Карипазим

Производитель: Институт Фармакохимии Иовела Кутателадзе
Анатомо-терапевтическо-химическая классификация: Ферментные препараты
Номер регистрации в РК: № РК-ЛС-5№014264
Информация о регистрации в РК: 22.04.2015 - 22.04.2020

Инструкция

Саудалық атауы

Карипазим

Халықаралық патенттелмеген атауы

Жоқ

Дәрілік түрі

Сыртқа қолдану үшін ерітінді дайындауға арналған лиофилизацияланған ұнтақ 350 ПБ

Құрамы

Бір құтының ішінде

белсенді зат - кептірілген сүттіген папайя шырыны 350 ПБ

Сипаттамасы

Сарғыш реңді ақ лиофилизацияланған ұнтақ немесе әлсіз өзіне тән иісі бар кеуекті масса

Фармакотерапиялық тобы

Жараны және ойық жараны емдеуге арналған препараттар. Ферменттік препараттар.

АТХ коды D03B

Фармакологиялық қасиеттері

Фармакокинетикасы

Сыртқа қолданылғанда препарат сіңбейді және организмге жүйелі әсер етпейді. Электрофоретикалық енгізу кезінде Карипазим омыртқааралық дискілердің зақымданған аймағына іріктеліп жинақталады. Карипазимнің құрамына кіретін ферменттер ыдырайды да бауырда толығымен биоөзгеріске ұшырайды.

Фармакодинамикасы

Карипазим – қауынағаш (папайя) латексінен алынған өсімдік текті препарат.

Препараттың құрамында сульфгидрильді протеолитикалық ферменттер: папаин, А және Б химопапаиндері, А және Б папайясының пептидазасы, папайя лизоцимі, сондай-ақ аминқышқылдарының, көмірсулардың, Na, К, Mg, Са тұздарының азғантай мөлшері бар. Препарат таңдамалы протеолитикалық белсенділікпен сипатталады – полипептидтерге дейін некроздалған тіндердің ақуыздарын гидролиздейді, бірақ сау тіндерге қатысты, оларда протеаза белсенділігінің тежегіштерінің болуына байланысты, белсенді емес болып табылады.

Карипазим өсімдік текті протеолитикалық қосылыстарға жатады. Препараттың қасиеттері үш протеолитикалық ферменттің: папаин, химопапаин және протеиназаның, сондай-ақ сульфгидрильді топтың белсенді орталықтарында муколитикалық ферменті лизоцимнің белсенділігіне негізделген.

Электрофорез әдісімен қолданылғанда, карипазим тіндерге өтіп және зақымданған омыртқааралық дискілер аймағында жинақталып, дәнекер тінге, оның ішіндегі дискі тінінің өзіне және бұлтиып шыққан жарыққа жергілікті әсер етеді. Препарат коллаген ақуызының жоғары секрециясына негіз болады, бұл дискінің торлы-талшықты қабығының орташа тыртықтануына әкеледі. Хондроитинсульфаттар биосинтезінің диск жасушаларының бөлігі болып сақталуы пульпоздық ядроның трофикалық рөлін жоғарылатады және оны созылғыш ете отырып дискінің тургорын қайта қалпына келтіреді.

Препараттың құрамына кіретін ферменттер протеолитикалық белсенділіктен басқа, ісінуге қарсы және қабынуға қарсы айқын әсер береді. Қан айналымын жақсартады, фагоцитозды көтермелейді, гиалуронидаза белсенділігін бәсеңдетеді және тіндердің регенерациясын күшейтеді.

IIIА дәрежелі күйіктерде қабыршақтар ажырауының жеделдеуіне және грануляцияланатын жарақаттардың іріңді-некрозды тіндердің қалдықтарынан тазаруына ықпал етеді.

Қолданылуы

- IIIА дәрежелі күйіктерде (қабыршақтар ажырауының жеделдеуі және грануляцияланатын жарақаттардың іріңді-некрозды массасынан тазаруы үшін)

- мойын және бел деңгейіндегі омыртқааралық дискі жарығында

Қолдану тәсілі мен дозалары

Тері астына, бұлшықет ішіне және көктамыр ішіне қолдануға болмайды!

Карипазимді IIIА дәрежелі күйіктерде қолдану

Карипазим қабыршақтану қалыңдығына байланысты 17,5 Пб/мл, 35 ПБ/мл немесе 70 ПЕ/мл концентрациялармен ерітінді түрінде сыртқа қолданылады. Ерітінділерді новокаиннің 0,5% ерітіндісінде немесе натрий хлоридінің изотониялық 0,9% ерітіндісінде қолданар алдында дайындайды.

17,5 ПБ/мл концентрациясын алу үшін Карипазим құтысына 20 мл еріткішті, 35 ПБ/мл концентрациясын алу үшін Карипазим құтысына 10 мл еріткішті және 70 ПБ/мл концентрациясын алу ушін Карипазим құтысына 5 мл еріткішті қосу керек. Препаратқа шыланған сүрткіні күйген жерге қойып, ылғал өткізбейтін таңғышпен таңады.

