Клопидогрел ШТАДА®

Клопидогрел ШТАДА®

Клопидогрел

Бір таблетканың құрамында

белсенді зат: 97,857 мг клопидогрел гидросульфаты (75,0 мг клопидогрелге баламалы),

қосымша заттар: микрокристалды целлюлоза (сорт 113), маннитол (сорт 35), гидроксипропилцеллюлоза төмен орын басқан (сорт 21), кросповидон (А типі), макрогол 6000, майсана майы, гидрогенделген, гидроксипропилцеллюлоза төмен орын басқан (сорт 11),

қабықтың құрамы: лактоза моногидраты, гипромеллоза 2910, 15 cp, титанның қостотығы (Е 171), глицерол тристеарат, темірдің қызыл тотығы (Е 172), тазартылған су.

Дөңгелек пішінді, екі жақ беті дөңес, ойығы бар, қызғылт түсті үлбірлі қабықпен қапталған таблеткалар.

Қан және қан түзу ағзалары. Тромбозға қарсы препараттар. Гепаринді қоспағанда, тромбоциттер агрегациясының тежегіштері. Клопидогрел

АТХ коды B01AC04

Фармакокинетикасы

Сіңуі

75 мг пероральді дозаны бір рет және қайталап қабылдаған кезде клопидогрел тез сіңеді. Өзгермеген клопидогрелдің орташа ең жоғары шектегі плазмалық концентрациялары (75 мг дозада пероральді түрде бір рет қабылдаудан кейін шамамен 2,2-2,5 мкг/мл) препаратты қабылдағаннан кейін шамамен 45 минуттан соң білінеді.

Таралуы

Клопидогрел мен оның қан айналымындағы негізгі (белсенді емес) метаболиті плазма ақуыздарымен (сәйкесінше, 98 % және 94 %) қайтымды байланысады. Байланысуы кең ауқымды концентрацияларда қанықпаған болып табылады.

Метаболизмі

Клопидогрел бауырда қарқынды метаболизмге ұшырайды. Клопидогрел негізгі екі жолмен метаболизденеді: бірі эстеразалар арқылы жүреді және карбон қышқылының белсенді емес туындысына дейінгі гидролизге әкеледі (қан ағымында болатын метаболиттерден 85 %), екіншісі көптеген Р450 цитохромдарымен жүзеге асады. Алдымен клопидогрел аралық метаболит 2-оксо-клопидогрелге дейін метаболизденеді. Аралық метаболит 2-оксо-клопидогрелдің кейінгі метаболизмі белсенді метаболит – клопидогрелдің тиол туындысының түзілуіне әкеледі. Осы метаболизм жолы CYP3А4, CYP2С19, CYP1А2 және CYP2В6 арқылы жүзеге асады. Белсенді тиол метаболиті тромбоциттер рецепторларымен тез және қайтымсыз байланысып, сол арқылы тромбоциттер агрегациясын тежейді.

Шығарылуы

Клопидогрелді қабылдағаннан кейін 120 сағат ішінде шамамен 50 %-ы несеппен және шамамен 46 %-ы нәжіспен бөлініп шығады.

Бір реттік 75 мг клопидогрел дозасын қабылдаудан кейін клопидогрелдің жартылай шығарылу кезеңі шамамен 6 сағатты құрайды. Бір реттік және қайталап қабылдаудан кейін айналымдағы негізгі (белсенді емес) метаболиттің жартылай шығарылу кезеңі 8 сағатты құрайды.

Бүйрек функциясының бұзылуы

Бүйректің ауыр сырқаты бар (креатинин клиренсі 5-тен 15 мл/мин дейін) пациенттерде күніне 75 мг клопидогрелдің қайталанған дозаларынан кейін аденозиндифосфат (АДФ) туындайтын тромбоциттер агрегациясының тежелуі 25 %-ға төмендеген, алайда қан кету уақытының ұзаруы күніне 75 мг клопидогрел қабылдаған дені сау адамдардағы уақытына ұқсас болған.

