Бортебин (Бортезомиб)

Бортебин

Бортезомиб

Дәрілік түрі, дозалануы

Вена ішіне және тері астына енгізу үшін ерітінді дайындауға арналған лиофилизат, 3.5 мг

Антинеопластикалық және иммуномодуляциялайтын препараттар. Антинеопластикалық препараттар. Басқа антинеопластикалық препараттар. Бортезомиб.

АТХ коды L01XX32

Бортебин үдемелі көптүрлі миеломасы бар, кемінде бір емдеу курсын қабылдаған және қан түзетін дің жасушаларының трансплантациясы жүргізілген немесе оны жүргізуге болмайтын пациенттерде монотерапия ретінде немесе пегилденген липосомалық доксорубицинмен немесе дексаметазонмен біріктіріп қолданылады.

Бортебин бұрын емделмеген көптүрлі миеломасы бар, қан түзетін дің жасушаларының трансплантациясымен жүретін жоғары дозалы химиотерапия жүргізуге жарамсыз ересек пациенттерді емдеу үшін мелфаланмен және преднизонмен біріктіріп қолданылады.

Бортебин бұрын емделмеген көптүрлі миеломасы бар, қан түзетін дің жасушаларының трансплантациясымен жүретін жоғары дозалы химиотерапия жүргізуге болмайтын ересек пациенттерге индукциялық ем жүргізу үшін дексаметазонмен немесе дексаметазонмен және талидомидпен біріктіріп қолданылады.

Бортебин бұрын емделмеген мантия жасушасының лимфомасы бар, қан түзетін дің жасушаларының трансплантациясын жүргізуге болмайтын ересек пациенттерді емдеу үшін ритуксимабпен, циклофосфамидпен, доксорубицинмен және преднизонмен біріктіріп қолданылады.

Қолданудың басталуына дейінгі қажетті мәліметтер тізбесі

- әсер етуші затына, борға немесе қосымша компоненттерінің кез келгеніне аса жоғары сезімталдық

- өкпенің немесе перикардтың жедел диффуздық инфильтрациялық ауруы.

Бортебин препаратын басқа дәрілік препараттармен біріктіріп қолданған кезде қолдануға болмайтын жағдайлар туралы қосымша ақпарат алу үшін осы дәрілік препараттардың жалпы сипаттамаларын қарау қажет.

Басқа дәрілік препараттармен өзара әрекеттесуі

In vitro зерттеулер және клиникаға дейінгі ex vivo зерттеулер бортезомибтің Р450 (CYP) цитохромы изоферментерінің, 1A2, 2C9, 2C19, 2D6 және 3A4 изоферментерінің әлсіз тежегіші болып табылатындығын көрсетеді. CYP2D6 изоферментінің бортезомиб метаболизміне қатысуының шектеулілігін (7%) ескерсек, CYP2D6 изоферменті белсенділігі төмендеуімен фенотип бортезомибтің жалпы таралуына әсер етеді деп күтілмейді.

CYP3A4 изоферментінің күшті тежегіші кетоконазолдың бортезомиб фармакокинетикасына (вена ішіне енгізгенде) әсерін бағалайтын дәрілік өзара әрекеттесуіне жүргізілген зерттеу бортезомибтің  ҚАА 35 %-ға орташа жоғарылағанын көрсетті (СI90% [1.032-ден 1.772-ге дейін]). Осылайша, бортезомибті CYP3A4 изоферментінің күшті тежегіштерімен (мысалы, кетоконазол, ритонавир) біріктіріп қолданғанда пациенттерге мониторинг жүргізу қажет.

CYP2C19 изоферментінің күшті тежегіші омепразолдың бортезомиб фармакокинетикасына (вена ішіне енгізгенде) әсерін бағалайтын дәрілік өзара әрекеттесуіне жүргізілген зерттеу бортезомибтің  фармакокинетикасына айқын ықпалының жоқ екенін көрсетті.

CYP3A4 изоферментінің күшті индукторы рифампициннің бортезомиб фармакокинетикасына (вена ішіне енгізгенде) әсерін бағалайтын дәрілік өзара әрекеттесуіне жүргізілген зерттеу бортезомибтің ҚАА 45 % орташа төмендеуін анықтады. Осылайша, бортезомибті (вена ішіне енгізгенде) CYP3A4 изоферментінің күшті индукторларымен (мысалы, рифампицин, карбамазепин, фенитоин, фенобарбитал және шілтер жапырақты шайқурай) бірге қолдану ұсынылмайды, өйткені, ол тиімділігінің төмендеуіне себеп болуы мүмкін.

Дәл сол зерттеуде CYP3A4 изоферментінің әлсіз тежегіші дексаметазонның бортезомиб фармакокинетикасына (вена ішіне енгізгенде) әсері бағаланды. Бортезомиб фармакокинетикасына айқын әсері білінген жоқ.

Мелфалан-преднизонның бортезомиб фармакокинетикасына (вена ішіне енгізгенде) әсерін бағалайтын дәрілік өзара әрекеттесуіне жүргізілген зерттеу бортезомибтің орташа ҚАА 17 %-ға жоғарылағанын көрсетті. Бұл өзгеріс клиникалық тұрғыдан маңызды емес.

Клиникалық зерттеулер барысында гипогликемиялық препараттарды пероральді қабылдау режимінде алған пациенттерде гипогликемия (жиі емес) және гипергликемия (жиі) жағдайлары байқалған. Диабетке қарсы пероральді препараттарды Бортебин препаратымен ем кезінде қабылдап жүрген пациенттерге қандағы глюкоза деңгейіне мұқият мониторинг жүргізу және диабетке қарсы препараттардың дозасын түзету қажет болуы мүмкін.

Арнайы сақтандырулар

Бортебин препаратын басқа дәрілік препараттармен біріктіріп қолданған кезде, ем басталғанға дейін бірге қолданылатын препараттардың жалпы сипаттамаларын оқып біліп алу керек. Талидомидпен бірге қолданған кезде, жүктілікті анықтауға және алдын алуға арналған талаптарға ерекше көңіл бөлген жөн.

Интратекальді енгізу

Бортезомибті абайсызда интратекальді енгізу кезінде өліммен аяқталу жағдайлары байқалған. Бортезомиб 1.0 мг дозадағы, инъекция үшін ерітінді дайындауға арналған лиофилизаты вена ішіне енгізуге ғана арналған, ал бортезомиб 3.5 мг инъекция үшін ерітінді дайындауға арналған лиофилизаты вена ішіне немесе тері астына енгізіледі. Бортебинді интратекальді енгізуге БОЛМАЙДЫ!

Асқазан-ішек жолы тарапынан уытты реакциялар

Бортезомибті қолдану асқазан-ішек жолы тарапынан уытты реакциялармен, соның ішінде жүрек айнуымен, диареямен, құсумен және іш қатуымен өте жиі қатар жүреді. Ішек бітелісінің байқалуы жиі емес. Соған байланысты, іш қатуын бастан кешкен пациенттерді мұқият бақылауға алу керек.

Гематологиялық уыттылық реакциялары

Бортезомибпен емдеу гематологиялық уыттылық реакцияларымен (тромбоцитопения, нейтропения және анемия) өте жиі қатар жүреді. Қайталанатын көптүрлі миеломасы бар, бортезомиб қабылдаған пациенттер мен бұрын емделмеген МЖЛ бар, бортезомиб препаратын ритуксимабпен, циклофосфамидпен, доксорубицинмен және преднизонмен (VсR-CAP) біріктіріп ем қабылдаған пациенттер арасында, анағұрлым жиі көрініс берген гематологиялық уыттылықтың бірі транзиторлық тромбоцитопения болды. Тромбоциттер деңгейлері бортезомибпен емдеудің әрбір циклының 11-ші күні ең төменгі шектеріне жетті және келесі цикл басталғанда бастапқы деңгейіне дейін қалпына келіп отырды. Жинақталған тромбоцитопения белгілері байқалған жоқ. Тромбоциттер деңгейінің орташа өлшенген ең жоғарғы төмендеуі көптүрлі миеломаның монотерапиясы кезінде бастапқы деңгейінің шамамен 40%-ын және МЖЛ кезінде 50%-ын құрады.

