Дотаграф®

Дотаграф®

Гадотер қышқылы

Дәрілік түрі, дозалануы

Вена ішіне енгузіге арналған ерітінді, 0,5 ммоль/мл

Басқа дәрілік препараттар. Контрастылы заттар. Ядролық-магнитті резонансқа арналған контрасттылы заттар. Парамагнитті контрастылы заттар. Гадотер қышқылы.

АТХ Коды: V08CA02

Бұл дәрілік препарат тек диагностикалық мақсаттарға арналған.

Дотаграф® магнитті-резонанстық томография (МРТ) кезінде жақсы визуализация/бөлу үшін бейненің контрастылығын арттыруға арналған контрасты препарат болып табылады.

Дотаграф® көрсетілген:

Ересектер мен балаларға (0-18 жас)

• орталық жүйке жүйесінің (ОЖЖ) магниттік-резонанстық томографиясын (МРТ) жүргізген кезде, мидың, омыртқаның және қоршаған тіндердің зақымдануын қоса алғанда;

• барлық дененің МРТ магниттік-резонанстық томографиясын жүргізген кезде, оның ішінде бауыр, бүйрек, ұйқы безі, кіші жамбас, өкпе, жүрек, сүт безі және тірек-қимыл аппараты зақымданған кезде.

Ересектерге

• магнитті-резонанстық ангиографияны (МРА) жүргізу кезінде, коронарлық емес артериялардың зақымдануын немесе стенозын қоса алғанда.

Егер МРТ контрасты күшейтусіз мүмкін болмаса, Дотаграф® препаратын диагностикалық ақпарат қажет болған жағдайда ғана қолданған жөн.

Дәрілік препаратты қолданудың басталуына дейінгі қажетті мәліметтер тізбесі

- гадотерин қышқылына немесе қосымша заттардың кез келгеніне аса жоғары сезімталдық

Қолдану кезіндегі қажетті сақтандыру шаралары

Дотаграф® интратекальды енгізуге болмайды. Сақтықты сақтау керек және препаратты тек көктамыр ішіне енгізу керек: қан құйылу жергілікті емді қажет ететін жергілікті төзімсіздік реакцияларына әкелуі мүмкін.

МРТ-ны тексеру кезінде кардиостимуляторлары, ферромагнитті тамырлы қысқыштары, инфузиялық сорғыштары, нерв стимуляторлары, кохлеарлы имплантаттары бар пациенттерді немесе денеде, әсіресе көзде бөгде металл объектілердің бар болуына күдік бар пациенттерді қоспағанда, жалпы қабылданған сақтық шаралары қолданылуы тиіс.

Жоғары сезімталдық

• Құрамында гадолиний бар басқа контрасты заттар сияқты жоғары сезімталдық реакциялары пайда болуы мүмкін, соның ішінде өмірге қауіпті. Жоғары сезімталдық реакциялары аллергиялық (ауыр анафилактикалық реакцияда) немесе аллергиялық емес болуы мүмкін. Олар дереу (60 минуттан аз) немесе кейінге қалдырылуы мүмкін (7 күнге дейін). Анафилактикалық реакциялар дереу орын алады және өлімге әкелуі мүмкін. Олар дозаға байланысты емес, препараттың бірінші дозасынан кейін де пайда болуы мүмкін және жиі күтпеген.

• Енгізілген дозаға қарамастан жоғары сезімталдық қаупі әрқашан бар.

• Құрамында гадолиний бар МРТ үшін контрасты затты алдыңғы енгізу кезінде реакцияны бастан кешірген пацинеттер сол препаратты немесе, мүмкін, басқа препараттарды кейіннен енгізген кезде жаңа реакцияның пайда болу қаупіне ұшырайды және сондықтан жоғары қауіп тобына жатады.

• Гадотер қышқылын енгізу бар демікпе белгілерін қиындатуы мүмкін. Емі теңдестірілмеген демікпесі бар пациенттер жағдайында гадотер қышқылын қолдану туралы шешім қауіп-пайда арақатынасын мұқият бағалағаннан кейін қабылдануы тиіс.

