Клавунат ES

Клавунат ES

Жоқ

Дәрілік түрі, дозалануы

Ішке қабылдау үшін суспензия дайындауға арналған ұнтақ, 600 мг/42.9 мг

Жүйелі пайдалануға арналған инфекцияға қарсы препараттар. Жүйелі қолданылатын бактерияға қарсы препараттар. Бактерияға қарсы бета-лактамды препараттар, пенициллиндер. Пенициллиндер бета-лактамаза тежегіштерімен біріктірілімде. Амоксициллин және бета-лактамаза тежегіші

АТХ коды J01CR02

Клавунат ES пенициллинге төзімді Streptococcus pneumoniae туындаған немесе болжамды туындаған 3 айлық және салмағы 40 кг дейінгі балаларда келесі инфекцияларды емдеу үшін көрсетілген:

- жедел ортаңғы отит

- ауруханадан тыс пневмония

Бактерияға қарсы дәрілерді тиімді қолдану жөніндегі ресми ұсынымдарды назарға алған жөн.

Қолданудың басталуына дейінгі қажетті мәліметтер тізбесі

- әсер етуші заттарға, пенициллиндерге немесе қосымша заттарының кез келгеніне аса жоғары сезімталдық

• анамнездегі басқа бета-лактамды антибиотиктерге (цефалоспориндерге, карбапенемдерге, монобактамдарға) аса жоғары сезімталдықтың ауыр реакциясы

• анамнезінде амоксициллин/клавулан қышқылының біріктірілімін қабылдау аясында дамыған сарғаю немесе бауыр функциясының бұзылуы

Қолдану кезіндегі қажетті сақтандыру шаралары

Клавунат ES препаратымен емді бастар алдында пенициллиндерге, цефалоспориндерге немесе басқа бета-лактамды антибиотиктерге аса жоғары сезімталдықтың алдыңғы реакцияларына қатысты анамнезді мұқият жинау қажет.

Пенициллиндер қабылдайтын пациенттерде аса жоғары сезімталдықтың ауыр және кейде өлімге әкелетін реакциялары (анафилактоидты және терінің ауыр жағымсыз реакцияларын қоса) сипатталған. Бұл реакциялар анамнезінде пенициллинге аса жоғары сезімталдығы бар пациенттерде, сондай-ақ атопиялық жағдайы бар пациенттерде жиі туындайды. Аллергиялық реакция туындаған кезде Клавунат ES препаратымен емдеуді тоқтату және тиісті баламалы ем тағайындау керек.

Егер инфекция амоксициллинге сезімтал организмдерден туындағаны дәлелденген жағдайда, ресми ұсынымдарға сәйкес амоксициллин/клавулан қышқылынан амоксициллинге ауысу мүмкіндігін қарастыру керек.

Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар пайда болуы мүмкін.

Егер инфекциялық мононуклеозға күдік болса, Клавунат ES препаратын қабылдаудан аулақ болу керек, өйткені амоксициллинді қолданғаннан кейін де байқалатын инфекциялық мононуклеоздан туындаған қызылша тәрізді бөртпе пайда болуы мүмкін.

Амоксициллинмен емдеу кезінде аллопуринолды бір мезгілде қабылдау тері тарапынан аллергиялық реакциялардың туындау ықтималдығын арттырады.

Кейбір жағдайларда ұзақ уақыт қолдану сезімтал емес микроорганизмдердің көбеюіне әкелуі мүмкін.

Емдеудің басында пустулалардың пайда болуымен байланысты қызбамен бірге жалпыланған эритеманың пайда болуы жедел жалпыланған экзантематозды пустулездің (AGEP) симптомы болуы мүмкін. Көрсетілген реакция Клавунат ES препаратын қолдануды тоқтатуды талап етеді және амоксициллинді кейіннен қолдануға қарсы көрсетілім болып табылады.

Бауыр функциясының бұзылу белгілері бар пациенттерде амоксициллин/клавулан қышқылын сақтықпен қолданған жөн.

