АПИКСАБЕСТ (таблетки, 2.5 мг)

• русский
• қазақша

• Скачать инструкцию медикамента

Саудалық атауы

АПИКСАБЕСТ

Халықаралық патенттелмеген атауы

Апиксабан

Дәрілік түрі, дозасы

Үлбірлі қабықпен қапталған 2.5 мг және 5 мг таблеткалар

Фармакотерапиялық тобы

Қан және қан түзу ағзалары. Тромбозға қарсы препараттар. Ха факторының тікелей тежегіштері. Апиксабан.

АТХ коды B01AF02

Қолданылуы

Апиксабан 2,5 мг және 5 мг

• NYHA (Нью-Йорк кардиология қауымдастығының жіктеуі бойынша) бойынша ≥ II ФК симптоматикалық жүрек жеткіліксіздігі, артериялық гипертензия, 75 жас және одан жоғары, қант диабеті, алдыңғы инсульт немесе транзиторлық ишемиялық атака (ТИА) сияқты бір немесе бірнеше қауіп факторлары бар, жүрекшенің қақпақшалық емес фибрилляциясы (ЖҚЕФ) бар ересек пациенттерде инсульт пен жүйелі эмболияның алдын алу

• терең веналар тромбозын (ТВТ) және өкпе артериясының тромбоэмболиясын (ӨАТЭ) емдеу, сондай-ақ ересектерде қайталанатын ТВТ және ӨАТЭ профилактикасы

Апиксабан 2,5 мг

• ұршықбуынын немесе тізе буынын жоспарлы эндопротездеуден кейін ересек пациенттерде веналық тромбоэмболиялық асқынулардың (ВТА) алдын алу

Қолдану басталғанға дейін қажетті мәліметтер тізбесі

Қолдануға болмайтын жағдайлар

- әсер етуші затқа (заттарға) немесе қосымша заттардың кез келгеніне аса жоғары сезімталдық

- клиникалық айқын белсенді қан кету

- коагулопатиямен және қан кетудің клиникалық маңызды қаупімен бірге бауыр ауруы

- зақымдану ошағының немесе ауқымды қан кетудің айқын қаупімен байланысты жағдайдың болуы, мысалы, қазіргі бар немесе жақында болған АІЖ ойық жарасы, қан кету қаупі жоғары қатерлі жаңа түзілімдердің болуы, жақында болған мидың немесе жұлынның жарақаты, жақында миға, жұлынға немесе көзге жасалған операция, жақында өткерген бассүйекішілік қан кету, өңеш веналарының анықталған немесе күдікті варикозды кеңеюі, қантамырлардың дамуындағы артериовенозды аномалиялар, ірі омыртқаішілік немесе ми қантамырларының тамыр аневризмасы немесе патологиялық жағдайлары

- кез келген басқа антикоагулянтпен бір мезгілде қолдану, мысалы, фракцияланбаған гепаринмен (ФБГ), төмен молекулалы гепариндермен (эноксапарин, далтепарин және т. б.), гепарин туындыларымен (фондапаринукс және т. б.), пероральді антикоагулянттармен (варфарин, ривароксабан, дабигатран және т. б.), ФБГ жүрекше фибрилляциясына байланысты орталық веналық немесе артериялық катетердің өтімділігін қамтамасыз ету немесе катетерлік абляция кезінде ФБГ қолдану үшін қажетті дозаларда енгізілген, апиксабанмен емдеуге немесе апиксабаннан емдеуге көшу жағдайларынан басқа

-тұқым қуалайтын галактоза көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды

- жүктілік және бала емізу кезеңі

- 18 жасқа дейінгі балалар мен жасөспірімдер

Қолдану кезіндегі қажетті сақтық шаралары

- қан кету қаупі жоғары жағдайларда сақтықпен қолдану ұсынылады. Қатты қан кету жағдайында Апиксабан қабылдауды тоқтату керек

- Апиксабанды жоспарлы операцияға немесе орташа немесе жоғары қан кету қаупі бар инвазивті емшараларға дейін кемінде 48 сағат бұрын тоқтату керек

