Венодиол - М

Венодиол-M

-

Дәрілік түрі, дозасы

Таблеткалар

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Диосмин, біріктірілімдер

АТХ коды: C05CA53.

- аяқ-қолдың созылмалы вена жеткіліксіздігін (аяқтың ауырлығы, ауыруы, түнде аяқтың құрысуы) симптоматикалық емдеу;

- геморройды (жедел немесе созылмалы) симптоматикалық емдеу.

Қолдануды бастағанға дейін қажетті мәліметтер тізбесі

- белсенді заттарға немесе препараттың кез келген қосымша заттарына аса жоғары сезімталдық

Қолдану кезіндегі қажетті сақтық шаралары

Жедел геморройды симптоматикалық емдеуде Венодиол-М қолдану тік ішектің басқа ауруларын емдеуді жоққа шығармайды. Пациентте геморрой симптомдары препаратпен қысқа мерзімді емдеу курсынан кейін сақталған жағдайда, тиісті проктологиялық тексеру жүргізу және тиісті терапия туралы мәселені қарау ұсынылады.

Пациент аса жайсыздық туындаған жағдайларда, оған қоса ісіну, тері түсінің өзгеруі, тіндердің жергілікті кернеуі, қызу сезімі, аяқтың ауыруы, әсіресе бір аяғының ауыруы сияқты симптомдар пайда болған кезде дереу дәрігерге көріну керек. Жоғарыда көрсетілген симптомдар созылмалы вена жеткіліксіздігіне байланысты аяқтың веналық тромбозының салдары болуы мүмкін.

Қосымша заттар

Венодиол-M құрамында бір таблеткада 1 ммольден аз натрий (23 мг) бар, яғни іс жүзінде «құрамында натрий жоқ».

Арнайы ескертулер

Балалар

Балалар мен жасөспірімдерде препаратты қолданудың қауіпсіздігі мен тиімділігі анықталмаған. Тиісті зерттеулер жүргізілген жоқ.

Егде жастағы пациенттер

Егде жастағы пациенттерде препаратты дозалау бойынша арнайы нұсқаулар жоқ.

Бауыр жеткіліксіздігі бар пациенттер

Бауыр функциясы бұзылған пациенттерде препаратты дозалау бойынша арнайы нұсқаулар жоқ.

Бүйрек жеткіліксіздігі бар пациенттер

Бүйрек функциясы бұзылған пациенттерде препаратты дозалау бойынша арнайы нұсқаулар жоқ.

Қолдану жөніндегі нұсқаулар

Дозалау режимі

Дозалау

Ересектер

Ұсынылатын доза - тәулігіне 2 рет 1 таблетка (таңертең және кешке) немесе тәулігіне 1 рет 2 таблетка (таңертең немесе кешке).

Жедел геморрой кезінде препараттың дозасын уақытша күніне 2 рет 2-3 таблеткаға дейін арттыруға болады.

Енгізу жолы және тәсілі

Таблеткалар тамақтану кезінде тұтасымен жұту және жеткілікті сұйықтықпен ішу арқылы ішке қабылданады.

Артық дозалану жағдайында қабылдануы қажет шаралар

Симптомдары

Препараттың артық дозалануы туралы деректер шектеулі; АІЖ тарапынан бұзылулар (диарея, жүрек айнуы, іштің ауыруы сияқты) және тері реакциялары (қышыну, бөртпе сияқты) жиі байқалған.

Емі

Артық дозаланған жағдайда симптоматикалық ем жүргізу қажет.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз реакциялар жиілігінің сандық критерийлері және жүйелік-ағзалық жіктеуге сәйкес және олардың туындау жиілігіне сәйкес жағымсыз реакциялардың жіктелуі (Жағымсыз құбылыстардың жиілігін айқындау мынадай критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10-ға дейін), жиі емес (≥ 1/1000-нан < 1/100-ге дейін), сирек (≥ 1/10000-нан < 1/1000-ға дейін), өте сирек (< 1/10000), деректер), белгісіз (қолда бар деректер негізінде бағалау мүмкін емес).

Жиі

- диарея, диспепсия, жүрек айнуы, құсу;

Жиі емес

- колит;

Сирек

- бас айналуы, бас ауыруы, дімкәстік;

- қышыну, бөртпе, есекжем;

Жиілігі белгісіз*

- іштің ауыруы.

- бет, ерін және қабақтың шектеулі ісінуі, ерекше жағдайларда Квинке ісінуі.

* Маркетингтен кейінгі кезеңде байқалған жағымсыз реакциялар

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну.

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар - диосмин 450 мг, гесперидин 50 мг.

Қосымша заттар: К30 повидоны, натрий кроскармеллозасы, магний стеараты, микрокристалды целлюлоза

Сыртқы түрінің, иісінің, дәмінің сипаттамасы

Екі беті дөңес, сопақ пішінді, ашық-қоңырдан қоңыр түске дейінгі таблеткалар

Шығарылу түрі және қаптамасы

10 таблеткадан ПВХ үлбірінен және алюминий фольгадан жасалған пішінді ұяшықты қаптамаға салынады.

3 немесе 6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәлімет

«Уорлд Медицин Илач Сан. ве Тидж. А. Ш.», Түркия

15 Теммуз Мах. Джами Йолу Джад. № 50, Гюнешли / Багджылар, Стамбул 

Тел.: +90 212 474 70 50

Факс: +90 212 474 09 01

info.worldmedicine@com.tr

Тіркеу куәлігінің ұстаушысы

«УОРЛД МЕДИЦИН ЛТД», Бербути к-сі,10/ Алмасиани к-сі, 19-21, 26 кеңсе (корп.II), Тбилиси қ-сы, Грузия

Тел: + 995322212812 / + 995322212813

worldmedicine.llc.geo@gmail.com

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«РИН Фарм» ЖШС, ҚР, Алматы, Сүйінбай даңғылы, 222б

Тел/факс: 8 (727) 252 90 90

rin_pharma@mail.ru

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

РИН Фарм (RIN Pharm) ЖШС, Алматы, Сүйінбай д-лы 222Б

Ұялы тел +7 701 786 33 98.

е-mail: pvpharma@worldmedicine.kz