Бауыр функциясының бұзылуы

Бауыр функциясының ауыр бұзылулары бар науқастарда күніне 75 мг клопидогрелдің қайталанған дозаларын қолданғаннан кейін АДФ әсерінен индукцияланған тромбоциттер агрегациясының тежелуі және қан кету уақытының орташа ұзаруы дені сау адамдардағы сияқты болған.

Нәсілі

CYP2С19 орташа және нашар метаболизмінің салдарынан CYP2С19 аллелінің басым болуы нәсілдік/этникалық тегіне байланысты өзгеріп отырады. Осы CYP генотипінің бастапқы құбылыстардың клиникалық нәтижесіне ықпал етуінің клиникалық зардаптарына баға беру үшін әдебиеттерде азиялық популяциялардан алынған шектеулі ғана деректер бар.

Фармакодинамикасы

Клопидогрел – ізашар дәрі, тромбоциттер агрегациясының тежегіші болып табылатын метаболиттердің бірі. Клопидогрелдің CYP2C19 ферменті арқылы өзгеруінен кейін оның белсенді метаболиті аденозиндифосфаттың (АДФ) оның Р2Y12 тромбоцитарлық рецепторымен байланысуын және кейіннен АДФ себеп болатын IIb/IIIa гликопротеин кешенінің белсенділенуін селективті түрде тежейді, осылайша, тромбоциттердің агрегациясын басады. Байланысуының қайтымсыздығына байланысты, клопидогрелдің тромбоциттерге әсері тромбоциттер тіршілігінің бүкіл қалған мерзімі ішінде (шамамен, 7-10 күн) сақталады, ал тромбоцитарлық функцияның қалпына келуі тромбоциттердің жаңару үдерісіне сәйкес келеді. Агонистерден (АДФ-ке) туындаған тромбоциттердің агрегациясы да бос АДФ әсерімен жүзеге асатын тромбоциттер белсенділігінің күшеюін бөгеу арқылы басылады.

Белсенді метаболит CYP2С19 ферменттері есебінен түзілуі себебінен, олардың кейбірі полиморфты немесе басқа дәрілік заттармен тежеледі, пациенттердің бәрінде бірдей тромбоциттердің баламалы тежелуі бола бермейді.

Клопидогрелдің емдік дозаларын ұзақ қолданғанда (тәулігіне 75 мг) тромбоциттер агрегациясы арқылы АДФ айқын тежелуі емдеудің алғашқы күнінен бастап байқалады, содан соң агрегацияға қарсы әсері үдемелі түрде артады және 3-7 күн аралығында тұрақты жағдайға жетеді. Емдік дозаларды ұзақ қабылдағанда орташа тежелу деңгейі 40-60 % құрайды. Тромбоциттер агрегациясы және қан кету уақыты емдеу аяқталғаннан кейін, негізінен 5 күннен соң, бастапқы мәндерге біртіндеп оралды.

Ересектерде атеротромбоз жағдайларының профилактикасы мынадай жай-күйлерде:

• миокард инфарктісі (бірнеше күннен бастап 35 күнге дейін)

• ишемиялық инсульт (7 күннен бастап кем дегенде 6 айға дейін)

• диагностикаланған шеткері артериялар ауруы

• ST сегментінің көтерілуінсіз жедел коронарлық жеткіліксіздік синдромы (тұрақсыз стенокардия немесе Q тісшесінсіз миокард инфарктісі), тері арқылы коронарлық араласым жолымен стент орнатылған пациенттерді қоса (ацетилсалицил қышқылымен біріктіріп)

• тромболитикалық ем тағайындалған, дәрі-дәрмекпен ем қабылдайтын пациенттерде ацетилсалицил қышқылымен біріктіріп, ST сегментінің көтерілетін жедел коронарлық жеткіліксіздік синдромы

Жүрекшелер фибрилляциясы кезіндегі атеротромбоздық және тромбоэмболиялық жағдайлар профилактикасы, қантамыр жағдайларының кем дегенде бір қауіп факторы бар, К дәруменінің антагонистерімен емдеу тағайындалмаған және қан кету қаупі төмен ересек пациенттерде инсультті қоса, атеротромбоздық және тромбоэмболиялық жағдайлар профилактикасы үшін клопидогрел АСҚ-мен біріктіріп тағайындалады.

