Димедрол (1%) Химфарм (Дифенгидрамин)

Димедрол

Дифенгидрамин

Вена ішіне және бұлшықет ішіне енгізуге арналған ерітінді, 1%, 1 мл

Респираторлық жүйесі. Жүйелі әсер ететін антигистаминдік препараттар. Аминоалкильдік эфирлер. Дифенгидрамин

АТХ коды R06AA02

• анафилаксиялық және анафилактоидты реакцияларда, Квинке ісінуі, сарысу құю ауруында - кешенді емде

• паркинсонизм

• қозғалыстағы тербелуден бас айналуы

• әсер етуші затына немесе қосымша заттарының кез келгеніне аса жоғары сезімталдық

• жабық бұрышты глаукома

• қуықасты безінің гиперплазия

• асқазан мен он екі елі ішектің стенозданған ойық жарасы

• қуық мойнының стенозы

• эпилепсия

• бронх демікпесі

• феохромоцитома

• туа біткен ұзартылған QT-синдромы немесе QT-аралығын ұзартатын препараттарды ұзақ қабылдау

• жүктілік және лактация кезеңі

• 7 айға дейінгі балалар

• брадикардия

• жүрек ырғағының бұзылуы

• порфирия

Қолдану кезіндегі қажетті сақтандыру шаралары

Емделу кезінде күн сәулесінің, УК-сәулелердің әсерінен сақтанған жөн. Гистаминге қарсы препараттарды тар бұрышты глаукома, стенозды ойық жара ауруы, пилородуоденальді обструкциясы, қуық асты безінің симптоматикалық гипертрофиясы бар пациенттерде немесе қуық мойнының обструкциясы, сондай-ақ бауыр мен бүйрек функциясы бұзылған пациенттерге өте сақтықпен қолдану керек.

Препаратты оның тітіркендіргіш әсеріне байланысты тері астына енгізу ұсынылмайды.

Жергілікті некроз әдетте димедролды тері астына немесе тері ішіне енгізумен байланысты.

Димедролдың атропинге ұқсас әсері бар, сондықтан оны анамнезінде төменгі тыныс жолдарының аурулары және бронх демікпесі бар, көзішілік қысымның жоғарылауы, гипертиреозы, жүрек-қан тамырлары аурулары немесе гипертензиясы бар пациенттерде сақтықпен қолдану керек.

Дифенгидрамин гидрохлоридін қабылдайтын пациенттерге бұл препараттың ұйқышылдықты тудыруы мүмкіндігін және алкогольмен бірге қабылдағанда аддитивті әсері болатынын ескерту керек.

Дифенгидрамин гидрохлоридін қабылдайтын пациенттер автокөлік жүргізу немесе аспаптармен, механизмдермен жұмыс істеу және т. б. сияқты ақыл-ой белсенділігін қажет ететін әрекеттерден аулақ болуы керек.

Бұл препаратты қолданғаны жөнінде дәрігерді хабардар ету керек: құсуға қарсы әсер аппендицит диагнозын анықтауды және басқа дәрілік заттардың артық дозалану симптомдарын байқауды қиындатуы мүмкін.

Дифенгидрамин гидрохлориді, әсіресе артық дозалану жағдайында мәңгіру ахуалына әкелуі мүмкін, сонымен қатар қозу мен елестеулер, құрысуларды тудыруы мүмкін.

Антигистаминдік басқа препараттармен, соның ішінде жөтелде және суық тигенде қолданылатын препараттармен бірге тағайындауға болмайды.

Балаларда қолдану

Балаларда, әсіресе гистаминге қарсы препараттардың артық дозалануы елестеулер, құрысулар тудыруы немесе өлімге соқтыруы мүмкін.

Гистаминге қарсы препараттар балалардың ақыл-ой белсенділігін төмендетуі ықтимал, атап айтқанда өте жас балаларда олар қозуды тудыруы мүмкін.

Егде жастағы адамдарда қолдану (шамамен 60 жас және одан асқан)

Гистаминге қарсы препараттар көбінесе бас айналуды, седативті әсерді және гипотензияны тудырады

Бір мезгілде қолданған кезде димедрол этанолдың және орталық жүйке жүйесін тежейтін басқа да препараттардың (мысалы, транквилизаторлар, ұйықтататын препараттар) тыныштандыратын әсерін күшейтеді.

Моноаминоксидаза тежегіштерімен бір мезгілде қолданғанда димедролдың антихолинергиялық белсенділігі күшейеді және ұзарады.

Препаратты МАО тежегіштерімен біріктірмеген жөн, оларды қабылдағаннан кейін 2 апта өткен соң димедролды тағайындау керек.

Психостимуляторлармен бірге тағайындағанда антагонистік өзара әрекеттесу байқалады. Аналептиктермен қолданғанда құрысулар дамуы мүмкін. Улануды емдеген кезде құстыратын дәрі ретінде апоморфиннің тиімділігін төмендетеді. Холинді бөгегіш белсенділігі бар препараттардың (мысалы, атропин, трициклдық антидепрессанттар) антихолинергиялық әсерлерін күшейтеді.

Үйлесімсіздік Димедролды препараттардың химиялық үйлесімсіздігін болдырмау үшін басқа дәрілік заттармен бір шприцте араластыруға болмайды

7 айға дейінгі балаларға препаратты қолдануға болмайды.