• Йодталған контрасты заттарды қолдану тәжірибесінен белгілі болғандай, аса жоғары сезімталдық реакциялары бета-адреноблокаторларды қабылдайтын емделушілерде, әсіресе бронх демікпесі болған кезде күшеюі мүмкін. Бұл пациенттер бета-агонистердің көмегімен гиперсезімталдық реакцияларын стандартты емдеуге сезімтал болмауы мүмкін.

• Қандай да бір контрастты затты енгізер алдында пациент сыртартқысында аллергиялардың (мысалы, теңіз өнімдеріне аллергия, шөп қызбасы, есекжем), контрастты заттарға сезімталдық және бронх демікпесінің болуы тұрғысынан сұралуы тиіс, себебі контрастты заттарға жағымсыз реакциялардың хабарланатын жиілігі осы сипаттамалармен емделушілерде жоғары болғандықтан және антигистаминдермен және/немесе глюкокортикоидтармен премедикация мүмкіндігін қарастыру керек.

• Тексеру кезінде дәрігер тарапынан бақылау қажет. Егер жоғары сезімталдық реакциялары пайда болса, контрасты затты енгізу дереу тоқтатылуы тиіс және (қажет болған жағдайда) арнайы терапия тағайындалуы тиіс. Осылайша, көктамырға қол жеткізуді бүкіл тексеру кезінде қалдыру керек. Шұғыл реанимациялық іс-шаралар үшін тиісті дәрілер (мысалы, адреналин және гистаминге қарсы препараттар) эндотрахеалды түтікше мен респиратор қол астында болуы тиіс.

Бүйрек қызметінің бұзылуы

Дотаграф® препаратын енгізер алдында барлық пациенттерді зертханалық талдау жүргізу арқылы бүйрек дисфункциясы затына тексеру керек.

Жіті немесе созылмалы ауыр бүйрек жеткіліксіздігі бар пациенттерге құрамында гадолиний бар контрасты дәрілердің енгізілуіне байланысты нефрогенді жүйелік фиброздың (НЖФ) даму жағдайлары туралы хабарланған (шумақтық сүзілу жылдамдығы <30 мл/мин/1,73 м2). Бауыр трансплантациясынан өтетін пациенттер ерекше қатерге ұшырайды, себебі бұл топта жіті бүйрек жеткіліксіздігінің пайда болу жиілігі жоғары.

Дотаграф® препаратын енгізу нәтижесінде НЖФ дамуы мүмкін деген ықтималдығы бар болғандықтан, егер диагностикалық ақпарат қажет болса және оны контрастты емес МРТ көмегімен алу мүмкін болмаса, оны пайда-қауіп арақатынасын бағалағаннан кейін ғана бүйрек функциясының ауыр жеткіліксіздігі бар пациенттерді және бауыр трансплантациясының периоперациялық кезеңінде пациенттерді тексеру кезінде пайдалану керек.

Гадотер қышқылын енгізгеннен кейін көп ұзамай гемодиализ ағзадан гадотер қышқылын алып тастау үшін пайдалы болуы мүмкін. Гемодиализ өтпейтін емделушілерде НЖФ алдын алу немесе емдеу үшін гемодиализ басталуын қолдауға ешқандай дәлел жоқ.

Егде жастағы пациенттер

Егде жастағы пациенттерде гадотер қышқылы бүйрек клиренсі бұзылуы мүмкін болғандықтан, әсіресе 65 және одан жоғары жастағы пациенттерді бүйрек функциясының бұзылуы тұрғысынан тексеру маңызды.

Балалар

Жаңа туған нәрестелер мен сәбилер

4 апталық жасқа дейінгі нәрестелерде және 1 жасқа дейінгі сәбилерде бүйрек функциясының жетілмеуіне байланысты Дотаграф® препаратты осы пациенттерді тексеру кезінде барлық факторларды мұқият талдағаннан кейін ғана пайдаланған жөн.

Жүрек-қантамыр аурулары

Ауыр жүрек-қантамыр аурулары бар пациенттерді тексеру кезінде Дотаграф® қауіпді мұқият бағалағаннан кейін ғана енгізу керек, өйткені қазіргі уақытта қол жетімді деректер саны шектеулі.