Дененің 30%-дан аспайтын жалпы көлемін бір мезгілде өңдейді. Таңғышты қабыршақтанып некроздалған тіндерді алып тастай отырып, тәулігіне 1 рет немесе 2 тәулікте 1 рет ауыстырады.

Емдеу курсы 4-тен 12 күнге дейін.

Карипазимді енгізудің электрофоретикалық әдісі

Карипазимді электрофорез әдісі түрінде оң полюстен ғана енгізеді.

Омыртқа аймағын Карипазиммен электрофорездеу.

Курстық емі – 2-3 курс (1 курсы 20-дан 30 емшараға дейін).

Емшара арасында 1-2 күн үзіліс жасауға жол беріледі.

Қайталау курсы 30-60 күн өткен соң.

Карипазимнің 1 немесе 0,5 құтысын тікелей емшара алдында 5-10 мл физиологиялық ерітіндіде сұйылту керек. Ерітіндіге Димексидтің 1-2 тамшысын қосады. Ерітіндіні электродтың оң төсемесіне салынған сүзгі қағазға жағады және патология аймағына салады. Төсеменің өлшемі 10х15, 15х20см. Теріс электрод төсемесіне 3-5 мл 2,4% аминофиллин (эуфиллин) ерітіндісін жағады.

Төсеменің орналасу нұсқалары:

ұзынынан а) Карипазимді мойын маңына (+)

Эуфиллинді бел маңына (-)

б) Карипазимді мойын маңына (+)

Эуфиллинді иық маңына (-)

в) Карипазимді мойын маңына (+)

Эуфиллинді екі айырылған электродпен екі иыққа да (-)

г) Карипазимді бел маңына (+)

Эуфиллинді шоңданай жүйкесінің шығу нүктесіне (-)(санның

артқы жағына)

д) Карипазимді бел маңына (+)

Эуфиллинді сан маңына (-) екі айырылған электродпен

көлденең е) Карипазимді бел маңына (+)

Эуфиллинді іш маңына (-)

Төсемелер температурасы - қатаң түрде 37-39 ºС болуға тиіс - су термометрімен бақыланады.

Ток күші 10-15мА (біртіндеп арттыру керек).

Экспозиция уақыты 10-нан 20 минутқа дейін, оны да біртіндеп арттырады.

Жағымсыз әсерлері

Болуы мүмкін

- қышыну түріндегі аллергиялық реакция және температураның жоғарылауы

Қолдануға болмайтын жағдайлар

- препаратқа жекелей жоғары сезімталдық

- тіндердегі жедел қабыну үдерістері

- жарықтың секвестрленуі және фораменальді орналасуы

- омыртқаның орнынан едәуір қозғалуы

- кіші жамбас аймағындағы онкологиялық аурулар

- жедел вирустық аурулар

- 18 жасқа дейінгі балалар мен жасөспірімдерге

- жүктілік және лактация кезеңі

Неврологиялық тәжірибеде Карипазимді қолданудың салыстырмалы қарсы көрсетілімдері адам төзгісіз ауырулар, сезімталдықтың өрескел және тұрақты бұзылулары, бұлшықет күшінің төмендеуі немесе зақымданған сегмент иннервациясы аумағындағы плегия, консервативті емдеудің әсері болмағанда жамбас мүшелері функциясының бұзылуы болып табылады.

Дәрілермен өзара әрекеттесуі

Препаратты қолданған кезде басқада препараттармен жағымсыз дәрілік өзара әсері байқалмаған.

Айрықша нұсқаулар

Балаларда қолданылуы

Дәрілік заттың қауіпсіздігі мен тиімділігі жөнінде клиникалық мәліметтер жоқ болғандықтан, 18 жасқа дейінгі балалар мен жасөспірімдерге қолдану үшін ұсынылмайды.

Жүктілік және лактация кезеңі

Дәрілік заттың қауіпсіздігі мен тиімділігі жөнінде клиникалық мәліметтердің болмауына байланысты, дәрілік затты жүктілік және лактация кезеңінде қолдану ұсынылмайды.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары сипатталмаған. Препарат тек сыртқа қолданылатындықтан, ықтималдығы өте төмен.

Шығарылу түрі және қаптамасы

350 ПБ препараттан резеңке тығынмен тығындалып, алюминий қалпақшамен қаусырылған, сыйымдылығы 10 мл түссіз шыны құтыда.

1 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салынады.

Сақтау шарттары

Құрғақ, жарықтан қорғалған жерде, 2 ºС-ден 8 ºС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Иовела Кутателадзе Фармакохимия Институты

Мекенжайы: П. Сараджишвили к-сі №36, Тбилиси қ., 0159, Грузия.

Тіркеу куәлігінің иесі

Иовела Кутателадзе Фармакохимия Институты

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«НИДИА-ФАРМ» ЖШС

050042, Алматы қ., «Таугүл – 1» ы/а, 91 А үй

тел.: 8 (727) 309 51 41, факс: 8 (727) 309 51 40,

e-mail: nidiafarm@mail.ru

 

Прикрепленные файлы

849996871477976500_ru.doc 50.5 кб
539964771477977660_kz.doc 62.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники