Изофра
Инструкция
-
русский
-
қазақша
Саудалық атауы
Изофра
Халықаралық патенттелмеген атауы
Фрамицетин
Дәрілік түрі
Мұрынға арналған спрей, 15 мл, 1, 25 %
1 доза спрейдің құрамында
белсенді зат – фрамицетин сульфаты 1,25 г, бұл 800 000 ӘБ сәйкес,
қосымша заттар: метилпарагидроксибензоат, натрий хлориді, натрий цитраты, лимон қышқылы моногидраты, тазартылған су.
Сипаттамасы
Мөлдір түссіз сұйықтық
Фармакотерапиялық тобы
Респираторлық жүйе. Мұрынға арналған препараттар. Деконгестанттар және мұрынға арналған басқа препараттар. Мұрын ауруларында жергілікті қолдануға арналған басқа препараттар. Фрамицетин.
АТХ коды R01AX08
Фармакологиялық қасиеттері
Фармакокинетикасы
Фармакокинетикасы зерттелмеген.
Фармакодинамикасы
Отоларингологияда жергілікті қолдануға арналған аминогликозидтер тобының антибиотигі.
Бактерицидті әсер етеді. Тыныс алу жолдарының жоғарғы бөліктерінде инфекциялық үдерістер дамуын туындататын көптеген грамоң және грамтеріс бактерияларға (Staphylococcus aureus, Escherichia coli, Klebsiella pneumoniae, Haemophilus influenzae) қатысты белсенді.
Қолданылуы
Тыныс алу жолдары жоғарғы бөліктерінің инфекциялық-қабыну аурулары кезінде біріктірілген емнің құрамында.
Дәрігерлер бактерияға қарсы препараттарды қолдану жөніндегі тиісті ресми ұсынымдарды ескерулері тиіс.
Қолдану тәсілі және дозалары
Ересектерге: әр танауға бір бүркуден тәулігіне 4-5 рет.
Балаларға: әр танауға бір бүркуден тәулігіне 3 рет.
Емдеу ұзақтығы – 7 күннен аспайды.
Қолдану кезінде құтыны тігінен ұстау керек.
Жағымсыз әсерлері
Cирек
- аллергиялық реакциялар: тері бөртпесі, қышыну
Қолдануға болмайтын жағдайлар
- Фрамицетинге және аминогликозидтер тобының басқа антибиотиктеріне жоғары сезімталдық. Препаратты мұрынның қосалқы қойнауларын шаюға қолданбаған жөн.
- жүктілік және лактация кезеңі
Дәрілермен өзара әрекеттесуі
Препараттың басқа дәрілік заттармен клиникалық мәнді өзара әрекеттесуі анықталмаған.
Айрықша нұсқаулар
Емдеу кезінде микроорганизмдер резистентті штаммдарының пайда болуы мүмкін екендігін ескерген жөн.
Жүктілік
Жүктілік және бала емізу кезеңінде қолдануға болмайды.
Лактация кезеңі
Бала емізіп жүрген кезде бұл дәрілік препаратты пайдалану ұсынылмайды, өйткені аминогликозидтер емшек сүтіне түседі.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Симптомдары – қазіргі кезде артық дозалану жағдайлары туралы хабарланбаған.
Емі – симптоматикалық.
Шығарылу түрі және қаптамасы
15 мл бұрандалы полиэтилен қақпағы, бүріккіш ұштығы бар жарық өткізбейтін полиэтилен құтыда.
1 құтыдан қолдану жөніндегі нұсқаулықпен бірге картон қорапшаға салады.
Сақтау шарттары
Балалардың қолы жетпейтін жерде, 25 °С-ден аспайтын температурада сақтау керек.
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
Софартекс
21 рю дю Прессо,
Вернуйе 28500, Париж, Франция
Тіркеу куәлігінің ұстаушысы
«Лаборатории БУШАРА-РЕКОРДАТИ»,
70, авеню дю Женераль де Голль
иммебль «Ле Вильсон»
92800 Пюто, Париж, Франция
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):
«FIC MEDICAL» (ФИК МЕДИКАЛЬ) ЖШС Қазақстан Республикасындағы өкілдігі, Төле би к-сі 69, 33 кеңсе, 050000, Алматы қ., Қазақстан Республикасы
тел.: +7 (727) 272 93 08, факс: +7 (727) 272 90 25
e-mail: fic_kz@ficmedical.kz