ОЖЖ бұзылуы

Құрамында гадолиний бар басқа контрасты заттар сияқты тырысу дайындығының төмен шегі бар пациенттерді тексеру кезінде ерекше сақтықты сақтау қажет. Сақтық шараларын қолдану керек, мысалы, мұқият мониторинг. Түйілуді жою үшін қажетті барлық жабдықтар мен дәрілік препараттар алдын ала пайдалануға дайындалуы тиіс.

Басқа дәрілік препараттармен өзара әрекеттесуі

Басқа дәрілік препараттармен өзара әрекеттесуі анықталған жоқ. Дәрілік өзара әрекеттесудің арнайы клиникалық зерттеулері жүргізілген жоқ.

Ескерілуі қажет ілеспе препараттар

Бета-блокаторлар, вазоактивті заттар, ангиотензин айналдыратын ферменттің тежегіштері, ангиотензин II рецепторының антагонистері: бұл дәрілік препараттар қан қысымының бұзылуы кезінде жүрек-қан тамырлары компенсациясы механизмдерінің тиімділігін төмендетеді: рентгенолог бұл туралы гадолиния кешендерін инъекциялау алдында хабардар етілуі тиіс, реанимацияға арналған жабдыққа тікелей қол жеткізу қамтамасыз етілуі тиіс.

Үйлесімділік зерттеулерінің жоқтығын ескере отырып, осы дәрілік препаратты басқа препараттармен араластыруға жол берілмейді.

Арнайы сақтандырулар

Жүктілік және лактация кезеңі

Жүктілік

Жүкті әйелдерде гадотерин қышқылын қолдану туралы деректер жоқ. Жануарларға жүргізілген зерттеулер нәтижелері репродуктивті функцияға тікелей немесе жанама зиянды әсердің болуын көрсетпеген. Гадотер қышқылы плацента арқылы баяу өтеді. Егер әйелдің клиникалық жағдайы гадотер қышқылын пайдалануды талап етпесе, Дотаграф® препаратын жүктілік кезінде қолдануға болмайды.

Емізу

Құрамында гадолиний бар контрасты заттар өте аз мөлшерде емшек сүтіне бөлінеді. Клиникалық дозаларда, балаға әсер сүтке түсетін аз мөлшерде және ішек абсорбциясы өте аз болғандықтан күтілмейді.

Дотаграф® препаратын қолданғаннан кейін 24 сағат бойы емшекпен емізуді жалғастыру немесе тоқтату дәрігер мен бала емізетін ананың қалауы бойынша жүзеге асырылуы тиіс.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Көлік құралдарын жүргізу және механизмдерді басқару қабілетіне әсерін зерттеу жүргізілген жоқ. Амбулаторлық пациенттер көлік құралдарын немесе механизмдерді басқару кезінде жүрек айнуы кезең-кезеңімен пайда болуы мүмкін екенін ескеруі тиіс.

Қолдану жөніндегі нұсқаулар

Дозалау режимі

Диагностикалық мақсаттар үшін жеткілікті ең аз доза пайдаланылуы тиіс. Доза пациенттің дене салмағының негізінде есептелуі тиіс және медициналық қолдану жөніндегі нұсқаулықтың осы бөлімінде көрсетілген дене салмағының кг-ға ұсынылған мәндерінен аспауы тиіс.

Ми және жұлын МРТ

Неврологиялық тексерулерде доза дене салмағына 0,1-ден 0,3 ммоль/кг дейін өзгеруі мүмкін, бұл дене салмағына 0,2-0,6 мл/кг сәйкес келеді. Бас миының ісіктері бар пациенттерге дене салмағына 0,1 ммоль/кг доза енгізгеннен кейін, дене салмағына 0,2 ммоль/кг қосымша доза ісіктің сипаттамаларын анықтауды жақсартуы және терапиялық шешімдерді қабылдауды жеңілдетуі мүмкін.

