Десмивен Ультра (1000мг) (Диосмин)

Десмивен® Ультра

Диосмин

Үлбірлі қабықпен қапталған таблеткалар, 1000 мг

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Диосмин.

АТХ коды С05СА03

- аяқтың лимфа-веналық жеткіліксіздігін (аяққа жүк түсу, аяқтың ауырлауы, ауыру, ісіну, балтыр бұлшықеттерінің құрысуы) емдеу

- геморройлық көктамырлар аурулары. Геморройлық аурумен байланысты симптомдардың асқынуын емдеу

- препараттың кез келген компонентіне аса жоғары сезімталдық

- балалар мен 18 жасқа дейінгі жасөспірімдер

- бала емізу кезеңінде

Геморроидальді симптомдар өршіген кезде осы дәрілік затты қолдану анальді ауруларды емдеуге бағытталған басқа, анағұрлым спецификалық дәрілік заттарды қолдануды алмастырмайды. Емдеуді тек қысқа уақытқа ғана жалғастыру керек. Симптоматика сақталғанда немесе күшейген кезде проктологтың кеңесіне жүгіну және емді қайта қарастыру қажет.

Созылмалы көктамырлық жетіспеушілікті емдеу кезінде өмір салтының адекватты шараларының көмегімен ең жақсы әсер етуге қол жеткізіледі.

Күн сәулесіне қыздырынудан, ұзақ ұзақ тік тұрудан немесе артық салмақтан аулақ болған жөн. Жаяу серуендеу және талапқа сай компрессиялық шұлықтар қан айналымын жақсарта алады.

Кейбір деректер диосминнің дені сау еріктілерде Р450 цитохром ферменттерімен байланысты метаболизмдік процестерге тежегіштік әсер ететіні және осылайша, бір мезгілде қабылданатын кейбір басқа дәрілік заттардың (диклофенак, метронидазол) фармакокинетикасын өзгерте алатыны туралы куәландырады.

Бұл дәрінің құрамында үлбірлі қабықпен қапталған таблеткаға шаққанда 1 ммольден аз натрий (23 мг) бар, яғни іс жүзінде натрий жоқ.

Педиатрияда қолдану

Балалар мен 18 жасқа дейінгі жасөспірімдерде қолдану ұсынылмайды.

Пациенттердің ерекше топтары

Бүйрек және/немесе бауыр функциясының бұзылысы бар емделушілерде немесе егде емделушілерде мөлшерлеудің зерттеулері жүргізілген жоқ. Қолда бар деректер негізінде емделушілердің осы топтары үшін ешқандай айрықша тәуекел белгіленген жоқ.

Жүктілік немесе лактация кезінде

Жүктілік кезінде диосминнің қолданылуы туралы клиникалық деректер жоқ. Жануарларға жүргізілген зерттеулер диосминнің кішігірім мөлшері плацента арқылы өтетінін көрсетті; дегенмен, мұндай деректер жүктілікке және шарананың/эмбрионның дамуына тікелей немесе жанама жағымсыз әсерлерді растамайды.

Сақтық шарасы ретінде жүктілік кезінде препаратты қолданудан аулақ болу керек.

Диосминнің емшек сүтіне енуі туралы деректер жоқ. Дәрілік затты емізетін әйелдерге қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқару және басқа механизмдермен жұмыс істеу кезіндегі реакция жылдамдығына ықпал етпейді.

Ересектер:

• Аяқтың созылмалы веналық жеткіліксіздігінде: күніне 1 таблеткадан, таңертең тамақ ішу кезінде.

• Геморрой симптомдарының өршуі: тамақ ішу кезінде күніне үш рет 1 таблеткадан, 4 күн бойы; осыдан кейін күніне екі рет 1 таблеткадан, тағы да 3 күн бойы.

Ішке қабылдауға арналған.

Емдеу ұзақтығы

Аяқ веналарының лимфовенозды жеткіліксіздігі

Егер аурудың симптомдары нашарласа немесе 6 апта емделуден кейін жақсармаса, емделушіге дәрігерге жүгіну қажет. Дегенмен, егер дәрігер басқа мақсатты бағытталған емдеуді қолдануды қажет деп санамаса, емделуші Десмивен® Ультраны бұдан да ұзақ кезең бойы қабылдауды жалғастыруы мүмкін.

Геморрой симптомдарының өршуі

Емдеу курсы 7 күн. Егер аурудың симптомдары жақсармаса немесе 7 күн емделуден кейін нашарласа, емделушіге дәрігерге жүгіну қажет. Десмивен® Ультрамен өздігінен емделу 7 күн бойы жалғасуы мүмкін – егер осы кезең ішінде симптомдар жоғалмаса, емделушіге емдеуші дәрігерге жүгіну қажет.

Артық дозалану жағдайлары туралы хабарламалар жоқ.

Қажет болған жағдайда, өтініш, дәрілік затты қолданар алдында дәрігермен кеңесіңіз.

Жиі

- жүрек айнуы, құсу, диарея, диспепсия

Жиі емес

- колит

Сирек

- бас ауыруы, бас айналу, дімкәстану

- бөртпе, қышыну, есекжем

Белгісіз

- іштің ауыруы

- аллергиялық реакциялармен байланысты беттің, еріннің және қабақтың оқшауланған ісінуі, Квинке ісінуі

Қазақстан Республикасы Денсаулық сақтау министрлігі Медициналық және фармацевтикалық комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Бір таблетка құрамында

Белсенді зат - 1000 мг микрондалған диосмин,

Ұзынша пішінді екі жақ беті дөңес, сары түсті үлбірлі қабықпен қапталған, екі жағында сындыруға арналған сызығы бар таблеткалар.

10 таблеткадан ПВХ/ПВДХ//алюминийден жасалған мөлдір түссіз пішінді ұяшықты қаптамаға салынады.

3 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында 25°C-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

MEDITOP Pharmaceutical Ltd.,

Ady Endre utca 1, H-2097 Пилисборожено, Венгрия

Телефон: (+36) 26 336 400

Электронная пошта: info@meditop.hu

Сэлтфар ЛТД. (Office 132, Berkeley Square House, Berkeley Square, Лондон, W1J 6BD, Ұлыбритания).

Тел./факс: +44(0)207 9691421. Электронды поштасы: info@seltfar.co.uk

Қазақстанда «Сэлтфар ЛТД» өкілдігі. Алматы қ., Әл-Фараби даңғ., 5, Нұрлы Тау 1А, 301 кеңсе. Тел +7 (727) 311 16 38. Электронды пошта: info@seltfarrep.kz