- Апиксабанды жоспарлы операцияға немесе қан кету қаупі төмен инвазивті емшараларға дейін кемінде 24 сағат бұрын тоқтату керек

- дене салмағы 60 кг төмен адамдарға ұсынылмайды

-қан кету қаупі жоғары болғандықтан, 75 жастан асқан адамдарға ұсынылмайды

Басқа дәрілік препараттармен өзара әрекеттесуі

Кейбір дәрілік заттар Апиксабанның әсерін күшейтіп, қан кетудің даму қаупін арттыруы мүмкін:

- кейбір зеңге қарсы препараттар (кетоконазол, итраконазол, вориконазол және позаконазол);

- АИТВ емдеуге арналған вирусқа қарсы препараттар (ритонавир);

- қанның ұюын төмендетуге арналған препараттар (эноксапарин және т. б.);

- жоғары артериялық қысымды/жүрек ауруларын емдеуге арналған препараттар (дилтиазем);

- қабынуға қарсы немесе ауыруды басатын препараттар (ацетилсалицил қышқылы, напроксен).

Кейбір препараттар Апиксабанның тромбтардың түзілуін болдырмау қабілетін төмендетуі мүмкін:

- эпилепсия немесе құрысу ұстамаларының профилактикасына арналған препараттар (фенитоин және т. б.);

- кәдімгі шайқурай;

- туберкулезге қарсы дәрілер (рифампицин);

- белсендірілген көмір.

Арнайы ескертулер

Қан кетудің жоғары даму қаупін ескеру керек

Апиксабан қабылдайтын пациенттер қан кету белгілерінің болуына мұқият тексерілуі тиіс. Қан кету қаупі жоғары жағдайларда сақтықпен қолдану ұсынылады. Қатты қан кету жағдайында Апиксабан қабылдауды тоқтату керек.

Бауыр жеткіліксіздігі

Апиксабан коагулопатиямен және қан кетудің клиникалық маңызды қаупімен үйлескен бауыр ауруына шалдыққан пациенттерге қолдануға болмайды.

Апиксабан бауыр жеткіліксіздігінің ауыр дәрежесі бар пациенттерге ұсынылмайды.

Препаратты бауыр жеткіліксіздігінің жеңіл және орташа дәрежесі бар пациенттерде сақтықпен қолдану керек (Чайлд-Пью шкаласы бойынша А немесе В класы).

Апиксабанды қабылдау басталғанға дейін бауыр функциясын зерттеу қажет.

Бүйрек жеткіліксіздігі

Ұршықбуынды немесе тізе буынын жоспарлы эндопротездеу, терең веналардың тромбозын емдеу, өкпе артериясының тромбоэмболиясын емдеу және терең веналардың қайталамалы тромбозын және өкпе артериясының тромбоэмболиясын алдын алу кезінде веналық тромбоэмболиялық асқынулардың профилактикасы үшін Апиксабанды ауыр бүйрек жеткіліксіздігі бар пациенттерде сақтықпен қолдану керек (креатинин клиренсі 15-29 мл/мин).

Жүрекшелердің клапандық емес фибрилляциясы бар пациенттерде инсульт пен жүйелі эмболияның профилактикасы үшін ауыр бүйрек жеткіліксіздігі бар пациенттер (креатинин клиренсі 15-29 мл/мин) және сарысулық креатинин ≥ 1,5 мг/дл (133 мкмоль/л) ≥ 80 жастағы немесе дене салмағы ≤ 60 кг пациенттер Апиксабанның 2.5 мг төмендетілген дозасын күніне екі рет қабылдауы тиіс.

Креатинин клиренсі < 15 мл/мин пациенттерге немесе диализдегі пациенттерге Апиксабанды қолдану ұсынылмайды.

Гемостазға әсер ететін басқа дәрілік заттармен өзара әрекеттесу

Қан кету қаупінің жоғарылауына байланысты кез-келген басқа антикоагулянттармен бір мезгілде қолдануға болмайды.

Апиксабанды антитромбоциттік препараттармен бір мезгілде қолдану қан кету қаупін арттырады.