Бауыр тарапынан бұзылулар туралы, негізінен, ерлер мен егде жастағы пациенттерде хабарланды, бұл ұзақ емдеумен байланысты болуы мүмкін. Балаларда аталған бұзылулар туралы өте сирек хабарланды. Пациенттердің барлық топтарында симптомдар әдетте емдеу кезінде немесе одан кейін көп ұзамай пайда болады, алайда сирек жағдайларда емдеу аяқталғаннан кейін бірнеше аптадан соң ғана пайда болуы мүмкін. Мұндай құбылыстар, әдетте, қайтымды болады. Бауыр тарапынан бұзылулар ауыр болуы, өте сирек жағдайларда өлімге әкелуі мүмкін. Мұндай құбылыстар әрдайым дерлік ауыр негізгі ауруы бар немесе бауырға белгілі ықтимал жағымсыз әсері бар препараттарды қабылдаған пациенттерде байқалды.

Ауырлығы жеңілден өмірге қауіптіге дейін өзгеруі мүмкін амоксициллинді қоса алғанда, барлық дерлік бактерияға қарсы дәрілерді қолдану кезінде антибиотикпен терапиямен байланысты колиттің дамуы туралы хабарланды. Сондықтан кез келген антибиотиктерді қабылдау кезінде немесе терапия курсы аяқталғаннан кейін диареяға шалдыққан пациенттерде осы патологияның туындау мүмкіндігін есте ұстаған жөн. Антибиотикпен терапиямен байланысты колит дамыған жағдайда Клавунат ES емдеу дереу тоқтатылып, дәрігердің кеңесі ұсынылуы және тиісті емдеу басталуы керек. Бұл жағдайда перистальтиканы басатын препараттарды қолдануға болмайды.

Ұзақ мерзімді емдеу кезінде бүйрек, бауыр және қан түзу ағзаларының функцияларын қоса, жүйелер мен ағзалардың функцияларын мезгіл-мезгіл бағалау ұсынылады.

Амоксициллин/клавулан қышқылын алған пациенттерде қан кету уақытының және протромбин уақытының ұлғаюы (ХҚҚ жоғарылауы) байқалды, сондықтан Клавунат ES пен антикоагулянттарды бір мезгілде қолданған кезде қажет болған жағдайда антикоагулянт дозасын төмендету мүмкіндігімен тиісті мониторинг жүргізу қажет.

Клавунат ES бауыр функциясы бұзылған пациенттерге сақтықпен қолдану керек.

Бүйрек жеткіліксіздігі бар пациенттерде препараттың дозасы бүйрек жеткіліксіздігінің дәрежесіне байланысты түзетілуі тиіс.

Диурезі төмендеген пациенттерде өте сирек жағдайларда, негізінен парентеральді ем кезінде кристаллурия байқалды. Амоксициллиннің жоғары дозаларын қолдану кезінде сұйықтықтың жеткілікті мөлшерін қабылдау және амоксициллин кристаллдарының түзілу ықтималдығын азайту үшін қажетті диурезді ұстап тұру ұсынылады. Қуыққа катетеризация жасалған пациенттерде катетерлердің өткізгіштігін үнемі тексеріп отыру керек.

Амоксициллинмен емдеу кезінде несепте глюкозаның бар-жоғын зерттеу кезінде глюкооксидазаны анықтаудың ферментативті әдістерін қолданған жөн, өйткені ферментативті емес әдістерді қолдану кезінде жалған оң нәтижелер ықтималдығы бар.

Клавунат ES препаратында клавулан қышқылының болуы IgG мен альбуминді эритроциттер жарғақшаларымен спецификалық емес байланыстыруға әкелуі мүмкін, бұл Кумбс сынамасының жалған оң нәтижелеріне әкелуі мүмкін.

Амоксициллин/клавулан қышқылын қабылдаған және кейіннен Aspergillus тудырған инфекцияның жоқтығы мойындалған пациенттерде Bio-Rad Laboratories өндірген Platelia Aspergillus қолданумен ферменттік иммуноанализдің оң нәтижелері туралы хабарламалар болды. Bio-Rad Laboratories өндірген Platelia Aspergillus пайдалану арқылы ферменттік иммуноанализ жүргізу кезінде Aspergillus жатпайтын полисахаридтермен және полифуранозалармен айқаспалы реакциялар туралы хабарланды. Сондықтан амоксициллин/клавулан қышқылымен ем алатын пациенттердегі талдаулардың оң нәтижелерін сақтықпен түсіндіру және басқа диагностикалық әдістермен растау керек.

