Вальпроевая кислота

Вальпрой қышқылы

Вальпрой қышқылы

Дәрілік түрі, дозасы

Инъекцияға арналған ерітінді, 100 мг/мл, 5 мл

Жүйке жүйесі. Эпилепсияға қарсы препараттар. Май қышқылдарының туындылары. Вальпрой қышқылы.

АТХ коды N03AG01

Егер вальпрой қышқылын пероральді қабылдау уақытша мүмкін болмаса, эпилепсиялық ұстамаларды емдеуге болады.

Қолдану басталғанға дейін қажетті мәліметтер тізбесі

• әсер етуші затқа немесе қосымша заттардың кез келгеніне аса жоғары сезімталдық

• баламалы емдеу әдістері болмаған жағдайларды қоспағанда, эпилепсия кезіндегі жүктілік кезеңі

• егер Жүктілікті болдырмау бағдарламасының барлық шарттары орындалмаса, бала туу әлеуеті сақталған әйелдер

• бауыр функциясының айқын бұзылуы

• науқастың немесе оның туыстарының анамнезінде бауыр аурулары, әсіресе дәрілік затты қолданумен байланысты аурулар

• бауыр порфириясы

• мочевина түзілу циклында ферменттер тапшылығы белгіленген пациенттер

• митохондриялық ферментті γ-полимеразаны кодтайтын ядролық геннің мутацияларынан туындаған, белгіленген митохондриялық аурулар (POLG), мысалы, Альперс-Хуттенлохер синдромы және 2 жастан кіші балаларда γ-полимеразаның кемістіктеріне байланысты ауруға деген күдіктер

• шайқураймен біріктірілген қабылдау

Қолдану кезіндегі қажетті сақтық шаралары

Бауыр ауруы

Пайда болу шарттары

Сирек жағдайда ауыр немесе кейде өліммен аяқталатын бауыр функциясының бұзылуы туралы хабарланады.

Ауыр эпилепсиясы бар, әсіресе бас миының зақымдануымен, ақыл-ой дамуының кідіруімен және/немесе тұқым қуалайтын метаболизмдік немесе дегенеративті аурулармен байланысты эпилепсиясы бар балалар мен 3 жасқа дейінгі балалар жоғары қауіп тобын құрайды. 3 жастан асқан кезде мұндай асқынулардың жиілігі айтарлықтай азаяды және жасына қарай бірте-бірте төмендейді.

Көптеген жағдайларда бауыр функциясының бұзылуы емдеудің алғашқы 6 айында байқалады, әдетте 2 және 12 апта арасында және көбінесе біріктірілген эпилепсияға қарсы емдеу кезінде байқалады.

Ескерту белгілері

Ерте диагностика басым түрде клиникалық тексеру нәтижелеріне негізделеді. Атап айтқанда, ауру манифестациясының екі түрі, әсіресе сарғаюдың алдында болуы мүмкін, жоғары қауіп тобындағы пациенттерге қатысты назарға алынуы тиіс:

- біріншіден, астения, анорексия, жүдеу, ұйқышылдық сияқты әдетте кенеттен пайда болатын, кейде қайталанатын құсумен және іштің ауыруымен қоса жүретін, спецификалық емес жүйелі белгілер,

- екіншіден, тиісті емдеу ұстанымына қарамастан, ұстамалардың қайталануы.

Пациенттерді, ал егер бұл балалар болса, онда олардың отбасыларын хабардар ету ұсынылады, осындай клиникалық симптомдар пайда болған кезде дереу дәрігерге жүгіну керек. Клиникалық тексеруден басқа, бауырдың функционалдық сынамаларын дереу орындау керек.

Анықталуы

Емдеудің алғашқы 6 айында бауырдың функционалдық сынамаларын мезгіл-мезгіл бақылау қажет.

Классикалық тесттердің арасында ақуыз синтезін, атап айтқанда, протромбин уақытын (ПУ) көрсететін тесттер анағұрлым орынды болады.

Протромбин уақытының аномальді төмен деңгейі расталған жағдайда, әсіресе, егер зертханалық талдауларда өзге де аномальді ауытқулар (фибриноген деңгейінің және ұю факторларының едәуір төмендеуі, билирубин мен бауыр трансаминазалары деңгейінің артуы) байқалса, емдеу тоқтатыла тұруы тиіс.

Сақтық шарасы ретінде салицилат туындыларымен біріктірілген тағайындау кезінде емдеуді тоқтату керек, себебі олар метаболизмнің бірдей жолдарын пайдаланады.

Панкреатит

Балалар мен ересектерде жасына және емдеу ұзақтығына қарамастан дамыған, панкреатиттің ауыр түрлерінің сирек жағдайлары тіркелген. Алғашқы симптомдарынан өлімге әкеп соққанға дейін ауру жылдам үдеген геморрагиялық панкреатиттің бірнеше жағдайлары байқалды. Балалар панкреатиттің даму қаупі жоғары тобында тұр, баланың жасы ұлғайған сайын бұл қауіп төмендейді. Ауыр құрысулар, неврологиялық бұзылулар немесе құрысуға қарсы ем панкреатиттің даму қаупінің факторлары болуы мүмкін. Панкреатитпен біріктірілген бауыр жеткіліксіздігі өліммен аяқталу қаупін арттырады. Іш аумағында қатты ауыру, жүрек айнуы, құсу және/немесе анорексия туындаған кезде пациенттер дереу тексерілуі тиіс. Панкреатит расталған жағдайда, атап айтқанда, қандағы ұйқы безі ферменттерінің жоғары белсенділігі кезінде вальпрой қышқылын қолдануды тоқтату және тиісті емдеуді бастау қажет.

Ұстамалардың қайталануы

Басқа эпилепсияға қарсы препараттармен болған жағдайдағыдай, вальпроатты қабылдау жақсарту орнына ұстамалардың жиілігі мен ауырлығының (эпилепсиялық статусты қоса алғанда) қайтымды қайталануына немесе ұстамалардың жаңа түрлерінің пайда болуына әкелуі мүмкін. Ұстамалар қайта басталған жағдайда пациенттер дереу емдеуші дәрігермен кеңесу керек.

