруының белсенділігі жоғарылары, жалпы популяциядағыларға қарағанда лимфома дамуының жоғары (бірнеше есеге дейін жоғары) қаупіне ұшырауы мүмкін. Лимфоманың дамуындағы Ксельжанс® препаратының рөлі анық емес.

Басқалардан бөлек, өкпе обырын, сүт безінің обырын, меланоманы, қуықасты безінің обырын және ұйқы безінің обырын қоса, басқа да қатерлі жаңа түзілімдер тіркелді.

Қатерлі ісіктердің дамуы мен ағымындағы Ксельжанс® препаратының рөлі анық емес.

Меланомалық емес тері обыры

Ксельжанс® препаратымен ем қабылдаған пациенттерде МЕТО жағдайлары тіркелді. Тері обырының пайда болу қаупі жоғары пациенттерде мезгіл-мезгіл теріге тексеру жүргізіп отыру ұсынылады.

Интерстициальді өкпе ауруы

Сондай-ақ анамнезінде созылмалы өкпе аурулары бар пациенттерде сақ болған жөн, өйткені олар инфекцияларға бейімірек болуы мүмкін. Интерстициальді өкпе ауруы құбылыстары (олардың кейбіреуі өліммен аяқталған) Ксельжанс® препаратын қабылдаған пациенттерде ревматоидты артритті клиникалық зерттеулерде және тіркеуден кейінгі қолдану жағдайларында тіркелді, дегенмен янус-киназа (JAK) тежелуінің бұл құбылыстардың дамуындағы рөлі белгісіз. Шығу тегі азиялық пациенттер интерстициальді өкпе ауруының даму қаупіне көбірек ұшырайтыны белгілі, сондықтан бұл пациенттерді емдегенде сақтық таныту керек.

Асқазан-ішек жолының тесілуі

Ксельжанс® препаратын асқазан-ішек жолының тесілу қаупі жоғары пациенттерде (мысалы, анамнезінде дивертикулиті бар пациенттерде, кортикостероидтармен және (немесе) қабынуға қарсы стероидты емес дәрілермен қатарлас ем алатын пациенттерде) сақтықпен қолдану керек. Алғаш пайда болған абдоминальді белгілер мен симптомдар байқалған пациенттерді асқазан-ішек жолының тесілуін ерте анықтау үшін дереу тексеру керек.

Жүрек-қантамыр ауруларының қаупі

РА және псориазды артриті бар пациенттер жүрек-қантамыр жүйесі тарапынан бұзылулардың пайда болуының жоғары қаупіне ұшырайды. Ксельжанс® препаратын қабылдап жүрген пациенттерде әдеттегі стандартты ем аясында қауіп факторларын (мысалы, артериялық гипертензияны және гиперлипидемияны) бақылау керек.

Бауыр ферменттері

Ксельжанс® препаратымен емдеген кезде пациенттерде бауыр ферменттері деңгейлерінің жоғарылау жиілігінің артқаны байқалды. Аланинаминотрансфераза (АЛТ) немесе аспартатаминотрансфераза (АСТ) деңгейлері жоғары пациенттерде, әсіресе препаратты МТТ сияқты әлеуетті гепатоуытты дәрілік препараттармен біріктіріп қолдануды бастаған кезде Ксельжанс® препаратымен емдеуді бастау туралы мәселеге ерекше көңіл бөліп қарау керек. Емдеу басталғаннан кейін бауырдың дәрілік зақымдануының әлеуетті жағдайларын анықтау үшін бауыр функциясының биохимиялық көрсеткіштерін тұрақты негізде бақылауды жүзеге асыру және бауыр ферменттер деңгейлері жоғарылауының ықтимал себептерін жылдам анықтау ұсынылады. Егер бауырдың дәрілік зақымдануына күдік туса, осы диагноз жоққа шығарылғанға дейін Ксельжанс® препаратымен емдеуді тоқтата тұру керек.