Жүктілік немесе лактация кезінде

Жүктілік немесе лактация кезінде препаратты қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Тыныштандыратын және ұйықтататын әсерлеріне байланысты, димедролды автокөлікті басқару немесе қауіптілігі зор механизмдермен жұмыс істеу кезінде тағайындамаған жөн.

Қолдану жөніндегі нұсқаулар

Дозалау режимі

Ересектерге және 14 жастан асқан балаларға

Ересектер мен 14 жастан асқан балалар үшін күніне 1-3 рет вена ішіне немесе бұлшықет ішіне 1-5 мл 10 мг/мл (10-50 мг) ерітінді.

Ең жоғары тәуліктік доза - 150 мг.

Пациенттердің ерекше топтары

Балалар

7 айдан 12 айға дейінгі балаларға 0,3 - 0,5 мл-ден (3 - 5 мг),

1 жастан 3 жасқа дейін - 0,5 - 1 мл-ден (5 - 10 мг),

4-тен 6 жасқа дейін - 1 - 1,5 мл-ден (10 - 15 мг),

7-ден 14 жасқа дейін - 1,5 - 3 мл (15-30 мг),

қажеттілігі болған кезде әрбір 6 - 8 сағат тағайындайды

Егде жастағы пациенттер

Препаратты егде жастағы пациенттерде сақтықпен пайдалану керек.

Бауыр жеткіліксіздігі бар пациенттер

Деректер жоқ

Бүйрек жеткіліксіздігі бар пациенттер

Деректер жоқ

Препаратты бұлшықет ішіне және вена ішіне енгізеді.

Ұзағырақ емдеу мәселесін емдеуші дәрігер шешеді.

Артық дозалану жағдайында қабылдау қажет болатын шаралар Симптомдары: орталық жүйке жүйесін бәсеңдету, қозудың дамуы (әсіресе балаларда) немесе депрессия, көз қарашығының кеңеюі, ауыздың құрғауы, асқазан-ішек жолы мүшелерінің салдануы.

Емі: спецификалық антидоты жоқ, асқазанды шаю, қажеттілікте – артериялық қысымды жоғарлататын дәрілік заттар, оттегі, плазма алмастырғыш сұйықтықты вена ішіне енгізу. Эпинефринді және аналептикті пайдалануға болмайды. Артық дозаланғанда антидот ретінде, егер антихолинергиялық симптомдары күшейетін болса, физостигмин (дене салмағының кг 0.02-0.06 мг) бірнеше рет тағайындалуы мүмкін. Құрысулар және ОЖЖ қозу симптомдары дамыған кезде диазепамды парентеральді түрде енгізу керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін қосарлы дозаны қабылдамаңыз

Тоқтату симптомдары қаупінің болуына нұсқау

Қатысты емес

Дәрілік препаратты қолдану тәсілін түсіндіру үшін медицина

қызметкерінен кеңес алуға жүгіну бойынша ұсынымдар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректер негізінде баға беру мүмкін емес)

Белгісіз (қолда бар деректер негізінде баға беру мүмкін емес)

• есекжем, фотосезімталдық, тері бөртпесі, қышыну, анафилаксиялық шок;

• бас айналуы, ұйқышылдық, күйгелектік, ұйқысыздық, эйфория, жалпы әлсіздік, шаршағыштық, седативті әсер, зейін қоюдың нашарлауы, бас ауыруы, қимыл-қозғалыс бұзылуы, мазасыздық, жоғары қозғыштық (әсіресе балаларда), ашушаңдық, сананың шатасуы, тремор, неврит, құрысулар, парестезия, көрудің нашарлауы, диплопия, жедел лабиринтит, құлақтағы шуыл, эпилепсия түріндегі ұстамаға түрткі болуы мүмкін;

• ауыздың құрғауы, ауыз қуысы шырышты қабығының қысқа мерзімді ұюы, анорексия, диарея, іш қатуы, жүрек айнуы, эпигастральді дистресс, құсу;

• ауыз қуысы, мұрын, бронхтар шырышты қабығының құрғауы (қақырық тұтқырлығының жоғарылауы), кеуде қуысының қысылуы;

• гемолиздік анемия, тромбоцитопения, агранулоцитоз;

• гипотензия, жүрек қағуы, тахикардия, экстрасистолия;

• несеп шығарудың бұзылуы;

• тершеңдік, қалтырау, фотосенсибилизация.

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

1 мл ерітіндінің құрамында

белсенді зат – 10.0 мг дифенгидрамин гидрохлориді

қосымша заттар - инъекцияға арналған су, 0.1 М хлорсутек қышқылы

Сыртқы түрінің, иісінің, дәмінің сипаттамасы

Мөлдір, түссіз немесе сәл боялған сұйықтық

1 мл препараттан сындыру нүктесі немесе сақинасы бар шприцпен толтырылатын шыны ампулаға құйылады.

Әрбір ампулаға заттаңба жапсырылады.

10 ампуладан поливинилхлоридті үлбірден және алюминий фольгадан жасалған

пішінді ұяшықты қаптамаға қапталады. Фольгасыз қаптауға рұқсат етіледі: 10 ампуладан поливинилхлоридті үлбірден жасалған пішінді ұяшықты қаптамаға қапталады.

Препараты бар 1 пішінді ұяшықты қаптамадан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады.

Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі: пішінді ұяшықты қаптамалар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, нұсқаулықтар саны қаптамалардың санына қарай салынады.

4 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz