Гептавир-150

• русский
• қазақша

• Скачать инструкцию медикамента

Саудалық атауы

Гептавир-150

Халықаралық патенттелмеген атауы

Ламивудин

Дәрілік түрі

Үлбірлі қабықпен қапталған 150 мг таблеткалар

Құрамы

Бір таблетканың құрамында

белсенді зат - 150 мг ламивудин,

қосымша заттар: микрокристалды целлюлоза, натрий крахмалы гликоляты, магний стеараты,

қабығының құрамы: Opadry white Y-1-7000 (гипромеллоза 5 сР, титанның қостотығы Е 171, макрогол PEG 400), тазартылған су

Сипаттамасы

Сопақша пішінді, бір жағында «Н» жазуы, екінші жағында сызығы мен «30» жазуы бар, ақ түсті, үлбірлі қабықпен қапталған таблеткалар.

Фармакотерапиялық тобы

Вирустарға қарсы тікелей әсер ететін препараттар. Кері транскриптазаның нуклеозид-тежегіштері. Ламивудин.

АТХ коды J05A F05

Фармакологиялық қасиеттері

Фармакокинетикасы

Ламивудиннің биожетімділігі 80 – 85 % құрайды. Плазмадағы ең жоғарғы концентрациясына орташа алғанда, 1 сағаттан соң жетеді және орташа емдік дозада (тәулігіне 4 мг/кг) қолданғанда 175 мкг/мл құрайды. Ең жоғарғы концентрациясы препаратты тамақпен бір мезгілде қабылдағанда төмендейді, бірақ оның биожетімділігі ас ішуге байланыссыз.

Ламивудиннің орташа жүйелік клиренсі –0,32 л/сағ/кг жуық, өзгеріссіз күйде, негізінен бүйрекпен - > 70 % белсенді өзекшелік сөлініс арқылы, болымсыз < 10 % – бауыр метаболизмі арқылы шығарылады. Белсенді метаболиті - жасушаішілік ламивудин трифосфаты – жасушадан жартылай шығарылу уақыты (16 сағаттан 19 сағатқа дейін) ламивудиннің жартылай шығарылу кезеңімен (5-7 сағат) салыстырғанда ұлғайған.

Ламивудиннің шығарылуы, бүйрек қызметі төмендеген кезде, бұл жас шамасына байланысты бүйрек ауруының салдары немесе өзгерістері болып табылмаса да бұзылады. Мұндай жағдайларда дозасын түзету қажет (“Қолдану тәсілі және дозалары” тарауын қараңыз).

Орташа таралу көлемі 1,3 л/кг құрайды (орташа жартылай шығарылу кезеңі – 5-7 сағат). Ламивудиннің емдік дозалардағы фармакокинетикалық профилі дозасына байланысты сипатта және плазма ақуыздарымен байланысуы төмен – 35%. Шектеулі мәліметтерден ламивудиннің орталық жүйке жүйесі мен жұлын сұйықтығына өтетінін көруге болады. Ішу арқылы қабылдағаннан кейін 2 – 4 сағаттан соң ламивудиннің жұлын сұйықтығы мен плазмадағы концентрацияларының арақатынасы 0,12 құрайды. Бұл құбылыстың клиникалық маңыздылығы белгісіз.

Балаларға арналған ламивудиннің фармакокинетикалық ерекшеліктері ересектердегідей, бірақ 12 жасқа дейінгі балалардағы абсолюттік биожетімділігі төмен (55 – 65 %), ал жүйелік клиренсі – жоғарырақ 0,50 л/сағ/кг. Сондықтан, дене салмағы 30 кг дейінгі балалар үшін ұсынылатын дозасы тәулігіне 2 рет 4 мг/кг құрайды; сондай-ақ, қандағы ересектер үшін ұсынылған дозасын қолданғандағыға баламалы концентрациялары құралады.

Метаболизмінің шектеулілігінің, плазма ақуыздарымен елеусіз байланысуының және препараттың өзгеріссіз күйде толық шығарылуының нәтижесінде, ламивудиннің басқа препараттармен жағымсыз өзара әрекеттесу ықтималдығы төмен.