Бұл ұстамаларды фармакокинетикалық өзара әрекеттесуі, уыттылығы (бауыр ауруы немесе энцефалопатия) немесе артық дозалануы салдарынан туындауы мүмкін ұстамалардан ажырату керек. Осы дәрілік препарат вальпрой қышқылына метаболизденетіндіктен, оны вальпрой қышқылымен артық дозалануын болдырмау мақсатында (мысалы, семинатрий вальпроаты, вальпромид) сол трансформациядан өтетін басқа дәрілік препараттармен біріктіруге болмайды.

Суицид қаупі

Суицидтік ойлау мен мінез-құлық бірнеше көрсетілімдер бойынша эпилепсияға қарсы дәрілермен емделген пациенттер арасында байқалды. Суицидтік ойлау мен мінез-құлықтың пайда болу қаупін жеңіл жоғарылауы. Бұл қауіптің себептері белгісіз және қолжетімді деректер вальпроатты қолдану кезінде жоғары қауіпті жоққа шығаруға мүмкіндік бермейді.

Демек, пациенттер суицидтік ойлау мен мінез-құлық белгілерінің пайда болуы тұрғысынан мұқият бақылауда болуы тиіс және тиісті емдеу қаралуы қажет. Пациенттер (және олардың қамқоршылары) суицидтік ойлау немесе мінез-құлқы пайда болған жағдайда дәрігерге қаралуға тиіс екендігі туралы хабардар етілуі қажет.

Карбапенемдер

Карбапенемдерді бір мезгілде қолдану ұсынылмайды.

Белгілі немесе болжамды митохондриялық аурулары бар пациенттер.

Вальпрой қышқылы митохондриялық ДНҚ, сондай-ақ γ-полимераза (POLG) митохондриялық ферментін кодтайтын, ядролық геннің мутациялары туындатқан митохондриялық ауруға шалдыққан пациентте бар көріністерді бастамашылық етуі немесе асқындыруы мүмкін. Атап айтқанда, γ-полимеразаны (POLG) кодтайтын ген мутацияларынан туындайтын туа біткен нейрометаболикалық синдромдары бар, мысалы, Альперс-Хуттенлохер синдромы бар пациенттерде вальпрой қышқылын қолдану арқылы жедел бауыр жеткіліксіздігінің және бауыр зақымдануымен байланысты өліммен аяқталатын жоғары даму жиілігі астасқан. γ-полимеразаның кемістіктеріне байланысты аурулардың болуын генезі айқындалмаған энцефалопатияны, рефрактерлік эпилепсияны (фокалды, миоклоникалық), эпилепсиялық статусты, психикалық және физикалық дамуының тежелуін, психомоторлық регрессияны, аксоналдық сенсомоторлы нейропатияны, миопатияны, мишық атаксиясын, офтальмоплегияны немесе көру (желке) ауруымен асқынған бас сақинасын қоса алғанда, осындай аурулардың белгілері бар немесе отбасылық анамнезіндегі пациенттерде болжауға болады. Осы заманғы клиникалық практикаға сәйкес мұндай ауруларды диагностикалау үшін γ-полимераза (POLG) генінің мутацияларына тестілеу жүргізу керек.

Когнитивті немесе экстрапирамидальді бұзылыстар

Когнитивті немесе экстрапирамидальді бұзылыстар церебралды атрофияны көрістеуге байланысты болуы мүмкін. Осылайша, клиникалық картинаның осы түрін деменциямен немесе Паркинсон ауруымен шатастыруға болады. Бұл бұзылулар емдеуді тоқтатқан кезде қайтымды болады.

Зертханалық зерттеу

Емдеуді бастамас бұрын бауырдың функционалдық сынамаларын тексеру және оларды алғашқы алты ай ішінде, әсіресе қауіп тобына кіретін пациенттерге қатысты кезең-кезеңімен орындау керек.

Қандай да бір клиникалық белгілерінсіз, әсіресе емдеу басында, эпилепсияға қарсы көптеген дәрілерді қолданған кезде орын алғандай, трансаминазалар деңгейінің оқшауланған және өтпелі, орташа жоғарылауы байқалуы мүмкін екенін атап өткен жөн.

Қажет болған жағдайда, толық зертханалық (әсіресе протромбиндік уақыт) зерттеулерді жүргізу ұсынылады. Қажет болған жағдайда, сондай-ақ дозаны қайта бағалау және параметрлердің өзгеруіне негізделе отырып, зерттеулерді қайта жүргізу керек.

Емдік пайдасы осы жас тобындағы пациенттер арасында бауыр және панкреатит ауруының даму қаупіне қатысты өлшенгеннен кейін үш жастан кіші балаларға қатысты вальпроатты тек монотерапия ретінде қолдану ұсынылады.

Емді бастамас бұрын немесе хирургиялық араласым алдында, сондай-ақ тері асты гематомасы немесе қан кету кенеттен пайда болған кезде тромбоциттерді қоса алғанда, қан кету уақытын, шеткері қандағы формалық элементтердің санын анықтау ұсынылады.

Бүйрек жеткіліксіздігі

Қан сарысуындағы еркін фракция концентрациясының артуына байланысты вальпрой қышқылының дозасын төмендету талап етілуі мүмкін. Вальпрой қышқылының плазмалық концентрацияларын мониторингілеу мүмкін болмаған жағдайда, пациентті клиникалық бақылау негізінде препарат дозасын түзету керек.

Жүйелі қызыл жегі бар пациенттер

Вальпрой қышқылымен емдеу барысында иммундық жүйе функцияларының бұзылуы өте сирек кездеседі деп көрсетілсе де, оны қолданудағы әлеуетті пайданы жүйелі қызыл жегі бар пациенттерде препаратты қолданудағы әлеуетті қауіппен салыстыру қажет.

Мочевина түзілу циклінде ферменттердің тапшылығы

Бұл дәрілік препаратты мочевина түзілу циклында ферменттер тапшылығы бар пациенттерге қолдануға болмайды. Мұндай пациенттердің арасында мелшию немесе коматоздық жағдайы бар гипераммониемия дамуының бірнеше жағдайлары болды.

Дене салмағының артуы

Пациенттерді емдеу басында дене салмағының арту қаупі туралы және негізінен, осы құбылысты мейлінше азайту үшін диетаны тағайындау жөнінде шаралар қабылдау қажеттігі туралы ескерту керек.

Қант диабеті бар пациенттер

Вальпрой қышқылының ұйқы безіне қолайсыз әсер ету мүмкіндігін ескере отырып, препаратты қант диабеті бар пациенттерде қолдану кезінде қандағы глюкоза концентрациясын мұқият бақылау керек. Қант диабеті бар пациенттерде несепті кетон денелерінің болуына зерттеу жүргізген кезінде жалған оң нәтижелер алуға болады, себебі вальпрой қышқылы бүйрек арқылы ішінара кетон денелері түрінде шығарылады.

II типті КМЕ жеткіліксіздігі бар пациенттер

II типті КМЕ жеткіліксіздігі бар пациенттерге вальпрой қышқылын қабылдаған кезде рабдомиолиздің анағұрлым жоғары даму қаупі туралы ескертілуі тиіс.

Алкоголь

Вальпрой қышқылы препаратпен емдеу барысында алкогольді тұтыну ұсынылмайды.

Натрий

Препарат құрамында ампуладағы 69 мг натрий бар, бұл тәулігіне 2 г натрий құрайтын ересектерге арналған натрий тұтыну деңгейін Дүниежүзілік денсаулық сақтау ұйымы ұсынған ең жоғары тәуліктік натрий тұтыну 3,5% - ға тең. Бұл натрийдің құрамы төмен диетаны қатаң ұстанатын пациенттерде назарға алынуы қажет.

Басқа дәрілік препараттармен өзара әрекеттесуі

Вальпрой қышқылының басқа препараттарға әсері

Нейролептиктер, моноаминоксидаза тежегіштері (МАО), антидепрессанттар, бензодиазепиндер

Вальпрой қышқылы нейролептиктер, МАО тежегіштері, антидепрессанттар және бензодиазепиндер сияқты басқа да психотроптық дәрілік заттардың әсерін күшейтуі мүмкін, сондықтан оларды вальпрой қышқылы препараттарымен бір мезгілде қолданған кезде мұқият медициналық бақылау және қажет болған жағдайда, дозаларды түзету ұсынылады.

Литий препараттары

Вальпрой қышқылы литийдің сарысулық концентрациясына әсер етпейді.

Оланзапин

Вальпрой қышқылы оланзапиннің плазмалық концентрациясын төмендетуі мүмкін.

Фенобарбитал

Вальпрой қышқылы фенобарбиталдың плазмалық концентрациясын (оның бауыр метаболизмінің азаюы есебінен) арттырады, осыған байланысты соңғысының, әсіресе балаларда седативті әсерінің дамуы мүмкін, сондықтан седативті әсері дамыған жағдайда фенобарбитал дозасын дереу төмендетумен біріктірілген емнің алғашқы 15 күні ішінде пациентті мұқият медициналық бақылау және қажет болған жағдайда, фенобарбиталдың плазмалық концентрацияларын анықтау ұсынылады.

Примидон

Вальпрой қышқылы примидонның плазмалық концентрацияларын оның жағымсыз әсерлерін күшейте отырып (седативті әсер сияқты) арттырады. Ұзақ емдеу кезінде бұл белгілер жоғалады. Примидон дозасын қажет болған жағдайда түзете отырып, пациентті, әсіресе біріктірілген емнің басында мұқият клиникалық бақылау ұсынылады.

Фенитоин

Вальпрой қышқылы фенитоиннің жалпы плазмалық концентрациясын төмендетеді. Бұдан басқа, вальпрой қышқылы артық дозалану симптомдарының даму мүмкіндігімен фенитоиннің еркін фракциясының концентрациясын арттырады (вальпрой қышқылы фенитоинді қан плазмасы ақуыздарымен байланысты ығыстырады және оның бауыр катаболизмін баяулатады). Сондықтан фенитоин мен вальпрой қышқылын бір мезгілде қолданған кезде пациентті мұқият клиникалық бақылау және фенитоин концентрациясын және оның қандағы еркін фракциясын анықтау ұсынылады.

Карбамазепин

Вальпрой қышқылы мен карбамазепинді бір мезгілде қолданғанда карбамазепин уыттылығының клиникалық көріністерінің пайда болуы туралы хабарланды, өйткені вальпрой қышқылы карбамазепиннің уытты әсерлерін әлеуеттендіруі мүмкін. Мұндай пациенттерді, әсіресе қажет болған жағдайда, карбамазепин дозасын тиісті түзете отырып, біріктірілген емнің басында мұқият клиникалық бақылау ұсынылады.

Ламотриджин

Вальпрой қышқылы ламотриджиннің бауырдағы метаболизмін баяулатады және ламотриджиннің Т1/2-ні шамамен 2 есе арттырады. Бұл өзара әрекеттесу ламотриджин уыттылығының артуына, атап айтқанда, уытты эпидермальды некролизді қоса алғанда, ауыр тері реакцияларының дамуына әкелуі мүмкін, сондықтан мұқият клиникалық бақылау және қажет болған жағдайда, ламотриджин дозасын түзету (төмендету) ұсынылады.

Фелбамат

Вальпрой қышқылы фелбамат клиренсінің орташа мәнін 16% - ға төмендетуі мүмкін.

Руфинамид

Вальпрой қышқылы вальпрой қышқылының қандағы концентрациясына байланысты руфинамидтің плазмалық концентрациясының артуына әкелуі мүмкін. Әсіресе балаларда сақ болу керек, себебі бұл әсер пациенттердің осы популяциясында айқын көрінеді.

Пропофол

Вальпрой қышқылы пропофолдың плазмалық концентрациясының ұлғаюына әкелуі мүмкін. Вальпрой қышқылымен бір мезгілде қолданғанда пропофол дозасын азайту туралы мәселені қарастырған жөн.

Зидовудин

Вальпрой қышқылы зидовудиннің плазмалық концентрациясын арттыруы мүмкін, бұл зидовудин уыттылығының артуына әкеледі.

Нимодипин

Нимодипиннің гипотензивті әсерінің күшеюі нимодипин мен вальпрой қышқылын бір мезгілде қолдану нимодипиннің плазмалық концентрациясын 50%-ға (нимодипиннің вальпрой қышқылымен метаболизмін тежеу есебінен) ұлғайтуы мүмкін.

Темозоломид

Вальпрой қышқылы препараттарымен бір мезгілде қолданғанда, темозоломид клиренсінің әлсіз, бірақ статистикалық тұрғыдан маңызды төмендеуі мүмкін.

