Вилтепсо (Вилтоларсен)

Вилтепсо®

Вилтоларсен

Дәрілік түрі, дозаcы

Инфузияға арналған ерітінді, 50 мг/мл

Сүйек-бұлшықет жүйесі. Сүйек-бұлшықет жүйесінің ауруларын емдеуге арналған басқа препараттар. Вилтоларсен.

M09AX12

Вилтепсо® препараты генетикалық тестілеу 53 экзонды өткізу жолымен емдеуге берілетін дистрофин генінің мутациялары (мысалы, 43 – 52, 45 –52, 47 – 52, 48 – 52, 49 – 52, 50 – 52, 52 экзондарының мутациялары) бар екенін растайтын DMD генінің мутациясы расталған пациенттерде Дюшенн бұлшықеттік дистрофиясын (ДБД) емдеу үшін көрсетілген.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

Қолдану кезіндегі қажетті сақтандыру шаралары

Балалар

Вилтепсо® препараты, балалар жасындағы пациенттерді қоса, 53 экзонды өткізу арқылы түзетуге болатын DMD генінің мутациясы расталған пациенттерде Дюшенн бұлшықеттік дистрофиясын (ДБД) емдеу үшін көрсетілген.

Өкпені тұрақты жасанды желдету (ӨЖЖ) жүргізілетін пациенттерде қолдану

Тұрақты ӨЖЖ жүргізілген пациенттерде және аурудың кешірек, амбулаториялық емес сатысындағы пациенттерде емдеу тиімділігі мен қауіпсіздігі анықталмаған. Осы пациенттерге тағайындалғанда жүргізудің мақсатқа сай болуын қалдық қозғалыс функциясын және т.б. ескере отырып, айқындау керек. Пациенттер препаратты енгізуден кейін мұқият қадағалауда болуы тиіс, ал препаратты енгізуді жалғастыру қажеттілігінің бар-жоғын анықтау үшін тиімділігін жүйелі бағалау керек. Әсері болмаса, препаратты қолдану тоқтатылуы тиіс.

Әйелдерде қолдану

Егер аталған препарат Х-хромосомасы қалыпты болатын дистрофинопатия бар әйелдерге енгізілсе, ол дистрофиннің қалыпты экспрессиясын төмендетуі мүмкін, сондықтан оны осындай пациенттерге тағайындауға болмайды.

Клиникалық сынақтар әйелдерде өткізілмеген.

Нефроуыттылық

Вилтоларсен алған жануарларда нефроуыттылық байқалды («Ювенильді жануарлардағы уыттылық деректері» бөлімін қараңыз). Вилтепсо® препаратының клиникалық зерттеулерінде нефроуыттылық болмауына қарамастан, оны клиникалық қолдану тәжірибесі шектеулі, ал кейбір басқа антисенстік олигонуклеотидтерді қолдану, өлімге ұшыратуы ықтималды гломерулонефритті қоса, нефроуыттылықпен қатар жүрді. Аталған препаратты қабылдап жүрген пациенттерде бүйрек функциясын мониторингтеу қажет. Қаңқа бұлшықеттері салмағының төмендеуі сарысудағы креатинин деңгейіне ықпал етеді, демек, сарысулық креатинин ДБД бар пациенттерде бүйрек функциясының сенімді көрсеткіші емес. Вилтепсо® препаратын қолданудың басталуына дейін сарысудағы С цистатин деңгейін, несептегі ақуыз/креатинин арақатынасын анықтау қажет. Препаратпен емдеу басталғанша шумақтық сүзіліс жылдамдығын өлшеуді қарастыру керек. Емдеу кезінде нефроуыттылыққа мониторинг өткізу ұсынылған. Осы мақсатта үш айда бір рет қан сарысуындағы С цистатин деңгейін және несептегі ақуыз/креатинин арақатынасын анықтау керек. Несептегі ақуыз деңгейін мониторингтеу үшін құрамында экскрецияланған Вилтепсо® жоқ деп жорамалданатын үлгілерді пайдалану керек. Инфузия басталуына дейін немесе соңғы инфузиядан кейін 48 сағат өткен соң барып, препаратты қолданған күні жиналған үлгілерді пайдалануға рұқсат етілген. Балама ретінде пирогаллол қызылын пайдалану көзделмейтін зертханалық тест пайдалануға болады, өйткені бұл реагент несеппен бөлінетін Вилтепсо® препаратымен айқаспалы реакцияға түсуге қабілетті, бұл несептегі ақуызды анықтаудың жалған-оң нәтижесіне әкеледі.