Бортезомибпен емдеумен байланысты асқазан-ішектегі және бассүйекішілік қан құйылу жағдайлары туралы хабарланды. Осыған байланысты бортезомибтің әр дозасын енгізер алдында тромбоциттер санын бақылап отыру керек. Егер тромбоциттер саны < 25 000/мкл құраса, немесе мелфаланмен және преднизонмен біріктіріп емдеген жағдайда – егер тромбоциттер саны ≤ 30 000/мкл құраса, Бортебин препаратымен емдеуді тоқтата тұру қажет. Әсіресе, орташа және ауыр тромбоцитопения және қан кету дамуының қауіп факторлары болған жағдайда, пайда-қауіп арақатынасына мұқият баға беру қажет.

Бортебин препаратымен емдеу кезінде дифференциалмен толық қан талдауын жүргізу және тромбоциттер деңгейін бақылау қажет. Клиникалық көрсетілімдері бойынша тромбоциттерді құю қажеттілігі мәселесін қарастыру керек.

МЖЛ бар пациенттерде циклдар арасында транзиторлық нейтропения байқалды, ол жинақталған нейтропения белгілерінсіз қайтымды болған. Нейтропениясы бар пациенттер инфекциялар қаупінің жоғарылауына бейім болғандықтан, ондай пациенттерде инфекция белгілері мен симптомдарының пайда болуын бақылап отыру және дер кезінде ем жүргізу керек. Гематологиялық уыттылықты қолданылатын стандартты іс-тәжірибеге сәйкес емдеу үшін гранулоцитарлық колонияны стимуляциялайтын факторларды енгізуге жол беріледі. Циклді жүргізуде бірнеше мәрте кідіру болған жағдайда гранулоцитарлық колонияны стимуляциялайтын факторларды профилактикалық қолдану қажеттілігі туралы мәселені қарастыру керек.

Herpes zoster вирусының реактивациясы

Бортебин препаратымен ем қабылдаған пациенттерде вирусқа қарсы профилактика жүргізу ұсынылады.

В гепатиті вирусының (HBV) реактивациясы және инфекциялану

Бортебин препаратын ритуксимабпен біріктіріп қолданғанда, HBV инфекциялану қаупі бар пациенттерде емдеуді бастағанға дейін В гепатитін анықтау үшін скрининг жүргізу қажет. В гепатитін тасымалдаушылар және В гепатиті анамнезінде бар пациенттер Бортебин препараты ритуксимабпен біріктірілген ем кезінде және емдеуден кейін В гепатитінің белсенді инфекциясының клиникалық және зертханалық белгілерін анықтау тұрғысында мұқият бақылануға тиіс. Вирустарға қарсы профилактика жүргізу қажеттілігін қарастыру қажет.

Үдемелі мультифокальді лейкоэнцефалопатия (ҮМЛ)

Бортезомиб қабылдаған пациенттерде этиологиясы белгісіз Джон Каннингем (JC) вирусын жұқтырудың өте сирек жағдайлары байқалды, олар ҮМЛ мен өлімге алып келген. Пациенттер ОЖЖ проблемаларының дифференциалдық диагностикасы аясында ҮМЛ туралы айғақтайтын жаңа неврологиялық симптомдар мен белгілерді немесе бұрыннан барының бәсеңдеуін анықтауға қатысты жүйелі диагностикадан өтуге тиіс. Егер ҮМЛ-ге күдік болса, пациенттерді осы саладағы маманға жолдау және тиісті диагностикалық іс-шараларды бастау керек. ҮМЛ расталған жағдайда Бортебин препаратымен емді тоқтату керек.

Шеткері нейропатия

Бортезомибпен емдеу шеткері нейропатиямен, көбінесе сенсорлық нейропатиямен өте жиі қатар жүрген. Алайда, сенсорлық шеткері нейропатияның болуымен немесе онсыз ауыр моторлық нейропатия жағдайлары да байқалған. Шеткері нейропатияның жиілігі емдеудің басында 5 циклда ең жоғарғы шегінің байқалуымен арта түседі.

Пациенттерде ашыту сезімі, гиперестезия, гипестезия, парастезия, жайсыздық, нейропатиялық ауыру немесе әлсіздік сияқты нейропатия симптомдарының пайда болуын мұқият қадағалау ұсынылады.

Шеткері нейропатия алғаш дамыған немесе бұрыннан бар шеткері нейропатия нашарлаған пациенттер неврологиялық бағалаудан өтуге тиіс, сонымен қатар дозаны немесе препаратты енгізу режимін өзгерту қажет болуы мүмкін. Нейропатия демеуші емнің немесе емдеуді басқа түрлерінің көмегімен басылған.

Бортебин препаратын нейропатиямен астасатын (мысалы, талидомид) дәрілік заттармен біріктіріп ем қабылдаған пациенттерде, нейропатияны емдеумен байланысты симптомдарға бастапқыда және жүйелі түрде, неврологиялық бағалау жүргізе отырып мониторинг жасау, және сонымен қатар, дозасын сәйкесінше төмендету немесе емдеуді тоқтату қажеттілігін де ескеру қажет.

Постуральді гипотония және бітелумен жүретін ауыр дәрежедегі іш қатуы сияқты кейбір жағымсыз реакциялар дамыған жағдайда, шеткері нейропатияға қосымша вегетативтік нейропатия болуы мүмкін. Вегетативтік нейропатия және оның осы жағымсыз реакциялардың дамуына қатысылтығы туралы ақпарат шектеулі.

Құрысулар

Анамнезінде құрысулар мен эпилепсия жоқ пациенттерде құрысулар дамыған сирек жағдайлар білінді. Құрысулар дамуының кез келген қауіп факторлары бар пациенттерді емдеуде ерекше сақтық қажет.

Гипотензия

Бортезомибпен емдеу ортостатикалық/ постуральді гипотензиямен жиі қатар жүреді. Көпшілік жағдайларда жағымсыз реакциялар жеңілден орташа дәрежеге дейін өзгеріп отырды және барлық емдеу кезеңі бойына байқалған. Бортезомибпен (вена ішіне енгізгенде) емдеу аясында ортостатикалық гипотензия дамып келе жатқан пациенттерде бортезомибпен емдеуге дейін ортостатикалық гипотензия симптомдары байқалмаған. Пациенттердің көпшілігіне ортостатикалық гипотензияны емдеу қажет болды. Ортостатикалық гипотензиясы бар пациенттердің аздаған бөлігінде естен тану жағдайлары тіркелді. Ортостатикалық/постуральді гипотензия мен бортезомибтің болюстік инфузиясы арасындағы нақты өзара байланыстылық анықталған жоқ. Бұл симптомның механизмі белгісіз, алайда, бұл белгілі бір дәрежеде вегетативтік нейропатиямен байланысты болуы мүмкін.

Вегетативтік нейропатия бортезомибті қолдану салдарынан дамуы мүмкін немесе бортезомиб диабеттік немесе амилоидоздық нейропатия сияқты бастапқы жағдайларды ушықтыруы мүмкін. Анамнезінде естен тану жағдайлары болған және гипотензияға қарсы дәрілік заттарды қабылдап жүрген пациенттерді емдегенде; немесе қайталанатын диареямен немесе құсумен байланысты сусыздануы бар пациенттерді емдегенде сақтық таныту керек. Ортостатикалық/постуральді гипотензияны емдеу гипертензияға қарсы дәрілік заттарды түзетуді, регидратацияны немесе минералокортикостероидтарды және/немесе симпатомиметиктерді енгізуді қамтуы мүмкін. Пациенттерге өзінде бас айналу, сандырақтау немесе естен тану симптомдары байқалған жағдайда, дәрігерге жүгіну қажеттілігі туралы ескертілуге тиіс.

Қайтымды артқы энцефалопатия синдромы (ҚАЭС)

Бортезомиб қабылдаған пациенттерде қайтымды артқы энцефалопатия синдромы байқалды. Қайтымды артқы энцефалопатия синдромы сирек кездесетін қайтымды неврологиялық бұзылу болып табылады, ол құрысулармен, гипертензиямен, бас ауырумен, летаргиямен, сананың шатасуымен, соқырлықпен және басқа да көрудегі және неврологиялық бұзылулармен көрініс беруі мүмкін. Диагнозды растау үшін миды көріністеу құралдары, дұрысы МРТ (магнитті-резонанстық томография) пайдаланылады. Пациентте қайтымды артқы лейкоэнцефалопатия синдромы дамыған жағдайда Бортебин препаратын қолдануды тоқтату керек.

Жүрек функциясының бұзылулары

Бортезомибпен емдегенде жүректің іркілісті жеткіліксіздігі жедел дамығаны немесе өршігені және/немесе сол жақ қарыншаның лықсыту фракциясының төмендеуі дамығаны байқалды. Сұйықтық іркілуі жүрек жеткіліксіздігінің белгілері мен симптомдарының дамуына бейімдейтін фактор болуы мүмкін. Қауіп факторлары бар немесе бұрыннан жүрек аурулары бар пациенттерді мұқият қадағалау қажет.

Электрокардиограмманы зерттеулер

Клиникалық зерттеулерде QT аралығы ұзаруының жекелеген жағдайлары байқалған, өзара себеп-салдарлық байланысы анықталмаған.

Өкпе тарапынан бұзылулар

Бортезомиб қабылдаған пациенттерде пневмонияны, интерстициальді пневмонияны, өкпе инфильтрациясын және жедел респираторлық дистресс-синдромды (ЖРДС) қоса, өкпенің этиологиясы белгісіз жедел диффуздық инфильтрациялық ауруының сирек жағдайлары байқалды. Бұл жағдайлардың кейбіреулері өлімге соқтырған. Емдеуді бастағанға дейін кеуде қуысының рентгенограммасын жасау және оны емдеуден кейін пайда болуы мүмкін өкпенің ықтимал өзгерістерін емдеуде негіз ретінде пайдалану ұсынылады.

Өкпе симптомдары жаңа пайда болған немесе бұрыннан барлары (мысалы, жөтел, ентігу) нашарлаған жағдайда, дереу диагностикалық тексеру және сәйкесінше ем жүргізу керек. Бортебин препаратымен емдеуді жалғастырмас бұрын, пайда-қауіп арақатынасын мұқият бағалау қажет.

Клиникалық зерттеуде, қайталанатын жедел миелогенді лейкоз кезінде жоғары дозадағы (тәулігіне 2 г/м2) цитарабинді 24 сағат бойы үздіксіз инфузия түрінде даксорубицинмен және бортезомибпен қабылдау емдеудің бастапқы сатыларында ЖРДС салдарынан өлімге әкеліп соқты, содан кейін зерттеу аяқталған. Осыған байланысты, жоғары дозадағы (тәулігіне 2 г/м2) цитарабинді 24 сағат бойғы үздіксіз инфузия түрінде біріктіріп қабылдаудың бұл спецификалық режимі ұсынылмайды.

Бүйрек жеткіліксіздігі

Көптүрлі миеломасы бар пациенттерде бүйрек тарапынан асқынулар жиі туындайды. Бүйрек жеткіліксіздігі бар пациенттер мұқият бақылауда болуы қажет.

Бауыр жеткіліксіздігі

Бортезомиб бауыр ферменттерімен метаболизденеді. Бауырдың орташа немесе ауыр жеткіліксіздігі бар пациенттерде бортезомиб концентрациясы жоғарылайды, аталған пациенттерде Бортебин препаратының бастапқы дозалары төмендетілуге тиіс және уытты реакцияларды анықтау үшін мұқият бақылау талап етіледі.

Бауыр тарапынан реакциялар

Бортезомибті басқа дәрілік препараттармен бірге қабылдаған, және бастапқы клиникалық жағдайлары ауыр болған пациенттерде бауыр жеткіліксіздігінің сирек жағдайлары байқалды. Бауыр тарапынан білінген басқа реакцияларға бауыр ферменттерінің жоғарылауы, гипербилирубинемия және гепатит жатады. Ондай өзгерістер бортезомибті тоқтатқанда қайтымды болуы мүмкін.

Ісік лизисі синдромы

Бортебин препараты плазманың қатерлі жасушалары мен ЖМЛ жасушаларының жылдам қырылуын туғызуға қабілетті цитоуытты препарат болып табылатындықтан, ісік лизисі синдромының асқынулары дамуы мүмкін. Бастапқы ісік массасы үлкен пациенттерде ісік лизисі синдромының даму қаупі жоғары. Аталған пациенттерді емдегенде мұқият бақылау және сәйкесінше сақтық шараларын қолдану қажет.

Қатар жүретін дәрілік заттар

Бортезомибті CYP3A4 күшті тежегіштерімен біріктіріп қабылдап жүрген пациенттерге мұқият мониторинг қажет. Бортезомибті CYP3A4 немесе CYP2C19 субстраттарымен біріктіргенде сақтық таныту керек.

Пероральді гипогликемиялық дәрілерді қабылдап жүрген пациенттерде сақтық таныту және бауыр функциясының қалыпқа түскендігіне көз жеткізу керек.

Иммун кешені түрткі болуы ықтимал реакциялар

Сарысу құю ауруы типтес реакциялар, бөртпемен жүретін полиартрит және пролиферациялық гломерулонефрит сияқты иммун кешені түрткі болуы мүмкін реакциялардың жиі емес жағдайлары байқалды. Ауыр реакциялар туындаған жағдайда бортезомибті қолдануды тоқтату қажет.

Ерлер мен әйелдердегі контрацепция

Бала тууға қабілетті әйел және ер жынысты пациенттер емделу кезінде және емдеуден кейін 3 ай бойы контрацепцияның тиімді тәсілдерін пайдалануға тиіс.

Жүктілік немесе лактация кезінде

Бортезомибтің жүктілік ағымына әсері туралы клиникалық деректер жоқ. Бортезомибтің тератогенділік қабілеті түбегейлі зерттелмеген. Бортезомиб клиникаға дейінгі зерттеулерде енесінің организмі көтере алатын ең жоғарғы дозаларын қолданғанда, эмбрионның/шарананың дамуына әсер етпеген. Жедел қажеттілік жағдайларын қоспағанда, Бортебин препаратын жүктілік кезінде қолданбау керек. Егер Бортебин препараты жүктілік кезінде қолданылса немесе пациент әйелде препаратты қолдану аясында жүктілік басталса, пациент әйелге препараттың шаранаға тератогендік әсері болуы мүмкіндігі ескертілуге тиіс.

Талидомид адам организміне тератогендік әсер беретін, өмірге қауіп төндіретін ауыр, туа бітетін ақауларды туғызатын белгілі белсенді компонент болып табылады. Талидомидті жүктілік кезінде, сондай-ақ бала тууға қабілетті әйелдерде талидомид қолданған кездегі жүктіліктің алдын алу бағдарламасының барлық шарттары орындалмаса, қолдануға болмайды. Бортебин препаратын талидомидпен біріктіріп қабылдап жүрген пациент әйелдер талидомидті қолданғандағы жүктіліктің алдын алу бағдарламасын ұстануға тиіс. Талидомидке қатысты қосымша ақпарат алу үшін, дәрілік заттың жалпы сипаттамасын қарау қажет.

Бортезомибтің адамда сүтпен бөлініп шығатын-шықпайтындығы белгісіз. Сәбиде ауыр жағымсыз реакциялардың туындау қаупіне байланысты, емдеу кезінде емшек емізуді тоқтату керек.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Бортебин препараты автокөлікті басқаруға және қауіптілігі зор механизмдермен жұмыс істеуге орташа әсер етуі мүмкін. Бортебин препаратын қолдану қажумен (өте жиі), бас айналуымен (жиі), естен тану жағдайларымен (жиі емес) және ортостатикалық/постуральді гипотензиямен немесе бұлыңғыр көрумен (жиі) қатар жүруі мүмкін. Сондықтан, пациенттер аталған симптомдар пайда болған жағдайда сақтық танытуға, көлік құралдарын басқарудан және механизмдермен жұмыс істеуден бас тартуға тиіс.

Қолдану жөніндегі нұсқаулар

Дозалану режимі

Бортебин препаратымен емдеуді қатерлі жаңа түзілімдері бар пациенттерді емдеу тәжіриесі бар дәрігер бастауы және соның қадағалауымен жүргізілуге тиіс, сонымен қатар, Бортебин препаратын химиотерапиялық дәрілерді пайдалануда тәжірибесі бар медицина қызметкері енгізуіне болады. Бортебин препаратын сұйылтуды оқып-үйренген медицина қызметкері жүзеге асыруға тиіс.

Үдемелі көптүрлі миеломаны емдеу кезінде дозалануы (бұрын кемінде бір рет ем қабылдаған пациенттер)

Монотерапия

Вена ішіне енгізу үшін ерітінді дайындауға арналған лиофилизат, Бортебин 3.5 мг препаратының ұсынылатын дозасы дене беткейінің ауданына (ДБА) 1.3 мг/м2 құрайды және венаішілік инъекциялар түрінде 21 күндік емдеу циклының 1-, 4-, 8- және 11-ші күндерінде аптасына екі рет 14 күн бойы енгізіледі. 3 апталық кезең емдеу циклы болып саналады. Толық клиникалық жауабы расталғаннан кейін пациенттерге Бортебин препаратымен емдеудің 2 циклынан өту ұсынылады. Клиникалық жауабы расталған, бірақ толық ремиссиясына қол жеткізбеген пациенттерге Бортебин препаратымен емдеудің жалпы саны 8 циклына дейін қабылдау ұсынылады. Бортебин препаратын бірінен кейін бірін енгізулердің аралығы 72 сағаттан кем болмауға тиіс.

Емдеу кезінде дозасын түзету және монотерапия кезінде емдеуді қайта жаңғырту

Кез келген гематологиялық емес 3 дәрежедегі уыттылық реакциясы немесе нейропатиядан басқа кез келген гематологиялық 4 дәрежедегі уыттылық пайда болса, төменде сипатталғанға сәйкес Бортебин препаратымен емдеу кейінге қалдырылуға тиіс.

Уытты реакциялар симптомдары басылғаннан кейін, Бортебин препаратымен емдеуді 25%-ға төмендетілген дозасымен қайта бастауға болады (1.3 мг/м2 дозасы 1.0 мг/м2 дейін төмендетілуге тиіс; 1.0 мг/м2 дозасы 0.7 мг/м2 дейін төмендетілуге тиіс). Егер уыттылық симптомдары басылмаса немесе төмендетілген дозаларын қолданғанда қайталанса, емдеудің артықшылықтары қаупінен едәуір асып түсетін жағдайлардан басқасында, Бортебин препаратымен емдеуді тоқтату мүмкіндігін қарастыру керек.

Нейропатиялық ауыру және/немесе шеткері нейропатия

1-кестеде бортезомибті қолданудан туындаған нейропатиялық ауыру немесе шеткері нейропатия дамыған пациенттерді емдеуде дозасын түзету жөніндегі нұсқаулар келтірілген. Ауыр нейропатиясы бар пациенттер Бортебин препаратымен емді күтілетін пайдасы мен ықтимал қаупін мұқият бағалаудан кейін ғана қабылдауға тиіс.

*Көптүрлі миеломаның 2 және 3 фазадағы зерттеулері мен тіркеуден кейінгі тәжірибелерде дозаларын модификациялаудың негізінде.

Жіктеу NCI (Ұлттық обыр институтының) уыттылықтың жалпы критерийлеріне СТСАЕ v.4 (Жағымсыз құбылыстарды белгілеу терминологиясының жалпы критерийлеріне) негізделген.

**Күнделікті өмірдегі құралдармен жұмыс істеу белсенділігі: тамақ дайындауға, азық-түлік пен киім сатып алуға, телефонды пайдалануға, ақшаны және т.б. пайдалануға қабілеттілік;

*** Күнделікті өз-өзіне қызмет көрсету белсенділігі: өздігінен шомылуға, киінуге және киімін шешуге, ас ішуге, дәретханаға баруға, дәрілік препараттарды қабылдауға қабілеттілік және төсекке жату режимінен бірте-бірте арылу.

Пегилденген липосомалық доксорубицинмен біріктіріп емдеу

Бортебин 3.5 мг келесі ұсынылған дозаларда венаішілік инъекция жолымен енгізіледі: 2 апта бойы аптасына екі рет дене беткейінің ауданына 1.3 мг/м2, 21 күндік емдеу циклының 1-, 4-, 8- және 11-ші күндерінде. 3 апталық кезең емдеу циклы болып саналады. Бортебин препаратын бірінен кейін бірін енгізулердің аралығы 72 сағаттан кем болмауға тиіс.

Пегилденген липосомалық доксорубицин Бортебин препаратымен 60 минуттық венаішілік инфузия түрінде емдеу циклының 4-ші күні Бортебин препаратының инъекциясынан кейін 30 мг/м2 дозада енгізіледі. Ауру үдемеген жағдайда және пациенттердің емді көтере алуына қарай, бұл біріктірілген емнің 8 циклына дейін қолдануға болады. Толық клиникалық жауапқа қол жеткізген пациенттер емдеуді жалғастыруына және толық жауап алғаш рет расталғаннан кейін, тіпті 8 емдеу циклынан артық қажет болса да, тағы кемінде 2 емдеу циклын қабылдауына болады. 8 циклдан кейін парапротеин деңгейінің төмендеуі жалғасатын пациенттер де, емделуді пациенттер көтере алғанға дейін және оларда клиникалық жауап байқалатын кезде жалғастыруына болады.

Пегилденген липосомалық доксорубицинге қатысты қосымша ақпарат алу үшін, дәрілік препараттың тиісті жалпы сипаттамасын қарау қажет.

Дексаметазонмен біріктірілімі

Бортебин 3.5 мг келесі ұсынылған дозаларда венаішілік инъекция жолымен енгізіледі: 2 апта бойы аптасына екі рет дене беткейінің ауданына 1.3 мг/м2, 21 күндік емдеу циклының 1-, 4-, 8- және 11-ші күндерінде. 3 апталық кезең емдеу циклы болып саналады. Бортебин препаратын бірінен кейін бірін енгізулердің аралығы 72 сағаттан кем болмауға тиіс.

Дексаметазон Бортебин препаратымен 21 күндік емдеу циклының 1-, 2-, 4-, 5-, 8-, 9-, 11-ші күні 20 мг дозада пероральді қабылданады.

Аталған біріктірілген емнің 4 циклынан кейін жауапқа немесе аурудың тұрақтануына қол жеткізген пациенттер дәл осындай біріктірілімді қабылдауды қосымша ең көбі 4 цикл бойына жалғастыруына болады.

Дексаметазонға қатысты қосымша ақпарат алу үшін, дәрілік препараттың тиісті жалпы сипаттамасын қарау қажет.

Үдемелі көптүрлі миеломасы бар пациенттерде біріктіріп емдеу кезінде дозасын түзету

Біріктіріп емдеу кезінде Бортебин препаратының дозасын түзеткенде, жоғарыда «монотерапия» бөлімінде сипатталған дозасын түзету жөніндегі нұсқауларды басшылыққа алу қажет.

Бұрын емделмеген көптүрлі миеломасы бар және гемопоэздік дің жасушаларының трансплантациясын жүргізуге болмайтын пациенттер үшін дозалау режимі

Мелфаланмен және преднизонмен біріктіріп емдеу

Бортезомибтің инъекция үшін ерітінді дайындауға арналған 3.5 мг ұнтағын 2 кестеде көрсетілгендей пероральді мелфаланмен және пероральді преднизонмен біріктіріп вена ішіне немесе тері астына енгізеді. 6 апталық кезең емдеу циклы болып саналады. 1-4 циклдарында бортезомибті аптасына екі рет 6 1, 4, 8, 11, 22, 25, 29 және 32-ші күні енгізеді. 5-тен 9-ға дейінгі циклдарда бортезомибті аптасына бір рет 1, 8, 22 және 29-шы күні енгізеді. Бортезомибті қабылдаулар арасында кемінде 72 сағат өтуге тиіс. Мелфалан мен преднизонды бортезомибпен әрбір емдеу циклының алғашқы аптасының 1, 2, 3 және 4-ші күндері пероральді түрде қабылдау керек. Осы біріктірілген емнің тоғыз емдеу циклы тағайындалады.

2-кесте: Мелфаланмен және преднизонмен біріктіріп қолданғанда Бортебин препаратын дозалаудың ұсынылатын режимі

Мелфаланмен және преднизонмен біріктірілген емді қолданғанда емдеу кезінде және емдеуді қайта бастаған кезде дозасын түзету

Емдеудің жаңа циклын бастағанға дейін:

• Тромбоциттер саны ≥ 70 х 109/л және құрауға тиіс және нейтрофилдердің абсолюттік саны ≥ 1.0 х 109/л құрауға тиіс

• Гематологиялық емес уытты реакциялар 1 дәрежеге дейін немесе бастапқы деңгейге дейін төмендеуге тиіс.