Басқа препараттардың вальпрой қышқылына әсері

Эпилепсияға қарсы препараттар

Бауырдың микросомальді ферменттерін индукциялауға қабілетті эпилепсияға қарсы препараттар (фенитоин, фенобарбитал, карбамазепинді қоса алғанда) вальпрой қышқылының плазмалық концентрацияларын төмендетеді. Біріктірілген ем жағдайында вальпрой қышқылының дозалары клиникалық реакцияға және вальпрой қышқылының қандағы концентрациясына байланысты түзетілуі тиіс. Вальпрой қышқылы метаболиттерінің қан сарысуындағы концентрациясы оны фенитоинмен немесе фенобарбиталмен бір мезгілде қолданған жағдайда ұлғайтылуы мүмкін. Сондықтан осы екі препаратпен ем алатын пациенттер гипераммониемияның белгілері мен симптомдары тұрғысынан мұқият бақылануы тиіс, себебі вальпрой қышқылының кейбір метаболиттері карбамид циклінің (мочевина циклінің) ферменттерін тежеуі мүмкін. Фелбамат вальпрой қышқылымен бір мезгілде қолданғанда вальпрой қышқылының клиренсі 22-50% - ға төмендейді және тиісінше, вальпрой қышқылының плазмалық концентрациясы артады. Вальпрой қышқылының плазмалық концентрациясын бақылау қажет.

Безгекке қарсы дәрілер

Мефлохин мен хлорохин вальпрой қышқылының метаболизмін жеделдетеді және өзі құрысуды тудыруы мүмкін, сондықтан бір мезгілде қолданғанда эпилепсиялық ұстама дамуы мүмкін.

Қан плазмасы ақуыздарымен (АСҚ) жоғары және күшті байланысы бар препараттар вальпрой қышқылымен бір мезгілде қолданғанда вальпрой қышқылының еркін фракциясының концентрациясы жоғарылауы мүмкін.

Жанама антикоагулянттар (варфарин және кумариннің басқа да туындылары), вальпрой қышқылымен бір мезгілде қолданғанда протромбин индексін мұқият бақылау талап етіледі.

Циметидин, эритромицин вальпрой қышқылының сарысулық концентрацияларының (оның бауыр метаболизмінің баяулауы нәтижесінде) ұлғаюы мүмкін.

Карбапенемдер (панипенем, меропенем, имипенем)

Бір мезгілде карбапенемдермен бірге қолданғанда, қандағы вальпрой қышқылы концентрациясы төмендейді: бірлескен емнің екі күні ішінде қандағы вальпрой қышқылы концентрациясының 60-100% төмендеуі байқалды, бұл кейде құрысудың пайда болуымен қоса жүреді. Вальпрой қышқылының таңдалған дозасы бар пациенттерде олардың қандағы вальпрой қышқылының концентрациясын тез және қарқынды төмендету қабілетіне байланысты карбапенемдерді бір мезгілде қолдануға жол бермеу керек. Егер карбапенемдермен емдеуді болдырмау мүмкін болмаса, қандағы вальпрой қышқылының концентрациясына мұқият мониторинг жүргізу керек.

Рифампицин вальпрой қышқылының қандағы концентрациясын төмендетуі мүмкін, бұл вальпрой қышқылының емдік әсерінің жоғалуына әкеледі, сондықтан вальпрой қышқылының дозасын арттыру талап етілуі мүмкін.

Протеаза тежегіштері (мысалы, лопинавир, ритонавир) вальпрой қышқылының плазмалық концентрациясын төмендетеді.

Колестирамин бір мезгілде қабылдаған кезде вальпрой қышқылының плазмалық концентрациясының төмендеуіне әкелуі мүмкін.

Құрамында эстроген бар препараттар

Құрамында эстроген бар препараттар, құрамында эстроген бар гормоналды контрацептивтер бар препараттар вальпрой қышқылының клиренсін арттыруы мүмкін, бұл оның сарысулық концентрациясының азаюына және соның салдарынан оның тиімділігінің азаюына әкелуі мүмкін. Вальпрой қышқылының қан сарысуындағы концентрациясын және эстрогеннен тұратын дәрілік препараттарды тағайындағанда немесе тоқтатқанда клиникалық тиімділікті (ұстамаларды және көңіл-күйді) бақылау қажет. Вальпрой қышқылы бауыр ферменттерін индукциялауға қабілетті емес және осының салдарынан вальпрой қышқылы контрацепцияның гормоналды әдістерін қолданатын әйелдерде эстрогенпрогестагенді препараттардың тиімділігін төмендетпейді.

Басқа өзара әрекеттесуі

Энцефалопатияның және/немесе гипераммониемияның дамуы вальпрой қышқылы мен топираматты немесе ацетазоламидті бір мезгілде қолданумен байланысты болуы мүмкін. Бұл препараттарды вальпрой қышқылымен бір мезгілде қабылдайтын пациенттер гипераммониемиялық энцефалопатия симптомдарының дамуы тұрғысынан мұқият медициналық бақылауда болуы тиіс.

Кветиапин вальпрой қышқылымен бір мезгілде қолданғанда нейтропения/лейкопения даму қаупі жоғарылауы мүмкін.

Арнайы ескертулер

Жүктілік немесе лактация кезінде

Вальпрой қышқылын:

-қолайлы балама ем болмаған жағдайларды қоспағанда, жүктілік кезінде.

-Жүктілікті болдырмау бағдарламасының шарттары орындалмайтын жағдайларды қоспағанда, ұрпақ өрбіту әлеуеті бар әйелдерде қолдануға болмайды

Жүктілік

Вальпрой қышқылымен монотерапия да, сондай-ақ вальпрой қышқылымен политерапия да жүктіліктің қолайсыз нәтижесімен байланысты. Қолда бар деректер бойынша вальпрой қышқылын қамтитын біріктірілген эпилепсияға қарсы ем вальпрой қышқылымен жүргізілген монотерапиямен салыстырғанда жүктілік кезінде туа біткен кемістіктің анағұрлым жоғары қаупімен байланысты.

Тератогендігі және неврологиялық дамуға әсері

Туа біткен даму кемістіктері

Жүктілік кезінде монотерапия түрінде вальпроат алған эпилепсиясы бар әйелдер балаларының 10,73%-ы туа біткен даму кемістігінен (95% СА: 8.16-13.29) зардап шеккен, бұл жалпы популяцияға қарағанда туа біткен негізгі даму кемістіктерінің үлкен қаупін білдіреді, олар үшін қауіп 2-3% - ды құрайды. Қауіп дозаға байланысты болады, бірақ қауіп жоқ төменгі шекті дозаны белгілеу мүмкін емес.