Фармакодинамикасы

Гептавир-150 – тікелей әсер ететін вирусқа қарсы дәрі, кері нуклеозидтранскриптаза тежегіші.

Гептавир-150-дің негізгі әсер ету механизмі –АИВ кері транскриптазасын вирустық ДНҚ тізбегін терминациялау арқылы бәсеңдету. Ламивудин трифосфаты АИВ-1 және АИВ-2 репликациясының in vitro селективті тежегіші болып табылады, сондай-ақ ол зидовудинге төзімді АИВ штаммдарына қатысты белсенді. Гептавир-150 зидовудинмен біріктіргенде АИВ-1 мөлшерін азайтады және CD4 жасушалары санын ұлғайтады, сондай-ақ аурудың үдеу қаупі мен одан болатын өлім-жітімді едәуір төмендетеді. Вирустың зидовудинге төзімді штамдарында Гептавир-150-ге резистенттілік туындағанда, зидовудинге сезімталдық қайта қалыптасуы мүмкін. In vitro препарат шеткергі қанның лимфоциттеріне, лимфоцитарлық және моноцитарлы-макрофагальді жасуша желілері мен сүйек кемігінің діңдік жасушаларына әлсіз цитоуытты әсер етеді.

Гептавир-150-ге   АИВ-1 резистенттіліктің даму себептерінің бірі — АИВ кері транскриптазасының белсенді сайтымен тығыз байланысты вирустық геномның M184V сайтында өзгерістердің пайда болуы. M184V мутацияларымен АИВ-1 штаммдары құрамында Гептавир-150 бар ретровирусқа қарсы біріктірілген ем алып жүрген науқастарда пайда болады. Вирустың мұндай штаммдары Гептавир-150-ге сезімталдығының төмендігімен және репликацияға қабілетінің әлсіздігімен сипатталады. Зидовудинге төзімді АИВ штаммдары, бір мезгілде Гептавир-150-ге резистенттілік дамыған жағдайда, оған сезімталдыққа ие болуы мүмкін. Бұл құбылыстың клиникалық маңыздылығы анықталмаған.

M184V сайтындағы мутациялар тек кері транскриптазаның нуклеозидтік тежегіштері тобының препараттарына ғана АИВ айқаспалы резистенттіліктің туындауына алып келеді. Гептавир-150 ламивудинге резистентті М184V мутациясы бар АИВ-1 штаммдарына қатысты ретровирусқа қарсы белсенділігін сақтайды. M184V мутациялары бар АИВ штаммдарында диданозин мен залцитабинге сезімталдықтың 4 еседен аса төмендегені анықталады.

Гептавир-150 бар ретровирусқа қарсы біріктірілген емнің локустағы M184V мутацияларымен АИВ штаммдарына қатысты тиімді екендігі көрсетілген.

Қолданылуы

- ересектер мен жасөспірімдерде біріктірілген ретровирусқа қарсы емнің құрамында АИВ жұқпасын емдеуде

Қолдану тәсілі мен дозалары

Гептавир-150-ді АИВ жұқпасын емдеуде тәжірибесі бар маман тағайындауы тиіс.

Гептавир-150-ді монотерапия ретінде қолдану ұсынылмайды.

Препаратті ас ішуге байланыссыз ішке қабылдайды.

Ересектер мен дене салмағы 30 кг асатын 12 жастан асқан балалар

Тәулігіне 2 рет 12 сағат сайын 150 мг (1 таблетка) немесе тәулігіне бір қабылдауда 300 мг (150 мг 2 таблетка) тағайындауға болады. Ең жоғарғы тәуліктік және бір реттік дозасы – 300 мг.

Емдеу ұзақтығын емдеуші дәрігер анықтайды.

