Ивалгин®

• русский
• қазақша

• Скачать инструкцию медикамента

Саудалық атауы

Ивалгин®

Халықаралық патенттелмеген атауы

Ибупрофен

Дәрілік түрі

Гель

Құрамы

50 г гельдің құрамында

белсенді зат: ибупрофен 2.500 г

қосымша заттар: гидроксиэтилцеллюлоза, пропиленгли-коль, 2-пропанол, этанол 96%, троламин, тазартылған су

Сипаттамасы

Түссіз немесе сәл сарғыштау, мөлдір немесе сәл бозаңданатын гель.

Фармакотерапиялық тобы

Тірек-қимыл аппараты ауруларын жергілікті емдеуге арналған препараттар. Қабынуға қарсы стероидты емес жергілікті қолдануға арналған препараттар. Ибупрофен.

ATХ коды MO2AA13

Фармакологиялық қасиеттері

Фармакокинетикасы

Ивалгин® теріге жаққаннан кейін тері асты тіндеріне жақсы сіңеді. Жергілікті енгізілген 250 мг дозада ибупрофеннің шыңдық деңгейлері 5 г кремде орташа алғанда 100 нг/мл жуық деңгейде түрленіп отырған, бұл ибупрофеннің баламалы пероральді дозасын қабылдаудан кейін шамамен 0.5% шыңдық концентрациясын білдіреді. Дәрілік заттың аздаған бөлігі қан айналымының үлкен шеңберіне енеді.

Фармакодинамикасы

Ивалгин®, пропион қышқылының туындысы, ауруды басатын және қабынуға қарсы жақсы әсері бар ревматизмге қарсы стероидты емес дәрі болып табылады. Өнім анағұрлым төменгі дозада ауыруды басатын әсер береді, ал дозалары жоғарылау болғанда қабынуға қарсы әсеріне жетеді. Қабынуға қарсы әсеріне циклооксигеназаны тежеу және артынан простагландин биосинтезін тежеу жолымен қол жеткізіледі. Қабынуға қарсы медиаторлардың гранулоциттерден, базофилдер мен мастоциттерден босап шығуын төмендету қабынуды азайтады. Бұған қоса, ибупрофен қантамырлардың брадикининге және гистаминге сезімталдығын азайтады, Т-лимфоциттерде лимфокиндер өндірілуіне әсер етеді және вазодилатацияны тежейді. Сондай-ақ ол тромбоциттер агрегациясын тежейді.

Қолданылуы

- шығу тегі қабынбалы ревматизмдік аурулардың жедел және созылмалы түрлерінде

- остеоартроз кезіндегі ауыру жағдайында

- көктамырдың беткейлік қабынуында

- сіңірдің және бұлшықеттің бекіген жерінің қабынуларын емдеу үшін

- жарақаттан кейінгі және спорттық жарақаттан кейінгі жағдайды емдеу үшін (контузия, буын байламдарының созылуы, ісінулер, буынның жұмсақ тіндерінің зақымдануы)

Қолдану тәсілі және дозалары

Ересектер мен 12 жастан асқан жасөспірімдерге зақымданған жерге ұзындығы 4-10 см гель жолағын 3-4 сағат уақыт аралығымен тәулігіне 3-4 рет жағып, теріге абайлап ысқылап жағу керек. Қатты ауырған жағдайда емді ибупрофен негізіндегі таблеткалар қабылдаумен толықтыру ұсынылады.

Егде жастағы адамдар

Ересектерге арналған әдеттегі дозаны пайдалануға болады

Жағымсыз әсерлері

Сирек

• қышыну сезімі

• күйдіру

• қызару

• бөрту

• аллергиялық реакция (бейім емделушілерде бронх түйілуімен туындаған ентігу)

Қолдануға болмайтын жағдайлар

• ибупрофенге және препараттың басқа да компоненттеріне жоғары сезімталдық

• жүктіліктің 3 триместрінен кейін қолдануға болмайды

• лактация кезеңі

• 12 жастан кіші балаларға қолдануға болмайды

Дәрілермен өзара әрекеттесуі

Сыртқа қолданғанда дәрілермен өзара әрекеттесулері белгісіз.

Басқа да жергілікті белсенді заттармен бір мезгілде бір орынға қолдану ұсынылмайды. Жергілікті жағылған ибупрофеннің плазмалық деңгейінің төмен болуына байланысты жүйелік қолданылатын басқа дәрілік заттармен өзара әрекеттесу мүмкіндігі аз.

Айрықша нұсқаулар

Жаққаннан кейін, егер емдеу қажет жерлері болмаса, қолды жуып тастау қажет. Емдеу ұзақтығы емдік көрсетілімдер мен емделушінің емге реакциясына байланысты болады. Дәрігердің тиісті ұсынымы болмағанда, гельді жұмсақ тіндер зақымдануы немесе жұмсақ тіндер ревматизмі жағдайында екі аптадан артық, сәйкесінше артриттік ауруларды емдеу үшін 3 аптадан артық пайдаланбаған жөн. Өнімді дәрігердің ұсынуынсыз пайдаланған жағдайда, егер жағдайы жақсармаса немесе керісінше нашарлауы байқалса, 7 күн ішінде медициналық кеңеске жүгінген жөн.

Сезімтал адамдарды ибупрофенді қоса алғанда, пероральді ҚҚСП қолданып емдеу кейде бүйрек функциясының бұзылуымен; пептикалық ойық жара мен аллергиялық бронх реакциясының өршуімен қатар жүруі мүмкін. Жергілікті енгізілген ибупрофеннің жүйелік сіңуі пероральді қабылдаудан кейінгіге қарағанда аз болғанымен, мұндай асқынулар мүлдем жоққа шығарыла алмайды.

Жүктілік және лактация кезеңі

Бұл препаратты жүктіліктің 1 және 2 триместрі кезінде қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат зейін жұмылдыруға және реакция жылдамдығына әсер етпейді.

Артық дозалануы

Артық дозалану жағдайлары туралы хабарланбаған.

Жергілікті қолданудан кейінгі артық дозалану ықтималдығы аз. Сезімтал адамдарда өнімді ұзақ және шамадан тыс пайдалану жүйелік сіңуінің ұзаруына әкелуі және эритема, экзема сияқты жергілікті тері реакцияларын туындатуы мүмкін; мұндай жағдайда емдеуді тоқтатқан жөн. Өнімнің анағұрлым жоғары дозасын кішкентай бала кездейсоқ пайдаланып қойғаннан кейін жүрек айну мен құсу туындауы мүмкін. Демеуші ем немесе құстырту ұсынылады.

Шығарылу түрі және қаптамасы

50 г гельден алғашқы ашылуы бақыланатын, бұрандалы пластмасса қақпағы бар алюминий сықпаға салынған.

1 сықпа медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

Зентива к.с., Чех Республикасы

Тіркеу куәлігінің иесі

Зентива к.с., Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Санофи-авентис Қазақстан» ЖШС

Қазақстан Республикасы, 050016, Алматы, Қонаев к-сі 21б

телефон: 8-727-244-50-96

факс: 8-727-258-25-96

e-mail: quality.info@sanofi.com