Қолда бар деректер шағын және ауыр даму кемістіктерінің пайда болу жиілігін көрсетті. Жүйке түтігінің кемістіктері (шамамен 2-ден 3% - ға дейін), бет дисморфизмі, ерні мен таңдай туа біткен жырығы, краниостеноз, жүрек кемістіктері, бүйрек және несеп-жыныс жүйесінің даму кемістіктері (атап айтқанда, гипоспадия), аяқ-қолдың даму кемістіктері (оның ішінде кәрі жіліктің екі жақты аплазиясы), сондай-ақ организмнің әртүрлі жүйелерімен байланысты басқа да кемістіктері дамудың анағұрлым жиі байқалатын кемістіктері болып табылады.

Неврологиялық дамудың бұзылуы

Вальпроаттың құрсақішілік әсері жүктілік кезінде вальпроат қабылдайтын аналардан жаңа туған балалардағы неврологиялық дамудың бұзылу қаупін арттырады. Мүмкін болатын қауіп дозаға байланысты болады, бірақ қауіп жоқ төменгі шекті доза қолда бар деректер негізінде белгіленуі мүмкін емес. Қауіп кезеңі барлық жүктілікті қамтуы мүмкін.

Вальпроат қабылдаған аналардан туған мектеп жасына дейінгі балаларды зерттеу балалардың 30-40% - ында сөйлеу дамуы мен кеш жүру, интеллектуалдық қабілеттерінің төмен деңгейі, тілдік дағдылардың әлсіз болуы (сөйлеу және түсіну) және есте сақтау проблемалары сияқты ерте даму кідірістері бар болатынын көрсетті.

Вальпроаттың құрсақішілік әсер ету анамнезі бар мектеп жасындағы (6 жас) балаларда өлшенген интеллект коэффициенті (IQ) басқа эпилепсияға қарсы дәрілердің әсеріне ұшыраған балаларға қарағанда орташа есеппен 7-10 тармаққа төмен болды, бұл ретте балалардың IQ-і анасының IQ-не тәуелді болмауы мүмкін.

Жеке нәтижелер бойынша деректердің шектеулі сандары бар.

Вальпрой қышқылының құрсақішілік әсеріне ұшыраған балалардың жалпы популяциямен салыстырғанда, балалар аутизмін (қауіптің шамамен бес есе ұлғаю) қоса алғанда, аутистік спектр бұзылуларының даму қаупі жоғары (қауіптің шамамен үш есе ұлғаю) болатынын куәландыратын деректер бар.

Шектеулі деректерге сәйкес, вальпроаттың құрсақішілік әсеріне ұшыраған балаларда аса жоғары белсенділікпен болатын зейін тапшылығы (АБЗТ) синдромының симптомдары дамуы мүмкін.

Құрамында эстроген бар препараттар

Құрамында эстроген бар препараттар, құрамында эстроген бар гормоналды контрацептивтерді қоса алғанда, вальпроат клиренсін арттыруы мүмкін, бұл сарысудағы вальпроат концентрациясының төмендеуіне және вальпроат тиімділігінің ықтимал төмендеуіне әкелуі мүмкін.

Егер әйел жүктілікті жоспарласа

Егер әйел жүктілікті жоспарласа, эпилепсияны емдеуде тәжірибесі бар маман вальпроатпен емдеуді қайта бағалап, баламалы емдеу нұсқаларын қарастыруы керек. Жүкті болуға дейін және контрацепцияны пайдалануды тоқтатқанға дейін тиісті баламалы емдеуге көшу үшін барлық күш-жігерін салу қажет. Егер көшу мүмкін болмаса, әйел отбасын жоспарлауға қатысты негізделген шешім қабылдауды қамтамасыз ету үшін болашақ бала үшін вальпроаттың қауіптеріне қатысты қосымша кеңес алуы тиіс.

Жүкті әйелдер

Эпилепсияны емдеуге арналған вальпроатты тиісті балама ем болмаған жағдайларды қоспағанда, жүктілік кезінде қолдануға болмайды.

Егер вальпроатты пайдаланатын әйел жүкті болса, оны емдеудің балама нұсқаларын қарастыру үшін дереу маманға жіберу керек.

Жүктілік кезінде, тонусты-клонустық ұстамалар және гипоксиямен бірге ананың эпилепсиялық мәртебесі ана үшін де, ана құрсағындағы нәресте үшін де өлімге әкеп соғатын қаупі болуы мүмкін.

Жүктілік кезінде вальпроаттың белгілі қауіптеріне қарамастан және баламалы емдеуді мұқият қарастырғаннан кейін, ерекше жағдайларда жүкті әйел эпилепсияны емдеу үшін вальпроатты қабылдауы тиіс:

• ең төменгі тиімді дозаны пайдалану керек;

• вальпроаттың тәуліктік дозасын күн бойы қабылдау үшін бірнеше шағын дозаға бөлу керек. Ұзақ босап шығатын дәрілік түрін қолдану плазмадағы жоғары шыңдық концентрацияларды болдырмау үшін кез келген басқа дәрілік түрлерден артық болуы мүмкін.

Вальпроатты жүктілік кезінде пайдаланатын барлық пациенттерді және олардың серіктестерін вальпроаттың әсеріне ұшыраған жүктілікке қатысты бағалау және кеңес беру үшін тератологияда тәжірибесі бар маманға жіберу керек.

Жүйке түтігі кемістіктерінің немесе басқа да мальформациялардың ықтимал пайда болуын анықтау мақсатында арнайы пренаталдық мониторинг жүргізу керек. Фолий қышқылын жүктілік алдында және жүктіліктің басында қолдану жүктіліктің барлық жағдайларында дамуы мүмкін жүйке түтігі кемістігінің қаупін төмендетуі мүмкін. Алайда, қолда бар дәлелдер вальпроаттың әсер етуі нәтижесінде туа біткен даму кемістіктерін болдырмайды дегенді болжамайды.