Басқа дәрілік  препараттармен өзара әрекеттесуі

Пероральді антикоагулянттар

Пероральді антикоагулянттар мен пенициллин қатарының антибиотиктері практикада өзара әрекеттесу туралы хабарламаларсыз кеңінен қолданылды. Алайда, аценокумарол немесе варфарин қабылдаған және амоксициллинмен емдеу курсы тағайындалған пациенттерде халықаралық қалыпқа келтірілген қатынастардың арту жағдайлары сипатталған. Егер осы препараттарды бір мезгілде қолдану қажет болса, амоксициллинді қосу немесе қабылдауды тоқтату кезінде протромбин уақытын немесе халықаралық қалыпқа келтірілген қатынасты мұқият бақылау керек. Сонымен қатар, пероральді антикоагулянттардың дозасын түзету қажет болуы мүмкін.

Метотрексат.

Пенициллиндер метотрексаттың шығарылуын төмендетуі мүмкін, бұл уыттылықтың ықтимал артуына әкеледі.

Пробенецид

Пробеницидті бір мезгілде қолдану ұсынылмайды. Пробенецид амоксициллиннің бүйректік өзекшелік секрециясын азайтады. Пробенецидті бір мезгілде қолдану амоксициллин (бірақ клавулан қышқылы емес) деңгейінің жоғарылауына және қанда болу ұзақтығының артуына әкелуі мүмкін.

Микофенолат мофетил.

Микофенолат мофетилмен ем алатын пациенттерде клавулан қышқылымен пероральді амоксициллинді қолдану басталғаннан кейін микофенол қышқылының белсенді метаболитінің дозаға дейінгі концентрациясы шамамен 50% төмендеуі мүмкін. Доза алдындағы деңгейдің бұл өзгерісі микофенол қышқылының жалпы экспозициясының өзгеруіне толық сәйкес келмеуі мүмкін. Демек, егер трансплантат дисфункциясы клиникалық расталмаса, микофенолат мофетилінің дозасын өзгерту әдетте талап етілмейді. Дегенмен, біріктірілімді қолдану кезінде және антибиотиктермен емдеуден кейін көп ұзамай мұқият мониторинг жүргізу керек.

Арнайы сақтандырулар

Педиатрияда қолдану

Препарат балаларға көрсетілген дозалау режиміне сәйкес қолданылады.

Клавунат ES препаратын үш айға дейінгі балаларда қолдану туралы клиникалық деректер жоқ.

Жүктілік немесе лактация кезеңінде

Жүктілік

Клавунат ES амоксициллин/клавулан қышқылын жүктілік кезінде қолдану туралы шектеулі деректер препараттың жүктілік барысына немесе шарананың/жаңа туған нәрестенің дамуына жағымсыз әсерін анықтаған жоқ. Бүгінгі күні қандай да бір маңызды эпидемиологиялық деректер алынған жоқ. Шарана қабығының мерзімінен бұрын жарылуы (pPROM) бар әйелдердің қатысуымен жүргізілген жалғыз зерттеуде Клавунат ES амоксициллин/клавулан қышқылын профилактикалық қолдану жаңа туған нәрестелерде некротикалық энтероколиттің даму қаупінің жоғарылауымен байланысты болуы мүмкін екендігі хабарланды. Басқа дәрілік препараттармен сияқты, дәрігер қажет деп санайтын жағдайларды қоспағанда, жүктілік кезінде, әсіресе бірінші триместрде қолданудан аулақ болу керек.

Бала емізу

Препараттың екі белсенді заты да емшек сүтімен шығарылады(клавулан қышқылының емшек еметін балаларға әсері туралы деректер жоқ). Сондықтан,бала емізу кезінде нәрестелерде диарея мен шырышты қабықтың зеңдік инфекциясы дамуы мүмкін, сондықтан мұндай жағдайларда бала емізуді тоқтату керек. Амоксициллин/клавулан қышқылын бала емізу кезінде емдеуші дәрігер пайда - қауіп арақатынасын бағалағаннан кейін ғана қолдану керек.

Қосымша заттар туралы ерекше ақпарат

Бұл препараттың құрамында бір дозаға 1 ммоль аз натрий (23 мг) бар, яғни құрамында натрий жоқ деуге болады.

Препараттың көлік құралын немесе қауіптілігі зор механизмдерді  басқару қабілетіне әсер ету ерекшеліктері

Клавунат ES амоксициллин/клавулан қышқылы препаратының көлік құралдарын басқару және механизмдермен жұмыс істеу қабілетіне әсеріне зерттеулер жүргізілген жоқ. Дегенмен, пациенттер қызметтің осы түрлеріне әсер етуі мүмкін ықтимал жағымсыз құбылыстар (мысалы, аллергиялық реакциялар, бас айналу, құрысулар) туралы хабардар етілуі тиіс.