Егер пациенттер бір мезгілде серотонинді кері қармаудың селективті тежегіштері (СКҚСТ) немесе серотонин-норепинефринді кері қармаудың селективті тежегішін (СНКҚСТ) немесе ацетилсалицил қышқылын қоса алғанда, қабынуға қарсы стероидты емес препараттарды (ҚҚСП) алса, сақтық таныту керек.

Жүректің жасанды клапандары бар пациенттер

Жүрекшелердің фибрилляциясы бар немесе онсыз жүректің жасанды клапандары бар пациенттерде Апиксабанды қолдану ұсынылмайды.

Антифосфолипид синдромы бар пациенттер

Апиксабанды қоса, тікелей әсер ететін пероральді антикоагулянттар (ТӘПА) анамнезінде антифосфолипидті синдром диагнозы қойылған тромбозы бар пациенттерге ұсынылмайды. Атап айтқанда, антифосфолипид синдромына жасалған оң нәтиже көрсеткен үш талдауы бар пациенттерде (жегілік антикоагулянтқа, кардиолипинге антиденелер және I типті бета-2-гликопротеинге антиденелер) ТӘПА емдеу К дәрумені антагонистерімен жүргізілген еммен салыстырғанда қайталамалы тромбоздық құбылыстардың пайда болу жиілігінің жоғарылауына әкелуі мүмкін.

Хирургиялық араласымдар және инвазиялық емшаралар

Апиксабанды жоспарлы операцияға немесе орташа немесе жоғары қан кету қаупі бар инвазивті емшараларға дейін кемінде 48 сағат бұрын тоқтату керек. Бұған клиникалық маңызды қан кету ықтималдығы жоққа шығарылмайтын немесе қан кету қаупі қолайсыз болатын араласымдар жатады.

Апиксабанды жоспарлы операцияға немесе қан кету қаупі төмен инвазивті емшараларға дейін кемінде 24 сағат бұрын тоқтату керек. Мұнда мейлінше аз, шоғырландыру бойынша қатер шегіндегі болмайтын немесе жеңіл бақыланатын қан кету күтілетін араласымдар жатады.

Апиксабанды инвазивті емшарадан немесе хирургиялық араласымнан кейін, егер клиникалық жағдай мүмкіндік берсе және тиісті гемостазға қол жеткізілсе, мүмкіндігінше тезірек қалпына келтіру керек.

Жүрекшелердің фибрилляциясына байланысты катетерлі абляцияны орындайтын пациенттерде Апиксабанмен емдеуді тоқтатудың қажеті жоқ.

Емдеуді уақытша тоқтату

Белсенді қан кету, жоспарлы операциялар немесе инвазиялық емшаралар кезінде Апиксабанды қоса алғанда, антикоагулянттарды қабылдауды тоқтату пациенттерді тромбоздың жоғары қаупіне ұшыратады. Емдеудегі үзілістерден аулақ болу керек және егер Апиксабанмен антикоагулянттық емді қандай да бір себептермен уақытша тоқтату керек болса, емдеуді мүмкіндігінше тезірек қайта бастау керек.

Жұлын және эпидуральді анестезиясы немесе пункциясы

Нейроаксондық анестезияны (жұлын/эпидуральді анестезия) немесе жұлын/эпидуральді пункцияны пайдаланған кезде тромбоэмболиялық асқынулардың алдын алу үшін антитромбоцитарлық препараттар алатын пациенттер ұзаққа созылатын немесе қайтымсыз салдануға әкеп соғуы мүмкін, эпидуральді немесе жұлын гематомасының даму қаупі тобына кіреді. Бұл асқынулардың қаупі хирургиялық араласымнан кейін тұрақты эпидуральді катетерді немесе гемостазға әсер ететін препараттарды бір мезгілде қолданғанда артуы мүмкін. Тұрақты эпидуральді немесе интратекальді катетерлерді Апиксабанның бірінші дозасын қабылдағанға дейін кемінде 5 сағат бұрын алып тастау керек. Қан кету қаупі жаралайтын немесе қайталанатын эпидуральді немесе жұлын пункцияларында да жоғарылауы мүмкін. Неврологиялық бұзылулардың белгілері мен симптомдарын анықтау үшін пациенттер жиі қаралуы керек (мысалы, аяқтың ұйып қалуы немесе аяқтағы әлсіздік, ішектің немесе қуықтың дисфункциясы).

