Глиятон (600мг/7мл) (Холина альфосцерат)

Глиятон®

Холин альфосцераты

Дәрілік түрі, дозасы

Ішуге арналған ерітінді, 600 мг/7 мл

Жүйке жүйесі. Жүйке жүйесінің ауруларын емдеуге арналған басқа препараттар. Парасимпатомиметиктер. Басқа парасимпатомиметиктер. Холин альфосцераты.

АТХ коды N07AX02

Глиятон® препараты ересектерде қолдануға арналған:

• мидағы инволюциялық және дегенеративті процестердің аясында психоорганикалық синдромда, цереброваскулярлық жеткіліксіздіктің салдарында немесе есте сақтау қабілетінің бұзылуымен, сананың шатасуымен, бағдардан адасумен, мотивация мен бастамашылықтың төмендеуімен, зейін қою қабілетінің төмендеуімен сипатталатын егде жастағы адамдарда бастапқы және қайталама когнитивті бұзылулар кезінде

• егде жастағыларда мінез-құлық пен аффективті саланың бұзылуында: эмоциялық құбылу, қатты ашушаңдық, қоршаған ортаға қызығушылықтың төмендеуі, жалған меланхолия

Қолдануды бастағанға дейін қажетті мәліметтер тізбесі

• әсер етуші затқа немесе қосымша заттардың кез келгеніне белгілі аса жоғары сезімталдық

Қолданған кездегі қажетті сақтандыру шаралары

Допаминергиялық белсендіруге байланысты жүрек айнуы мүмкін.

Басқа дәрілік препараттармен өзара әрекеттесуі

Препараттың басқа дәрілік заттармен клиникалық маңызды өзара әрекеттесуі анықталмаған.

Арнайы ескертулер

Қосымша заттар

Препараттың құрамында метилпарагидроксибензоат (E 218) және пропилпарагидроксибензоат (E 216) бар, олар аллергиялық реакцияларды тудыруы мүмкін (мүмкін баяулатылған).

Натрий

Бұл препараттың құрамында бір дозаға 1 ммоль-ден аз натрий (23 мг) бар, яғни іс жүзінде құрамында натрий жоқ.

Жүктілік немесе лактация кезінде

Дәрілік заттың терапиялық көрсеткіштері оны жүктілік кезінде қолдануды қарастырмайды. Алайда, арнайы зерттеулер эмбриоуытты және тератогендік әсерлерін анықтаған жоқ.

Препараттың көлікті және қауіптілігі зор механизмдерді басқару қабілетіне әсер ету ерекшеліктері

Препарат автокөлікті басқаруға және басқа механизмдермен жұмыс істеуге әсер етпейді.

Қолдану жөніндегі нұсқаулар

Дозалау режимі

Глиятон®, ішуге арналған ерітіндісін, 1 құтыдан тәулігіне 2 рет қабылдау керек.

Көрсетілген дозаны дәрігер арттыруы мүмкін.

Пациенттердің ерекше топтары

Балалар

Глиятон® препаратын балаларға қолдану тәжірибесі жоқ. 18 жасқа дейінгі балалар мен жасөспірімдер үшін тиімділігі мен қауіпсіздігі анықталмаған.

Енгізу әдісі және жолы

Ішке.

Артық дозаланған жағдайда қабылдануы тиіс шаралар

Симптомдары: дозаға тәуелді жағымсыз әсерлерінің айқындылығы күшеюі мүмкін. Артық дозалану жүрек айну, мазасыздық, қозу, ұйқысыздықпен көрінуі мүмкін.

Емі: симптоматикалық, адсорбциялық дәрілік заттарды қабылдау, оның ішінде белсендірілген көмірді қабылдау. Диализдің тиімділігі анықталмаған.

Қажеттілігі болған жағдайда дәрілік препараттың қолдану тәсілін түсіндіру үшін медициналық қызметкерге кеңес алу үшін жүгіну ұсынылады

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Әдетте, ұзақ уақыт қолданса да препараттың көтерімділігі жақсы.

Мүмкін

- жүрек айнуы (допаминергиялық белсендірудің салдары ретінде)

Бұл симптомдар өтпелі және емдеуді тоқтатуды қажет етпейді, бірақ дозаны уақытша төмендету керек болу мүмкін.

Жағымсыз реакциялар, оның ішінде медициналық қолдану жөніндегі нұсқаулықта көрсетілмегендер пайда болған жағдайда дәрігерге қаралу қажет.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мл ерітіндінің құрамында

белсенді зат - 85,715 мг холин альфосцераты,

қосымша зат: метилпарагидроксибензоат (Е 218), пропилпарагидроксибензоат (Е 216), натрий сахарині, апельсин иісі бар хош иістендіргіш, тазартылған су.

Сыртқы түрінің, иісінің, дәмінің сипаттамасы

Апельсин хош иісі бар түссізден сарғыш түске дейінгі мөлдір ерітінді.

Шығарылу түрі және қаптамасы

7 мл-ден, бүйірінен ашылатын ақ түсті қақпақпен тығындалған қоңыр түсті шыны құтыларда.

Құтыға өздігінен желімденетін заттаңба жапсырылады.

5 құтыдан полимерлі материалдан жасалған блистерге салынады.

2 блистерден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Жарамдылық мерзімі өткеннен кейін қолдануға болмайды.

30 0С - ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәліметтер

«Фармак» АҚ, Украина, 04080, Киев қ., Кирилловская көш., 74.

Тел.: +38 (044) 496 87 87, электрондық пошта: info@farmak.ua

Тіркеу куәлігінің ұстаушысы

«Фармак» АҚ, Украина, 04080, Киев қ., Кирилловская көш., 63.

Тел.: +38 (044) 496 87 87, факс: +38 (044) 239 19 40

Электрондық пошта: info@farmak.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Фармак» АҚ Қазақстан Республикасындағы өкілдігі

Қазақстан Республикасы, Алматы қ., индексі 050051, Фонвизин көш., 22.

Тел.: +7 (771) 765 43 94, электрондық пошта: phv@farmak.kz