Ересектер мен егде жастағылар:

Клопидогрел ШТАДА® препаратын тамақтануға байланыссыз тәулігіне 1 рет 1 таблеткадан (75 мг) ішке қабылдау керек.

Жедел коронарлық жеткіліксіздік синдромы бар пациенттер:

• ST сегментінің көтерілуінсіз жедел коронарлық жеткіліксіздік синдромында (тұрақсыз стенокардия немесе Q тісшесінсіз миокард инфарктісі): емдеу бір реттік 300 мг жүктеме дозадан басталып, ал содан кейін тәулігіне бір рет 75 мг дозамен жалғастырылуы тиіс (тәулігіне 75-325 мг доза ацетилсалицил қышқылымен). Ацетилсалицил қышқылының жоғары дозалары қан кету қаупінің артуына ұласатындықтан, ацетилсалицил қышқылының дозасын 100 мг-ден асырмау ұсынылады. Емдеу ұзақтығын емдеуші дәрігер анықтайды және ол орташа алғанда 3 айдан бастап 12 айға дейін болады.

• ST сегменті көтерілетін жедел миокард инфарктісі: клопидогрелді ацетилсалицил қышқылымен және басқа тромболитиктермен біріктіріп немесе оларсыз 300 мг жүктеме дозадан бастап, бір реттік 75 мг тәуліктік дозада қабылдаған жөн. Клопидогрелмен емдеуді 75 жастан асқан пациенттерде жүктеме дозасыз бастаған дұрыс. Біріктірілген емді симптомдар пайда болғаннан кейін мүмкіндігінше ертерек бастап, кем дегенде, 4 апта бойы жалғастырған жөн.

Қарыншалар фибрилляциясы бар пациенттер клопидогрелді бір реттік 75 мг тәуліктік дозада қабылдауы керек. Ацетилсалицил қышқылын (тәулігіне 75-100 мг) клопидогрелмен біріктіріп қабылдау қажет.

Егер препарат дозасын өткізіп алса

• үнемі қабылдау уақытынан кейін 12 сағаттан аз уақыт өтсе: пациент дозаны дереу қабылдап, одан кейін келесі дозаны әдеттегі уақытында қабылдауы керек

• 12 сағаттан көп: пациент келесі дозаны әдеттегі уақытында, дозаны екі еселемей, қабылдауы керек

Бүйрек функциясының бұзылуы

Бүйрек функциясы бұзылған пациенттерде клопидогрелді қолдану тәжірибесі шектеулі.

Бауыр функциясының бұзылуы

Бауыр ауруы орташа, геморрагиялық диатезі болуы мүмкін пациенттерде клопидогрелді қолдану тәжірибесі шектеулі.

Жиі (≥ 1/100 <1/10 дейін)

• гематома

• мұрыннан қан кету

• асқазан-ішектен қан кету, диарея, іштің ауыруы, диспепсия

• тері және тері астылық тінге қан құйылу (қанталаулар)

• пункция орнынан қан кету

Жиі емес (≥ 1/1000 <1/100 дейін)

• тромбоцитопения, лейкопения, эозинофилия

• бассүйек ішіне қан құйылу (өліммен аяқталуы мүмкін), бас ауыру, парестезия, бас айналу

• көзге қан құйылу (конъюнктивалық, окулярлық, ретинальді)

• асқазан мен он екі елі ішектің ойық жарасы, гастрит, құсу, жүректің айнуы, іш қату, метеоризм

• бөртпе, қышыну, пурпура

• гематурия

• қан кету уақытының ұзаруы және нейтрофилдер санының азаюы, тромбоциттер санының азаюы

Сирек (≥1/10000 <1/1000 дейін)

• нейтропения, ауыр нейтропенияны қоса

• вертиго

• ретроперитонеальді қан кету

• гинекомастия

Өте сирек (<1/10000)

• тромбоздық тромбоцитопениялық пурпура (ТТП), апластикалық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия

• елестеулер, сананың шатасуы

• дәм сезудің бұзылуы

• ауыр қан кету, операциялық жарадан қан кету, васкулиттер, гипотензия

• тыныс алу жолынан қан кетулер (қан түкіру, өкпеден қан кету), бронхтың түйілуі, интерстициальді пневмонит, эозинофильді пневмония