Бүйрек функциясының тұрақты бұзылуы немесе протеинурия жағдайында әріқарай тексеруден өту үшін балалар нефрологына қаралу қажет.

Иммуногенділік

Барлық олигонуклеотидтерді пайдалану кезіндегі сияқты, иммуногенділік ықтималдығы бар. Антиденелер түзілуін едәуір шамада анықтау пайдаланылған әдістің сезімталдығына және спецификалық ерекшелігіне байланысты. Бұдан бөлек, талдау жасалғанда байқалатын антиденелерге оң реакцияны анықтау жиілігі талдау әдістемесін, үлгілермен жұмыс істеу ерекшеліктерін, үлгілерді алу уақытын, қатарлас препараттарды қолдану мен ағымдағы ауруды қоса, бірқатар факторларға байланысты болуы мүмкін. Сол себептер бойынша жүргізілген 1 және 2 зерттеулердегі (4.8 және 5.2 бөлімдерін қараңыз) антиденелерді анықтау жиілігін басқа зерттеулердегі антиденелерді анықтау жиілігімен салыстыру нақты болмауы мүмкін. Жалпы, зерттеулер барысында елеулі иммуногенділігі анықталмады.

Басқа дәрілік препараттармен өзара әрекеттесуі

Іn vitro алынған деректер негізінде Вилтепсо® препаратының P450 цитохромы жүйесінің негізгі ферменттерімен және адамда дәрілік препараттардың тасымалдаушы ақуыздарымен дәрілік өзара әрекеттесу қуатының төмен екені анықталды.

Арнайы сақтандырулар

Жүктілік

Жүкті әйелдерге немесе жүкті болып қалуы мүмкін әйелдерге препаратты тек егер емдік пайдасы қауіптерінен асып кетеді деп саналған жағдайда ғана тағайындау керек. Эмбриондық-фетальді даму зерттеулері жүргізілмеген.

Лактация

Вилтепсо® препаратының сүт өндірілуіне ықпал етуі, емшек сүтінде Вилтепсо® бар-жоғы немесе препараттың емшекпен қоректенуде жүрген сәбилерге әсері жөнінде адамнан және жануарлардан алынған деректер жоқ.

Бала емізуді жалғастыру немесе тоқтату мүмкіндігі қарастырылғанда препаратты қолданудың емдік пайдасы мен бала емізудің артықшылығын есепке алу керек. Жануарларда сүтке экскрециялану зерттеулері жүргізілмеген.

Фертильділік

Препараттың адам фертильділігіне ықпал ету деректері жоқ. Тышқандарға жүргізілген зерттеулерде фертильділігіне қолайсыз әсері анықталмады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын және механизмдерді басқару қабілетіне әсер ету зерттеулері жүргізілмеді, бірақ атап көрсетілген қабілеттіліктерге ықпал ете алатын жағымсыз құбылыстар туындағанда көлік құралдарын басқармауға және жоғары зейін қою мен психомоторлық реакциялар шапшаңдығын талап ететін аса қауіпті қызмет түрлерімен айналыспауға (симптомдар басылғанша) кеңес беріледі.

Қолдану жөніндегі нұсқаулар

Дозалау режимі

Осы препараттың инфузиясын аталған препарат туралы жеткілікті білімі және Дюшенн бұлшықеттік дистрофиясын диагностикалау мен емдеуде жеткілікті білімі мен тәжірибесі бар дәрігердің қадағалауымен жүргізген жөн.

Егер инфузия үйде жасалған жағдайда ол да дәрігердің қадағалауымен жүзеге асуы тиіс.