3-кесте: Мелфаланмен және преднизонмен біріктірілген Бортебин препаратымен емнің келесі циклдары кезінде дозасын түзету:

Мелфалан мен преднизон жөніндегі қосымша ақпарат дәрілік препараттың тиісті жалпы сипаттамасында келтірілген.

Бұрын емделмеген көптүрлі миеломасы бар, дің жасушаларының трансплантациясын (индукциялық ем) жүргізуге болатын пациенттерде ұсынылатын дозасы

Дексаметазонмен біріктіріп емдеу

Бортезомиб 3.5 мг келесі ұсынылған дозаларда венаішілік инъекция жолымен енгізіледі: аптасына екі рет дене беткейінің ауданына 1.3 мг/м2, 21 күндік емдеу циклының 1-, 4-, 8- және 11-ші күндерінде. Бұл 3 апталық кезең емдеу циклы болып саналады. Бортезомибті бірінен кейін бірін енгізулердің аралығы 72 сағаттан кем болмауға тиіс.

Дексаметазон бортезомибпен 21 күндік емдеу циклының 1-, 2-, 4-, 5-, 8-, 9, 11-ші күні 40 мг дозада пероральді түрде қабылданады.

Бұл біріктірілген емнің төрт циклы қабылданады.

Дексаметазонмен және талидомидпен біріктіріп емдеу

Бортезомиб 3.5 мг келесі ұсынылған дозаларда венаішілік инъекция жолымен енгізіледі: аптасына екі рет дене беткейінің ауданына 1.3 мг/м2, 28 күндік емдеу циклының 1-, 4-, 8- және 11-ші күндерінде. Бұл 4 апталық кезең емдеу циклы болып саналады. Бортезомибті бірінен кейін бірін енгізулердің аралығы 72 сағаттан кем болмауға тиіс.

Дексаметазон бортезомибпен емдеу циклының 1-, 2-, 3-, 4-, 8-, 9-, 10- және 11-ші күні 40 мг дозада пероральді түрде қабылданады.

Талидомид 1-14 күндері тәулігіне 50 мг дозада пеоральді түрде қабылданады және жағымды болған жағдайда, 15-28 күндері дозасы күніне 100 мг дейін арттырылады, және 2-нші циклдан бастап әрі қарай тәулігіне 200 мг дейін арттыруға болады (4-кестені қараңыз).

Бұл біріктірілімнің төрт емдеу циклы қабылданады. Кемінде ішінара жауапқа қол жеткізген пациенттерге, қосымша 2 циклы ұсынылады.

4-кесте: Бұрын көптүрлі миеломаның емін қабылдамаған және қан түзетін дің жасушаларының трансплантациясын жүргізуге болмайтын пациенттерде Бортебин препаратымен біріктіріп емдеуде дозалау режимі

а талидамидтің дозасы 50 мг дозасы жағымды болған жағдайда ғана, 1-ші циклдың үшінші аптасынан бастап 100 мг дейін және 100 мг дозасы жағымды болса, 2-ші циклдан бастап әрі қарай 200 мг дейін арттырылады

bегер пациент 4 циклдан кейін кемінде, ішінара жауапқа қол жеткізсе, пациентке 6 циклға дейін тағайындауға болады.

Трансплантация жүргізуге болатын пациенттер үшін дозасын түзету

Бортезомибтің дозасын түзету үшін, монотерапия үшін сипатталған дозаларын түзету жөніндегі нұсқауларды басшылыққа алу қажет.

Бұдан өзге, бортезомибті басқа химиотерапиялық препараттармен біріктіріп қолданған кезде уытты реакциялар дамыған жағдайда, қатар қолданылған химиотерапиялық препараттардың дозасын олардың қысқаша сипаттамасында келтірілген нұсқауларға сәйкес төмендету қажеттілігін де ескеру керек.

Бұрын емделмеген мантия жасушасының лимфомасы (МЖЛ) бар пациенттер үшін бортезомибті дозалау режимі

Ритуксимабпен, циклофосфамидпен, доксорубицинмен және преднизонмен біріктіріп емдеу (VсR-CAP)

Бортезомибтің 3.5 мг ұсынылатын дозасы, дене беткейінің ауданына 1.3 мг/м2 құрайды, ол 2 апта бойы аптасына екі рет, 1-, 4-, 8- және 11-ші күндері вена ішіне инъекция жолымен енгізіліп, артынан 12 күн мен 21 күндер аралығында 10 күндік демалыс кезеңі жүреді. Бұл 3 апталық мерзім емдеу циклы болып есептеледі. Бортезомибпен емдеудің алты циклын жүргізу ұсынылады, ал клиникалық жауабы 6 циклда алғаш алынған пациенттер үшін, бортезомибпен емдеудің қосымша екі циклын тағайындауға болады. Бортезомибті бірінен кейін бірін енгізулердің аралығы 72 сағаттан кем болмауға тиіс.

Келесі дәрілік заттарды бортезомибпен емдеудің әрбір 3 апталық циклының 1-ші күні вена ішіне инфузия жолымен: ритуксимабты 375 мг/м2, циклофосфамидті 750 мг/м2 және доксорубицинді 50 мг/м2 дозада енгізеді.

Преднизон бортезомибпен әрбір емдеу циклының 1-, 2-, 3-, 4- және 5-ші күндері 100 мг/м2 дозада пероральді тағайындалады.

Бұрын емделмеген мантия жасушасының лимфомасы бар пациенттерді емдеу кезінде дозасын түзету

Емдеудің жаңа циклын бастағанға дейін:

• Тромбоциттер саны ≥ 100 000 жасуша/мкл құрауға тиіс және нейтрофилдердің абсолюттік саны (НАС) ≥ 1 500 жасуша/мкл құрауға тиіс

• Сүйек кемігінің инфильтрациясы немесе көкбауыр секвестрациясы бар пациенттерде тромбоциттер саны ≥ 75 000 жасуша/мкл құрауға тиіс

• Гемоглобин ≥ 8 г/дл

• Гематологиялық емес уыттылық 1-ші дәрежеге дейін немесе бастапқы деңгейге дейін қалыпқа түсуге тиіс.

Бортезомиб қолданумен байланысты ≥ 3 дәрежедегі гематологиялық емес уыттылық (нейропатиядан басқа) немесе ≥ 3 дәрежедегі гематологиялық уыттылық туындаған жағдайда, бортезомибпен емдеуді тоқтата тұру керек. Дозасын түзету жөніндегі мәліметтерді төмендегі 5-кестеден қараңыз.

Гематологиялық уыттылықты қолданылатын стандартты іс-тәжірибеге сәйкес емдеу үшін гранулоцитарлық колонияны стимуляциялайтын факторларды енгізуге болады. Емдеу циклдарын жүргізуде бірнеше мәрте кідіру болған жағдайда гранулоцитарлық колонияны стимуляциялайтын факторларды профилактикалық қолдануды қарастыру керек. Тромбоцитопенияны емдеу үшін, клиникалық көрсетілімдерге сәйкес тромбоцитотерді құю қажеттілілігін қарастыру керек.

5-кесте. Бұрын емделмеген мантия жасушасының лимфомасы бар пациенттерді емдеу кезінде дозасын түзету.

Бұдан өзге, егер Бортебин препараты басқа химиотерапиялық дәрілік заттармен біріктіріп қолданылса, уыттылық әсерлері пайда болған жағдайда, аталған дәрілік заттардың дозасын дәрілік затты медициналық қолдану жөніндегі нұсқаулықтағы нұсқауларға сәйкес тиісінше төмендетуді қарастыру қажет.

Пациенттердің ерекше топтары

Егде жастағы пациенттер

Көптүрлі миеломасы және мантия жасушасының лимфомасы бар 65 жастан асқан пациенттерде дозасын түзету қажеттілігіне дәлелдер жоқ. Бортезомибті бұрын емделмеген көптүрлі миеломасы бар, қан түзетін дің жасушаларының трансплантациясымен жүретін жоғары дозалы химиотерапия жүргізуге болатын егде жастағы пациенттерде қолдануға зерттеулер жүргізілген жоқ. Осыған байланысты, пациенттердің аталған тобы үшін дозалау режиміне қатысты нұсқаулар беру мүмкін емес.

