КЛИН ЭНЕМА

КЛИН ЭНЕМА

Жоқ

Дәрілік түрі, дозасы

Ректальді қолдануға арналған ерітінді, 135 мл

Ас қорыту жүйесі және зат алмасу. Іш қатуды емдеуге арналған препараттар. Клизмадағы іш жүргізетін препараттар. Натрий фосфаты.

ATХ коды A06AG01

Ересектерде:

- іштің қатуында

- тік ішектің эндоскопиялық зерттеуіне дайындықта

- құрсақ қуысы ағзаларының рентгенологиялық зерттеуіне дайындықта

- құрсақ қуысы ағзаларына жүргізілетін хирургиялық операцияларға дайындықта, сондай-ақ операциядан кейінгі кезеңде

Қолданудың басталуына дейін қажетті мәліметтер тізбесі

- әсер етуші заттарға немесе қосымша заттардың кез келгеніне жекелей аса жоғары сезімталдық

- ішектің бітелуі

- ішектің тесілуі

- геморроидальді қан кетулер, ішектің қабыну аурулары

- артқы өтіс сызаттары

- АІЖ төменгі бөліктерінің эрозиялы-ойық жаралы зақымданулары

- бүйрек аурулары (оның ішінде анамнезде)

- жүктілік және бала емізу кезеңі

- 18 жасқа дейінгі балалар мен жасөспірімдер

Қолдану кезіндегі қажетті сақтандыру шаралары

Қолданар алдында оң аяқ тізе буынынан бүгілген немесе екі аяқ та тізе мен кеуде аралығында бүгілген қалпында, сол жамбаста жату керек. Бөтелкенің қорғаныш қалпақшасын шешіп, майланған ұштықты жайлап тік ішекке енгізу қажет. Бөтелке-баллонды қысу арқылы сұйықтықты ішекке айдайды. Ұштықты тік ішектен шығарып алады. Пациент жоғарыда аталған қалыпты ішегін босатуға деген өте қатты қажеттілік пайда болғанша сақтауы тиіс.

Басқа дәрілік препараттармен өзара әрекеттесуі

Клизманы кальций өзектерінің блокаторларын қолданып жүрген пациенттерде сақтықпен қолдану керек. Литий препараттары немесе организмнің электролиттік теңгеріміне ықпал ететін басқа да препараттар, ол гиперфосфатемияға, гипокальциемияға, гипернатриемиялық дегидратацияға және ацидозға әкелуі мүмкін.

Бүйрек функциясына әсер ететін препараттарды қабылдайтын пациенттерге сақтықпен қолдану керек. Бұл препараттарға жоғары қан қысымын емдеу үшін қолданылатын АӨФ тежегіштері, ангиотензин рецепторларының блокаторлары, сондай-ақ аспирин, ибупрофен және напроксен сияқты стероидты емес қабынуға қарсы препараттар жатады. Психотроптық дәрілерді қабылдайтын тұлғалар және Паркинсон ауруын емдеу кезінде КЛИН ЭНЕМА клизмасын сақтықпен қолдану керек.

Клизма пероральді контрацептивтердің, эпилепсияға қарсы және диабетке қарсы препараттардың сіңуін баяулатуы немесе толығымен бөгеуі мүмкін.

Арнайы сақтандырулар

Ұштығын тік ішекке енгізген кезде сақтық таныту қажет. Клизманы гастроинтестинальді бітелуде, іркілісті жүрек жеткіліксіздігінде, жуан ішектің патологиялық кеңеюінде (туа біткен және жүре пайда болған), жедел бүйрек жеткіліксіздігінде немесе бұрын электролиттік теңгерім бұзылуы байқалса, сондай-ақ диуретиктерді қолданған пациенттерге, егер колостомия орын алса, (жиек ішекке тесік орнату) сақтықпен қолдану керек.

Натрий фосфаты қосылыстарының негізіндегі препараттардың дозасын арттырған кезде жағымсыз әсерлердің әлеуетті қаупі 55 жастан асқан тұлғаларда, сусыздану бар науқастарда, бүйрек аурулары, ішектің бітелуі немесе ішек қабынуы бар пациенттерде жоғары.