Ересектерге арналған әдеттегі доза аптасына 1 рет 1 сағат ішінде вена ішіне тамшылатып инфузиялау түрінде енгізілген пациенттің килограмм салмағына 80 мг Вилтепсо® құрайды.

Препарат дозасын өткізіп алған жағдайда оны мүмкіндігінше тезірек енгізу керек.

Енгізу әдісі және жолы

Осы препараттың инфузиясын аталған препарат туралы жеткілікті білімі және Дюшенн бұлшықеттік дистрофиясын диагностикалау мен емдеуде жеткілікті білімі мен тәжірибесі бар дәрігердің қадағалауымен жүргізген жөн.

Егер инфузия үйде жасалған жағдайда ол да дәрігердің қадағалауымен жүзеге асуы тиіс.

Қабылдау уақыты көрсетілген қолдану жиілігі

Ересектерге арналған әдеттегі доза аптасына 1 рет 1 сағат ішінде вена ішіне тамшылатып инфузиялау түрінде енгізілетін пациенттің килограмм салмағына 80 мг Вилтепсо® құрайды.

Артық дозалану жағдайында қабылдау қажет болатын шаралар

Препарат дозасын дәрігер пациенттің салмағын бағдарға ала отырып, әркімге жеке есептегендіктен, Вилтепсо® препаратының артық дозалануы туралы хабарламалар келіп түспеді. Антисенстік олигонуклеотидтер тобының препараттарымен артық дозалану жағдайлары сипатталмаған. Вилтоларсеннің көбінесе өзгеріссіз күйде несеппен экскрециялануын ескеріп, қажет болса, артық дозалану жағдайында жеделдетілген диурез немесе диализ қолдануға болады.

Дәрілік препаратты қабылдар алдында кеңес алу үшін дәрігерге немесе фармацевтке хабарласыңыз.

Бұл дәрілік затты үнемі сізге өз дәрігеріңіздің тағайындауы сияқты дәлдікте қабылдаңыз. Егер сізде күмән болса, дәрігермен немесе фармацевтпен кеңесіңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Клиникалық зерттеулер әртүрлі жағдайларда жүргізілгендіктен, онда аталған жағымсыз реакциялар жиілігін басқа препараттың клиникалық зерттеулеріндегі жағымсыз реакциялардың туындау жиілігімен тікелей салыстыруға болмайды; бұдан бөлек, ол іс жүзіндегі клиникалық практикадағы жағымсыз реакциялар жиілігін көріністемеуі мүмкін.

Вилтепсо® препаратының клиникалық зерттеулерінде, жалғасқан емнің ұзаққа созылған ашық зерттеуінің шеңберінде емдеуді 12 айдан көп қабылдаған 16 пациентті және 24 айдан артық қабылдаған 8 пациентті қоса, 32 пациент оны 40 мг/кг-ден (ұсынылған дозаның жартысы) 80 мг/кг дейінгі (ұсынылған доза) дозаларда аптасына бір рет қабылдады. Пациенттердің бәрі ДБД диагнозы генетикалық расталған ер жынысынан болды.

1 зерттеу Вилтепсо® емінің басталуына дейін, кем дегенде, 3 ай кортикостероидтармен тұрақты ем қабылдаған 4-тен 10 жасқа дейінгі ұлдардың қатысуымен АҚШ пен Канадада өткізілген екі кезеңнен тұратын дозаны таңдаудың көп орталықтық зерттеуі болды. Зерттеудің бастапқы кезеңі (алғашқы 4 апта) ішінде пациенттер Вилтепсо® немесе плацебо тобына (салыстырмалы жасырын әдіспен) рандомизацияланды. Одан әрі 20 апта бойы пациенттердің бәрі Вилтепсо® препаратын аптасына бір рет 40 мг/кг (ұсынылған дозаның жартысы) (N = 8) немесе аптасына бір рет 80 мг/кг (N = 8) дозада қабылдады.

2 зерттеу Жапонияда жүргізілген қатарлас топтарда дозаны таңдаудың көп орталықтық ашық зерттеуі болды. Сай келетін пациенттер болып Вилтепсо® препаратын аптасына бір рет 40 мг/кг (ұсынылған дозаның жартысы) (N = 8) немесе аптасына бір рет 80 мг/кг (N = 8) дозада 24 апта бойы вена ішіне енгізу тағайындалған 5-тен 18 жасқа дейінгі амбулаториялық және амбулаториялық емес ер балалар қамтылды.

