Дексатрол®

• русский
• қазақша

• Скачать инструкцию медикамента

Саудалық атауы

ДЕКСАТРОЛ®

 

Халықаралық патенттелмеген атауы

Жоқ

 

Дәрілік түрі

5 мл көз тамшылары

Құрамы

1 мл ерітіндінің құрамында

белсенді заттар: 5.0 мг неомицин сульфаты

1.0 мг дексаметазонның натрий фосфаты

полимиксиннің В сульфаты 6000 ӘБ,

қосымша заттар: натрий дигидрофосфатының дигидраты және динатрий фосфатының додекагидраты рН 6.0 – 8.0 дейін; инъекцияға арналған су.

Сипаттамасы

Мөлдір түссіз немесе сарғыш сұйықтық.

Фармакотерапиялық тобы

Микробқа қарсы препараттармен біріктірілімдегі глюкокортикостероидтар.

АТЖ коды S01CA01

 

Фармакологиялық қасиеттері

Фармакокинетикасы

Дексаметазон сулы ылғалға, мөлдір қабыққа, нұрлы қабыққа, көздің қан тамырлы қабығына, цилиарлы дене мен торқабыққа сіңеді. Жүйелі сіңуі жоғары дозалар қолданғанда немесе ұзақ емделгенде ғана пайда болуы мүмкін.

Шамамен 30нг/мл құрайтын сулы ылғалдағы ең жоғары концентрациясына екі сағат ішінде жетеді, соңынан жарты сағаттан 3 сағатқа дейінгі аралықта төмендейді.

Неомицин жүйелі сіңірілуге ұшырамайды деуге болады, 6 сағат ішінде мөлдір қабық құрылымының емдік концентрациясында, алдыңғы камера ылғалында және шыны тәрізді денеде анықталады.

Полимиксин В сульфатының жасушалық жарғақшалар арқылы сіңірілуі өте әлсіз және мардымсыздан мүлдем енбеуге дейінгі ауқымда.

Фармакодинамикасы

Біріктірілген Дексатрол® препараты бактерияға қарсы, қабынуға қарсы және аллергияға қарсы әсер етеді. Мұндай оңтайлы қиыстыру жұқпа үдерісінің даму қаупін төмендетуге мүмкіндік береді және антибиотиктердің әсерін ұзартуға алып келеді.

Дексаметазонның натрий фосфаты – глюкокортикостероид, минералокортикоидты белсенділігі жоқ. Қабынуға қарсы, аллергияға қарсы және иммунодепрессивтік айқын әсері бар. Қабыну медиаторларының эозинофилдермен шығарылуын, жуан жасушалар миграциясын басады және қылтамырлар өткізігіштігін төмендетеді.

Неомицин сульфаты – Streptomyces fradiae өндіретін аминогликозидтер тобының антибиотигі.

Микроб жасушасындағы ақуыз синтезін бұзып, бактерицидті әсер береді. Бактерияға қарсы кең ауқымды әсері бар. Грамтеріс және грамоң микроорганизмдердің көбіне қатысты алғанда белсенді. Микроорганизмдердің неомицинге төзімділігі баяу және аз ғана дәрежеде дамиды.

Полимиксиннің В сульфаты - полипептидті құрылымның бактерицидті әсері бар антибиотигі. Әсер ету механизмі ең бастысы бактериялық жасушалар цитоплазмалық жарғақшалары өткізгіштігін бөгеуге негізделген, бұл олардың бұзылуына әкеледі. Көптеген грамтеріс микроорганизмдерге қатысты белсенді.

Қолданылуы

Көздің қабынбалы және жұқпалы аурулары: 

- бактериялық кератиттерде (эпителий зақымдануынсыз)

- іріңі жоқ бактериялық конъюнктивиттерде

- склеритте

- склероконъюнктивитте

- мейболитте

- жедел және созылмалы бактериялық блефаритте

- блефароконъюнктивитте

- көздің алдыңғы бөлігінің операциядан кейінгі қабынуының алдын алуда және емдеуде

Қолдану тәсілі және дозалары

Емделушіге Дексатрол® препаратын тағайындар алдында оған ауырған адамда ауру туындатқан микрофлора қабылдағыштығын анықтап алған абзал.

Ауыр емес жұқпа үрдісі кезінде 1–2 тамшы препаратты конъюнктива қабына әрбір 4-6 сағат сайын тамызады.

Ауыр жұқпа үрдісінің дамуы жағдайында препаратты әр сағат сайын тамызады, қабыну құбылыстарының азаюы шамасына қарай толық сауыққанға дейінгі препаратты тамызу жиілігі де азаяды.

Емдеу ұзақтығы - 1 күннен бастап бірнеше аптаға дейін.

Емдеу курсының ұзақтығын емдеуші дәрігер белгілейді.

Тамызғаннан кейін мұрын-жас каналын қысып немесе қабақты жабу ұсынылады. Бұл көз тіндері арқылы жергілікті қолданылатын дәрілік препараттың жүйелік сіңуі мен жағымсыз әсер етуін төмендетеді. Бірнеше офтальмологиялық препараттарды пайдаланған кезде тамызу арасында кем дегенде 5 минут аралықты сақтау қажет.

Құты-тамшылатқыш ұшының басқа заттар мен беткейлерге жанаспауын қадағалаған дұрыс. Тамызғаннан кейін құты-тамшылатқышты қалпақшамен нығыздап жабу керек.

Жағымсыз әсерлері

Жиі

- аллергиялық реакция

- айқын көрмеушілік, өткінші жайсыздық

Сирек (ұзақ қолданғанда)

- кейіннен глоукоманың даму мүмкіндігі бар көзішілік қысымның жоғарылауы, және де жекелеген жағдайларда көру жүйкесі мен көру аясының зақымдануы, көру өткірлігінің нашарлауы

- артқы субкапсулярлы катарактаның түзілуі

- жараның жазылу үдерісінің баяулауы

- тесілу (мөлдір қабық жұқарғанда)

- салдарлы бактериялық жұқпаның дамуы

- мөлдір қабықтың зеңдік зақымдануы

Қолдануға болмайтын жағдайлар

- препаратқа және оның құрамдас бөліктеріне жоғары сезімталдықта

- көздің вирусты аурулары (оның ішінде, herpes simplex туғызған кератит, желшешек)

- көздің микобактериялы жұқпасы

- көздің туберкулез аурулары

- жедел белдемелі теміреткі

- мөлдір қабықтан бөтен дене алып тасталғаннан кейінгі жағдай

- неомициннің микроорганизмдерге тұрақты әсерінен туындаған көз бен қабақ шырышты қабығының іріңді жұқпасы, мөлдір қабықтың іріңді ойық жарасы

- лактация кезеңі

Артық дозаланғанда

Неомицинге аллергия кезінде антибиотиктер-аминогликозидтермен айқаспалы аллергия болуы мүмкін.

Дәрілермен өзара әрекеттесуі

Глаукома, катаракта кезінде сақтықпен тағайындалады. Препаратты 10 күн бойы және одан артық пайдаланған кезде, көзішілік қысымға мониторинг жүргізілуі қажет. Глаукома жағдайында көзішілік қысым апта сайын тексерілуі тиіс.

Педиатриялық тәжірибеде қолданылуы

Дәрілік заттың балалар мен 18 жасқа дейінгі жасөспірімдерге тиімділігі мен қауіпсіздігі жөніндегі деректер жоқ.

Жүктілік

Егер күтілетін емдік әсері ұрықта ықтимал жағымсыз әсерлердің даму мүмкіндігі қатерінен артық болса, емдеуші дәрігердің тағайындауы бойынша жүкті әйелдерді емдеуге қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Егер препаратты қолданғаннан кейін емделушінің анық көруі уақытша төмендесе, ол қалпына келгенге дейін автомобиль басқаруға және зейінді жұмылдыруды және психомоторлы реакциялардың шапшаңдығын қажет ететін басқа да қызметпен айналысуға болмайды.

Айрықша нұсқаулар

Көз тамшы дәрісін жергілікті қолданғанда артық дозалану мүмкіндігі аз.

 

Шығарылу түрі және қаптамасы

5 мл бірінші ашылуы бақыланатын бұрандалы қақпақтармен герметикалық тығындалған полиэтилен құты-тамшылатқышқа құйылған.

1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 15 оС-ден 25 оС-ге дейінгі температурада сақтау керек.

Ашылған қаптаманы көп дегенде 4 апта пайдалану керек.

Балалардың қолы жетпейтін жерде сақтау керек.

Дәріханалардан босатылу шарттары

Рецепт арқылы.

Сақтау мерзімі

3 жыл Қаптамасында көрсетілген жарамдылық мерзімі өткеннен кейін қолдануға болмайды.

Өндіруші

«ЛеКос» ЖШС

050000, Алматы қ., Қабанбай батыр к-сі, 114-13.

Тіркеу куәлігінің иесі

«ЛеКос» ЖШС, Қазақстан Республикасы

050000, Алматы қ., Қабанбай батыр к-сі, 114-13.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

050000, Алматы қ., Қабанбай батыр к-сі, 114-13, тел./факс: 223-13-62.

e-mail: lecos1@mail.ru