Нәрестелерде пайда болатын қауіп

• Анасы жүктілік кезінде вальпроат қабылдаған нәрестелерде геморрагиялық синдромның бірлі-жарым жағдайларының дамуы туралы хабарланды. Бұл геморрагиялық синдром тромбоцитопениямен, гипофибриногенемиямен байланысты және/немесе қанның ұю факторларының азаюымен байланысты. Сондай-ақ өліммен аяқталған афибриногенемияның дамуы туралы хабарланды. Бұл геморрагиялық синдромды фенобарбитал және бауырдың микросомальды ферменттерінің басқа индукторлары тудыратын К дәруменінің жетіспеушілігінен ажырату керек. Анадағы гемостаз тестілерінің қалыпты нәтижелері нәрестелердегі гемостаздың бұзылуын жоққа шығармайды. Сондықтан вальпроат алған аналардан туған нәрестелерде міндетті түрде қандағы тромбоциттердің санын, фибриногеннің плазмалық концентрациясын, қан ұю факторларын және коагулограмманы анықтау керек.

• Жүктіліктің ІІІ триместрі кезінде аналары вальпроат қабылдаған нәрестелердегі гипогликемия жағдайлары хабарланған.

• Жүктілік кезінде анасы вальпроат қабылдаған нәрестелердегі гипотиреоидизм жағдайлары туралы хабарланды.

• Тоқтату синдромы (атап айтқанда, ажитация, ашушаңдық, жоғары қозу, нервоздық, гиперкинезия, тонустың бұзылуы, тремор, құрысулар, ас қабылдаудың бұзылуы) жүктіліктің соңғы триместрінде аналарында вальпроат қабылдаған нәрестелерде туындауы мүмкін.

Бала емізу

Вальпроаттың организмнен емшек сүтімен шығарылуы плазмадағы вальпроаттың құрамынан 1-ден 10% - ға дейін өзгереді. Гематологиялық бұзылулар емшек еметін, вальпроатпен ем қабылдаған жаңа туған сәбилерде/нәрестелерде анықталды.

Бала үшін емізуден және әйел үшін емнен алатын пайданы ескере отырып, бала емізуді тоқтату туралы немесе Вальпрой қышқылы препаратымен емдеуді тоқтату/тартыну туралы шешім қабылдануы тиіс.

Фертильділігі

Вальпроатты пайдаланатын әйелдерде аменорея, аналық без поликистозы және тестостерон деңгейінің жоғарылауы тіркелген. Вальпроат сперматогенезге әсер етуі мүмкін деген болжам бар (әсіресе сперматозоидтар қозғалғыштығының төмендеуі түрінде). Бақылау нәтижелері емдеуді тоқтатқаннан кейін фертильділік бұзылуының қайтымдылығын көрсетті.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Пациенттер ұйқышылдықтың даму қаупі туралы, әсіресе құрысуға қарсы біріктірілген ем немесе Вальпрой қышқылы препаратының бензодиазепиндермен біріктірілген емі жүргізілген жағдайда ескертілуі тиіс.

Қолдану бойынша ұсынымдар

Дозалау режимі

Дозасы жасына және дене салмағына байланысты өзгеріп отырады.

Вальпрой қышқылы препаратының әрбір ампуласы, инъекцияға арналған ерітінді тек бір дозаны енгізуге арналған. Қолданғанға дейін инъекцияға арналған ерітінді Вальпрой қышқылы препаратын дайындау және сұйылту жөніндегі нұсқаулықпен танысу қажет.

Инъекцияға арналған ерітінді Вальпрой қышқылын басқа инъекциялармен бірге сол бір вена арқылы енгізбеген жөн. ПВХ, полиэтилен немесе шыны ыдыстағы инъекцияға арналған ерітінді Вальпрой қышқылын сонымен қатар инфузия арқылы енгізуге болады.

Пероральді натрий вальпроатымен қанағаттанарлық ем алған пациенттер сондай дозада үздіксіз немесе қайталанған инфузияны алуды жалғастыра алады. Басқа пациенттерге баяу 3-5 минут ішінде вена ішіне инъекцияны, әдетте дене салмағына қарай (10 мг/кг дейін) 400-800 мг, кейіннен күніне 2500 мг максимумына дейін үздіксіз немесе қайталанған инфузия арқылы қолдануға болады.

Инъекцияға арналған ерітінді Вальпрой қышқылы препаратымен жасалатын инъекцияны вальпроатпен пероральді еммен мүмкіндігінше тезірек ауыстыру керек.

Пациенттердің ерекше топтары

Балалар

Балалардың тәуліктік қажеттілігі әдетте күніне дене салмағының 20-дан 30 мг/кг аралығында болады. Егер бұл аралықта адекватты бақылауға қол жеткізілмесе, доза күніне 40 мг/кг-ға дейін, бірақ плазмадағы вальпрой қышқылының деңгейі бақылануы мүмкін болатын пациенттерде ғана ұлғайтылуы мүмкін. Тәулігіне 40 мг/кг-дан жоғары дозада пациенттің гематологиялық және химиялық параметрлері бақылануы тиіс.

Егде жастағы пациенттер

Натрий вальпроатының фармакокинетикасы егде жастағы адамдарда өзгерсе де, мұның шектеулі клиникалық маңызы бар және құрысуды бақылау дозалауды анықтауы керек. Таралу көлемі егде жаста ұлғаяды және сарысулық альбуминмен байланысудың азаюы салдарынан еркін препараттың үлесі артады. Бұл плазмадағы вальпрой қышқылының клиникалық интерпретациясына әсер етеді.

Бүйрек жеткіліксіздігі бар пациенттер

Дозаны азайту қажет болуы мүмкін. Доза клиникалық мониторингке сәйкес түзетілуі тиіс, себебі плазмадағы концентрация мониторингі жаңылыстыруға әкелуі мүмкін.

Бауыр жеткіліксіздігі бар пациенттер

Салицилаттарды натрий вальпроатымен бір мезгілде қолдануға болмайды, себебі олар бір метаболизм жолын пайдаланады.

Бауырдың дисфункциясы, оның ішінде өлімге әкеп соқтыратын бауыр жеткіліксіздігі, емделуі вальпрой қышқылын қамтитын пациенттерде байқалды.

16 жастан кіші балаларға салицилатты тағайындауға болмайды. Бұдан басқа, натрий вальпроатпен бірге 3 жасқа дейінгі балаларда бір мезгілде қабылдау бауыр үшін уыттылық қаупін арттыруы мүмкін.

Бала туу әлеуеті бар әйелдер мен әйел жынысты балалар

Инъекцияға арналған ерітінді Вальпрой қышқылы препаратымен емдеуді эпилепсияны емдеуде тәжірибесі бар маманның бақылауымен бастап, жүргізген жөн. Вальпрой қышқылын басқа емдеу әдістері тиімсіз немесе жағымды болмаған жағдайларды қоспағанда, бала туу әлеуеті бар әйелдер мен қыздарға қолдануға болмайды.