Барлық дененің МРТ және ангиографиясы

Көктамырішілік инъекцияға ұсынылатын доза диагноз қою үшін жеткілікті визуалауды қамтамасыз ету үшін дене салмағының 0,1 ммоль/кг (яғни дене салмағының 0,2 мл/кг) құрайды.

Ангиография: ерекше жағдайларда (мысалы, кең тамырлы жердің қанағаттанарлық бейнелерін алуға қабілетсіздігі) екінші дәйекті инъекцияны 0,1 ммоль/кг дене салмағына енгізу ақталуы мүмкін, бұл 0,2 мл/кг дене салмағына тең. Алайда, егер ангиография басталғанға дейін Дотаграф® дәрілік препаратының 2 дәйекті дозасын пайдалану болжанса, онда визуализация үшін қолда бар жабдыққа байланысты әрбір жағдайда дене салмағына 0,05 ммоль/кг енгізу орынды болуы мүмкін, бұл дене салмағына 0,1 мл/кг баламалы.

Пациенттердің ерекше топтары

Бүйрек функциясының бұзылулары бар пациенттер

Ересек пациенттер үшін келтірілген доза жеңіл және ауырлығы орташа бүйрек жеткіліксіздігі бар пациенттерге қолданылады (шумақтық сүзілу жылдамдығы ≥ 30 мл/мин/1,73 м2).

Дотаграф® бүйрек функциясының ауыр бұзылуы бар пациенттер үшін (шумақтық сүзілу жылдамдығы <30 мл/мин/1,73м2) және периоперациялық кезеңде бауыр трансплантациясын жүргізген кезде пайда/қауіп арақатынасы бағаланғаннан кейін ғана және егер диагностикалық ақпарат өте қажет болған жағдайда және МРТ контрасты затсыз жүргізуге болмайтын жағдайда ғана қолданылуы мүмкін. Бұл жағдайда Дотаграф® препаратының дозасы дене салмағына 0,1 ммоль/кг аспауы тиіс. Бір зерттеу үшін тек бір доза қолданылуы тиіс. Препаратты қайта қолдану туралы ақпарат жоқ болғандықтан, Дотаграф® дәрілік препаратының инъекциясын, егер инъекция арасындағы аралық кемінде 7 күн болса, енгізуге болады.

Егде жастағы пациенттер (65 жас және одан жоғары)

Дозаны түзету қажет емес. Егде жастағы пациенттерді тексеру кезінде сақ болу керек.

Бауыр функциясының бұзылулары бар пациенттер

Ересек пациенттер үшін келтірілген доза осы топтың пациенттеріне таралады. Әсіресе бауыр трансплантациясының периоперациялық кезеңі жағдайында сақтықты сақтау ұсынылады.

Балаларда қолдану

Ми мен омыртқаның МРТ/барлық дененің МРТ: Дотаграф® препаратының ұсынылатын және ең жоғары дозасы дене салмағына 0,1 ммоль/кг құрайды. Сканерлеу кезінде бір дозадан артық пайдаланбау керек.

4 апталық жасқа дейінгі нәрестелерде және 1 жасқа дейінгі сәбилерде бүйрек функциясының жетілмеуіне байланысты Дотаграфты осы пациенттерді тексеру кезінде барлық факторларды мұқият бағалағаннан кейін ғана пайдаланған жөн. Доза дене салмағына 0,1 ммоль/кг аспауы тиіс.

Сканерлеу кезінде бір дозадан артық пайдаланбау керек. Егер инъекция арасындағы аралық 7 күннен аз болса, Дотаграф® дәрілік препаратын қайта енгізу туралы ақпараттың болмауына байланысты қайталауға болмайды.

Дотаграф® осы топтағы тиімділік пен қауіпсіздік туралы деректердің жеткіліксіздігінен 18 жасқа дейінгі балаларды ангиография кезінде ұсынылмайды.

Енгізу әдісі мен жолдары

Бұл дәрілік препарат тек көктамыр ішіне енгізуге арналған.

Енгізу жылдамдығы: 3-5 мл/мин (ангиографиялық емшаралар үшін 120 мл/мин дейін, яғни 2 мл/сек жоғары енгізу жылдамдығы рұқсат етіледі).