Аса жоғары сезімталдық

Ксельжанс® препаратын қолданумен байланысты аса жоғары сезімталдық реакцияларының даму жағдайлары жөнінде хабарланды. Ангионевроздық ісіну және есекжем сияқты аллергиялық реакциялар байқалды. Кейбір жағдайлар күрделі ретінде бағаланды. Күрделі аллергиялық немесе анафилаксиялық аса жоғары сезімталдық реакциялары туындаған жағдайда Ксельжанс® препаратын қолдануды тез арада тоқтату қажет.

Зертханалық талдаулардың параметрлері

Лимфоциттер

Ксельжанс® препаратын қолданған кезде плацебомен салыстырғанда лимфопенияның пайда болу жиілігінің жоғарылағаны байқалды. Лимфоциттер санының 750 жасуша/мм3 аз деңгейге дейін төмендеуі күрделі инфекциялар жиілігінің жоғарылауымен байланысты болды. Лимфоциттердің дәлелденген саны 750 жасуша/мм3 аз пациенттерде Ксельжанс® препаратымен емді бастау немесе жалғастыру ұсынылмайды. Лимфоциттер санын бастапқы деңгейде және әр 3 ай сайын бақылау керек.

Нейтрофилдер

Ксельжанс® препаратымен емдеген кезде плацебомен салыстырғанда нейтропенияның (2000 жасуша/мм3 аз) пайда болу жиілігінің жоғарылағаны байқалды. НАС 1000 жасуша/мм3 аз екені расталған пациенттерде Ксельжанс® препаратымен емді бастау ұсынылмайды. НАС бастапқы деңгейде, 4-8 апта өткен соң және содан кейін әр 3 ай сайын бақылау керек.

Гемоглобин

Ксельжанс® препаратымен емдеген кезде гемоглобин деңгейінің төмендеу жиілігінің жоғарылағаны байқалды. Гемоглобин деңгейі 9 г/дл аз болатын пациенттерде Ксельжанс® препаратымен емді бастау ұсынылмайды. Гемоглобин деңгейін бастапқы деңгейде, 4-8 апта өткен соң және содан кейін әр 3 ай сайын бақылау керек.

Липидтер деңгейіне мониторинг

Ксельжанс® препаратымен емдеген кезде жалпы холестерин, тығыздығы төмен липопротеиндер (ТТЛП) холестерині және тығыздығы жоғары липопротеиндер (ТЖЛП) холестерині сияқты липидтер деңгейлерінің жоғарылағаны байқалды. Бұл көрсеткіштерге ең жоғарғы ықпалы әдетте 6 аптадан кейін байқалды. Липидтік көрсеткіштерге баға беруді Ксельжанс® препаратымен ем басталған соң шамамен 8 аптадан кейін жүргізу керек. Пациенттерді емдеуді гиперлипидемияны емдеу жөніндегі клиникалық ұсынымдарға сәйкес жүргізу қажет. Ксельжанс® препаратын қабылдаумен байланысты, жалпы холестериннің және ТТЛП холестерині деңгейлерінің жоғарылауын емдеудің басына дейінгі деңгейлеріне статиндермен ем арқылы төмендетуге болады.

Вакцинация

Ксельжанс® препаратымен ем басталғанға дейін барлық пациенттерге профилактикалық вакцинация жүргізудің қолданыстағы ұсынымдарына сәйкес барлық қажетті екпелерді жасау қажет. Ксельжанс® препаратын қолданумен бір мезгілде тірі вакциналармен вакцинация жасау ұсынылмайды. Ксельжанс® препаратымен емдеу басталғанға дейін тірі вакциналарды пайдалану туралы шешім қабылдаған кезде нақты пациенттегі бұрыннан бар иммундепрессияны ескеру керек.

Белдемелі герпеске қарсы профилактикалық вакцинация жүргізуді вакцинация жөніндегі ұсынымдарға сәйкес қарастыру керек. Ұзаққа созылған РА бар, бұдан бұрын бір немесе бірнеше биологиялық НРҚП ем қабылдаған пациенттерге ерекше көңіл бөліп қараған жөн. Белдемелі герпеске қарсы тірі вакцинаны қолдану қажет болғанда оны анамнезінде желшешек бар пациенттерге ғана немесе желшешек вирусына (ЖШВ) антиденелері бар пациенттерге енгізу керек. Егер анамнезінде желшешек болғаны туралы мәліметтер күмәнді немесе сенімсіз деп саналса, ЖШВ-ге антиденелерге талдау жасау ұсынылады.

