ГЕРОЛИН

ГЕРОЛИН

Цитиколин

Дәрілік түрі, дозалануы

Инъекцияға арналған ерітінді 500мг/4мл және 1000мг/4мл

АТХ коды N06BX06.

- инсульт және оның неврологиялық асқынуы

- мидың жарақаттан туындаған зақымдануы және оның неврологиялық асқынуы

Қолданудың басталуына дейінгі қажетті мәліметтер тізбесі

- әсер етуші зат цитиколинге немесе қосымша заттардың кез келгеніне аса жоғары сезімталдық

- парасимпатикалық жүйке жүйесінің жоғары тонусы

Қолдану кезінде қажетті сақтық шаралары

Вена ішіне баяу инъекция түрінде енгізген жағдайда препаратты өте баяу енгізу қажет. Бассүйекішілік қан құйылу жағдайында 1000 мг тәуліктік дозадан асыруға болмайды, оны минутына 30 тамшы жылдамдықпен вена ішіне баяу енгізу қажет.

Ампуладағы ерітінді бір рет қолдануға арналған. Ол ампуланы ашқаннан кейін дереу қолданылуы керек. Препарат венаішілік изотоникалық ерітінділер мен декстроза ерітінділерінің барлық түрлерімен үйлесімді.

Басқа дәрілік препараттармен өзара әрекеттесуі

Цитиколин құрамында леводопа бар препараттардың әсерін күшейтеді.

Құрамында меклофеноксат бар дәрілік заттармен бір мезгілде тағайындауға болмайды.

Арнайы сақтандырулар

Педиатрияда қолдану

Балаларда қолдану тәжірибесі шектеулі: демек, препарат күтілетін емдік пайдасы кез келген ықтимал қауіптен жоғары болған жағдайларда ғана тағайындалуы мүмкін.

Жүктілік немесе лактация кезінде

Жүкті әйелдерде цитиколинді пайдалану туралы мәліметтер жеткіліксіз.

ГЕРОЛИН жүктілік кезінде нақты қажеттіліксіз тағайындалмауы тиіс. Препаратты қолдануға күтілетін пайда потенциалды қауіптен жоғары болған жағдайларда ғана жол беріледі.

ГЕРОЛИН препаратын лактация кезеңінде тағайындаған кезде әйелдер емшек емізуді тоқтатуы керек, өйткені әйел сүтімен цитиколиннің бөлінуі туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері:

ГЕРОЛИН препаратының көлік құралдарын басқару және механизмдермен жұмыс істеу қабілетіне әсері байқалмады.

Қолдану жөніндегі нұсқаулар

Дозалану режимі

Вена ішіне баяу венаішілік инъекция (5 минут ішінде) немесе тамшылатып венаішілік құю (минутына 40-60 тамшы) түрінде тағайындайды.

Инсульттің және бассүйек-ми жарақатының жедел кезеңінде емді екі апта бойы аурудың ауырлығына байланысты күн сайын 1000 – 2000 мг дозада вена ішіне енгізуден бастайды, кейіннен күніне 1-2 инъекцияны (500 – 2000 мг) бұлшықет ішіне енгізуге көшеді. Препараттың дозасы мен қабылдау курсы емдеуші дәрігердің ұсынысы бойынша өзгертілуі мүмкін.

Балалар

Балаларда қолдану тәжірибесінің шектеулі деректеріне байланысты препаратты күтілетін емдік пайдасы кез келген ықтимал қауіптен жоғары болған жағдайда ғана қолдану керек.

Енгізу әдісі мен жолы

Бұлшықет ішіне, вена ішіне баяу инъекция түрінде немесе вена ішіне тамшылап салынады.

Емдеу ұзақтығы

Емдеу ұзақтығы жағдайдың ауырлығына байланысты анықталады.

Артық дозалану жағдайында қабылдануы қажетті шаралар

Артық дозалану жағдайлары туралы хабарланған жоқ.

Дәрілік препаратты қабылдамас бұрын дәрігердің немесе фармацевттің кеңесіне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте сирек (<1/10000)

- елестеулер

- бас ауыруы, бас айналуы

- артериялық гипертензия, артериялық гипотензия

- ентігу

- жүрек айнуы, құсу, кейде диарея

- гиперемия, есекжем, бөртпе, пурпура

- қалтырау, ісіну.

Жағымсыз дәрілік әсерлері туындаған жағдайда медициналық қызметкерге, фармацевтика қызметкеріне немесе дәрілік препараттардың жағымсыз әсерлері (әрекеттері) бойынша тікелей ақпараттық деректер қорына жүгіну қажет, соның ішінде дәрілік препараттардың тиімсіздігі туралы хабарлау

Қазақстан Республикасы Денсаулық сақтау министрлігінің Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 ампуланың (4 мл) ішінде

белсенді зат – 522,5 мг цитиколин натрий тұзы (500,0 мг цитиколинге баламалы)

немесе 1045,0 мг (1000,0 мг цитиколинге баламалы)

Қосымша заттар: фосфор қышқылы, инъекцияға арналған су

Сыртқы түрінің, иісінің, дәмінің сипаттамасы

Көрінетін бөлшектерсіз, мөлдір түссіз ерітінді.

Шығарылу түрі және қаптамасы

4 мл-ден I типті түссіз бейтарап шыны ампулаларға.

5 ампуладан поливинилхлоридті үлбірден жасалған пішінді ұяшықты қаптамада медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды!

25 С аспайтын температурада сақтау керек

Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

Laboratorio FarmaceuticoC.T. S.r.l., Виа Данте Алигьери, 71 Санремо, Италия

Телефон нөмірі: +39 0184 59241

Факс нөмірі: +39 0184 504507

Электронды пошта: direz.scientifica@labct.it

Тіркеу куәлігінің ұстаушысы

LaboratorioFarmaceuticoC.T. S.r.l., Виа Данте Алигьери, 71 Санремо, Италия

Телефон нөмірі: +39 0184 59241

Факс нөмірі: +39 0184 504507

Электронды пошта: direz.scientifica@labct.it

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың қауіпсіздігін оны тіркеуден кейін бақылау үшін жауапты ұйымның атауы, мекен-жайы және байланыс деректері (телефон, факс, электронды пошта)

«Медэкспорт Италия» Консорциумының өкілдігі, Алматы қ., Айтеке би к-сі, 88

Телефон нөмірі: +7 727 279 99 00

Электронды пошта: officealmaty@gmail.com