Препаратты тәулігіне 2 рет қабылдаудан тәулігіне 1 рет қабылдауға ауысқан емделушілер, 150 мг препаратты тәулігіне 2 рет, ал келесі күні таңертең – бірден 300 мг қабылдауы тиіс. Егер тәулігіне 1 рет кешкі уақытта дозалау режимі таңдалса, онда 150 мг Гептавир-150-ді таңертең, сосын сол күні кешке 300 мг тағайындайды. Препаратты тәулігіне 2 рет қабылдауға қайта оралғанда емделушілер күнді алдыңғы режимге сәйкес аяқтайды және Гептавир-150-ді тәулігіне 2 рет қабылдауды келесі күні таңертең бастайды.

Бүйрек жеткіліксіздігі бар емделушілер үшін дозалануы

(ересектер мен дене салмағы 30 кг асатын 12 жастан асқан балалар).

Бауыр қызметінің бұзылуы

Бауыр қызметі бұзылған емделушілер үшін, егер ол бүйрек қызметінің бұзылуымен қатар жүрмесе, дозасын түзету керек емес.

Егде жастағы емделушілер. Арнайы мәліметтер жоқ, алайда, жас шамасына байланысты өзгерістері бар, мысалы бүйрек қызметі нашарлаған және гематологиялық көрсеткіштері бұзылған науқастардың бұл тобына көңіл бөлу ұсынылады.

Жағымсыз әсерлері

Жиі

- бас ауыруы, бас айналуы, ұйқысыздық

- жөтел, тұмау тәрізді симптомдар

- жүрек айнуы, құсу, анорексия, іштің ауыруы мен жайсыздығы, диарея

- тері бөртпесі, аллопеция

- бұлшықеттер мен буындардың ауыруы

- ысыну, қызба, дімкәстік, қатты тершеңдік

- гипергликемия, гипертриглицеридемия, гиперхолестеринемия, инсулинге резистенттілік, гиперлактатемия

- остеонекроз

Кейде

- нейтропения, анемия, тромбоцитопения

- бауыр ферменттері белсенділігінің уақытша жоғарылауы (аспартатаминотрансферазаның (АСТ), аланинаминотрансферазаның (АЛТ)),

Сирек

- панкреатит, сарысудағы амилаза белсенділігінің жоғарылауы

- гепатит

- лактоацидоз, тері шелмайының қайта таралуы/жинақталуы

- рабдомиолиз

Өте сирек

- айқын эритроцитарлық аплазия

- шеткергі нейропатия, парестезиялар

Қолдануға болмайтын жағдайлар

- препарат компоненттеріне жоғары сезімталдық

- бүйректің ауыр жеткіліксіздігі (креатинин клиренсі минутына 5 мл аз)

- жүктілік және лактация кезеңі

- 12 жасқа дейінгі және дене салмағы 30 кг аз балаларға

Дәрілермен өзара әрекеттесуі

Гептавир-150-дің басқа препараттармен метаболикалық өзара әрекеттесу мүмкіндігі өте төмен.

Триметоприм/сульфаметоксазолды 160/800 мг дозада (ко-тримоксазол) бір мезгілде қолдану Гептавир-150-дің қан плазмасындағы концентрациясын шамамен 40 %-ға жоғарылатады (триметоприммен өзара әрекеттесуі есебінен). Дегенмен, бүйрек қызметінің бұзылуы болмаса, Гептавир-150-дің дозасын төмендету қажет емес. Триметоприм мен сульфаметоксазолдың фармакокинетикасына Гептавир-150 әсер етпейді. Гептавир-150-дің пневмоцистік пневмония мен токсоплазмозды емдеу үшін тағайындалатын ко-тримоксазолдың жоғары дозаларымен өзара әрекеттесуі зерттелмеген.

Гептавир-150 организмнен көбінесе белсенді өзекшелік сөлініс жолымен органикалық катиондардың тасымалдану жүйесі арқылы шығарылады. Ламивудиннің шығарылу механизмі дәл сондай препараттармен, мысалы триметоприммен өзара әрекеттесуі мүмкін. Басқа препараттар (мысалы, ранитидин, циметидин) аталған механизмнің көмегімен тек ішінара шығарылады және Гептавир-150-мен өзара әрекеттеспейді.

