БЕТОАКТ (Бепотастин)

БЕТОАКТ

Бепотастин

Дәрілік түрі, дозалануы

Көзге тамызатын дәрі, 1.5 %

Респираторлық жүйе. Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар.

АТХ коды R06AX

- аллергиялық конъюнктивит белгілерімен және симптомдарымен байланысты қышынуды емдеу үшін.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- балалар және 18 жасқа дейінгі жасөспірімдер

Басқа дәрілік препараттармен өзара әрекеттесуі

Қазіргі уақытта қандай да бір өзара әрекеттесулер туралы белгісіз.

Арнайы ескертулер

Құтының ішіндегісінің ластануын болдырмау үшін пипетканың ұшын көзге немесе кез келген басқа беткейге тигізіп алмаңыз.

Жанаспалы линзалар

Бактериялық коньюнктивит симптомдары болса, пациентке толық сауығып кеткенше жанаспалы линзаларды тағу ұсынылмайды.

Қосымша заттар

Препарат құрамында ирит тудыруы мүмкін бензалконий хлориді бар. Жұмсақ жанаспалы линзалармен жанасудан аулақ болу керек. Препаратты қолданар алдында жанаспалы линзаларды шешіп алып, тамшыларды тамызудан кейін кем дегенде 15 минут күте тұру керек.

Педиатрияда қолданылуы

БЕТОАКТ препаратын балалар мен 18 жасқа дейінгі жасөспірімдерге қолдану зерттелмеген.

Жүктілік және лактация кезінде

Жүктілік

Жүкті әйелдердің қатысуымен көзге тамызатын дәрінің тиісінше қатаң бақыланатын зерттеулері жүргізілмеген. Препаратты жүктілік кезінде тек егер зор пайдасы ықтималды қаупін ақтаған жағдайда ғана қолдану керек.

Бала емізу

Көзге тамызатын дәріні лактация кезінде тек егер зор пайдасы ықтималды қаупін ақтаған жағдайда ғана қолдану керек.

Басқа дәрілік препараттармен өзара әрекеттесуі және өзара әрекеттесудің басқа түрлері

Басқа көзге тамызатын дәрілермен болған жағдай сияқты, тамызудан кейін уақытша анық көрмей қалу немесе көру қабілетінің басқа бұзылыстары болуы мүмкін, бұл автокөлік немесе аса қауіпті басқа механизмдерді басқару қабілетіне теріс әсер етуі мүмкін. Бұл жағдайда көру қалпына келгенше біраз уақыт күте тұру қажет.

Қолдану жөніндегі нұсқаулар

Дозалау режимі

Тәулігіне екі рет зақымданған көздің (-дердің) конъюнктивалық қалтасына бір тамшыдан тамызады.

Пациенттердің ерекше топтары

Егде жастағы пациенттер

Егде жастағы пациенттер үшін препарат дозасын түзету қажет емес.

Балалар

Осы жас тобындағы қауіпсіздігі мен тиімділігі бойынша клиникалық зерттеулерінің болмауына байланысты, препаратты балалар мен 18 жасқа толмаған жасөспірімдерде қолдану ұсынылмайды.

Бауыр/бүйрек жеткіліксіздігі бар пациенттер

Деректер жоқ.

Енгізу жолы мен әдісі

Субконъюктивалық қолдану үшін.

Артық дозалану жағдайында қабылдануы қажет шаралар

Қазіргі уақытта бепотастинмен артық дозаланудың шектеулі тәжірибесі бар. Қажет болса, артық дозаланудың барлық жағдайларында жалпы симптоматикалық және демеуші шаралар қабылдау керек.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар

Осы дәрілік препаратты қолдану бойынша қосымша сұрақтарыңыз пайда болған кезде, дәрігерден немесе фармацевтен кеңес сұраңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Хабарланғандай, ең көп жиі жағымсыз реакция тамызғаннан кейін ауыздың сәл кермек татуы болды.

Өте жиі

• тамызғаннан кейін ауыздың сәл кермек татуы

• дәмнің бұзылуы

Жиі

• көздің тітіркенуі

• бас ауруы

• назофарингит

Аса жоғары сезімталдық

Постмаркетингтік есептер: қышыну, денедегі бөртпе, ерін, тіл және/немесе тамақтың ісінуі.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 мл препараттың құрамында

белсенді зат – 15.000 мг бепотастин безилаты,

қосымша заттар: бензалконий хлориді, натрий хлориді, натрий дигидрофосфаты, натрий гидроксиді (рН реттегіші), инъекцияға арналған су.

Сыртқы түрінің, иісінің, дәмінің сипаттамасы

Көрінетін бөлшектерден бос, мөлдір түссіз немесе ашық сары ерітінді.

Шығарылу түрі және қаптамасы

5 мл препараттан алғашқы ашылуы бақыланатын бұралатын қақпақтармен герметикалық тығындалған полиэтилен тамшылатқыш-құтыларға құйылады.

Құтыға өздігінен желімденетін қағаз заттаңба жапсырылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл.

Құты ашылғаннан кейін қолдану мерзімі 4 аптадан аспауы керек.

Жарамдылық мерзімі өткеннен кейін қолдануға болмайды.

30 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

Аджанта Фарма Лимитед

Аджанта Хаус, Чаркоп, Кандивли (З),

Мумбай 400067, Үндістан

Телефон: (0091) 22- 2868 3625

Факс: (0091) 22-2868 3930/2868 2848

E-mail: info@ajantapharma.com

Тіркеу куәлігінің ұстаушысы

Аджанта Фарма Лимитед

Аджанта Хаус, Чаркоп, Кандивли (З),

Мумбай 400067, Үндістан

Телефон: (91-2431) 232123, 232009, 232077, 233393

E-mail: info@ajantapharma.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын ұйымның атауы және мекенжайы

Қазақстан Республикасындағы Аджанта Фарма Лимитед филиалы,

050062, Алматы қ., Әуезов ауданы, 3 ы/а, 43А үй, №3, №4, №7, №8 кеңсе.

E-mail: ajantakzbranch@gmail.com

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы

ConsultAsia ЖШС

Алматы қ., Шевченко к-сі, 165 Б, 204-206 кеңсе

Тел.: +77051708825/+77051708876 (24 сағат бойы қолжетімді)

Факс: +727-379-42-58

Е-mail: pv@consultingasia.kz

info@consultingasia.kz