Тұрақсыз гемодинамикасы бар өкпе артериясының тромбоэмболиясы бар пациенттер немесе тромболизис немесе өкпе эмболэктомия көрсетілімі бар пациенттер

Апиксабан тұрақсыз гемодинамикасы бар өкпе артериясының тромбоэмболиясы бар пациенттерге немесе тромболизис немесе өкпе эмболэктомиясы орындалуы мүмкін пациенттерде фракцияланбаған гепаринге балама ретінде ұсынылмайды.

Егде жастағы пациенттер

Жасы ұлғайған сайын қан кету қаупі артуы мүмкін.

Егде жастағы пациенттердің Апиксабан мен АСҚ бірге қолдануы қан кетудің ықтимал жоғары қаупіне байланысты сақтықты талап етеді.

Дене салмағы

Төмен дене салмағы (<60 кг) қан кету қаупін арттыруы мүмкін.

Қосымша заттар

Апиксабан құрамында лактоза бар. Сирек тұқым қуалайтын галактоза көтере алмаушылығы, лактазаның жаппай тапшылығы немесе глюкоза мен галактозаның мальабсорбция синдромы бар пациенттерге осы дәрілік препаратты қабылдауға болмайды.

Педиатрияда қолдану

Апиксабанды 18 жасқа дейінгі балалар мен жасөспірімдерге қолдану ұсынылмайды.

Жүктілік немесе лактация кезінде

Апиксабанды жүктілік кезінде қабылдау ұсынылмайды.

Жаңа туған нәрестелер мен сәбилерге қауіп төнуі мүмкін. Бала емізуді тоқтату немесе апиксабанмен жүргізілетін емді тоқтату/уақытша тоқтату туралы шешім қабылдау қажет.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Апиксабан көлік құралдарын басқару және механизмдермен жұмыс істеу қабілетіне әсер етпейді немесе оған аз дәрежеде әсер етеді.

Қолдану бойынша ұсынымдар

Дозалау режимі

Веноздық тромбоэмболиялық асқынулардың профилактикасы: жамбас немесе тізе буынының жоспарлы эндопротезі

Апиксабанның ұсынылатын дозасы күніне екі рет 2.5 мг құрайды. Бастапқы доза операциядан кейін 12-24 сағат ішінде қабылдануы тиіс.

Ұршықбуынның эндопротездеуі жасалған пациенттер

Ұсынылатын емдеу ұзақтығы 32-ден 38 күнге дейін.

Тізе буынының эндопротездеуі жасалған пациенттер

Ұсынылатын емдеу ұзақтығы 10-нан 14 күнге дейін.

Жүрекшелердің клапанды емес фибрилляциясы (ЖКЕФ) бар пациенттерде инсульт пен жүйелі эмболияның профилактикасы

Апиксабанның ұсынылатын дозасы күніне екі рет 5 мг құрайды.

Апиксабанның ұсынылатын дозасы, егер пациенттерде бүйрек функциясының ауыр бұзылу дәрежесі байқалса немесе мынадай қауіп факторларының кемінде екеуі байқалса, күніне 2 рет 2.5 мг құрайды: қан талдауының нәтижелері бүйрек функциясының төмендегенін көрсетеді (сарысу креатининінің мәні - 1,5 мг/дл (133 мкмоль/л) немесе одан жоғары); 80 жас және одан жоғары; дене салмағы 60 кг және одан төмен.

Емдеу ұзақтығын дәрігер анықтайды.

Терең веналар тромбозын емдеу, өкпе артериясының тромбоэмболиясын емдеу

Апиксабанның ұсынылатын дозасы алғашқы 7 күн ішінде күніне екі рет 10 мг құрайды. 7 күн өткеннен кейін ұсынылған доза күніне екі рет 5 мг құрайды.