Тірі вакциналармен вакцинация иммуномодуляциялаушы дәрілерді қолдануға қатысты вакцинация жөніндегі қолданыстағы ұсынымдарға сәйкес, Ксельжанс® препаратымен ем басталғанға дейін кем дегенде 2 апта бұрын, бірақ дұрысы 4 апта бұрын орындалуы тиіс. Ксельжанс® препаратымен ем қабылдайтын пациенттерге тірі вакциналарды енгізген кезде инфекцияның салдарлы берілуі туралы деректер жоқ.

Егде жастағы пациенттер

Егде жастағы пациенттерде, жалпы алғанда, дәрежесі ауырлау жағымсыз құбылыстардың пайда болу қаупі жоғары болады, сондықтан мұндай пациенттерді емдеген кезде сақтық таныту керек.

Лактоза

Бұл дәрілік препараттың құрамында лактоза бар. Сирек тұқым қуалайтын галактоза жақпаушылығы, Лапп лактаза жеткіліксіздігі немесе глюкоза-галактоза мальабсорбциясы синдромы бар пациенттерге бұл дәрілік препаратты қабылдауға болмайды.

Басқа дәрілік препараттармен өзара әрекеттесуі

Басқа да дәрілік препараттардың Ксельжанс® фармакокинетикасына (ФК) әсері

Ксельжанс® CYP3A4 метаболизденуіне байланысты, CYP3A4 белсенділігін тежейтін немесе индукциялайтын препараттармен оның өзара әрекеттесу ықтималдығы бар. Ксельжанстың® әсері CYP3A4 күшті тежегіштерімен (мысалы, кетоконазолмен) бір мезгілде қолданғанда немесе CYP3A4 орташа тежелуін, сондай-ақ CYP2C19 күшті тежелуін тудыратын бір немесе бірнеше препараттармен (мысалы, флуконазолмен) бір мезгілде қолданғанда жоғарылайды.

Ксельжансты® CYP күшті тежегіштерімен (мысалы, рифампицинмен) бір мезгілде қолданған кезде оның әсері азаяды. Ксельжанстың® фармакокинетикасын тек CYP2C19 немесе P-гликопротеин тежегіштері ғана едәуір өзгертуінің ықтималдығы аз.

Ксельжансты® кетоконазолмен (CYP3A4 күшті тежегіші), флуконазолмен (CYP3A4 орташа тежегіші және CYP2C19 күшті тежегіші), такролимуспен (CYP3A4 әлсіз тежегіші) және циклоспоринмен (CYP3A4 орташа тежегіші) бір мезгілде қолдану Ксельжанстың® AUC мәнінің жоғарылауына әкелді, ал оны рифампицинмен (CYP күшті индукторы) бір мезгілде қолдану Ксельжанстың® AUC мәнінің төмендеуіне әкелді. Ксельжансты® CYP күшті индукторларымен (мысалы, рифампицинмен) бір мезгілде қолдану емдеуге клиникалық жауаптың жоғалуына немесе төмендеуіне әкелуі мүмкін. Ксельжансты® және CYP3A4 күшті индукторларын бір мезгілде қолдану ұсынылмайды. Ксельжансты® кетоконазолмен және флуконазолмен бір мезгілде қолданғанда Ксельжанстың® Cmax мәнінің жоғарылауы байқалды, ал такролимуспен, циклоспоринмен және рифампицинмен бірге қолданғанда оның Cmax мәнінің төмендегені байқалды. РА пациенттерде Ксельжансты® МТТ-мен аптасына бір рет 15–25 мг дозада бірге қолдану Ксельжанстың® фармакокинетикасына әсер еткен жоқ.

Ксельжанс® препаратының басқа да дәрілік препараттардың фармакокинетикасына әсері

Ксельжанс® құрамында левоноргестрел және этинилэстрадиол бар пероральді контрацептивтермен бірге қолданған кезде олардың фармакокинетикасын өзгерткен жоқ.

