Иммунорм-Тева

Иммунорм-Тева

Жоқ

Дәрілік түрі, дозалануы

Ішуге арналған ерітінді

Антинеопластикалық және иммуномодуляциялайтын препараттар.

Иммуностимуляторлар. Басқа иммуностимуляторлар.

АТХ коды L03AX

• суық тию аурулары кезінде бастапқы симптомдардың профилактикасы және емдеу

Қолдануды бастағанға дейін қажетті мәліметтер тізбесі

• белсенді затқа және күрделігүлділер тұқымдас өсімдіктерге аса жоғары сезімталдық

• үдемелі жүйелі аурулар (туберкулез, саркоидоз)

• аутоиммундық аурулар (коллагеноз, шашыранды склероз)

• иммунитет тапшылығы жағдайлары (АИТВ-инфекция, ЖИТС)

• иммуносупрессиялар (онкологиялық цитостатикалық ем, анамнезде ағзалар трансплантациясы немесе сүйек кемігі трансплантациясы)

• агранулоцитоз, лейкоз

• аллергиялық реакцияларға тұқым қуалайтын бейімділігі бар пациенттерге (есекжем, атопиялық дерматит, демікпе).

• тұқым қуалайтын фруктоза көтере алмаушылық

• жүктілік және лактация кезеңі

• 18 жасқа дейінгі балалар және жасөспірімдер

Қолдану кезіндегі қажетті сақтандыру шаралары

Басқа дәрілік препараттармен  өзара әрекеттесуі

Күрең қызыл эхинацея шырынының басқа дәрілік заттармен қандай болмасын өзара әрекеттесуі туралы хабарлар жоқ. Дегенмен, иммунодепрессанттармен (циклоспоринмен және метотрексатпен) бір мезгілде қолдану ұсынылмайды.

Арнайы ескертулер

Егер препаратты қолданғанда пациенттің жағдайы нашарласа немесе температураның жоғарылауы байқалса, емдеуші дәрігермен кеңесу қажет.

Аллергиялық реакцияларға тұқым қуалайтын бейімділігі бар пациенттерге (атопиялық дерматиті бар пациенттер) анафилаксиялық  реакция даму қаупі болуы мүмкіндігі салдарынан аса сақ болуы керек.

Шағымданулардың ұзақ уақыт сақталуы, ентігу, дене температурасының жоғарылауы немесе іріңді, болмаса қанды қақырықпен қатар жүретін тыныс алу жолдарының қайталанатын инфекциялық аурулары жағдайында дәрігер кеңесі қажет. Препаратты қабылдаудың әсері болмағанда және несеп шығару жолдары ауруларының белгілері қайта пайда болғанда дәрігерлік тексеру қажет.

Ерітінді құрамында көлемі бойынша 22% этил спирті бар екенін ескеру керек.

Жүктілік және лактация кезеңі

Жүктілік және бала емізу кезеңінде препараттың зиянды әсер етуі туралы хабарлар жоқ. Препаратты дәрігердің кеңесінсіз жүктілік және лактация кезінде және егер препаратты қолданудың қаупі пайдасынан асып түссе, қолдануға болмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Ересектер күніне 3 рет 2,5 мл-ден қабылдайды. Дозалау үшін өлшеуіш стақанды пайдаланады.

Енгізу әдісі мен жолы

Ерітіндіні аз мөлшердегі сұйықтықпен тамақ ішуге байланыссыз қабылдайды.

Емдеу ұзақтығы

Үздіксіз қолдану ұзақтығы 10 күннен аспауы тиіс.

Дәрілік препаратты қолдану тәсілін түсіндіру үшін медицина қызметкеріне консультация алу үшін жүгіну жөніндегі ұсынымдар

Әрқашан препаратты қосымша параққа немесе емдеуші дәрігердің ұсыныстарына сәйкес қабылдаңыз. Күмән пайда болған кезде, емдеуші дәрігермен кеңесіңіз.

Артық дозалану

Анықталған жоқ

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Сирек (≥ 1/10,000 - < 1/1,000)

• терінің аса жоғары сезімталдық реакциялары (қышыну, тері бөртпесі, есекжем)

• Стивенс-Джонсон синдромы

Өте сирек (<1/10000)

• обструкциямен бронх түйілуі

• аса жоғары сезімталдық салдарынан болатын демікпе

• ангионевроздық ісіну

• Квинке ісінуі

• анафилаксиялық шок

• аутоиммундық аурулар (жайылған энцефалит, түйінді эритема, аутоиммундық тромбоцитопения, тубулярлы бүйрек дисфункциясымен Шегрен синдромы)

• ұзақ қолданған  кездегі лейкопения (8 аптадан астам).

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 мл препараттың құрамында

белсенді зат - күрең қызыл эхинацея сұйық экстрактісі * 98,000 г

* препарат құрамында 24.4 мл 90% этил спирті (көлемі/көлемі) бар

Сыртқы түрінің, иісінің, дәмінің сипаттамасы

Мөлдір, өзіне тән иісі бар қоңыр немесе қызылдау-қоңыр сұйықтық, шөгінді пайда болуы мүмкін.

Шығарылу түрі және қаптамасы

50 мл препараттан бұралатын қақпағы бар шыны құтыларға құйылады.

1 құтыдан өлшеуіш стақанмен және медициналық қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

3 жыл

Құтыны ашқаннан кейін препаратты 12 ай ішінде қолдануға болады.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Меркле ГмбХ, Ульм, Германия

Graf-Arco-Str. 3, 89079, Ulm, Germany

Тел: +4931 4027487

e-mail: info.tevakz@tevapharm.com

Тіркеу куәлігінің ұстаушысы

ратиофарм ГмбХ, Ульм, Германия

Graf-Arco-Str. 3, 89079, Ulm, Germany

Тел: +4931 4027487

e-mail: info.tevakz@tevapharm.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы-Тау БО, 5Б, 6 қабат.

Телефон: +7 (727) 3251615;

е-mail: info.tevakz@tevapharm.com; веб сайт: www.kaz.teva.