Терең веналар тромбозы және өкпе артериясының тромбоэмболиясы қайталануын алдын алу

Апиксабанның ұсынылатын дозасы күніне екі рет 2.5 мг құрайды.

Емдеу ұзақтығын дәрігер анықтайды.

Антикоагулянттық дәрілерден Апиксабанға көшу (және керісінше)

Көшу келесі дозаны қабылдау жоспарланған сәтте жүзеге асырылуы мүмкін. Бұл дәрілік заттарды бір уақытта қолдануға болмайды.

К дәрумені антагонистерімен (КДА) емдеуден Апиксабанға көшу

К дәрумені антагонистерімен (КДА) емдеуден Апиксабанға көшкен кезде варфаринді немесе құрамында К дәрумені антагонисті бар басқа препаратты қабылдауды тоқтату керек. Апиксабанды қабылдаудың басталу уақытын айту үшін дәрігер қан талдауын жүргізуі керек.

Апиксабаннан КДА еміне көшу

Апиксабаннан КДА еміне ауысқан кезде Апиксабанды қабылдауды КДА емі басталғаннан кейін кемінде 2 күн бойы жалғастыру керек. Қан талдауының нәтижелері бойынша дәрігер Апиксабанды қабылдаудың аяқталу уақытын хабарлайды.

Енгізу әдісі мен жолы

Пероральді.

Апиксабанды су іше отырып, жұтып қою керек. Препарат тамақ ішуге қарамастан қабылданады.

Тұтас таблеткаларды жұта алмайтын пациенттер үшін Апиксабан таблеткалары ұнтақталуы немесе суға, 5% декстроза сулы ерітіндісіне немесе алма шырынына суспензиялануы немесе тікелей қабылдар алдында алма езбесімен араластырылуы мүмкін.

Сонымен қатар балама ретінде, Апиксабан таблеткалары ұнтақталуы немесе 60 мл суға немесе 5% декстроза сулы ерітіндісіне суспензиялануы және назогастральді зонд арқылы енгізілуі мүмкін.

Артық дозаланған жағдайда қолдану қажет шаралар

Артық дозалану кезінде емдеуші дәрігерге қаралу қажет. Апиксабанмен артық дозалануы қан кету қаупінің жоғарылауына әкеп соғуы мүмкін. Геморрагиялық асқынулар жағдайында емдеу тоқтатылып, ал қан кету көзі тексерілуі тиіс. Тиісті емдеуді бастау мүмкіндігін қарастыру керек, мысалы хирургиялық гемостаз, қан құю немесе анти-Ха-факторлы белсенділікті бейтараптандыратын препаратты қолдану.

Дәрілік препараттың бір немесе бірнеше дозасын өткізіп алған кездегі қажетті шаралар

Егер препарат дозасын өткізіп алса, онда пациент дереу Апиксабанды қабылдап, содан кейін әдеттегі уақытта келесі дозаны қабылдауы қажет және әдеттегідей қабылдауды жалғастыруы тиіс.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер Сізде препаратты қабылдау туралы қосымша сұрақтарыңыз болса, өз дәрігеріңізге қаралыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Ересек пациенттерде ВТЭА-ның профилактикасы кезіндегі, ұршықбуынды немесе тізе буынын жоспарлы эндопротездеуден кейінгі жағымсыз реакциялар (жВТЭА)

Жиі

- анемия

- қан кету, гематома

- жүрек айнуы

- көгеру

Жиі емес

- тромбоцитопения

- терінің қышынуы

- гипотензия (емшараны орындау кезінде гипотензияны қоса алғанда)

- мұрыннан қан кету

- асқазан-ішектен қан кету

- қан аралас нәжіс

- бауыр функциясының биохимиялық көрсеткіштері қалпынан ауытқу, аспартатаминотрансфераза белсенділігінің жоғарылауы, қандағы сілтілік фосфатаза деңгейінің жоғарылауы, қандағы билирубин деңгейінің жоғарылауы