РА пациенттерде Ксельжанс® препаратын МТТ-мен аптасына бір рет 15–25 мг дозада бірге қолдану МТТ AUC және Cmax мәндерінің тиісінше 10% және 13 % төмендеуіне әкелді. МТТ әсерінің төмендеу дәрежесі бұл препараттың жекелей таңдалған дозасын өзгертуді қажет етпейді.

Арнайы ескертулер

Егде жастағы пациенттер

65 және одан жоғары жастағы пациенттерде инфекциялардың пайда болу жиілігі неғұрлым жоғары болып табылады. Инфекцияның қандай да бір белгілері немесе симптомдары пайда болған кезде бұл туралы дәрігерге мүмкіндігінше тез хабарлаңыз.

Шығу тегі азиялық пациенттер

Жапондықтар мен корейлерде белдемелі герпес пайда болу жиілігі жоғары. Теріде ауыратын қабыршықтар пайда болғанда, дәрігерге хабарлаңыз.

Сондай-ақ, Cізде өкпе тарапынан кейбір проблемалардың қауіп-қатері артуы мүмкін. Тыныс алумен қиындықтар туындаған жағдайда бұл жөнінде дәрігерге хабарлаңыз.

Педиатрияда қолдану

Ксельжанс® препаратын 18 жастан кіші балаларда немесе жасөспірімдерде қолдануға болмайды. Балалар мен жасөспірімдерде Ксельжанс® препаратының қауіпсіздігі мен тиімділігі әлі анықталған жоқ.

Жүктілік және лактация кезеңінде

Сақтық шарасы ретінде Ксельжанс® препаратын жүктілік кезінде қолдану ұсынылмайды.

Бала тууға қабілетті әйелдер/әйелдердегі контрацепция

Бала тууға қабілетті әйелдерге, Ксельжанс® препаратымен ем кезінде және препараттың соңғы дозасын қабылдағаннан кейін кем дегенде 4 апта бойы контрацепцияның тиімді әдістерін қолдануды ұсыну керек.

Емшек емізу

Ксельжанс® препаратының әйелдің емшек сүтіне өту қабілеті анықталмаған. Емшек еметін бала үшін қаупін жоққа шығаруға болмайды. Сақтық шарасы ретінде Ксельжанс® препаратын емшек емізу кезінде қолдану ұсынылмайды.

Фертильділік

Препараттың адамның ұрпақ өрбіту функциясына әлеуетті ықпал етуіне формалды зерттеулер жүргізілген жоқ.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшелігі

Ксельжанс® препараты автокөлік құралдарын басқару және механизмдермен жұмыс істеу қабілетіне әсер етпейді немесе елеусіз дәрежеде әсер етеді.

Ксельжанс® препаратының құрамында лактоза бар

Ксельжанс® препаратының 5 мг әрбір үлбірлі қабықпен қапталған таблеткасында шамамен 61 мг лактоза моногидраты бар. Егер дәрігер кейбір қанттарды көтере алмаушылық туралы хабарласа, осы дәрілік препаратты қолданар алдында дәрігерге хабарласыңыз.

Ксельжанс® препаратының құрамында натрий бар

Бұл дәрілік препараттың кұрамында бір таблеткаға 1 ммоль (23 мг) натрий аз,яғни кұрамында натрий жоқ.

Қолдану жөніндегі нұсқаулар

Ксельжанс® препаратымен емдеуді Ксельжанс® препараты көрсетілген жағдайларды диагностикалау мен емдеу тәжірибесі бар дәрігер тағайындайды және бақылайды.

Дозалау режимі

Препараттың ұсынылатын дозасы тәулігіне екі рет 5 мг құрайды. Ұсынылатын дозадан аспауы керек.

Дозаны түзету*

МТТ біріктіріп қолданған кезде препараттың дозасын түзету қажет емес.

Препаратты қолдануды уақытша тоқтата тұру және оны тоқтату

Күрделі инфекция пайда болған жағдайда, Ксельжанспен® емдеуді инфекция бақыланғанға дейін тоқтата тұру керек.