КЛИН ЭНЕМА құрамында натрий фосфаттары – натрий гидрофосфаты және натрий дигидрофосфаты бар, ол дозадан асып кеткен кезде гиперфосфатемияға әкелуі мүмкін.

Қосымша заттардың құрамында натрий бензоаты (E211) бар, ол жергілікті қолданған кезде терінің және шырышты қабықтың тітіркенуін тудырады.

Педиатрияда қолдану

18 жасқа дейінгі балалар мен жасөспірімдерге қолдануға болмайды.

Жүктілік немесе лактация кезінде

Препаратты қолдануға болмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Препаратты қолданғаннан кейін, препараттың көлік құралын немесе қауіптілігі зор механизмдерді басқару қабілетіне әсері байқалмаған.

Қолдану жөніндегі нұсқаулар

Дозалау режимі

Ректальді, 1 құты, құрамында 135 мл ерітінді бар.

Құты бір реттік қолдануға арналған.

Құтының ішіндегісін аяғына дейін қысып шығару міндетті емес, өйткені оның ішінде препараттың 15 мл артық мөлшері бар.

Енгізу әдісі және жолы

Ректальді

Қабылдау уақытының көрсетілуімен қолдану жиілігі

Бір реттік

Емдеу ұзақтығы

Клизманы 24 сағат ішінде бір реттен артық пайдалану зиянды болуы мүмкін.

Артық дозалану жағдайында қабылдау қажет болатын шаралар Симптомдары: препараттың жоғары дозаларын қолданғанда ауыр уыттану (соның ішінде өліммен аяқталатын) дамуы мүмкін. Препараттың артық дозалануы кезінде гиперфосфатемия, гипернатриемия, гипокальциемия, ацидоз, тетания және гипернатриемиялық дегидратация дамығаны байқалған.

Емі. Уыттану кезінде су-электролиттік теңгерімді демеп тұруға, сондай-ақ экзогендік фосфорды шығарып тастауға бағытталған шараларды жүргізу көрсетілген.

Артық дозаланған кезде диализ жүргізу тиімді. Арнайы антидоты жоқ.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қолдану тәсілі туралы сұрақтар туындаған жағдайда медицина немесе фармацевтика қызметкеріне жүгіну қажет.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Сирек

- аллергиялық реакциялар

- жүрек айнуы, құсу

- іштің ауыруы, шаршау сезімі, іштің кебуі

- жергілікті тітіркендіргіштік әсері

- егде жастағы пациенттерде ішектегі жасушадан тыс сұйықтықтың жылжуы салдарынан қатты және кенеттен болған сусыздану

- құрысуларға, летаргияға және комаға әкелетін гипокалиемия, гипокальциемия, гипернатриемия, ацидоздың пайда болуына түрткі болатын туындаған гиперфосфатемия

Өте сирек

- жедел бүйрек жеткіліксіздігі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

120 мл препарат құрамында

белсенді заттар: натрий дигидрофосфаты – 19.20 г,

натрий гидрофосфаты – 7.20 г

қосымша заттар: натрий бензоаты, ионсызданған су

Сыртқы түрінің, иісінің, дәмінің сипаттамасы

Иісі жоқ мөлдір, түссіз сұйықтық

Шығарылу түрі және қаптамасы

135 мл препараттан тамшылатқыш ұштығы және қалпақшасы бар пластик құтыларға құяды.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салады.

3 жыл

Жарамдылық мерзімі өткеннен кейін қолдануға болмайды!

Құрғақ жерде, 15 оС-ден 30 оС-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Набикасим Индастриз (Пвт) Лтд.

17/24, Коранги индустриалды аумақ, Карачи - Пәкістан

Тел. (92-21)32636313

e’mail: info@nabiqasim.com

Тіркеу куәлігінің ұстаушысы

Набикасим Индастриз (Пвт) Лтд.

17/24, Коранги индустриалды аумақ, Карачи - Пәкістан

Тел. (92-21)32636313

e’mail: info@nabiqasim.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

СЭЗ Фарм Актив ЖШС, Алматы қ., Қонаев к-сі, 18, 7 кеңсе, телефон: 377-85-43

Email: pharmactivfzco@gmail.ru