Оңтайлы визуализация уақыты: инъекциядан кейін 45 минут ішінде.

Визуализацияның оңтайлы тізбегі: T1-өлшенген.

Контрасты заттарды мүмкіндігінше көктамыр ішіне енгізуді арқада жатқан пациентке жүргізген жөн. Енгізгеннен кейін пациент жарты сағат ішінде дәрігердің бақылауында болуы керек, өйткені контрасты құралдарды қолдану тәжірибесі көрсеткендей, жағымсыз құбылыстардың көпшілігі осы уақыт ішінде байқалады.

Инемен шприц дайындайды. Пластикалық дискіні алып тастайды. Тығынды спиртке батырылған мақтамен тазартып, тығынды инемен теседі. Тексеру үшін қажетті препараттың санын жинап, оны көктамыр ішіне енгізеді.

Тек бір рет пайдалану үшін, пайдаланылмаған ерітіндіні кәдеге жарату керек.

Қолданар алдында инъекцияға арналған ерітіндіні көзбен шолып тексеру жүргізу қажет. Көзге көрінетін бөлшектер жоқ мөлдір ерітінділерді ғана қолдану.

Балалар

Балаға енгізуге тура келетін Дотаграф® препаратының санына байланысты қажетті көлемді неғұрлым жоғары дәл енгізу үшін көлемі осы мөлшерге бейімделген бір рет қолданылатын шприцпен Дотаграф® құтысын пайдаланған дұрыс.

Нәрестелер мен сәбилерге қажетті дозаны қолмен енгізу керек.

Артық дозалану жағдайында қабылдау қажет болатын шаралар

Гадотерин қышқылы гемодиализ алып тасталуы мүмкін. Алайда, гемодиализ нефрогенді жүйелік фиброздың (НЖФ) алдын алу үшін қолайлы екендігі туралы ешқандай дәлел жоқ.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Гадотер қышқылын қолдануға байланысты жағымсыз реакциялар, әдетте әлсіз немесе орташа қарқындылығы бар және өтпелі сипатта болады.

Аса жоғары сезімталдық реакцияларынан жиі байқалатын тері реакциялары: локализацияланған, кеңейтілген және генерализацияланған.

Бұл реакциялар көбінесе бірден (инъекция кезінде немесе енгізгеннен кейін бір сағат ішінде) немесе кейде (инъекциядан кейін бір сағаттан бірнеше күнге дейін) пайда болады.

Дереу реакциялар бір мезгілде немесе дәйекті пайда болатын реакцияны немесе бірнеше реакцияларды қамтиды, олар көбінесе тері, респираторлық, асқазан-ішек, буын және/немесе жүрек-қантамырлық болып табылады. Кез келген реакция басталатын шок белгісі болуы мүмкін және өте сирек жағдайларда өлімге әкелуі мүмкін.

Жиі емес:

- жоғары сезімталдық

- бас ауруы, дисгевзия, бас айналу, ұйқышылдық, парестезия (күйіп кету сезімін қоса алғанда)

- гипотония, гипертония

- жүрек айнуы, іштің ауруы

- бөртпе

- ыстық сезім, суық сезім, астения, енгізу орнында реакциялар (экстравазация, ауырсыну, жайсыздық, ісіну, қабыну, суық)

Сирек:

- мазасыздық

- талу алдындағы жағдайы

- қабақтың ісінуі

- жиі жүрек соғуы

- түшкіру

- құсу, диарея, сілекей гиперсекреция

- есекжем, қышу, гипергидроз

- кеуде ауыруы, қалтырау

Өте сирек:

- анафилактикалық реакция, анафилактоидты реакция

- қозу

- кома, құрысулар, талу, тремор, паросмия

- конъюнктивит, көз гиперемиясы, көрудің нашарлауы, жас ағудың күшеюі

- тахикардия, жүрек тоқтауы, аритмия, брадикардия

- бозарыңқылық, вазодилатация

- жөтел, ентігу, мұрынның бітелуі, тыныс алудың тоқтауы, бронх түйілуі, ларингоспазм, жұтқыншақ ісінуі, тамақтың құрғауы, өкпе ісінуі