Зертханалық параметрлердің дозаға тәуелді бұзылулары кезінде, оның ішінде лимфопенияны, нейтропенияны және анемияны емдеу үшін препаратты қолдануды уақытша тоқтату қажет болуы мүмкін. Препаратты қолдануды уақытша тоқтату немесе тоқтату туралы, төмендегі 1, 2 және 3 кестелерде көрсетілген ұсынымдар зертханалық зерттеулер нәтижелерінің қалыптан ауытқуының ауырлығы негізінде әзірленген.

Лимфоциттердің абсолюттік саны (ЛАС) 750 жасуша/мм3 аз болатын пациенттерде емді бастамаған жөн.

1-кесте. Лимфоциттердің абсолюттік төмен саны

Нейтрофилдердің абсолютті саны (НАС) 1000 жасуша/мм3 аз болатын пациенттерде препаратпен емді бастамаған жөн.

2-кесте. Нейтрофилдердің абсолюттік төмен саны

Гемоглобин деңгейі 9 г/дл аз пациенттерде препаратпен емді бастамаған жөн.

3-кесте. Гемоглобин деңгейі төмен

Пациенттердің ерекше топтары

Балалар

Ксельжанстың® 0 жастан 18 жасқа дейінгі балалардағы қауіпсіздігі мен тиімділігі әлі де анықталмаған. Деректер жоқ.

Егде жастағы пациенттер

65 жастағы және одан үлкен пациенттерде дозаны түзету қажет емес. Препаратты 75 жастағы және одан үлкен пациенттерде қолдану туралы деректер шектеулі.

Бүйрек функциясының бұзылуымен пациенттер

Бүйрек функциясы жеңіл (креатинин клиренсі 50–80 мл/мин) немесе орташа (креатинин клиренсі 30–49 мл/мин) бұзылған пациенттерде дозаны түзету қажет емес. Бүйрек функциясы ауыр (креатинин клиренсі < 30 мл/мин) бұзылған пациенттерде препарат дозасы 5 мг дейін азайтылуы тиіс. Бүйрек функциясының ауыр бұзылуы бар пациенттер тәулігіне бір рет 5 мг төмендетілген дозаны тіпті гемодиализден кейін де алуды жалғастыра беруі қажет.

Бауыр функциясының бұзылуымен пациенттер

Бауыр функциясының бұзылуы жеңіл (Чайлд - Пью жіктеуі бойынша А класы) пациенттерде препараттың дозасын түзету қажет емес. Бауыр функциясының бұзылуы орташа (Чайлд - Пью жіктеуі бойынша В класы) пациенттерде препарат дозасы тәулігіне бір рет 5 мг дейін азайтылуы тиіс.

Ксельжансты® бауыр функциясының бұзылуы ауыр (Чайлд - Пью жіктеуіі бойынша С класы) пациенттерде қолдануға болмайды.

Дәріаралық өзара әрекеттесулер

P450 3A4 цитохромының (CYP) күшті тежегіштерін (мысалы, кетоконазол) қабылдайтын пациенттерде, Ксельжанс® дозасы тәулігіне бір рет 5 мг дейін азайтылуы тиіс. CYP3A4 орташа тежелуін де, CYP2C19 күшті тежелуін де тудыратын (мысалы, флуконазол) бір немесе одан көп қатарлас дәрілік препараттарды қабылдайтын пациенттерде Ксельжанс® дозасы тәулігіне бір рет 5 мг дейін азайтылуы тиіс.

Енгізу әдісі мен жолы

Препарат ішу арқылы қолдануға арналған.

Ксельжансты® тамақпен немесе онсыз ішке қабылдайды.

Жұту кезінде қиналатын пациенттер Ксельжанс® 5 мг таблеткаларын сындыруына және оларды сумен бірге қабылдауына болады. 

Қабылдау уақыты көрсете отырып қолдану жиілігі

Таблеткаларды күн сайын бір уақытта қабылдауға тырысыңыз (таңертең бір таблетка және кешке бір таблетка).

Тофацитиниб таблеткаларын сындырып, сумен ішуге болады.

Егер Cізде бауыр немесе бүйрек проблемалары бар болса немесе сіз кейбір басқа дәрілік препараттарды қабылдайтын болсаңыз, дәрігер препараттың дозасын азайтуы мүмкін. Егер қан талдауы лейкоциттер немесе эритроциттер санының азаюын көрсетсе, дәрігер емдеуді тоқтата тұруы немесе толық тоқтатуы мүмкін.

