Кетазол (Кетоконазол)

Кетазол

Кетоконазол

Дәрілік түрі, дозасы

Сыртқа қолдануға арналған жақпамай, 2%

Тері ауруларын емдеуге арналған препараттар. Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол және триазол туындылары. Кетоконазол.

АТХ коды D01AС08

Дәрілік препарат Trichophyton spp., Microsporum spp. және Epidermophyton spp. тудырған терінің дерматофиттік инфекцияларын емдеуде ересектерде қолдануға көрсетілген:

- тегіс тері дерматомикозы

- шап эпидермофитиясы

- табан мен қол ұшы эпидермофитиясы

Сонымен қатар, Кетазол 2% жақпамайы тері кандидозын (вульвитті қоса), кебек тәрізді (түрлі-түсті) теміреткіні, Malassezia (бұрын Pityrosporum) spp. тудырған себореялық дерматитті емдеу үшін көрсетілген.

Қолданудың басталуына дейін қажетті мәліметтер тізбесі

- кетоконазолға немесе препараттың қосымша компоненттерінің кез келгеніне аса жоғары сезімталдық

- 18 жасқа дейінгі балалар

Басқа дәрілік препараттармен өзара әрекеттесуі

Зерттелмеген.

Арнайы сақтандырулар

Препарат тек сыртқа қолдануға арналған.

Жақпамай офтальмологиялық тәжірибеде қолданылмайды.

Жергілікті кортикостероидтармен ұзақ уақыт емдеуді тоқтатудан кейін тоқтату синдромын болдырмау үшін жергілікті кортикостероидтарды таңертең және Кетазол жақпамайын кешке қолдануды жалғастыру, ал одан кейін біртіндеп 2-3 апта ішінде стероидтармен емдеуді тоқтату ұсынылады.

Педиатрияда қолдану

Кетоконазолды педиатриялық топта қолдану деректер шектеулі, соның салдарынан препарат 18 жасқа дейінгі балаларға қарсы көрсетілімді.

Жүктілік немесе лактация кезінде

Жүктілік және лактация кезінде болуы мүмкін жағымсыз әсерлер туралы деректер жеткіліксіз. Сондықтан жүктілік кезінде және лактация кезеңінде сақтықпен қолдану қажет.

Кетоконазолды сыртқа қолдану кезінде жүкті әйелдерде және бала емізу кезеңінде қауіпті болу мүмкіндігі туралы деректер жоқ.

Кетоконазолдың плазмалық концентрациялары жүкті емес әйелдердің терісіне Кетазол 2% жақпамайын қолданудан кейін анықталмаған. Жүктілік кезінде және бала емізу кезеңінде Кетазол 2% жақпамайын қолданумен байланысты қауіптер белгісіз.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі және емдеу ұзақтығы

Табан мен қол ұшы эпидермофитиясында

Кетазол 2% жақпамайын зақымданған аумаққа күніне 2 рет жағу ұсынылады. Әдеттегі емдеу ұзақтығы – 1 апта. Аса ауыр және ауқымды зақымданулар үшін емдеуді, ең болмаса, ауру симптомдары басылған соң бірнеше күн жалғастырған жөн.

Басқа инфекцияларда

Кетазол жақпамайын зақымданған аумаққа зақымдану ауырлығына қарай күніне 1 немесе 2 рет жағу ұсынылады. Емдеуді, ең болмаса, ауру симптомдары басылған соң бірнеше күн жалғастырған жөн.

Орташа емдеу ұзақтығы кебек тәрізді теміреткіде 2-3 апта, тегіс тері дерматомикозында 3-4 апта созылады.

Егер 4 апта емделуден кейін клиникалық жақсару болмаса, диагнозды нақты анықтау талап етіледі.

Артық дозалану жағдайында қабылдау қажет болатын шаралар

Жақпамайды артық мөлшерде жағу, әдетте, емді тоқтатудан кейін басылатын эритеманың дамуын, ісіну және ашыту сезімін туындатуы мүмкін. Жақпамайды кездейсоқ ішке қабылдағанда демеуші және симптоматикалық ем жүргізген жөн.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер Сіз дозаны қолдануды өткізіп алсаңыз, Сіз оны ол жөнінде еске түсірген бойда қолданыңыз. Егер Сіз бұл жөнінде Өзіңіздің келесі дозаңызды қолдану уақытына дейін еске түсірсеңіз, өткізіп алған дозаны қолданбаңыз және Өзіңіздің әдеттегі қолдану кестесіне оралыңыз. Препараттың екі есе дозасын қолданбаңыз.

Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Дәрілік препараттың қолдану тәсілін түсініп алу үшін, сұрақтарыңыз болса, медициналық қызметкерге хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстар жиілігін белгілеу келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес ( ≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (қолда бар деректер негізінде бағалау мүмкін емес).

Иммундық жүйе тарапынан:

Жиі емес

– жоғары сезімталдық

Тері және тері асты тіндері тарапынан:

Жиі

– ашыту

Жиі емес

– буллезді бөртпе

– жанаспалы дерматит

– бөртпе

– терінің қабыршақтануы

• терінің жабысқақтығы

Жиілігі белгісіз (қолда бар деректер негізінде бағалау мүмкін емес)

– есекжем

Жалпы бұзылыстар және қолданған жердегі бұзылулар:

Жиі

– жаққан жердегі эритема және қышыну

Жиі емес

– қан кету

– жайсыздану

– терінің кеберсуі

– қабыну

– тітіркену

– парестезия

– енгізілген жердегі реакциялар

Егер нұсқаулықта көрсетілген кез келген жағымсыз әсерлер ушығып кетсе немесе нұсқаулықта көрсетілмеген кез келген басқа жағымсыз әсерлер білінсе, бұл жөнінде дәрігерге дереу мәлімдеу керек.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 г жақпамай құрамында:

белсенді зат: кетоконазол – 2 г;

қосымша заттар: пропиленгликоль, натрий кармеллозасы, кәдімгі үпілмәлік дәнінің майы (майсана майы), дистилляцияланған моноглицеридтер, эмульсиялық балауыз, метилпарагидроксибензоат (нипагин), бутилгидрокситолуол (дибунол), тазартылған су.

Сыртқы түрінің, иісінің, дәмінің сипаттамасы

Өзіне тән әлсіз иісі бар ақтан крем тәрізді немесе қызғылт реңді ақ түске дейінгі жақпамай.

Шығарылу түрі және қаптамасы

Алюминий сықпада 15 г.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон корапшаға салады.

3 жыл.

Жарамдылық мерзімі өткеннен кейін қолдануға болмайды!

Құрғақ жерде, 15 °С-ден аспайтын температурада.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«АКРИХИН» Химиялық-фармацевтикалық комбинаты акционерлік қоғамы» («АКРИХИН» АҚ), Ресей

142450, Мәскеу облысы, Ногинский ауданы, Старая Купавна қ., Киров

к-сі, 29 үй.

Телефон/факс: +7 (495) 702-95-03.

Электронды пошта: info@akrikhin.ru

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта: infomed@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік затты тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта: complaints@santo.kz; infomed@santo.kz