Қолдану жөніндегі нұсқаулар

Дозалау режимі

Дозаның әрбір компоненті үшін жеке көрсетілетін жағдайларды қоспағанда, доза біріктірілімдегі амоксициллин мен клавулан қышқылының мөлшерлік бірліктерінде көрсетіледі.

Клавунат ES препаратының дозасын таңдау кезінде келесі факторларды ескеру керек:

- ықтимал патогендер және олардың бактерияға қарсы препараттарға күтілетін сезімталдығы

- инфекцияның ауырлық дәрежесі және орналасуы

- пациенттің жасы, дене салмағы және бүйрек функциясының жағдайы.

Емдеу клиникалық жағдайды қайта қараусыз 14 күннен артық жалғаспауы тиіс (ұзартылған терапияға қатысты «Қолдану кезіндегі қажетті сақтандыру шаралары» бөлімін қараңыз).

Дене салмағы ≥ 40 кг балалар мен ересектер

Дене салмағы ≥40 кг балалар мен ересектерде Клавунат ES препаратын қолдану тәжірибесінің болмауына байланысты дозалау режимі бойынша ұсынымдар жоқ.

Дене салмағы < 40 кг балалар (үш айлық жастан бастап)

Ұсынылатын тәуліктік доза екі қабылдауға бөлінген 1 кг дене салмағына 90 мг амоксициллин және 6,4 мг клавулан қышқылын құрайды.

Клавунат ES препаратын үш айға дейінгі балаларда қолдану туралы клиникалық деректер жоқ.

Клавунат ES препаратының ұсынылатын дозасы 10 күн бойы әрбір 12 сағат сайын екі қабылдауға бөлінген тәулігіне 90/6, 4 мг/кг құрайды (кестені қараңыз).

Дене салмағы 40 кг-дан асатын балаларды немесе ересектерді емдеу тәжірибесі жоқ.

Клавунат ES пероральді суспензия құрамындағы клавулан қышқылының мөлшері (калий тұзы түрінде) бойынша құрамында амоксициллин/клавулан қышқылы бар ұқсас суспензиялардан ерекшеленеді.

Клавунат ES 600/42,9 мг пероральді суспензиясының әр 5 мл-де 42,9 мг клавулан қышқылы, Клавунат-BID 200/28 пероральді суспензиясының әр 5 мл-де 28,5 мг клавулан қышқылы, ал Клавунат-BID 400/57 Форте пероральді суспензиясының әр 5 мл-де 57 мг клавулан қышқылы бар.

Осылайша, Клавунат-BID 200/28 препараттары ішуге арналған суспензия дайындауға арналған ұнтақ және Клавунат-BID 400/57 Форте ішуге арналған суспензия дайындауға арналған ұнтақ Клавунат ES 600/42,9 мг пероральді суспензиясын дайындау үшін пайдаланылмауы керек, өйткені олар бір-бірін алмастырмайды.

Пациенттердің ерекше топтары

Балалар

Препарат балаларға жоғарыда көрсетілген дозалау режиміне сәйкес қолданылады. Клавунат ES препаратын үш айға дейінгі балаларда қолдану туралы клиникалық деректер жоқ.

Егде жастағы пациенттер

Препарат егде жастағы пациенттерге қолдануға арналмаған.

Бүйрек  функциясының жеткіліксіздігі бар пациенттер

Креатинин клиренсі 30 мл/мин және одан астам балаларда дозаны түзету талап етілмейді.

Клавунат ES дозалау режимі бойынша ұсынымдардың болмауына байланысты креатинин клиренсі 30 мл/мин кем балаларға ұсынылмайды.

Бауыр  функциясының жеткіліксіздігі бар пациенттер

Бауыр жеткіліксіздігі бар пациенттерге препаратты қолданғанда сақ болу керек, сондай-ақ бауыр функциясына тұрақты мониторинг жүргізу қажет. Осы пациенттерде препарат дозасына қатысты ұсынымдар жоқ.

Енгізу әдісі мен жолы

Ішке қабылдау үшін.

Клавунат ES препаратын асқазан-ішек жолдарының ықтимал бұзылуын азайту үшін тамақтану кезінде қабылдау керек.

Қажет болған жағдайда емнің басында препараттың парентеральді формаларын қолданудың орындылығын қарастыру және әрі қарай пероральді формалармен емдеуді жалғастыру керек.