• өліммен аяқталатын асқазан-ішектен және ретроперитонеальді қан кету, панкреатит, колит (ойық жаралы немесе лимфоцитарлық колитті қоса), стоматит

• бауыр функциясының жедел жеткіліксіздігі, гепатит, патологиялық функционалдық бауыр тестілері

• буллёзді дерматит (уытты эпидермалық некролиз, Стивенс-Джонсон синдромы, көп формалы эритема), жедел жайылған экзантематозды пустулез (AGEP), ангионевроздық ісіну, дәрілік препараттан болған аса жоғары сезімталдық синдромы, эозинофилиямен және жүйелік симптомдары бар дәрілік бөртпе (DRESS), эритематозды немесе эксфолиативті бөртпе, есекжем, экзема, қызыл жалпақ теміреткі

• қаңқа-бұлшықеттен қан кету (гемартроз), артрит, артралгия, миалгия

• гломерулонефрит, қандағы креатинин деңгейінің көтерілуі

• қызба

Жиілігі белгісіз

• клопидогрелге аллергиялық реакция жағдайындағы аллергиялық жедел коронарлық синдром (вазоспазмдық стенокардия, аллергиялық миокард инфарктісі - Коунис синдромы)

• сарысу құю ауруы, анафилаксиялық реакциялар, тиенопиридиндер (мысалы, тиклопидин, празугрел) арасындағы дәрілік аса жоғары сезімталдықтың айқаспалы реакциясы

• препарат компоненттеріне аса жоғары сезімталдық

• бауыр функциясының ауыр бұзылулары

• жедел патологиялық қан кету, оның ішінде, асқазан және 12 елі ішектің ойық жарасы кезіндегі қан кету немесе бассүйекішілік қан құйылу

• галактоза жақпаушылығы, Лапп лактаза тапшылығы немесе глюкоза-галактоза мальабсорциясы

• 18 жасқа дейін балалар мен жасөспірімдер

Пероральді антикоагулянттар

Клопидогрел мен пероральді антикоагулянттармен бір мезгілде қолдану ұсынылмайды, өйткені қан кету қарқындығы артуы мүмкін. Тәулігіне 75 мг клопидогрел қабылдау варфаринмен ұзақ уақыт ем қабылдаған пациенттерде, S-варфарин фармакокинетикасына немесе ХҚҚ (халықаралық қалыптасқан қатынасқа) ықпалын тигізбегеніне қарамастан, клопидогрелді варфаринмен бір мезгілде қолдану екі препараттың да гемостазына байланыссыз әсерінен қан кету қаупін арттырады.

IIb/IIIа гликопротеин тежегіштері

Клопидогрелді IIb/IIIа гликопротеин тежегіштерімен қатар ем қабылдайтын пациенттерде сақтықпен қолданған жөн.

Ацетилсалицил қышқылы (АСҚ)

АСҚ клопидогрел себеп болатын, АДФ индукциялаған тромбоциттер агрегациясының бәсеңдеуін өзгертпейді, алайда клопидогрел коллагенмен индукцияланған тромбоциттер агрегациясына АСҚ әсерін күшейтеді. Алайда, күніне 2 рет 500 мг АСҚ бір мезгілде қабылдау клопидогрел қабылдаудан болатын қан кету уақытының елеулі ұзаруына әкелмейді. Клопидогрел мен АСҚ арасындағы фармакодинамикалық өзара әрекеттесу қан кету қаупінің артуына әкелуі мүмкін, сондықтан бұл біріктірілімді сақтықпен қолданған жөн.

Гепарин

Клопидогрелді қолдану гепарин дозасын өзгертуді талап етпейді және гепариннің коагуляцияға әсерін өзгертпейді. Гепаринді бір мезгілде қолдану клопидогрелден туындаған тромбоциттер агрегациясының тежелуіне ықпалын тигізбейді. Клопидогрел мен гепарин арасында қан кетудің жоғары қаупіне әкелетін фармакодинамикалық өзара әрекеттесу болуы мүмкін. Сондықтан, бұл препараттарды бір мезгілде қолдану сақтықпен жүзеге асырылуы керек.