Ең көп жиі жағымсыз реакциялар (Вилтепсо® препаратын қабылдаған пациенттерде жиілігі ≥ 15%) жоғарғы тыныс жолдарының инфекциялары, енгізген жердегі реакциялар, жөтел және қызба болды. Жиынтық талдауда пациенттер Вилтепсо® препаратымен 20-24 апта бойы ем қабылдады.

Жағымсыз реакциялар кестесі түрінде түйіндеме

Жағымсыз дәрілік реакциялар MedDRA ағзаларын және ағзалар жүйелерін жіктеуге сәйкес топтастырылды.

Зерттелген қауым көлемін ескере отырып, жиынтықталған 1 және 2 зерттеулерде препаратты 80 мг/кг/апталық дозада қабылдаған пациенттердің ≥ 10%-да анықталған жағымсыз реакциялар 1 кестеде ұсынылды (жиілігі «өте жиі» санатына сәйкес келеді).

1 кесте: Вилтепсо® препаратын 80 мг/кг/апталық дозада қабылдаған пациенттердің ≥ 10%-да анықталған жағымсыз реакциялар (жиынтықталған 1 және 2 зерттеулерде, n = 16)

* Жоғарғы тыныс жолдарының инфекциялары келесі тіркелген реакцияларды қамтыды: жоғарғы тыныс жолдарының инфекциясы, назофарингит және ринорея.

** Инъекция орнындағы реакциялар келесі тіркелген реакцияларды қамтыды: қанталау, эритема, инъекция орнындағы реакция және ісіну.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір инфузиялық құтының ішінде:

белсенді зат - вилтоларсен, 250 мг (50 мг/мл),

қосымша заттар – натрий хлориді, 0,1 н. хлорлы сутек қышқылы ерітіндісі, 0,1 н. натрий гидроксиді ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Вилтепсо® келесі нысанда қолжетімді мөлдір түссіз ерітінді түрінде болады:

Инфузияға арналған ерітінді: бір дозалық құтыдағы 250 мг/5 мл (50 мг/мл) ерітінді.

Шығарылу түрі және қаптамасы

Дәрілік препараттың 5,0 мл ерітіндісінен диаметрі 20 мм пластмасса қақпағы бар Flip-Off типті біріктірілген алюминий қалпақшамен қаусырылған, I типті хлорланған бутилкаучуктен жасалған резеңке тығынмен тығыздалған, I типті мөлдір боросиликат шыныдан жасалған құтыда.

Құтылар картон қорапшаларға салынады. Әр картон қорапшаның ішінде вилтоларсен инфузияларына арналған құты және қолдану жөніндегі қазақ және орыс тілдеріндегі нұсқаулық бар.

3 жыл

Жарамдылық мерзімі өткеннен кейін қолдануға болмайды.

2 °С-ден 8 °С-ге дейінгі температурада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«FUJI YAKUHIN Co., Ltd. Toyama Factory»

Тояма-сити, Тояма, Итакура, Фучи-мачи, 682, Жапония

Тел.: +81 76-465-3240; +81 76-465-3241

Ta-moto@fujiyakuhin.co.jp

Тіркеу куәлігінің ұстаушысы

«Р-Фарм» АҚ, Ресей, Мәскеу қ., Берзарин к-сі, 19 үй, 1 корп.

Тел.: +7 (495) 956-79-37

+7 (495) 956 79 38

info@rpharm.ru

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Тұтынушылар шағымдарын мына мекенжайға жолдау керек:

«Р-Фарм» Қазақстан» ЖШС

Әл-Фараби даңғылы, 17/1, «Нұрлы Тау» ПФО, 5Б корпус, 18 кеңсе, Алматы қ., 050059,

Телефон: +7 727 325 0100 (4024);

Факс: +7 727 325 0200; +7 727 325 0300;

Эл. пошта: safety_kz@rpharm.ru