Габесат

Габесат

Габексат

Дәрілік түрі, дозасы

Инфузия үшін ерітінді дайындауға арналған лиофилизат еріткішпен (инъекцияға арналған су) жиынтықта, 100 мг

Қан және қан түзу ағзалары. Антигеморрагиялық препараттар. Антифибринолитиктер. Протеиназа тежегіштері.

АТХ коды B02AB

Жедел панкреатит.

Қолдану басталғанға дейін қажетті мәліметтер тізбесі

- әсер етуші затқа жоғары сезімталдық

- 18 жасқа дейінгі балалар мен жасөспірімдер.

Қолдану кезіндегі қажетті сақтық шаралары

Препаратты жоғары дозада енгізу инъекция орнында және тамыр қабырғасын зақымдаумен қан тамырлары бойында некроздық жараларды, флебит және венаның өзінің сынғыштығын тудыруы мүмкін. Осыған байланысты емдеу тек дәрігердің бақылауымен жүргізілуі керек.

Инъекция орнында ауырсыну, қызару немесе қабыну пайда болған жағдайда емдеуді тоқтату немесе инъекция орнын өзгерту және тиісті шаралар қабылдау керек.

Препаратты қолдану кезінде пациенттер тұрақты бақылауда болуы тиіс.

Шок, анафилаксиялық шок және анафилаксиялық реакциялар байқалуы мүмкін.

Артериялық қысым төмендеген, жүрекше функциясының бәсеңдеуі, ентігу, естен тану, жұтқыншақ/көмейдің ісінуі, қышыну немесе өзін нашар сезіну жағдайында емдеу дереу тоқтатылып, тиісті шаралар қабылдануы тиіс.

Пациенттер сондай-ақ агранулоцитоз, лейкопения, тромбоцитопения және гиперкалиемияның пайда болуы мүмкін екендігіне мұқият бақылауда болуы тиіс. Егер қан көрсеткіштерінің өзгеруі анықталса, онда емдеуді тоқтату қажет, ал гиперкалиемия жағдайында - тиісті шаралар қабылдануы қажет.

Бас ауыруы, ішінара белсендірілген тромбопластин уақытының қысқаруы, қан кету, гипотензия, жүрек айну, құсу, диарея, тері бөртпесі, беттің қышынуы немесе қызаруы жағдайында дозаны азайту керек. Егер симптомдар сақталса, емдеуді толығымен тоқтату керек.

Препарат антикоагулянттық әсер етуі мүмкін.

Басқа дәрілік препараттармен өзара әрекеттесуі

Белгісіз.

Басқа парентеральді препараттармен қатар жүретін ем жағдайында Габесатты бөлек енгізу керек.

Арнайы ескертулер

Педиатрияда қолдану

Тиімділігі мен қауіпсіздігі бойынша деректердің болмауына байланысты балалар мен жасөспірімдерде қолданылмайды.

Жүктілік немесе лактация кезінде

Жүктілік

Расталған немесе болжамды жүктілік кезінде Габесат препаратының дозасын ең аз тиімді деңгейде және пациенттің өміріне қауіп төндіретін көрсеткіштер бойынша ғана ұстап отыру керек.

Лактация

Емшек сүтіне бөліну туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Габесат препаратын қолдану кезеңінде пациенттерге көлік құралын немесе қауіптілігі зор механизмдерді басқаруға болмайды.

Қолдану бойынша ұсынымдар

Дозалау режимі

Емдеуді күніне 1-3 құтыдан бастау керек (100-300 мг габексат мезилаты)

8 мл/минуттан аспайтын жылдамдықпен вена ішіне инфузия арқылы, содан кейін клиникалық көрініс жақсаруына қарай дозаны азайтыңыз. Қажет болған жағдайда жоғарыда көрсетілген доза сол күн ішінде 1-3 құтыға ұлғайтылуы мүмкін.

Құтыдағы стерильді ұнтақты ампуладағы еріткішпен (инъекцияға арналған су) еріту қажет.

Қалпына келтірілген ерітіндіні 1 құтыға қосымша 500 мл Рингер лактат ерітіндісінде немесе 5% глюкозамен сұйылту қажет. Сұйылтқаннан кейін ерітіндіні дереу пайдалану керек.

Инфузияға арналған ерітіндіні дене салмағының бір килограмына сағатына 8 мл/минут және 2.5 мг габексат мезилатынан аспайтындай етіп, жылдамдығын реттей отырып, баяу енгізу керек.

Дозаны пациенттің симптомдарына сәйкес түзету керек.

Пациенттердің ерекше топтары

Егде жастағы пациенттер

Физиологиялық функциялардың кез келген төмендеуі жағдайында доза қажеттілігіне қарай азайтылуы тиіс.

Енгізу әдісі мен жолы

Вена ішіне инфузия.

Артық дозалану жағдайында қабылдануы қажет шаралар

Симптомдары: бас ауыруы, ішінара белсендірілген тромбопластин уақытының қысқаруы, қан кету, гипотензия, жүрек айну, құсу, диарея, тері бөртпесі, беттің қышынуы немесе қызаруының туындау жағдайында дозаны азайту керек.

Егер симптомдар сақталса – емдеуді тоқтату.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жағымсыз реакциялар ағзалар жүйелерінің класы және байқалу жиілігі бойынша берілген: өте жиі (≥1/10); жиі(≥1/100 <1/10); жиі емес (≥1/1000 <1/100); белгісіз (қолда бар деректер негізінде бағалау мүмкін емес).

Әрбір топта жағымсыз реакциялар пайда болу жиілігі олардың ауырлық дәрежесін төмендету тәртібімен көрсетілген.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен

медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құты препараттың құрамында:

белсенді зат - габексат мезилаты 100.0 мг.

Сыртқы түрінің, иісінің, дәмінің сипаттамасы

Ақ кристалды ұнтақ. Қалпына келтірілген ерітінді - көрінетін бөлшектері жоқ мөлдір ерітінді.

Бір ампуланың (еріткіш) ішінде:

белсенді зат - инъекцияға арналған су 5.0 мл.

Сыртқы түрінің, иісінің, дәмінің сипаттамасы

Көрінетін бөлшектерден іс жүзінде бос мөлдір түссіз сұйықтық.

Шығарылу түрі және қаптамасы

Препарат сыйымдылығы 6 мл, резеңке тығынмен және «flip-off» типті пластикалық қақпағы бар алюминий қалпақшамен тығындалған, I типті бейтарап шыныдан жасалған түссіз құтыларда.

5 мл еріткіштен сыйымдылығы 5 мл, I типті бейтарап шыныдан жасалған түссіз ампулаларда.

Препараты бар 1 құтыдан және еріткіші бар 1 ампуладан пластиктен жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Bioindustria Laboratorio Italiano Medicinali S.р.A. (Bioindustria L.I.M. S.р.A.),

Via De Ambrosiis 2, 15067 Нови Лигуре, Италия

Телефон +39 (0143) 3131, факс +39 (0143)73052,

электронды пошта: info@bioindustria.it

Тіркеу куәлігінің ұстаушысы

«Новатор Фарма» ЖШС,

8 Shepherd Market, Office 21, Лондон, Ұлыбритания.

Телефон: +4479 34473464,

электронды пошта: chief_coordinator@novatorpharma.co.uk

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Новатор Фарма» ЖШС,

Алматы қ., Алмалы ауданы, 050000, Масанчи к-сі, 23/10 үй,

Телефон / факс + 7 727 9786077,

электронды пошта: novatorpharma2@bk.ru