Тромболитиктер

Клопидогрелді, фибрин спецификалық немесе фибрин спецификалық емес тромболитикалық дәрілердің және гепариндерді бір мезгілде қолдану қауіпсіздігі жедел миокард инфарктісі бар пациенттерде бағаланды. Клиникалық маңызы бар қан кету жиілігі тромболитикалық дәрілер мен гепаринді АСҚ-мен бірге бір мезгілде қолданған кезде байқалатынына ұқсас болады.

Қабынуға қарсы стероидты емес дәрілер (ҚҚСД)

Клопидогрел мен напроксенді бірге қолдану асқазан-ішек жолынан жасырын қан жоғалтуды арттырады. Алайда, басқа ҚҚСД-мен өзара әрекеттесуіне клиникалық зерттеулер болмағандықтан, қазіргі уақытта асқазан-ішектен қан кетулер қаупінің жоғарылауы барлық ҚҚСД үшін тән екендігі-еместігі айқын емес. Осылайша ЦОГ-2 тежегіштері қоса, ҚҚСД және клопидогрел сақтықпен қолданылуы тиіс.

Серотонинді кері қармайтын селективті тежегіштер (СКҚСТ)

Серотонинді кері қармайтын селективті тежегіштер тромбоциттердің белсенділенуіне ықпал етеді және қан кету қаупін арттырады, оларды клопидогрелмен бір мезгілде қолдану сақтықпен жүргізілуі тиіс.

Қатар жүргізілетін басқа ем

Клопидогрел белсенді метаболитіне дейін ішінара CYP2С19 арқылы метаболизденетіндіктен, осы ферменттің белсенділігін тежейтін дәрілік заттарды қолдану кезінде клопидогрелдің белсенді метаболиті концентрацияларының төмендеуін күтуге болады. Осы өзара әрекеттесудің клиникалық маңыздылығы анықталмаған. Сақтық шаралары ретінде клопидогрелмен бір мезгілде күшті немесе орташа CYP2C19 тежегіштерін қолдануға болмайды.

CYP2C19 тежейтін дәрілік препараттарға омепразол мен эзомепразол, флувоксамин, флуоксетин, моклобемид, вориконазол, флуконазол, тиклопидин, ципрофлоксацин, циметидин, карбамазепин, окскарбамазепин и хлорамфеникол жатады.

Протонды помпа тежегіштері

Омепразолдың клопидогрелмен бірге қабылданған, немесе екі препаратты қабылдау арасындағы 12 сағаттық аралықты сақтап қабылданған тәулігіне 1 рет 80 мг дозасы белсенді метаболиттің әсерін 45 %-ға (жүктеме доза) және 40 %-ға (демеуші доза) төмендетеді, бұл ретте тромбоциттер агрегациясының тежелуі сәйкесінше 39 %-ға және 21 %-ға азаяды. Клопидогрелмен осындай өзара әрекетесуі эзомепразолда болады деп күтіледі. Сақтық шарасы ретінде, омепразолды немесе эзомепразолды клопидогрелмен бір мезгілде қолданбаған жөн. Метаболит әсерінің айқындығы аз төмендеуі пантопразол және лансопразол жағдайында байқалған.

Белсенді метаболиттің плазмадағы концентрациялары күніне 1 рет 80 мг пантопразолмен қатар емдеу кезінде 20 %-ға (жүктеме доза) және 14 %-ға (демеуші доза) төмендеген. Бұл тромбоциттер агрегациясының орташа тежелуінің сәйкесінше 15 %-ға және 11 %-ға төмендеумен байланысты болған. Демек, клопидогрелді пантопразолмен қолдануға болады.

Асқазанның қышқылдылығын төмендететін Н2-блокаторлары (CYP2С19 тежегіші болып табылатын циметидинді қоспағанда) немесе антацидтер сияқты басқа дәрілік прапараттармен өзара әрекеттесуі туралы деректер жоқ.

Атенолол, нифедипин

Клопидогрелмен клиникалық маңызды фармакодинамикалық өзара әрекеттесуі байқалмады.

Фенобарбитал, эстрогендер

Бірлескен қолдану клопидогрелдің фармакодинамикалық белсенділігіне елеулі әсер етпейді.