Гептавир-150 мен зидовудинді бір мезгілде қолданғанда зидовудиннің плазмадағы Cmax орташа (28 %-ға) ұлғайғаны байқалады, бұл кезде AUC айтарлықтай өзгермейді. Зидовудин Гептавир-150-дің фармакокинетикасына әсер етпейді.

Гептавир-150-ді -интерферонмен, сондай-ақ иммунодепрессанттармен (мысалы А циклоспоринімен) үйлестіргенде, фармакокинетикалық өзара әрекеттесу байқалмайды.

Гептавир-150 мен зальцитабинді бір мезгілде тағайындағанда, біріншісі соңғысының жасушаішілік фосфорилденуін тежеуі мүмкін, соған байланысты мұндай біріктірілім ұсынылмайды.

Диданозинді, пентамидинді, сульфаниламидтерді және этанолды бір мезгілде қабылдау панкреатиттің даму қаупін жоғарылатады.

Дапсон, диданозин, изониазид және ставудин шеткергі нейропатияның даму қаупін арттырады.

Айрықша нұсқаулар

Емделушілер Гептавир-150-ді қоса, қазіргі заманғы ретровирусқа қарсы препараттармен емдеу АИВ жұқпасының жыныстық жолмен немесе жұқпаланған қанмен берілу қаупін төмендетпейтінін түсінуі тиіс, сондықтан олар сәйкесінше сақтандыру шараларын ұстануы тиіс.

Оппортунистік жұқпалар: Гептавир-150-мен немесе кез-келген басқа ретровирусқа қарсы препаратпен емделіп жүрген нұсқаларда, оппортунистік жұқпалардың және АИВ жұқпасының басқа да асқынуларының даму қаупі бар. Сондықтан емделушілер АИВ жұқпасын емдеу тәжірибесі бар дәрігердің қатаң қадағалауында болуы тиіс.

Бүйрек жеткіліксіздігі: орташа және ауыр дәрежелі бүйрек жеткіліксіздігі бар емделушілерде, олардағы клиренс төмендеуі нәтижесінде плазмадағы ламивудин концентрациясы ұлғаяды. Сондықтан оларға арналған дозалары азайтылуы тиіс.

Панкреатит: Гептавир-150-ді қабылдаған емделушілерде панкреатит дамыған бірнеше жағдай сипатталған. Алайда, олардың препаратты қолданумен байланыстылығы немесе АИВ жұқпасының салдары болып табылатындығы анықталмаған. Панкреатиттің дамығанын көрсететін алғашқы клиникалық (іштің ауыруы, жүрек айнуы, құсу) немесе зертханалық симптомдар пайда болған жағдайда, Гептавир-150-мен емдеуді панкреатит диагнозы жоққа шығарылғанға дейін тоқтата тұру қажет.

Лактоацидоз/ стеатозбен ауыр гепатомегалия: АИВ жұқпасын емдеуде ламивудинді қоса, нуклеозидтердің ретровирусқа қарсы жеке аналогтарын немесе олардың біріктірілімдерін қолданғанда лактоацидоз және кейде өліммен аяқталатын стеатозбен ауыр гепатомегалия жағдайлары туралы хабарланған. Көбінесе бұл жағдайлар әйелдерде байқалды. Лактоацидоз дамуының клиникалық белгілері жалпы әлсіздік, анорексия және дене салмағының күрт азаюы, гастроэнтерологиялық симптомдар мен тыныс алу жүйесі тарапынан болатын симптомдар болып табылады (диспноэ және тахипноэ). Сондықтан, Гептавир-150-ді барлық, әсіресе, бауыр ауруының даму қаупі бар емделушілерге тағайындағанда сақ болу қажет. Егер емделушіде лактоацидоздың немесе гепатоуыттылықтың клиникалық немесе зертханалық белгілері туындаса (гепатомегалия мен стеатозды қоса, тіпті трансаминазалардың айтарлықтай ұлғаюы болмаса да), Гептавир-150-мен емдеуді тоқтату қажет.