Қолданар алдында пероральді суспензияны жақсылап шайқау керек.

Клавунат ES суспензиясын дайындау тәсілі

Клавунат ES ұнтақ болып табылады, оған су қосу арқылы суспензия дайындау керек. Суспензия алу үшін келесі нұсқауларды орындаңыз:

Құтыны абайлап шертіп, құтының ішіндегісін

сілку керек.

Суспензияны дайындау үшін алдын ала қайнатылған және салқындатылған суды пайдалану ұсынылады.

4. Суспензияны сыйымдылығы 5 мл өлшеуіш қасықтың көмегімен қабылдауға болады.

Қабылдау алдында құтының ішіндегісін біртекті суспензия алынғанша мұқият шайқау керек.

Қолданғаннан кейін құтыны дереу мықтап жабу керек.

Клавунат ES пероральді суспензиясының түсі пайдалану кезінде аздап сарғаюы мүмкін. Дайын суспензия түсінің өзгеруі препараттың тиімділігіне әсер етпейді.

2 жасқа дейінгі балаға Клавунат ES қолданған кезде суспензияны енгізер алдында препаратты сумен сұйылтуға болады.

Дайындалған суспензияны сақтамаңыз.

Емдеу ұзақтығы

Емдеу ұзақтығы дәрігердің кеңесінсіз 14 күннен аспауы тиіс.

Артық дозалану жағдайында қабылдау қажет болатын шаралар

Симптомдары: асқазан-ішек бұзылулары және су-электролит теңгерімінің бұзылуы дамуы мүмкін. Амоксициллинді қабылдаумен байланысты кристаллурия байқалды, бұл жекелеген жағдайларда бүйрек жеткіліксіздігінің дамуына әкелді.

Бүйрек функциясы бұзылған пациенттерде және жоғары дозаларды қабылдайтын пациенттерде құрысулар пайда болуы мүмкін.

Амоксициллиннің қуықтың катетерлерінде, негізінен препараттың жоғары дозаларын вена ішіне енгізгеннен кейін шөгуі мүмкін.

Емі: симптоматикалық ем жүргізу, су-электролит теңгерімін түзету. Амоксициллин кристаллуриясы сипатталған, кейбір жағдайларда бүйрек жеткіліксіздігінің дамуына әкеледі. Амоксициллин/клавулан қышқылы гемодиализдің көмегімен жүйелі қанағымынан шығарылады.

Дәрілік препараттың бір немесе бірнеше дозасын өткізіп алған кезде қажетті шаралар

Дозаны өткізіп алған жағдайда, еске түсіргеннен кейін препараттың дозасын бірден қабылдау керек. Егер келесі дозаны қабылдау уақыты келген жағдайда, өткізіп алған дозаны толықтыру үшін қос дозаны қабылдауға болмайды.

Тоқтату симптомдары қаупінің болуын көрсету

Клавунат ES емдеуші дәрігер көрсеткен уақыт ішінде қабылдауды жалғастыру керек. Өзіңізді жақсы сезінген жағдайда да препаратты қабылдауды тоқтатпауыңыз керек.

Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар

Егер осы дәрілік препаратты қолдану туралы қосымша сұрақтар туындаса, емдеуші дәрігерге немесе фармацевтке хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі (≥ 1/100-ден < 1/10-ға дейін)

• тері және шырышты жабындардың кандидозы

• диарея, жүректің айнуы, құсу. Жүрек айнуы жоғары пероральді дозаларды қабылдау кезінде жиі туындайды. Асқазан-ішек бұзылыстарын азайту үшін препаратты тамақтану кезінде қабылдау керек.

Жиі емес (≥ 1/1000-нан < 1/100-ге дейін)

• бас айналу, бас ауыру

• асқорытудың бұзылуы

• АЛТ/АСТ бауыр ферменттері деңгейінің орташа жоғарылауы

• тері бөртпесі, қышыну, есекжем

Сирек (≥1/10000 < 1/1000 дейін)

• қайтымды лейкопения (нейтропенияны қоса), тромбоцитопения

• мультиформалы эритема

Белгісіз (қолда бар деректер негізінде бағалау мүмкін емес)- сезімтал емес микроорганизмдердің өсуі

• қайтымды агранулоцитоз, гемолиздік анемия, қан кету уақытының және протромбин уақытының ұлғаюы

• ангионевроздық ісіну, анафилаксия, сарысу құю ауруы, аллергиялық васкулит

- қайтымды аса жоғары белсенділік, бүйрек функциясы бұзылған пациенттерде немесе жоғары доза алатын пациенттерде туындауы мүмкін құрысулар

• антибиотиктерді қолдану нәтижесінде колит (жалған жарғақшалы және геморрагиялық колитті қоса), қара «түкті» тіл, тіс эмалінің түсінің өзгеруі. Балаларда тістің түсінің өзгергені туралы өте сирек хабарланды. Ауыз қуысының мұқият гигиенасы тіс түсінің өзгеруінің алдын алуға көмектеседі, өйткені әдетте өңезді тазалау арқылы кетіруге болады.