Бауыр жеткіліксіздігі бар пациенттер

Бауыр функциясының жеңіл бұзылуы бар пациенттерде дозаларын түзету қажет емес, емдеу ұсынылған дозаларын қолданып жүргізіледі. Бауырдың орташа немесе ауыр жеткіліксіздігі бар пациенттер үшін емдеудің алғашқы циклы кезінде Бортебин препаратының бір инъекцияда 0.7 мг/м2 құрайтын төмендетілген дозасымен бастау ұсынылады, кейіннен емнің жағымдылығына байланысты, дозасын 1.0 мг/м2 дейін арттыруға немесе дозасын 0.5 мг/м2 дейін төмендетуге болатындығын ескеру керек (6-кестені қараңыз).

Бүйрек жеткіліксіздігі бар пациенттер

Бүйректің орташа және бірқалыпты бұзылуы (креатинин клиренсі > 20 мл/мин/1.73м2) бар пациенттерде бортезомибтің фармакокинетикаға әсері туралы деректер жоқ; осыған байланысты, пациенттердің аталған тобында дозасын түзету қажет емес. Бүйректің ауыр жеткіліксіздігі бар, диализ жүргізілмейтін (креатинин клиренсі < 20 мл/мин/1.73м2) пациенттерде бортезомиб фармакокинетикасының өзгерістері туралы сенімді деректер жоқ.

Диализ бортезомиб концентрациясының төмендеуіне жағдай жасайтын болғандықтан, оны диализ емшарасынан кейін енгізу керек

Балалар

Бортезомибті 18 жасқа толмаған пациенттерде қолданудың тиімділігі мен қауіпсіздігі анықталмаған. Қазіргі сәтте қолда бар деректер дозалау режимі жөнінде нұсқау беруге мүмкіндік бермейді.

Енгізу әдісі және жолы

Инъекция үшін ерітіндіге арналған бортезомиб 3.5 мг ұнтағы тек қана вена ішіне немесе тері астына енгізу үшін қолжетімді.

Бортезомибті басқа тәсілмен қолдануға болмайды. Интратекальді енгізілуі өлімге әкеліп соқтырады.

Вена ішіне

Қалпына келтірілген ерітіндісі шеткері немесе орталықтық вена катетері арқылы 3-5 секунд бойы вена ішіне болюстік инъекция түрінде енгізіліп, артынан натрий хлоридінің инъекцияға арналған 0.9% (9 мг/мл) ерітіндісімен шайылады. Бортебин препаратын бірінен кейін бірін енгізулердің аралығы 72 сағаттан кем болмауға тиіс.

Тері астына

Бортезомибтің 3.5 мг қалпына келтірілген ерітіндісі сан (оң жақ немесе сол жақ) немесе құрсақ қуысы (оң жақ немесе сол жақ) арқылы тері астына енгізіледі. Ерітіндіні 45- 90° бұрыш жасап тері астына енгізеді. Келесі қолдану кезінде инъекция орындарын өзгерту керек.

Егер бортезомибтің тері астына инъекциясынан кейін инъекция орнында реакциялар пайда болса, бортезомибтің концентрациясы аздау ерітіндісін тері астына енгізуге болады (бортезомиб 3,5 мг, оны 2,5 мг/мл орнына 1 мг/мл дейін қалпына келтіру үшін), немесе вена ішіне енгізуге көшу ұсынылады.

Бортебин препаратын басқа дәрілік заттармен біріктіріп тағайындағанда, берілген препараттардың жалпы сипаттамаларындағы қолдану жөніндегі нұсқаулықты қараңыз.

Артық дозалану жағдайында қабылдау қажет болатын шаралар

Ұсынылғанынан екі еседен артық дозаларын қолдану симптоматикалық гипотензияның жедел дамуымен және өлімге соқтыратын тромбоцитопениямен қатар жүрген. Бортезомибпен артық дозалану жағдайында арнайы антидоты жоқ. Артық дозаланған жағдайда, пациенттің өмірлік маңызы бар функцияларын бақылау және артериялық қысымды демеп отыру үшін тиісті шараларды қабылдау керек (сұйықтықтарды, вазопрессорлық препараттарды және/немесе инотропты препараттарды енгізу).

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну ұсынылады.

Препаратты қолдану туралы сұрақтар туындаған жағдайда емдеуші дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Көптүрлі миеломасы бар, клиникалық зерттеулерде бортезомибпен ем қабылдаған пациенттердегі жағымсыз реакциялар және көрсетілімдеріне байланыссыз, тіркеуден кейінгі барлық жағымсыз реакциялар:

Өте жиі

- тромбоцитопения, нейтропения, анемия

- тәбеттің төмендеуі

- нейропатия, шеткері сенсорлық нейропатия, сезімталдықтың бұзылуы невралгия

- жүрек айнуы және құсу сиптомдары, іш өту, іш қату

- қаңқа-бұлшықет ауыруы

- гипертермия, шаршау, астения

Жиі

- герпес zoster (таралған және офтальмологиялықты қоса), пневмония, қарапайым герпес, зеңдік аурулар

- лейкопения, лимфопения

- сусыздану, гипокалиемия, гипонатриемия, қандағы глюкоза концентрациясының бұзылуы, гипокальциемия, ферменттік аномалиялар

- көңіл-күй бұзылыстары және бұзылулары, үрей тудыратын бұзылыстар, ұйқының бұзылыстары және бұзылулары

- қимыл-қозғалыс нейропатиясы, есінен айырылу (естен тануды қоса), бас айналу, дәмнің бұзылуы, летаргия, бас ауыру

- көздің ісінуі, көрудің бұзылуы, конъюнктивит

- вертиго

- гипотензия, ортостатикалық гипотензия, гипертензия

- ентігу, мұрыннан қан кету, жоғарғы/төменгі тыныс алу жолдарының инфекциясы, жөтел

- асқазан-ішектік қан кетулер (шырышты қабықтарды қоса), диспепсия, стоматит, іштің кебуі, орофарингеальді ауыру, іштің ауыруы (асқазан-ішектік және көкбауыр ауыруын қоса), ауыз қуысының бұзылулары, метеоризм

- бауыр ферменттерінің аномалиясы

- бөртпе, қышыну, эритема, терінің құрғауы

- бұлшықет түйілулері, аяқ-қолдың ауыруы, бұлшықет әлсіздігі

- бүйрек тарапынан бұзылулар

- ісінулер (шеткеріні қоса), қалтырау, ауыру, дімкәстік

- салмақтың азаюы

Жиі емес

- инфекциялар, бактериялық инфекциялар, вирустық инфекциялар, сепсис (сепсистік шокты қоса), бронхопневмония, герпес вирусы инфекциясы, герпестік менингоэнцефалит, бактериемия (стафилококктықты қоса), теріскен, грипп, целлюлит, бұйымдармен байланысты инфекциялар, тері инфекциялары, құлақ инфекциялары, стафилококктық инфекциялар, тіс инфекциялары

- панцитопения, фебрильді нейтропения, коагулопатия, лейкоцитоз, лимфаденопатия, гемолиздік анемия

- ангионевроздық ісіну (Квинке ісінуі), аса жоғары сезімталдық

- Кушинг синдромы, гипертиреоидизм, антидиурездік гормонның талапқа сай емес өндірілуі

- ісік лизисі синдромы, физикалық дамудың кідіруі, гипомагниемия, гипофосфатемия, гиперкалиемия, гиперкальциемия, гипернатриемия, несеп қышқылы концентрациясының бұзылуы, қант диабеті, сұйықтықтың іркілуі

- психикалық бұзылыстар, елестеулер, психоздық бұзылыс,

әбігерлену, мазасыздық

- тремор, шеткері сенсомоторлы нейропатия, дискинезия, церебеллярлы үйлесімнің және тепе-теңдіктің бұзылуы, есте сақтау қабілетінен айырылу (деменцияны қоспағанда), энцефалопатия, қайтымды артқы энцефалопатия синдромы, нейроуыттылық, эпилепсиялық бұзылулар, герпестен кейінгі невралгия, сөйлеу бұзылыстары, аяқтардың шаршау синдромы, бас сақинасы, ишиас, зейіннің бұзылуы, аномальді рефлекстер, иіс сезудің бұзылуы

- көзден қан кету, қабақ инфекциялары, халазион, блефарит, көздің қабынуы, диплопия, көздің құрғауы, көздің тітіркенуі, көздің ауыруы, жас бөлінудің артуы, көзден шығатын бөлінділер

- дизакузия (құлақтың шуылдауын қоса), естудің бұзылуы (кереңдіке дейін және оны қоса), құлақтағы жайсыздық

- жүрек тампонадасы, тыныс алу және жүрек қызметінің тоқтап қалуы, жыпылықтағыш аритмия (жүрекшелердің аритмиясын қоса), жүрек жеткіліксіздігі (сол және оң жақ қарыншаларды қоса), аритмиялар, тахикардия, жүректің қағуын сезіну, стенокардия, перикардит (перикардиальді экссудатты қоса), кардиомиопатия, қарыншалардың дисфункциясы, брадикардия

- ми қан айналымының жедел бұзылуы, тереңдегі веналар тромбозы, қан құйылу, тромбофлебит (беткейлікті қоса), қантамырлық коллапс (гиповолемиялық шокты қоса), флебит, гиперемия, гематома (периренальдіні қоса), шеткері қан айналымының жеткіліксіздігі, қантамырлардың қабынуы, гиперемия (көздікін қоса)

- өкпе эмболиясы, экссудативті плеврит, өкпенің ісінуі (жеделді қоса), өкпеде альвеолярлық қан кету, бронх түйілуі, өкпенің созылмалы обструкциялық ауруы, гипоксемия, тыныс алу жолдарының бітелу синдромы, гипоксия, плеврит, ықылық, ринорея, дисфония, бронх-өкпе обструкциясы

- панкреатит (созылмалыны қоса), қан құсу, еріннің ісінуі, асқазан-ішектік обструкция ішек бітелісін қоса), іштегі жайсыздық, ауыз қуысының ойық жарасы, энтерит, гастрит, қызылиектен қан кету, гастроэзофагеальді рефлюкс ауруы, колит (сlostridium difficile қоса), ишемиялық колит, асқазан-ішек жолының қабынуы, дисфагия, тоқ ішектің тітіркену синдромы, асқазан-ішектік бұзылыстар ҚНЖ, өңезденген тіл синдромы, асқазан-ішек жолы моторикасының бұзылуы, сілекей бездері функциясының бұзылуы

- гепатоуыттылық (бауыр бұзылуын қоса), гепатит, холестаз

- көп формалы эритема, есекжем, жедел фибрильді нейтрофильді дерматоз, терінің уытты бөртпесі, уытты эпидермалық некролиз, Стивенс-Джонсон синдромы, дерматит, шаш тарапынан бұзылулар, нүктелі қан құйылулар, қанталау, терінің зақымдануы, геморрагиялық бөртпе, терінің жаңа түзілімдері, псориаз, гипергидроз, түнгі тершеңдік, ойылулар, акне, күлбіреуіктердің түзілуі, пигментацияның бұзылуы

- бұлшықет құрысуы, буынның домбығуы, артрит, буындардың қимылсыздығы, миопатиялар, ауырлық сезімі

- бүйректің жедел жеткіліксіздігі, бүйректің созылмалы жеткіліксіздігі, несеп шығару жолдарының инфекциялары, несеп шығару жолдары тарапынан белгілер мен симптомдар, гематурия, несептің іркілуі, несеп шығару бұзылысы, протеинурия, азотемия, олигурия, поллакиурия

- қынаптық қан кетулер, гениталийдің ауыруы, эректильді дисфункция

- физикалық денсаулықтың жалпы нашарлауы, беттің ісінуі, инъекция жасалған жердегі реакция, шырышты қабық тарапынан бұзылулар, кеуденің ауыруы, жүріс-тұрыстың бұзылуы, суықты сезіну, қан құйылу, катетермен байланысты асқыну, шөлдеу сезімінің өзгерулері, кеуде қуысындағы жайсыздық, дене температурасының өзгерісін сезіну, инъекция жасалған жердің ауыруы

- гипербилирубинемия, ақуыз талдауының аномалиясы, салмақтың артуы, қан талдауының аномалиясы, С-реактивті ақуыздың артуы

- құлау, контузия

Сирек

- менингит (бактериялықты қоса), Эпштейн-Барр вирустық инфекциясы, генитальді герпес, тонзиллит, мастоидит, вирустан кейінгі шаршау синдромы

- қатерлі жаңа түзілімдер, плазма-жасушалық лейкемия, бүйрек жасушалары карциномасы, ісік тәрізді түзілім, микоз, қатерсіз жаңа түзілім

- диссеминацияланған қантамырішілік ұю, тромбоцитоз, тұтқырлықтың жоғарылау синдромы, тромбоциттер тарапынан бұзылу ҚНЖ, тромбоздық микроангиопатия (тромбоцитопениялық пурпураны қоса), қан ауруы, геморрагиялық диатез, лимфоцитарлық инфильтрация

- анафилаксиялық шок, амилоидтық дистрофия, III типті иммундық кешен себеп болатын реакция

- гипотиреоидизм

- гипермагниемия, ацидоз, электролиттік теңгерімсіздік гиперволемия, гипохлоремия, гиповолемия, гиперхлоремия, гиперфосфатемия, зат алмасудың бұзылуы, В тобы дәруменінің тапшылығы, B12 дәруменінің тапшылығы, подагра, тәбеттің артуы, алкогольдің жақпауы

- суицидтік ойлар, адаптацияның бұзылуы, сандырақтау, либидоның төмендеуі

- миға қан құйылу, бассүйекішілік қан кету (субарахноидальдіні қоса), мидың ісінуі, транзиторлы ишемиялық шабуыл, кома, вегетативті жүйке жүйесінің дисбалансы, вегетативті нейропатия, бассүйек-ми жүйкелерінің салдануы, салдану, парез, естен тану алдындағы жай-күй, ми діңінің зақымдану синдромы, ми қан айналымының бұзылуы, жүйке түбіршектерінің зақымдануы, психомоторлы аса жоғары белсенділік, жұлын компрессиясы, когнитивті бұзылыс ҚНЖ, қимыл-қозғалыс дисфункциясы, жүйке жүйесінің бұзылыстары ҚНЖ, радикулит, сілекей ағуы, гипотония, Гийен-Барре синдромы, демиелинациялық полиневропатия

- мөлдір қабықтың зақымдануы, экзофтальм, ретинит, скотома, көздің бұзылулары (қабақтың бұзылуын қоса) (ҚНЖ), жас бездерінің жүре пайда болған қабынуы, көздің қарығуы, фотопсия, оптикалық нейропатия, көрудің әртүрлі дәрежедегі бұзылулары (соқырлыққа дейін)

- құлақтан қан кетулер, вестибулярлы нейронит, есту мүшесі тарапынан бұзылулар ҚНЖ

- жүрекшелердің дірілдеуі, миокард инфарктісі, атриовентрикулярлық блокада, жүрек-қантамырлық бұзылулар (кардиогендік шокты қоса), екі бағытты ұршық тәрізді тахикардия, тұрақсыз стенокардия, жүрек клапанының бұзылулары, коронарлық жеткіліксіздік, синустық түйін белсенділігінің тоқтап қалуы

- шеткері эмболия, лимфалық ісіну, бозару, эритромелалагия, қантамырлардың кеңеюі, веналар түсінің өзгеруі, веналық жеткіліксіздік

- тыныс алу жеткіліксіздігі, жедел респираторлық дистресс-синдром, апноэ, пневмоторакс, өкпе коллапсы, өкпе гипертензиясы, қан түкіру, гипервентиляция, ортопноэ, пневмонит, респираторлық алкалоз, тахипноэ, өкпе фиброзы, бронх бұзылулары, гипокапния, өкпенің интерстициальді ауруы, өкпе инфильтрациясы, тамақтың қысылу сезімі, тамақтың құрғауы, жоғарғы тыныс алу жолдары секрециясының жоғарылауы, тамақтың тітіркенуі, жоғарғы тыныс алу жолдарының жөтел синдромы