Митохондрияларға әсері: нуклеозидтер мен нуклеотидтердің аналогтары митохондриялардың әртүрлі дәрежеде зақымдалуына алып келеді. Кез-келген бала, тіпті нуклеозидтің немесе нуклеозид аналогының әсеріне құрсақ ішінде ұшыраған АИВ-ке теріс нәтижесі бар балалар клиникалық және зертханалық бақылауда болуы тиіс және оларды сәйкесінше белгілері мен симптомдарына толық тексеруден өткізу қажет.

Тіркелген негізгі жағымсыз реакциялары гематологиялық бұзылулар (анемия, нейтропения), метаболикалық бұзылулар болып табылады (гиперлактатемия, гиперлипаземия). Бұл жағымсыз реакциялар көбіне транзиторлы болып табылады. Кейбір кеш басталған неврологиялық бұзылулар білінді (гипертония, конвульсиялар, аномальді мінез-құлық). Неврологиялық бұзылулар транзиторлы немесе қайтымсыз болып табылады. Кез-келген бала, тіпті нуклеозидтің немесе нуклеозид аналогының әсеріне құрсақ ішінде ұшыраған АИВ-ке теріс нәтижесі бар балалар клиникалық және зертханалық бақылауда болуы тиіс және оларды сәйкесінше белгілері мен симптомдар туындаған жағдайда, болуы мүмкін митохондриальді қызметтің бұзылуына толық тексеру қажет. Бұл нәтижелер ағымдағы ретровирусқа қарсы емді жүкті әйелдерге АИВ-тің вертикальді берілуінің алдын алу үшін пайдалану жөніндегі ұлттық ұсынымдарға ықпал етпейді.

Май жинақталуының қайта таралуы: шығу тегі орталықтық семіруді, дорсоцервикальді бөліктердегі май жинақталуының ұлғаюын және олардың аяқ-қол мен беттегі азаюын, сүт бездерінің ұлғаюын, қан сарысуындағы липидтер деңгейінің және қандағы глюкоза деңгейінің жоғарылауын қоса, денедегі май жинақталуының қайта таралуы/аккумуляциясы жеке симптомдар түрінде де, кейбір ретровирусқа қарсы біріктірілген ем қабылдап жүрген емделушілерде де бірге байқалуы мүмкін.

Липодистрофия деп аталатын жалпы синдроммен байланысты жоғарыда келтірілген реакциялардың біреуін немесе бірнешеуін протеаза тежегіштері және кері транскриптазаның нуклеозидтік тежегіштері класының барлық препараттары туғызуы мүмкін болса да, жинақталған мәліметтер препараттардың көрсетілген кластарының жеке өкілдері арасында бұл жағымсыз реакцияларды туғызуға қабілеттілігінде айырмашылық барын көрсетеді.

Бұдан өзге, липодистрофиялық синдромның шығу тегі көп факторлы, мысалы АИВ ауруының жағдайы, емделушінің жас шамасы, ретровирусқа қарсы емнің ұзақтығы, олар маңызды рөл атқарады және синергиялық әсері бар эффект.

Бүгінгі күні жоғарыда келтірілген жанама әсерлерінің ұзақ уақыт бойғы салдарлары белгісіз.

Клиникалық тексеру кезінде май жинақталуының қайта таралуының физикалық белгілеріне назар аудару, сарысудағы липидтер мен қандағы глюкозаны анықтау керек. Липидтер таралуының бұзылуын емдеуді стационарда жүргізген дұрыс.

Иммундық реактивация синдромы: ауыр иммунитет тапшылығы бар АИВ жұқтырған науқастарда ретровирусқа қарсы препараттармен емдеудің басында асимптоматикалық немесе резидуальді оппортунистік жұқпаға қабыну реакциясы туындауы және ауыр клиникалық жағдайға немесе симптомдарының өршуіне соқтыруы мүмкін. Әрине, мұндай реакциялар ретровирусқа қарсы препараттармен емдеудің бастапқы апталары немесе айлары кезінде туындайды. Оның сәйкесінше мысалдары цитомегаловирус туғызған ретинит, жайылған немесе микобактериялар немесе Pneumocystis jiroveci (P. Carinii) pneumonia туғызған фокальді жұқпалар болып табылады. Кез-келген қабыну құбылыстарын кідіртпей зерттеу/тексеру және қажет болса, оларды емдеуді бастау керек.

Остеонекроз: оның шығу тегі көп факторлы деп саналса да, үдемелі АИВ ауруы және/немесе ретровирусқа қарсы ұзақ уақыт кешенді емделген емделушілердегі остеонекроз жағдайлары туралы хабарланды. Емделушілер, егер олар буындарының ауырғанын, буындардың қозғалғыштығының бұзылғанын және қимыл-қозғалысының қиындағанын сезінсе, медициналық жәрдемге хабарласуы керек.

В гепатиті вирусымен коинфекцияланған емделушілер: клиникалық мәліметтер, В гепатиті вирусымен бір мезгілде жұқпаланған емделушілерде, Гептавир-150-мен емдеуді тоқтатқан жағдайда гепатиттің өршуі мүмкін екендігін көрсетеді, оның салдары бауыр қызметінің қайтымсыз бұзылуында бұдан да ауыр болуы мүмкін. Сондықтан, АИВ және В гепатиті вирусымен бір мезгілде жұқпаланған емделушілерде, бауыр қызметінің көрсеткіштері мен В гепатиті вирусының репликациясы маркерлерін ұдайы анықтап отыру қажет.

Вируспен жанасқаннан кейінгі профилактика: халықаралық ұсынымдарға сәйкес, АИВ жұқтырылған қанмен кездейсоқ жанасып кеткен жағдайда (мысалы, инемен тесіп алғанда) дереу (1-2 сағат ішінде) зидовудинмен және ламивудинмен біріктірілген емді тағайындау қажет. Жұқтыру қаупі жоғары болған жағдайда, ретровирусқа қарсы емдеу сызбасына протеаза тежегіштері тобының препараты кірістірілуі тиіс. Профилактикалық емді 4 апта бойы жүргізу ұсынылады. Ретровирусқа қарсы препараттармен емдеу тез басталғанына қарамастан, сероконверсияның болуын жоққа шығаруға болмайды.

Дәрілік заттың көлік құралдарын немесе қауіпті механизмдерді басқару қабілетіне әсер ету ерекшеліктері

Бұл мәселе жөнінде деректер жоқ, Гептавир-150-дің фармакологиясы кез-келген негативті ықпал күтуге негіз болмайды. Алайда, емделушінің автокөлік және басқа механизмдерді басқару қабілетіне баға беру кезінде оның клиникалық жағдайы мен Гептавир-150-дің жағымсыз әсерлер профилін ескеру қажет.

Артық дозалануы

Симптомдары: жағымсыз әсерлерінің күшеюі мүмкін

Емі: асқазанды шаю, белсенділендірілген көмірді тағайындау, қарқынды диурез, белгілеріне қарай емдеу.

Шығарылу түрі және қаптамасы

Балалардан қорғайтын жүйемен қамтылған, пластик қақпағы бар тығыздығы жоғары полиэтиленнен жасалған құтыға 60 таблеткадан салынған.

1 құтыдан медицинада қолданылуы жөніндегі мемлекеттік және орыс тілдерінде жазылған нұсқаулықпен бірге картон пәшкеге салынған.

Сақтау шарттары

Құрғақ жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Препаратты қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Хетеро Лабс Лимитед, Үндістан,

Блок –III, 22-110, IDA, Джейдиметла, Хидерабад 500 055

НВ Холдинг үшін, Гонконг, Шатин, 6 Он Пинг Стрит, Нью Трейд Плаза, А ғимараты,  604 кеңсе

Қаптаушы

Хетеро Лабс Лимитед, Үндістан НВ Холдинг үшін, Гонконг

Тіркеу куәлігінің иесі

«Глобал Холдинг» ЖШС, Қазақстан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Глобал Холдинг» ЖШС.

0500004, Алматы қ-сы, Желтоқсан к-сі, 59.

Телефон нөмірі: +7 (727) 2581086

Факс: +7 (727) 2599756