Бұл жағдайда Вальпрой қышқылы препараты вальпроатты пайдаланатын пациенттер арасында Жүктілікті болдырмау бағдарламасына сәйкес тағайындалады және босатылады.

Вальпрой қышқылы препаратын монотерапияда әрі ең аз тиімді дозаларда және мүмкін болса, босап шығуы ұзаққа созылатын дәрілік түрлерінде қолдану жақсырақ болып табылады. Жүктілік кезінде тәуліктік доза кем дегенде 2 реттік дозаға бөлінуі тиіс.

Біріктірілген ем

Бұрын басқа эпилепсияға қарсы дәрілерді қабылдаған пациенттер үшін Вальпрой қышқылы препаратын қабылдауға көшуді шамамен 2 апта ішінде препараттың оңтайлы дозасына қол жеткізе отырып, бірте-бірте өткізу керек.

Кейбір жағдайларда, мысалы, фенитоин, фенобарбитал және карбамазепин бауыр ферменттерінің белсенділігін тудыратын құрысуға қарсы дәрілермен бірге қолданған кезде дозаны 5-10 мг/кг/күніне арттыру қажет болуы мүмкін. Бір кездері ферменттің белгілі индукторлары қолдануын тоқтатты, инъекцияға арналған ерітінді, Вальпрой қышқылы препаратының дозасы төмендеген кезде ұстамаларды бақылауды сақтап қалу мүмкін болар.

Барбитураттарды бір мезгілде тағайындағанда, әсіресе, егер седативті әсері байқалса (әсіресе балаларда), барбитураттардың дозасы азайтылуы тиіс.

Тәулігіне 40 мг/кг-дан жоғары доза талап етілетін балаларда биохимиялық және гематологиялық параметрлерге мониторинг жүргізу қажет.

Оңтайлы доза негізінен, құрысуды бақылау арқылы анықталады және плазмадағы деңгейді күнделікті өлшеу талап етілмейді. Дегенмен, плазмадағы деңгейді өлшеу әдісі қол жетімді және нашар бақылау немесе жағымсыз әсерлер кезінде пайдалы болуы мүмкін.

Енгізу әдісі мен жолы

Инъекцияға арналған ерітінді, Вальпрой қышқылы препараты, қатаң вена ішіне баяу (3-5 минуттан артық) енгізілуі тиіс немесе инфузия (үздіксіз немесе қайталанған дозада) арқылы тағайындалады.

Инфузиялық қоспаны дайындау үшін мынадай ерітінділер қолданылуы мүмкін: 0,9% физиологиялық ерітіндімен немесе 5% декстроза ерітіндісімен.

Инфузияға арналған 500 мл ерітіндіде 5 мл Вальпрой қышқылы үшін (=500 мг натрий вальпроаты) енгізу жылдамдығы-1 мл инфузиялық ерітінді/кг/сағ.

Артық дозаланғанда қабылдануы қажет шаралар

Симптомдары: бұлшықет гипотониясымен азды-көпті терең кома, гипорефлексия, миоз, тыныс алу функциясының бұзылуы және метаболизмдік ацидоз, гипотония және коллапс/кардиоваскулярлық шок. Мидың ісінуінен туындайтын бассүйекішілік гипертензияның сирек жағдайлары сипатталған.

Емі: асқазанды шаю, тиімді диурезді сақтау, жүрек-тамыр және тыныс алу жүйелерінің жағдайын бақылау. Өте ауыр жағдайларда, қажеттілігінше экстраренальді диализ жүргізуге болады.

Әдетте, мұндай уланудың болжамы қолайлы. Осыған қарамастан, өліммен аяқталған бірнеше оқиға тіркелген.

Натрий вальпроатының құрамында натрийдің болуы артық дозаланғанда гипернатриемияға әкеп соғуы мүмкін.

Ауруханада артық дозалануды жүргізу кардиореспираторлық мониторингті қоса алғанда, симптоматикалық болуы тиіс. Асқазанды жуу дәріні қабылдағаннан кейін 10-12 сағатқа дейін пайдалы болуы мүмкін. Гемодиализ және гемоперфузия сәтті пайдаланылды.

Налоксон бірнеше жеке жағдайларда, кейде белсендірілген көмірмен пероральді үйлесімде сәтті қолданылды. Ауқымды артық дозаланған кезде гемодиализ және гемоперфузия сәтті пайдаланылды.

Дәрілік препараттың бір немесе бірнеше дозаларын өткізу кезінде қажетті шаралар

Ұмытылған дозаны толтыру үшін қос дозаны қабылдамаңыз.

Тоқтату симптомдары қауіпінің бар-жоғын көрсету

Қолданылмайды

Дәрілік препаратты қолдану тәсілін түсіндіру үшін медицина қызметкеріне кеңес беруге арналған ұсынымдар

Дәрілік препаратты қолданар алдында дәрігермен немесе фармацевпен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

• жүрек айнуы, препаратты в/і енгізгеннен кейін бірнеше минуттан соң байқалды, бірнеше минуттан жүрек айнуы өздігінен жоғалды

• тремор

Жиі

• бауырдың зақымдануы

Бауырдың ауыр зақымдануы, бауыр жеткіліксіздігі, ерекше жағдайларда - өліммен аяқталғаны туралы хабарланған

• құсу, қызыл иектің өзгеруі (негізінен, қызыл иектің гиперплазиясы), стоматит, эпигастрия ауыруы, диарея (емдеу басында кейбір пациенттерде жиі пайда болады, бірақ әдетте бірнеше күннен кейін жоғалып кетеді және емді тоқтатуды талап етпейді; бұл реакцияларды препаратты ас қабылдау кезінде немесе одан кейін азайтуға болады);

• экстрапирамидті бұзылулар, мелшию*1, ұйқышылдық, құрысулар*1, есте сақтаудың бұзылуы, бас ауруы, нистагм, в/і инъекциядан кейін бірнеше минуттан соң пайда болуы және бірнеше минут бойы өздігінен жоғалуы мүмкін бас айналу;

• сананың шатасуы, галлюцинация, агрессия*2, қозу*2, зейіннің бұзылуы*2.