- жедел панкреатит, перитонит, тілдің ісінуі, асцит, эзофагит, хейлит, нәжісті ұстай алмау, анальді сфинктер атониясы, нәжіс конкременті, асқазан-ішек жолының ойық жаралануы және тесілуі, гингивальді гипертрофия, мегаколон, тік ішектен бөлінділер, ауыз-жұтқыншақ аймағында күлбіреуіктердің түзілуі, еріннің ауыруы, периодонтит, артқы өтіс жарықшағы, дефекация ырғағының өзгеруі, прокталгия, аномальді нәжістер

- бауыр жеткіліксіздігі, гепатомегалия, Бадд-Киари синдромы, цитомегало-вирустық гепатит, бауырлық қан кету, өт-тас ауруы

- тері реакциясы, лимфоцитарлық Джесснер инфильтрациясы, алақан-табан эритродизестезиясы синдромы, тері астына қан құйылулар, торлы мәрмәрлі тері, терінің қатаюы, папулалар, жарыққа сезімталдық реакциялары, себорея, суық тер, терінің бұзылуы (ҚНЖ) эритродермия, терінің ойық жара болуы, тырнақтардың бұзылуы

- рабдомиолиз, самай-төменгі жақ буынының синдромы, жыланкөздер, буындардың жалқығы, жақтың ауыруы, сүйек бұзылулары, қаңқа-бұлшықет жүйесі және дәнекер тіндерінің инфекциялары және қабынулары синовиальді киста

- қуықтың тітіркенуі

- аналық без бұзылысы, простатит, әйелдерде сүт бездері тарапынан бұзылулар, аналық без қосалқыларының аурушаңдығы, жамбастың ауыруы, вульваның жара болуы

- аплазия, асқазан-ішек жолының даму кемістігі, диффузды кератома

- өлім (кенеттен болатынды қоса), полиағзалық жеткіліксіздік, инъекция жасалған жерден қан кету, жарық (өңеш саңылауының жарығын қоса), жазылудың бұзылуы, қабыну, инъекция жасалған жердегі флебит, аурушаңдық, ойық жара, сезімталдық, кеудедегі кардиологиялық емес ауыру, катетерді енгізген жердің ауыруы, бөгде затты сезіну

- қан газдарының аномалиясы, электрокардиограммадағы ауытқулар (QT аралығының ұзаруын қоса), халықаралық қалыптасқан қатынастың ауытқулары, асқазан рН төмендеуі, тромбоциттер агрегациясының жоғарылауы, І тропониннің артуы, вирус идентификациясы және серология, несеп талдауындағы ауытқулар

- құю реакциялары, сынулар, сіресушілік, беттің жарақаты, буындардың зақымдануы, күйіктер, жырымдалған жаралар, емшарамен байланысты ауыру, радиациялық зақымдану

- макрофагтардың белсенділенуі

Клиникалық зерттеулерде VcR-CAP емін алған мантия жасушасының лимфомасы бар пациенттердегі жағымсыз реакциялар:

Өте жиі

- пневмония

- тромбоцитопения, фебрильді нейтропения, нейтропения, лейкопения, анемия, лимфопения

- тәбеттің төмендеуі

- шеткері сенсорлық нейропатия, дизестезия, невралгия

- шаштың аурулары

- гипертермия, шаршау, астения

Жиі

- сепсис (сепсистік шокты қоса), Herpes zoster (диссеминация-ланатынды және офтальмологиялықты қоса), герпес вирустық инфекция, бактериялық инфекциялар, жоғарғы/төменгі тыныс алу жолдарының инфекциялары, зеңдік инфекция, Herpes simplex

- жоғары сезімталдық

- гипокалиемия, глюкоза деңгейінің бұзылуы, гипонатриемия, қант диабеті, сұйықтықтың іркілуі

- ұйқы бұзылыстары және бұзылулары

- нейропатиялар, қимыл-қозғалыс нейропатиясы, есінен айырылу (естен тануды қоса), энцефалопатия, шеткері сенсорлық қимыл-қозғалыс нейропатиясы, бас айналу, дәмнің бұзылуы, вегетативті нейропатия

- көрудің бұзылулары

- дизакузия (құлақтың шуылдауын қоса)

- жүрек фибрилляциясы (жүрекшелердің фибрилляциясын қоса), аритмия, жүрек жеткіліксіздігі (сол және оң жақ қарынша жеткіліксіздігін қоса), миокардиальді ишемия, қарыншалық дисфункция

- гипертензия, гипотензия, ортостатикалық гипотензия

- ентігу, жөтел, ықылық

- асқазан-ішектік қан кетулер (шырышты қабықтардан қан кетуді қоса), іштің кебуі, диспепсия, ларингофарингеальді ауыру, гастрит, ауыз қуысының ойық жарасы, іштегі жайсыздығы, дисфагия, асқазан-ішек жолының қабынуы, іштің ауыруы (соның ішінде асқазан-ішек және көкбауыр ауырулары), ауыз қуысының бұзылыстары

- гепатоуыттылық (бауыр тарапынан бұзылуларды қоса)

- қышыну, дерматит, бөртпе

- бұлшықет түйілулері, қаңқа-бұлшықет ауыруы, аяқ-қолдың ауыруы

- несеп шығару жолдарының инфекциясы

- ісінулер (шеткеріні қоса), қалтырау, препаратты енгізген жердегі реакция, дімкәстік

- гипербилирубинемия, ақуыздардың атипиялық талдауы, салмақтың азаюы, салмақтың артуы

Жиі емес

- В гепатитінің инфекциясы, бронхопневмония

- панцитопения

- анафилаксиялық реакциялар

- ісік лизисі синдромы

- вегетативті жүйке жүйесінің теңгерімсіздігі

- вертиго, естудің нашарлауы (кереңдікке дейін және оны қоса)

- жүрек-қантамырлық бұзылулар (кардиогендік шокты қоса)

- жедел респираторлық дистресс-синдром, өкпе артерияларының эмболиясы, пневмония, өкпе артериясының гипертензиясы, өкпенің ісінуі (жедел ісінуді қоса)

- колит (clostridium difficile қоса)

- бауыр жеткіліксіздігі

ҚНЖ = қосымша нақтыланған жоқ

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

белсенді зат – бортезомиб 3.5 мг;

қосымша заттар: маннитол, инъекцияға арналған су, азот.

Сыртқы түрінің, иісінің, дәмінің сипаттамасы

Лиофилизацияланған шелпек дәрі немесе ақтан ақ дерлік түске дейінгі ұнтақ.

Шығарылу түрі және қаптамасы

Бортезомиб 3.5 мг-ден I типті түссіз шыныдан (АҚШФ*) жасалған, бромбутил тығынмен тығындалған және «flip off» типті алюминий қалпақшамен қаусырылған, сыйымдылығы 10 мл құтыға салынады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапқа салынады.

2 жыл

Жарамдылық мерзімі өткеннен кейін қолдануға болмайды!

25оС-ден аспайтын температурада.

Дайындалған ерітіндіні түпнұсқалық құтыда немесе шприцте 25оС-ден аспайтын температурада 8 сағаттан асырмай сақтайды.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Eugia Pharma Specialities Limited,

Survey No. 550, 551 & 552,

Kolthur Village/Колтур Виллидж, Shamirpet Mandal,

Medchal Malkajgiri District, Telangana, Үндістан.

тел. +91 04030848000,

электронды пошта info@aurobindo.com

Тіркеу куәлігінің ұстаушысы

Eugia Pharma Specialities Limited,

Plot No.2, Maithrivihar, Ameerpet,

Hyderabad/Хайдерабад - 500 038.

Telangana, Үндістан.

тел. +914066725000/1200, +914023736370,

факс +914067074059, +914023747340,

электронды пошта info@aurobindo.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымның атауы, мекенжайы және байланыс деректері (телефон, факс, электронды пошта)

«Rogers Pharma» ЖШС, Қазақстан, 050043,

Алматы қ., Мирас ықшам ауд, 157-үй, т.е.ү. 819.

Тел. (727) 311-81-96/97,

электронды пошта: office.secretary@rogersgroup.in

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

ЖК Канумуру И. Г., Қазақстан, 050043,

Алматы қ., Мирас ықшам ауд, 157-үй, т.е.ү. 819.

Тел. (727) 311-81-96/97, +77479911904,

электронды пошта: irina.volovnikova@gmail.com