Глюкоза (раствор для инъекций, 400 мг/мл, Борисовский завод медицинских препаратов ОАО)

• русский
• қазақша

• Скачать инструкцию медикамента

Саудалық атауы

Глюкоза

Халықаралық патенттелмеген атауы

Жоқ

Дәрілік түрі

Инъекцияға арналған 400 мг/мл ерітінді

Құрамы

Бір ампуланың ішінде

белсенді зат – 2000 мг сусыз глюкоза,

қосымша затар: 0,1 М хлорсутек қышқылы, инъекцияға арналған су, натрий хлориді.

Сипаттамасы

Түссіз мөлдір немесе аздап сарғыш сұйықтық.

Фармакотерапиялық тобы

Плазма алмастыратын және перфузиялық ерітінділер. Басқа да ирригациялық ерітінділер. Декстроза

АТХ коды В05СX01

Фармакологиялық қасиеттері

Фармакокинетикасы

Гистогематикалық бөгеттерден оңай өтеді. Тасымалдануы инсулинмен реттеледі. Организмде макроэргиялық қосылыстар түзе отырып биотрансформацияға ұшырайды, нуклеотидтердің, аминқышқылдардың, глицериннің синтезіне қатысады. Гликолиз үдерісіне еніп, АӨФ түрінде энергия түзе отырып, глюкоза көмір қышқыл газы мен суға дейін метаболизденеді. Глюкозаның толық тотығуының ақырғы өнімі өкпе (көмірқышқыл газы) және бүйрек арқылы (су) шығарылады.

Фармакодинамикасы

Глюкоза ерітіндісі қан плазмасына қатысты гипертониялық болып табылады. Тіндік сұйықтықтың қан арнасына түсуін артырады және оны сол жерде ұстап тұрады. Диурезді арттырады, уытты заттардың несеппен шығарылуын күшейтеді, бауырдың уыттануға қарсы функциясын жақсартады, жүрек бұлшықетінің жиырылу қызметін күшейтеді.

Глюкозаның гипертониялық ерітіндісін енгізгенде тотығу-тотықсыздану үдерістері күшейеді, гликогеннің бауырда жинақталуы белсенділендіріледі.

Организмнің өміршеңдігі үшін қажетті қоректік заттар мен энергия көзі рөлінде бір мезгілде көрініс береді

Қолданылуы

• гипогликемияда

• көмірсулық қоректің жеткіліксіздігінде

• көктамыр ішіне енгізуге арналған дәрілік заттар ерітінділерін дайындау үшін.

Қолдану тәсілі мен дозалары

400 мг/мл гипертониялық ерітіндіні ең жоғарығы минутына 30 тамшыға дейінгі (1,5 мл/мин) жылдамдықпен көктамыр ішіне тамшылатып енгізеді, ол шамамен сағатына 48 мл сәйкес келеді. Ересектерге арналған ең жоғары тәуліктік доза – 250 мл. Ең жоғары тәуліктік доза тәулігіне 15 мл/кг, ол тәулігіне 6 г/кг сәйкес келеді. Инфузияның ең жоғары жылдамдығы сағатына 0,62 мл/кг, ол сағатына 0,25 г/кг сәйкес келеді. Дене салмағы 70 кг пациент үшін инфузияның ең жоғары жылдамдығы сағатына 43 мл (глюкозаның – сағатына 17,5 г).

Препаратты гипогликемиялық команы тоқтатуда көктамыр ішіне сорғалатып енгізуге болады.

Жағымсыз әсерлері

Жағымсыз реакциялары (ЖР) MedDRA сөздігіне және ДДҰ ЖР даму жиілігінің жіктелуіне сәйкес жүйелер мен ағзалары бойынша топтастырылған: өте жиі(>1/10), жиі (>1/100 <1/10 дейін), жиі емес (>1/1000 <1/100 дейін), сирек (>1/10000 <1/1000 дейін), өте сирек (<1/10000), жиілігі белгісіз (жиілігінің бар деректер негізінде анықталуы мүмкін емес).

Иммунды жүйе тарапынан: жиілігі белгісіз – анафилаксиялық реакциялар, жоғары сезімталдық.

Зат алмасу және тамақтану тарапынан: жиілігі белгісіз –электролиттік теңгерімнің бұзылуы (гипокалиемия, гипомагниемия, гипофосфатемия, гипергликемия, гемодилюция, дегидратация, гиперволемия.

Қантамырлары тарапынан: жиілігі белгісіз – көктамырлық тромбоз, флебит.

Тері мен теріасты тіндері тарапынан: жиілігі белгісіз – тершеңдік.

Бүйрек және несеп шығару жолы тарапынан: жиілігі белгісіз – полиурия.

Жалпы бұзылыстар мен енгізілген жердегі өзгерістер жиілігі белгісіз – қалтырау, қызба, инъекция орнындағы инфекция, инъекция орнындағы тітіркену, экстравазация, инъекция орнының ауыруы.

Зертханалық-аспаптық деректер: жиілігі белгісіз – глюкозурия. Жағымсыз реакциялар сондай-ақ ерітіндіге қосылған препаратпен байланысты болуы мүмкін. Басқа жағымсыз реакциялар мүмкіндігі нақты қосылған дәрілік препараттың қасиетіне байланысты.

Жағымсыз реакциялар пайда болған жағдайда ерітіндіні енгізуді тоқтату, пациенттің жағдайын бағалау және медициналық көмек көрсету керек. Қалған ерітіндіні кейіннен талдау жүргізу үшін сақтау керек.

Қолдануға болмайтын жағдай

- гипергликемия, қант диабеті, глюкозаның утилизациясының операциядан кейінгі бұзылуы

- гиперлактацидемия, гиперосмолярлы кома

- гипергидратация, мидың және өкпенің ісінуі, жедел солжаққарыншалық жеткіліксіздік

- препаратқа аса жоғары сезімталдық

- мидың және өкпенің ісіну қаупімен циркуляторлық бұзылыстар

- миға және жұлынға қан құйылуы (гипогликемиямен қатар жүретін жағдайлардан басқа)

- анурия

- алкогольдік делирий

- балаларға

Дәрілермен өзара әрекеттесуі

Натрий хлориді ерітіндісімен біріктіріп қолданғанда ерітіндінің осмолярлығына қатысты аддитивті әсер етеді.

Гексаметилентетраминмен бір еккіште енгізуге, жалпы анестетиктермен және ұйықтатын дәрілермен, алкалоидтар ерітінілерімен араластыруға болмайды.

Анальгетиктердің, адренмиметиктердің әсерін әлсіретеді, стрептомицинді белсенсіздендіреді, нистатиннің тиімділігін төмендетеді.

Айрықша нұсқаулар

Препаратты жылдам немесе ұзақ уақыт енгізуге болмайды. Глюкозаның гипертониялық ерітіндісін жылдам енгізу гипергликемияға әкелуі мүмкін. Егер енгізу барысында қалтырау пайда болса, енгізуді дереу тоқтату керек. Тромбофлебиттің алдын алу үшін, ірі көктамыр арқылы баяу енгізу керек. Қансарысуында сулы-электролитті теңгерімге және глюкоза деңгейіне мониторинг жүргізу керек.

Препаратты ұзақ уақыт көктамыр ішіне қолданғанда қандағы қант деңгейін бақылау керек. Глюкозаның жақсы қорытылуы үшін нормогликемиялық жағдайларда препаратты енгізуді дұрысы қысқа мерзім әсер ететін инсулинді 4–5 г глюкозаға (құрғақ зат) 1 ӘБ есебімен тағайындаумен (тері астына) бірге жүргізу керек.

Қант диабеті, ауыр толыққанды тамақтанбауда, көмірсулардың жақпаушылығы, тиамин тапшылығы, гипофосфатемияда, гемодилюцияда, сепсисте және жарақатта пациенттерге сақтықпен тағайындау керек. Ми қан айналуының жедел бұзылуында препаратты сақтықпен қолданады, өйткені ол ми құрылымының зақымдануын ұлғайтуы және гипогликемияны түзету жағдайынан басқа, аурудың жағдайын нашарлатуы мүмкін.

Гипокалиемияда препаратты енгізуді гипокалиемияның күшею қаупіне байланысты калий тапшылығын түзетумен бір мезгілде; гипотониялық дегидратацияда – гипертониялық тұзды ерітінділерді енгізумен бір мезгілде жүргізу керек. Ерітіндіні теріастына және бұлшықет ішіне қолдануға болмайды.

Ампуланың ішіндегі тек бір пациентте қолданылуы мүмкін. Ампуланың герметикалығы бұзылғаннан кейін ампуланың ішіндегі тастау керек.

Жүктілік және емшекпен қоректендіру кезінде қолдану

Препаратты жүктілік және лактация кезеңіндегі әйелдерге сақтықпен тағайындау керек, егер анасы үшін болжамды пайдасы ұрық немесе бала үшін зор қаупінен жоғары болса тек дәрігердің тағайындауы бойынша қолдануға болады.

Препаратты нормогликемиямен жүктілерде қолдану шаранада гипергликемия, метаболизмдік ацидоз туындатуы мүмкін. Соңғыны шарана дистресі немесе гипоксия басқа перинатальді факторлармен өзара байланысты болғанда ескерудің маңызы зор.

Педиатрияда қолдану

Жаңа туған және шала туған балаларға глюкоза препараты, 400 мг/мл инъекцияға арналған ерітіндісін дене салмағына 1 мл/кг-дан асатын дозада қолдану ұсынылмайды, өйткені гипертониялық ерітінді енгізумен туындайтын энцефалопатияның даму қаупі жоғары.

Бүйрек жеткіліксіздігінде, қалпына келмейтін жүрек жеткіліксіздігінде, гипонатриемияда

Бүйрек жеткіліксіздігінде, қалпына келмейтін жүрек жеткіліксіздігінде, гипонатриемияда глю­козаны тағайындаған кезде айрықша сақтық талап етіледі, орталық гемодинамика көрсеткіштерін бақылау қажет.

Көлік құралын немесе басқа механизмдерді басқару қабілетіне әсері

Глюкоза ерітінділері көлік жүргізу және механизмдермен жұмыс жасау қабілетіне әсер етпейді немесе әсері мардымсыз.

Артық дозалануы

Симптомдары: жоғары дозаларды енгізгенде шөлдеумен, полиуриямен, полидипсиямен қатар жүретін, ауыр жағдайларда жедел солжаққарыншалық жеткіліксіздіктің дамуымен гипергликемия дамуы мүмкін.

Емі: Препаратты қабылдауды тоқтату, гликемияны қадағалай отырып инсулинді көктамырішілік инфузия түрінде енгізілген глюкозаның 1 мл-не 3 ХБ есебінде енгізу керек. Симптомдарына қарай ем.

Шығарылу түрі мен қаптамасы

Ампулаларда 5 мл-ден.

Ампулаларды ашуға арналған пышақпен немесе скарификатормен бірге қорапқа 10 ампуладан салады. Қораптарды мемлекеттік және орыс тілдеріндегі медициналық қолдану жөніндегі нұсқаулықтармен бірге топтық қаптамаға салады.

Сақтау шарттары

5°С-ден 30°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64,

тел/факс +375 (177) 734043

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық поштасы)

Қазақстан Республикасы, 050004, Алматы қ-сы, Абылай хан даңғылы, 30, «МедФармИнтерСервис» ЖШС, тел. 87013066011, 87714140258.