Вокасепт апельсин

Вокасепт апельсин

---

Дәрілік түрі, дозалануы

Мұз кәмпиттер

Респираторлық жүйе. Тамақ ауруларын емдеуге арналған препараттар. Антисептиктер. Басқа препараттар.

АТХ коды: R02AA20.

Дәрілік препарат (ДП) ересектерде қолдануға арналған:

- тамақтың ауыруы, қызаруы немесе ісінуі сияқты өзіне тән симптомдары бар жұтқыншақтың шырышты қабығының қабынуын демеуші емдеу.

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- 18 жасқа дейінгі балалар мен жасөспірімдер (препараттың құрамында күн батар түстес сары (Е110) бояғышының болуына байланысты))

Қолдану кезіндегі қажетті сақтандыру шаралары

Бактерияға қарсы емнің тағайындау қажеттілігі негізінен бактериялық инфекциялардың болуына байланысты.

Зеңдік инфекция болған кезде қолайлы зеңге қарсы заттармен емдеу қажет. Мұз кәмпиттерді 18 жасқа дейінгі балаларға қолдану ұсынылмайды.

Фруктоза жақпаушылығы, глюкоза-галактоза мальабсорбциясы немесе сахараза-изомальтаза жеткіліксіздігі сияқты сирек туа біткен синдромдары бар пациенттерге Вокасепт апельсин мұз кәмпиттерін қабылдауға болмайды.

Басқа дәрілік препараттармен өзара әрекеттесуі

Клиникалық маңызды өзара әрекеттесулер туралы белгісіз.

Арнайы ескертулер

Педиатрияда қолдану

18 жасқа дейінгі балаларға қолдану ұсынылмайды.

Жүктілік немесе лактация кезінде

Жүктілік және бала емізу кезеңінде препаратты қолдану қауіпсіздігі бойынша деректер жоқ, сондықтан препаратты қолдану ана үшін болжамды пайдасы бала үшін қауіптен асып кеткен жағдайда ғана мүмкін болады.

Белсенді заттардың фертильділікке әсері туралы мәліметтер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын және қауіптілігі зор механизмдерді басқару қабілетіне әсер етпейді немесе маңызды емес әсер етеді.

Қолдану жөніндегі нұсқаулар

Дозалау режимі

Препаратты симптомдарды бақылау үшін қажетті ең аз мерзім ішінде ең аз тиімді дозада қабылдау керек.

Ересектер

Бір мұз кәмпитті әр 2-3 сағат сайын баяу сору керек. Тәуліктік доза 8 мұз кәмпиттен аспауы тиіс.

Пациенттердің ерекше топтары

Балалар

Вокасепт апельсин мұз кәмпиттерін 18 жасқа дейінгі балаларға қолдану ұсынылмайды.

Егде жастағы пациенттер

Егде жастағы адамдарда дозаны төмендету қажеттілігі жоқ.

Енгізу әдісі мен жолы

Пероральді қолдануға арналған. Мұз кәмпитті ауызда баяу еріту керек. Барлық мұз кәмпиттерімен сияқты, ауыз қуысының шырышты қабығын тітіркендірмеу үшін, сорған кезде мұз кәмпитті аузыңызда жылжытыңыз.

Артық дозаланған жағдайда қабылдануы тиіс шаралар

Симптомдар: асқазан-ішек жолы тарапынан жайсыздық.

Емі: симптоматикалық ем.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдауға тиісті шаралар

Жиі емес (≥1/1000 <1/100 дейін)

- аса жоғары сезімталдық

- тері бөртпесі

Өте сирек (<1/10 000)

- диспепсия

- жүрек айнуы

Белгісіз (жиілік бағаланған қолда бар деректер негізінде жоғарылайды)

- іштің ауыруы

- ауыз қуысындағы жағымсыз сезімдер

Жекелеген жағымсыз реакциялардың сипаттамасы

Ауыз қуысындағы жағымсыз сезімдер тамақтың тітіркенуімен, ауыз қуысының парестезиясымен, ауыз қуысының шырышты қабығының ісінуімен және глоссодиниямен көрінуі мүмкін. Аса жоғары сезімталдық реакциялары әдетте препаратты қолдануды тоқтатқаннан кейін тез өтеді.

Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір мұз кәмпит құрамында:

белсенді заттар: амилметакрезол 0,600 мг

2,4-дихлорбензил спирті 1,200 мг

қосымша заттар: левоментол, сукроза, сұйық глюкоза, сусыз лимон қышқылы, тәтті апельсин майы, күн батар түстес сары бояғыш (Е 110), тазартылған су.

Сыртқы түрінің, иісінің, дәмінің сипаттамасы

Дөңгелек пішінді, беті тегіс, қызғылт сары түсті, ойығы бар мұз кәмпиттер.

Шығарылу түрі және қаптамасы

8 мұз кәмпиттен поливинилиденхлоридпен қапталған, ламинатталған полиэтиленмен қапталған поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

Makson Healthcare Pvt. Ltd. Үндістан

Plot No-6A, Sector-D, Industrial Area Мандидип Dist. Raisen (M.P.)

462046, Үндістан

Тел.: +91-7480-233476 

Эл. пошта: info@maksongroup.com

Тіркеу куәлігінің ұстаушысы

Mapaex Consumer Healthcare Private Limited

E-7, HIG-500, Arera Colony, Бхопал (M.P.)

462016, Үндістан

Тел.: +91-7480-233476 

Эл. пошта: info@maksongroup.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС

Қазақстан, Алматы қаласы, Әуезов ауданы, Мамыр-1 ықшам ауданы, 29 үй, 159 п., пошта индексі 050036

Тел: +7 727 313 12 07

Эл. пошта: info@registrarius.org

Веб-сайт: www.registrarius.org