Ксельжанс® препараты ішке қабылдауға арналған. Сіз Ксельжанс® препаратын тамақтануға тәуелсіз қабылдай аласыз.

Артық дозаланған жағдайда қабылдану қажет шаралар

Артық дозаланған жағдайда пациентте жағымсыз реакциялардың белгілері мен симптомдарының пайда болуын бақылау ұсынылады. Ксельжанс® препаратының артық дозалануын емдеу үшін спецификалық антидот жоқ. Симптоматикалық және демеуші емді қолдану керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Өткізіп алған таблетканың орнын толтыру үшін қос дозаны қабылдамаңыз. Әдеттегі уақытта келесі таблетканы қабылдап, емдеуді бұрынғыдай жалғастырыңыз.

Тоқтату белгілері қатерінің болуын көрсету

Сізге Ксельжанс® препаратын өз дәрігеріңізбен кеңеспей қабылдауды тоқтатпағаныңыз жөн.

Дәрілік препаратты қолдану тәсілін түсіндіру үшін медициналық қызметкерден кеңес алу алу үшін жүгіну бойынша ұсынымдар

Егер Cізде осы препаратты қолдану бойынша қосымша сұрақтар туындаса, емдеуші дәрігерден немесе фармацевттен кеңес алыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдау керек шаралар

Бұл препарат барлық басқа дәрілік заттар секілді жағымсыз әсерлерді тудыруы мүмкін, бірақ барлық пациенттерде емес.

Олардың кейбіреулері ауыр болуы және медициналық көмекті талап етуі мүмкін.

Ықтимал елеулі жағымсыз әсерлер

Сирек жағдайларда инфекциялар өмірге қауіп төндіруі мүмкін.

Төменде көрсетілген кез келген елеулі жағымсыз әсерлер туындаған жағдайда, Сіз бұл туралы дереу дәрігерге хабарлауыңыз керек.

Инфекциялық және паразиттік аурулар

Жиі

• пневмония

• тұмау

• белдемелі герпес

• несеп шығару жолдарының инфекциясы

• синусит

• бронхит

• назофарингит

• фарингит

Жиі емес

• туберкулез

• дивертикулит

• пиелонефрит

• панникулит

• қарапайым герпес

• вирусты гастроэнтерит

• вирусты инфекция

Сирек

• сепсис

• уросепсис

• диссеминацияланған туберкулез

• некроздаушы фасциит

• бактериемия

• стафилококктық бактериемия

• Pneumocystis jirovecii тудырған пневмония

• пневмококктық пневмония

• бактериялық пневмония

• энцефалит

• атипиялық микобактериялық инфекция

• цитомегаловирусты инфекция

• бактериялық артрит

Өте сирек

• орталық жүйке жүйесінің туберкулезі

• криптококктық менингит

• Mycobacterium avium кешенінен туындаған инфекция

Қатерсіз, қатерлі және анықталмаған жаңа түзілімдер (оның ішінде кисталар және полиптер)