гепатит, холестаздық сарғаю, осы құбылыстар басқа пенициллиндер мен цефалоспориндерді қолдану кезінде де байқалған.

Ерлер мен егде жастағы пациенттерде бауыр тарапынан бұзылулардың дамуы туралы хабарланды, бұл препаратты ұзақ уақыт қолданумен байланысты болуы мүмкін. Бұл құбылыстар балаларда сирек байқалды. Белгілер мен симптомдар, әдетте, емді тоқтату кезінде немесе одан кейін көп ұзамай пайда болады, бірақ кейбір жағдайларда ем аяқталғаннан кейін бірнеше апта ішінде білінуі мүмкін. Әдетте олар қайтымды. Бауырдың бұзылуы ауыр болуы мүмкін және өте сирек жағдайларда өлім туралы хабарланды. Олар әрдайым дерлік ауыр аурулары бар пациенттерде немесе бауыр тарапынан жағымсыз реакциялар тудыратын препараттарды бір мезгілде қабылдаған пациенттерде тіркелді.

- Стивенс-Джонсон синдромы, уытты эпидермальді некролиз, буллезді эксфолиативті дерматит, жедел жайылған экзантематозды пустулез (AGEP)

• интерстициальді нефрит, кристаллурия

- эозинофилиямен және жүйелі симптомдармен дәрілік реакция (DRESS синдром). Аса жоғары сезімталдық реакциясы және дерматит дамыған жағдайда емдеуді тоқтату керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

5 мл суспензияның құрамында

белсенді заттар: амоксициллин тригидраты 723,186 мг (600 мг амоксициллинге баламалы),

калий клавуланаты:силоид (1:1) 107,271 мг (42,9 мг клавулан қышқылына баламалы)

қосымша заттар: гидроксипропилметилцеллюлоза, ксантан шайыры, кристалды натрий сахаринаты, аэросил 200, таңқурай ұнтағы

Сыртқы түрінің, иісінің, дәмінің сипаттамасы

Сарғыш - ақ түсті, біртекті, сусымалы, таңқурай иісі бар ұнтақ.

Суспензия сарғыш-ақ түсті, таңқурай иісі бар, біркелкі болуы керек.

Шығарылу түрі және қаптамасы

Препаратты тығыздығы жоғары полиэтиленнен жасалған қақпағы бар сыйымдылығы 100 мл (23 г ұнтақ үшін) немесе 150 мл (34.5 г ұнтақ үшін) янтарь түсті шыны құтыларға салады.

1 құтыдан, сыйымдылығы 5 мл 1 пластик қасықпен медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл.

Жарамдылық мерзімі өткеннен кейін қолдануға болмайды!

Құрғақ жерде 25 ºС-ден аспайтын температурада сақтау керек.

Дайын суспензияны тоңазытқышта (2-8° C) сақтау керек және 7-10 күн ішінде қолдану керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

АТАБАЙ КИМЬЯ САН. ВЕ ТИДЖ. А.С

Dilovası Organize Sanayi Bölgesi

4.kısım, Sakarya Caddesi No:28

Gebze, Коджаэли, Түркия

тел.: + 90 262 724 85 41

факс: + 90 262 724 85 43

info@atabay.com

Тіркеу куәлігінің ұстаушысы

АТАБАЙ КИМЬЯ САН. ВЕ ТИДЖ. А.С

Acibadem, Koftuncu sok. No:1

34718 Kadıkoy, Стамбул,Түркия

тел: +90 (216) 326 69 65

факс: +90 (216) 340 13 77

info@atabay.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«WHITE SAIL басқарушы компаниясы» ЖШС

Қазақстан Республикасы, Алматы қ., 1 ш. а., 61/1 үй

Тел/факс: +7 777 727 27 07

Электронды пошта: whitesail20@mail.ru