Дигоксин, теофиллин

Клопидогрелді бір мезгілде қолдану осы препараттардың фармакокинетикасына әсер етпейді.

Антацидтік дәрілер

Клопидогрелдің сіңірілу дәрежесін өзгертпейді.

Фенитоин, толбутамид

CYP2C19 есебінен метаболизденетін фенитоин мен толбутамидті клопидогрелмен бір мезгілде қауіпсіз қолдануға болады.

Несеп айдайтын дәрілер, β-блокаторлар, АПФ тежегіштері, кальций антагонистері, холестеринді төмендететін дәрілер, коронарлық вазодилататорлар, инсулинге қоса, диабетке қарсы дәрілер, эпилепсияға қарсы дәрілер және IIB/IIIa гликопротеин антагонистері

Өзара әрекеттесуіне зерттеу жүргізілген жоқ, бірақ клопидогрелмен клиникалық сынаққа қосылған пациенттер клиникалық маңызды жағымсыз өзара әрекеттесу жағдайларынсыз осы топтарға жататын көптеген қатар жүретін препараттарды қабылдаған.

Дәрілік заттардың CYP2C8 субстраты: клопидогрел репаглинидтің әсерін арттыратыны дәлелденген. Репаглинид әсер етуінің артуы клопидогрел метаболиті CYP2C8 глюкуронидімен тежеудің арқасында орын алады. Плазмадағы концентрацияларының арту қаупі бар болғандықтан, клопидогрелді және алдын ала CYP2C8 метаболизмімен тазартылған дәрілік заттарды (репаглинид, паклитаксел) бір мезгілде қабылдау сақтықпен жүзеге асырылуы тиіс.

Антиретровирусты ем

Ритонавирмен немесе кобицистатпен күшейтілген антиретровирусты терапия (АРТ) қабылдайтын АИТВ жұқтырған пациенттерде клопидогрел белсенді метаболиті плазмалық концентрациясының сенімді төмендеуі және тромбоциттер агрегациясы бәсеңдеуінің төмендеуі көрсетілді. Алынған нәтижелердің клиникалық маңыздылығы түпкілікті расталмаған болса да, алынған спонтанды хабарламаларда күшейтілген АРТ қабылдайтын АИТВ-инфекциясын жұқтырған пациенттер сипатталды, оларда эндоваскулярлы реканализациядан кейін қайталанған окклюзия жағдайлары немесе клопидогрелдің жүктеме дозасын қолдану кезінде тромботикалық құбылыстар байқалған. Ритонавирмен бір мезгілде қолданған кезде клопидогрелдің әсері және тромбоциттерді тежеу көрсеткіштерінің орташа деңгейі төмендеуі мүмкін. Жоғарыда айтылғандарды ескере отырып, клопидогрелді күшейтілген АРТ-пен бір мезгілде тағайындаудан аулақ болу керек.

Қан кетулер және гематологиялық бұзылулар

Емдеу кезіндегі қан кетулер мен гематологиялық жағымсыз реакциялар қаупіне байланысты, қан кетудің даму мүмкіндігін білдіретін клиникалық симптомдар пайда болғанда қан көрінісіне шұғыл талдаулар және/немесе басқа да тиісті талдаулар жасау қажет. Басқа да тромбозға қарсы дәрілер сияқты, клопидогрелді жарақат, хирургиялық араласым немесе басқа патологиялық жағдайлар кезінде қан кету қаупі жоғары пациенттерге, сондай-ақ ацетилсалицил қышқылы, гепарин, IIb/IIIа гликопротеин тежегіштері немесе ЦОГ-2 тежегіштерін немесе серотонинді кері қармайтын селективті тежегіштерді (СКҚСТ) немесе пентоксифиллин сияқты қан кету қаупімен байланысты басқа дәрілік заттарды қабылдайтын пациенттерде сақтықпен қолданған жөн. Пациенттерде, әсіресе, емдеудің алғашқы апталарында және/немесе жүрекке жасалған инвазиялық емшаралардан немесе хирургиялық араласымнан соң, жасырын қан кетуді қоса, қан кетудің кез келген белгілерінің бар-жоғын мұқият бақылау қажет. Клопидогрел препаратын ішуге арналған антикоагулянттармен бірге қолдану ұсынылмайды, өйткені бұл қан кету қарқындылығын күшейтуі мүмкін.