- эритема, ангионевротикалық ісіну, экзема

- бұлшықет спазмы, бұлшықет әлсіздігі, арқа ауруы

- әлсіздік, емшектегі жайсыздық, гипертермия, бет ісінуі, енгізу орнындағы некроз (экстравазация кезінде), беттік флебит

- оттегімен қанығудың төмендеуі

Белгісіз:

- нефрогенді жүйелік фиброз*

*Гадотер қышқылын пайдаланған кезде нефрогенді жүйелік фиброз (НЖФ) бірлі-жарым жағдайлары туралы хабарланған, көптеген жағдайлар басқа құрамында гадолиний бар контраст заттарды қатар енгізген емделушілерде болды.

Балалардағы жағымсыз реакциялар

Гадотер қышқылының қауіпсіздік профилінде ересектер мен балалар арасында ерекше айырмашылық жоқ. Көптеген жағымсыз реакциялар-асқазан-ішек белгілері немесе жоғары сезімталдық белгілері.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

1 мл инъекцияға арналған ерітіндіде 279,32 мг гадотер қышқылы (меглумин тұзы түрінде) бар, ол 0,5 ммольге баламалы.

Қосымша заттар: меглумин, 1,4,7,10-тетраазациклододекан-1,4,7,10- тетрасірке қышқылы (DOTA), инъекцияға арналған су.

Сыртқы түрінің, иісінің, дәмінің сипаттамасы

Вена ішіне енгізуге арналған ерітінді.

Мөлдір, түссіз, бозғылт-сарғыш түске дейін көзге көрінетін бөлшектері жоқ ерітінді

Шығарылу түрі және қаптамасы

Бромбутилді резеңке тығынмен тығындалған және алюминий қақпағымен және флипп-офф қалпақшасымен сығылған, II типті түссіз шыныдан жасалған сауытта 20 мл препараттан.

10 құтыдан медицинада қолданылуы жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл.

30 °С-ден жоғары емес температурада сақтау керек.

Бірінші рет ашқаннан кейін жарамдылық мерзімі – 25°С жоғары емес температурада 72 сағат.

Жарамдылық мерзімі өткеннен кейін қолдануға болмайды.

Микробиологиялық тұрғыдан өнімді дереу пайдалану керек. Егер ерітінді бірден пайдаланылмаса, ашылғаннан кейін оның сақталу ұзақтығы мен шарттары үшін пайдаланушы жауапты болады. Әдетте, ерітіндіні ашу бақыланатын және валидацияланған асептикалық жағдайларда жүргізілген жағдайларды қоспағанда, сақтау ұзақтығы 2-ден 8°C дейінгі температурада 24 сағаттан аспауы тиіс.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Занохемия Фармацойтика АГ,

Ландеггер Штрассе 7,

2491 Нойфельд-ан-дер-Лайта, Австрия

Байер АГ, Германия

Кайзер-Вильгельм-Аллее 51373 Леверкузен

тел.: 0214/30 51 348

факс: 0214/30 51 603

e-mail: medical-information@bayer.com

Тіркеу куәлігінің ұстаушысы

Байер АГ,

Кайзер-Вильгельм-Аллее

51373 Леверкузен, Германия

тел.: 0214/30 51 348

факс: 0214/30 51 603

е-mail: medical-information@bayer.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі 42, 15 павильон, 301 кеңсе

050057, Алматы, Қазақстан Республикасы

тел. +7 727 258 80 40,

факс: +7 727 258 80 39,

e-mail: kz.claims@bayer.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Байер КАЗ» ЖШС

Тимирязев к-сі 42, 15 павильон, 301 кеңсе

050057, Алматы, Қазақстан Республикасы

тел: +7 701 715 78 46 (тәулік бойы)

тел:+7 727 258 80 40, ішкі тел. 106 (жұмыс уақытында)

факс: +7 727 2588 039

e-mail: pv.centralasia@bayer.com