• гипонатриемия, дене салмағының артуы*

• анемия, тромбоцитопения

• тырнақ және тырнақ ұясының бұзылуы, жоғары сезімталдық, өтпелі немесе дозаға тәуелді алопеция. Шаштың қайтадан өсуі әдетте алты ай өткеннен кейін басталады, бірақ шаш бұрынғыдан гөрі бұйра болуы мүмкін

• дисменорея

• қан кету

• қайтымды және қайтымсыз кереңдік

• несепті ұстай алмау

Жиі емес

• панкреатит, кейде өліммен аяқталады

• кома*1, энцефалопатия, летаргия*1, қайтымды паркинсонизм, атаксия, парестезия

• антидиуретикалық гормонның адекватты емес секреция синдромы, гиперандрогения (гирсутизм, вирилизация, акне, ер кісілерде болатын алопеция және/немесе қандағы андрогендер концентрациясының жоғарылауы)

• панцитопения, лейкопения

• ангионевроздық ісіну, бөртпе, шаш тарапынан бұзылулар (шаштың қалыпты құрылымының бұзылуы, шаш түсінің өзгеруі, шаштың қалыпсыз өсуі сияқты).

• аменорея

• васкулит

• бүйрек жеткіліксіздігі

• гипотермия, ауыр емес шеткері ісінулер.

• препаратпен ұзақ уақыт емделіп жатқан пациенттерде сүйек тінінің минералды тығыздығының төмендеуі, остеопения, остеопороз және сыну. Препарат сүйек тінінің метаболизміне әсер ететін механизм анықталған жоқ.

• плевральді жалқық

Сирек

• мидың қайтымды атрофиясымен, когнитивті бұзылулармен біріктірілген қайтымды деменция

• анормальді мінез-құлық* 2, психомоторлық аса жоғары белсенділік*2, оқыту кезіндегі қиындық* 2.

• гипераммониемия*3, семіздік

• гипотиреоз

• эритроциттердің оқшауланған аплазиясын/гипоплазиясын, агранулоцитозды, макроцитарлы анемияны, макроцитозды қоса алғанда, сүйек миы түзілуінің бұзылуы.

Препаратты тоқтатқаннан кейін қан картинасы қалыпқа келеді

Фибриноген деңгейінің төмендеуі немесе қан кету уақыты, әдетте, клиникалық салдарсыз, әсіресе препараттың жоғары дозаларын қолдану аясында арту жағдайлары туралы хабарланды. Вальпроат тромбоциттер агрегациясының II фазасының тежелуін алдын ала анықтады. Кенеттен экхимоздар мен қан кетудің пайда болуы препаратты тоқтатуды және клиникалық және зертханалық тексеру жүргізуді талап етеді.

• уытты эпидермальді некролиз, Стивенс-Джонсон синдромы, көп пішінді эритема. Эозинофилия және жүйелік симптомдары (DRESS-синдром) байқалатын дәрілік бөртпе синдромы

• ер бедеулігі, аналық без поликистозы

Гинекомастияның пайда болуы туралы өте сирек хабарланған.

• энурез, тубулоинтерстициальді нефрит, Фанконидің қайтымды синдромы (проксимальді бүйрек өзекшелерінің фосфаттың, глюкозаның, аминқышқылдары мен бикарбонаттың өзекшелі қайта сіңірілуінің бұзылуымен зақымдануының биохимиялық және клиникалық көріністерінің кешені), даму механизмі әзірше түсініксіз

• жүйелі қызыл жегі рабдомиолиз

• қан ұю факторларының (кем дегенде біреуінің) төмендеуі, коагуляциялық тест нәтижелерінің бұрмалануы (протромбин уақытының ұзаруы, белсендірілген ішінара тромбопластин уақытының ұзаруы, тромбин уақытының ұзаруы, МНО ұзаруы сияқты)

• миелодиспластикалық синдром

* Дене салмағының артуы поликистозды аналық без синдромының дамуына ықпал ететін фактор болып табылады)

*1 Мелшию мен летаргия кейде өтпелі комаға/энцефалопатияға алып келді және оқшауланған немесе емдеу аясында құрысу ұстамаларының жиілеп кетуімен астасты, сондай-ақ препарат тоқтатылған кезде немесе оның дозасы азайған кезде азайды. Мұндай жағдайлардың басым бөлігі біріктірілген ем аясында, әсіресе фенобарбиталды немесе топираматты бір мезгілде қолданғанда немесе вальпрой қышқылының дозасын күрт арттырғаннан кейін сипатталған

*2 Бұл жағымсыз реакциялар негізінен балаларда пайда болады

*3 бауыр функциясының көрсеткіштерін өзгертпей және емдеуді тоқтату қажеттілігінсіз оқшауланған және орташа гипераммониемия жағдайлары туындауы мүмкін. Сондай-ақ, вальпрой қышқылын қабылдауды тоқтатуды және қосымша тексеру жүргізуді талап еткен неврологиялық симптомдардың пайда болуымен қатар гипераммониемияның пайда болуы, оның ішінде энцефалопатияның, құсу, атаксияның дамуы) туралы хабарланды

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлардың және көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша ақпарат

Дәрілік препараттың құрамы

5 мл препараттың құрамында

белсенді зат-500 мг натрий вальпроаты

(100% затқа шаққанда)

қосымша заттар: натрий гидрофосфат додекагидраты, 1 М хлорсутек қышқылы немесе 1 М натрий гидроксиді ерітіндісі, инъекцияға арналған су.

Сыртқы түрінің, иісінің, дәмінің сипаттамасы

Мөлдір, түссіз немесе сәл сарғыш ерітінді

Шығарылу түрі және қаптамасы

5 мл препаратты нүктесі немесе сыну сақинасы бар шыныдан жасалған шприцпен толтырылатын ампулаларға құйылады.

Әрбір ампулаға заттаңба жапсырылады.

5 ампуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медицинада қолданылуы жөніндегі мемлекеттік және орыс тілдерінде бекітілген нұсқаулықпен бірге картон қорапшаға салынады.

Пішінді ұяшықты қаптамаларды (қорапшаға салынбай) картоннан жасалған қораптарға салуға жол беріледі.

Әрбір қорапқа қаптамалардың саны бойынша медицинада қолданылуы жөніндегі мемлекеттік және орыс тілдерінде бекітілген нұсқаулықтар салынады.

2 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада түпнұсқалық қаптамасында сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты Қазақстан Республикасының аумағындағы ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz; infomed@santo.kz