Егер пациентке хирургиялық араласым көрсетілсе және антитромбоцитарлық әсері қажетсіз болса, клопидогрел препаратын операциядан 7 күн бұрын тоқтатқан жөн. Кез келген жоспарлы хирургиялық араласым алдында немесе кез келген жаңа дәрілік препаратты қабылдау алдында пациенттер өздерінің клопидогрелді қабылдайтынын дәрігер мен стоматологқа ескертуі керек. Клопидогрел қан кету қаупін ұзартады және қан кетудің (әсіресе асқазан-ішектік және көзішілік) дамуына бейім зақымдары бар пациенттерде сақтықпен қолданылуы тиіс.

Клопидогрелді қабылдағанда (монотерапия түрінде немесе аскорбин қышқылымен біріктірілімде) қан кетуді тоқтату үшін көп уақыт қажет болуы мүмкін екенінен және олар туындаған кез келген қан кету туралы (орналасуы немесе ұзақтығы бойынша) өз емдеуші дәрігеріне мәлімдеу керектігінен науқастарды хабардар ету қажет.

Тромбоздық тромбоцитопениялық пурпура (ТТП)

Өте сирек, клопидогрелді қолданудан кейін, ал кейде қысқа курстан соң да тромбоздық тромбоцитопениялық пурпура (ТТП) жағдайлары тіркелген. Ол неврологиялық симптоматикамен, бүйрек дисфункциясымен немесе қызбамен қатар жүретін тромбоцитопениямен және микроангиопатиялық гемолиздік анемиямен сипатталады. ТТП, плазмаферезді қоса шұғыл емдеуді талап ететін потенциалды өлім жағдайы болып табылады.

Жүре пайда болған гемофилия

Клопидогрелді қабылдаудан кейін жүре пайда болған гемофилияның дамуы жөніндегі деректер бар. Қан кетумен немесе онсыз белсенділенген ішінара тромбопластин уақытының (БІТУ) оқшау ұзаруы айғақталған жағдайларда жүре пайда болған гемофилияның бар-жоқтығын анықтаған жөн. Жүре пайда болған гемофилия диагнозы расталған пациенттер мамандардың бақылауымен емделуі тиіс, ал клопидогрел қабылдауды тоқтату керек.

Жақын арада болған ишемиялық инсульт

Деректер жеткіліксіз болуына байланысты, жедел ишемиялық инсультті бастан кешкеннен кейінгі алғашқы 7 күн ішінде клопидогрел ұсынылмауы тиіс.

Р450 2С19 (CYP2С19) цитохромы

Фармакогенетикасы: CYP2С19 төмен пациенттерде клопидогрел ұсынылған дозаларда қолданғанда клопидогрел белсенді метаболитінің жеткіліксіздігі түзіледі және қан ұю функциясына ықпалы азаяды. Пациентте CYP2С19 генотипін анықтауға арналған тестілер бар.

Клопидогрел CYP2С19 арқылы ішінара өзінің белсенді метаболитіне дейін метаболизденетіндіктен, осы ферменттің белсенділігін бәсеңдететін дәрілік препараттарды қолданған кезде клопидогрелдің белсенді метаболиті деңгейлерінің төмендеуін күтуге болаы. Осы өзара әрекеттесудің нақты клиникалық маңыздылығы белгісіз. Сақтандыру шарасы ретінде клопидогрелмен бір мезгілде CYP2С19 күшті немесе орташа тежегіштерін қолданбаған жөн.

CYP2C8 субстраты

Клопидогрелді CYP2C8 субстратымен бір мезгілде қабылдағанда сақтық таныту қажет.