Жиі емес

• меланомалық емес тері обыры

Қан және лимфа жүйесі тарапынан бұзылулар

Жиі

• анемия

Жиі емес

• лейкопения

• лимфопения

• нейтропения

Иммундық жүйе тарапынан бұзылулар

Жиілігі белгісіз

• аса жоғары сезімталдық реакциялары*

• ангионевроздық ісіну*

• есекжем*

Метаболизмнің және тамақтанудың бұзылулары

Жиі емес

• дислипидемия

• гиперлипидемия

• сусыздану

Психика тарапынан бұзылулар

Жиі емес

• ұйқысыздық

Жүйке жүйесі тарапынан бұзылулар

Жиі

• бас ауыруы

Жиі емес

• парестезия

Тамырлар тарапынан бұзылулар

Жиі

• артериялық гипертензия

Жиі емес

• веналық тромбоэмболия**

Тыныс алу жүйесі, кеуде қуысы және көкірек ортасы ағзалары тарапынан бұзылулар

Жиі

• жөтел

Жиі емес

• ентігу

• мұрынның қосалқы қойнауының бітелуі

Асқазан-ішек жолы тарапынан бұзылулар

Жиі

• іштің ауыруы

• құсу

• диарея

• жүрек айну

• гастрит

• диспепсия

Бауыр және өт шығару жолдары тарапынан бұзылулар

Жиі емес

• майлы гепатоз

• бауыр ферменттері деңгейінің жоғарылауы

• трансаминазалар деңгейінің жоғарылауы

• бауыр функциясының биохимиялық көрсеткіштерінің қалыптан ауытқуы

• гамма-глутамилтрансфераза деңгейінің жоғарылауы

Тері және теріасты тіндері тарапынан бұзылулар

Жиі

• бөртпе

Жиі емес

• эритема

• қышыну

Қаңқа-бұлшықет жүйесі және дәнекер тіні тарапынан бұзылулар

Жиі

• артралгия

Жиі емес

• қаңқа-бұлшықет ауыруы

• буындардың ісінуі

• тендинит

Жалпы бұзылыстар және енгізген жердегі бұзылулар

Жиі

• шеткері ісіну

Жиі емес

• пирексия

• қатты қажу

Зертханалық және аспаптық деректер

Жиі

• қандағы креатинфосфокиназа деңгейінің жоғарылауы

Жиі емес

• қандағы креатинин деңгейінің жоғарылауы

• қандағы холестерин деңгейінің жоғарылауы

• тығыздығы төмен липопротеиндер деңгейінің жоғарылауы

• дене салмағының артуы

Жарақаттар, улану және емшаралардың асқынуы

Жиі емес

• байламдардың созылуы

• бұлшықеттердің созылуы

* Кездейсоқ хабарламалардан алынған деректер .

** Веналық тромбоэмболия ӨАТЭ және ТВТ қамтиды.

Жалпы, Ксельжанс® препаратын жеке қабылдаған жағдайда ревматоидты артрит кезінде метотрексатпен біріктіріп қолданғанға қарағанда жағымсыз әсерлері аз болды.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - тофацитиниб цитраты 8.078 мг (5.0 мг тофацитинибке баламалы),

қосымша заттар: микрокристалды целлюлоза, лактоза моногидраты, натрий кроскармеллозасы, магний стеараты

қабық: опадрай® II ақ 33G28523 (гипромеллоза 2910 6 сР (Е 464), титанның қостотығы (Е 171), лактоза моногидраты, макрогол (ПЭГ 3350), триацетин (глицерол триацетаты)).

Сыртқы түрінің, иісінің, дәмінің сипаттамасы

Дөңгелек пішінді, ақ түсті үлбірлі қабықпен қапталған, бір жағында «Pfizer» және екінші жағында «JKI 5» өрнегі бар таблеткалар.

Шығарылу түрі және қаптамасы

Алюминий фольгадан жасалған пішінді ұяшықты қаптамаға 14 таблеткадан салынады.

4 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картоннан жасалған қорапшаға салынады.

3 жыл.

Жарамдылық мерзімі өткеннен кейін қолдануға болмайды!

30 ºС -ден аспайтын температурада.

Препаратты балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Пфайзер Мануфактуринг Дойчланд ГмбХ

Бетриебштатте Фрайбург,

Мусвалдалле 1

79090 Фрайбург, Германия

Тел: +497615180

Факс: +49 761 518-3070

Тіркеу куәлігінің ұстаушысы

Пфайзер Эйч Си Пи Корпорэйшн

235 Ист 42 Стрит, Нью-Йорк, Нью-Йорк штаты 10017-5755

Tел: 212-573-2323

Факс: 212-573-1895

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Pfizer Export B.V. (Пфайзер Экспорт Би.Ви.) компаниясының Қазақстан Республикасындағы филиалы

Қазақстан Республикасы, Алматы қ., 050000, Медеу ауданы, Н.Назарбаев даңғылы, 100/4 үй

тел.:  +7 (727) 250 09 16

факс:  +7 (727) 250 42 09     

электронды пошта: PfizerKazakhstan@pfizer.com