Тиенопиридиндер арасындағы айқаспалы реакциялар

Тиенопиридиндер арасындағы айқаспалы реактивтілік туралы хабарламалар болуына байланысты пациенттерде анамнезінде клопидогрел, тиклопидин, празугрел сияқты тиенопиридиндерге аса жоғары сезімталдықтың бар-жоғы тексерілуі қажет. Тиенопиридиндер бөртпе, ангионевроздық ісіну сияқты жеңілден ауыр дәрежеге дейінгі аллергиялық реакцияларды немесе тромбоцитопения және нейтропения сияқты гематологиялық айқаспалы реакцияларды туындатуы мүмкін. Анамнезінде тиенопиридиндердің кез келгеніне аллергиялық реакция және/немесе гематологиялық реакциясы болған пациенттерде өзге тиенопиридинге дәл осындай немесе басқа реакциялардың даму қаупі жоғары болуы мүмкін. Тиенопиридиндерге белгілі аллергиялық реакциясы бар пациенттерде аса жоғары сезімталдық симптомдарына мониторинг жүргізу ұсынылады.

Бүйрек функциясының бұзылуы

Бүйрек функциясының бұзылуы бар пациенттерде клопидогрелді қолдану тәжірибесі шектеулі. Сондықтан клопидогрелді мұндай пациенттерге сақтықпен қолдан керек.

Бауыр функциясының бұзылуы

Геморрагиялық диатезге бейім, бауыр функциясының ауырлығы орташа дәрежедегі бұзылуы бар пациенттерде қолдану тәжірибесі шектеулі. Осыған байланысты мұндай пациенттерге сақтықпен қолданылуы тиіс.

Жүктілік

Жүктілік кезінде клопидогрелдің әсері туралы клиникалық деректер жоқ. Сондықтан сақтық шаралары ретінде жүктілік кезінде клопидогрелді қабылдауға болмайды.

Клиникаға дейінгі зерттеулерде жүктілік, эмбрионалды/феталдық даму, босану немесе постнаталдық даму кезінде тікелей немесе жанама жағымсыз әсерлері анықталмаған.

Лактация

Клопидогрелдің адамның емшек сүтіне бөлінетіні белгісіз. Клиникаға дейінгі зерттеулердің деректері клопидогрелдің емшек сүтіне бөлінгенін куәландырады. Сақтық шаралары ретінде клопидогрелмен емдеу кезінде бала емізуді жалғастыруға болмайды.

Фертильділігі

Клиникаға дейінгі зерттеулерде клопидогрелдің фертильділікке әсері анықталмаған.

Қосымша заттар

Клопидогрел ШТАДА құрамында лактоза моногидраты бар. Осыған байланысты бұл препаратты галактоза жақпаушылығының сирек тұқым қуалайтын проблемалары, Лапп лактаза тапшылығы немесе глюкоза-галактоза мальабсорбциясы синдромы бар пациенттердің қабылдамағаны жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Клопидогрел автомобильді және қауіптілігі зор механизмдерді басқару қабілетіне әсер етпейді немесе елеусіз ғана әсер етеді.

Симптомдары: кейіннен болатын қан кету асқынуымен қан кету уақытының ұзаруы.

Емі: қан кету анықталған кезде тиісті ем тағайындау керек. Клопидогрелдің фармакологиялық белсенділігінің антидоты анықталмаған. Егер қан кету уақытының ұзаққа созылуын тез түзету қажет болса, тромбоциттер трансфузиясы клопидогрел әсерлерін тоқтата алады.

Шығарылу түрі және қаптамасы

14 таблеткадан поливинилхлорид/Аклар немесе поливинилхлорид/Аклар/поливинилхлорид немесе полиамид/алюминий/поливинилхлорид және баспалы лакталған алюминий фольгадан жасалған пішінді ұяшықты қаптамаға салынған.

1 немесе 2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

30 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы және елі

Хемофарм А.Д. Вршац, Шабац алаңы, Сербия

Тіркеу куәлігі ұстаушысының атауы және елі

ШТАДА Арцнаймиттель АГ

Штадаштрассе 2 - 18

D-61118 Бад Вилбель, Германия

телефон: + 49 6101 603-0

телефакс: + 49 6101 603-259

веб сайт: http://www.stada.de

Қаптаушы ұйымның атауы және елі

Хемофарм А.Д. Вршац, Сербия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ЕҰ «Нижфарм-Қазақстан» ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: (727) 2222-100

факс: (727) 398-64-95

e-mail: almaty@stada.kz