- гамма-глутамилтрансфераза деңгейінің жоғарылауы

- қандағы аланинаминотрансфераза деңгейінің жоғарылауы

- гематурия

- патологиялық қынаптық қан кетулер, урогенитальді қан кетулер

- емшарадан кейінгі қан кетулер (оның ішінде емшараны орындағаннан кейін гематома, жарадан қан кету, қантамыр тесілген жеріндегі гематома және катетер орнатылған жерден қан кету), жарадан шығатын бөліністер, кескен жерден қан кету (кескен жердегі гематоманы қоса алғанда), интраоперациялық қан кету

Сирек

- аса жоғары сезімталдық реакциялары, аллергиялық ісіну және анафилаксия

- көзішілік қан құйылу (конъюнктивалық қан құйылуды қоса алғанда)

- қан қақыру

- ректальді қан кету, қанауға бейім қызыл иек

- алопеция

- бұлшықеттен қан кету

Белгісіз

- миға қан құйылу

- құрсақішілік қан кету

- тыныс алу жолдарынан қан кету

- геморроидальді қан кету

- ауыз қуысынан қан кету

- ішперде сыртына қан құйылу

- тері бөртпесі

- қолдану орнынан қан кету

- жасырын қан кетуге оң сынама

- жарақаттық қан кету

Бір немесе бірнеше қауіп факторларымен (ЖКЕФ) ЖКЕФ бар ересек пациенттерде инсульт пен жүйелі эмболияның профилактикасы кезіндегі жағымсыз реакциялар

Жиі

- анемия

- көзішілік қан құйылу (конъюнктивалық қан құйылуды қоса алғанда)

- қан кету, гематома

- гипотензия (емшараны орындау кезінде гипотензияны қоса алғанда)

- мұрыннан қан кету

- жүрек айнуы

- асқазан-ішектен қан кету

- ректальді қан кету, қанауға бейім қызыл иек

- гамма-глутамилтрансфераза деңгейінің жоғарылауы

- гематурия

- көгеру

Жиі емес

- тромбоцитопения

- аса жоғары сезімталдық реакциялары, аллергиялық ісіну және анафилаксия

- терінің қышынуы

- миға қан құйылу

- құрсақішілік қан кету

- қан қақыру

- геморроидальді қан кету

- ауыз қуысынан қан кету

- қан аралас нәжіс

- бауыр функциясының биохимиялық көрсеткіштері қалпынан ауытқу, аспартатаминотрансфераза белсенділігінің жоғарылауы, қандағы сілтілік фосфатаза деңгейінің жоғарылауы, қандағы билирубин деңгейінің жоғарылауы

- қандағы аланинаминотрансфераза деңгейінің жоғарылауы

- тері бөртпесі

- алопеция

- патологиялық қынаптық қан кетулер, урогенитальді қан кетулер

- қолдану орнынан қан кету

- жасырын қан кетуге оң сынама

- емшарадан кейінгі қан кетулер (оның ішінде емшараны орындағаннан кейін гематома, жарадан қан кету, қантамыр тесілген жеріндегі гематома және катетер орнатылған жерден қан кету), жарадан шығатын бөліністер, кескен жерден қан кету (кескен жердегі гематоманы қоса алғанда), интраоперациялық қан кету

- жарақаттық қан кету

Сирек

- тыныс алу жолдарынан қан кету

- ішперде сыртына қан құйылу

- бұлшықеттен қан кету

ТВТ мен ӨАТЭ емдеу және қайталанатын ТВТ мен ӨАТЭ (тВТЭА) профилактикасы кезіндегі жағымсыз реакциялар

Жиі

- анемия

- тромбоцитопения

- қан кету, гематома

- мұрыннан қан кету

- жүрек айнуы

- асқазан-ішектен қан кету

- ауыз қуысынан қан кету

- ректальді қан кету, қанауға бейім қызыл иек

- гамма-глутамилтрансфераза деңгейінің жоғарылауы

- қандағы аланинаминотрансфераза деңгейінің жоғарылауы

- тері бөртпесі

- гематурия

- патологиялық қынаптық қан кетулер, урогенитальді қан кетулер

- көгеру

Жиі емес

- аса жоғары сезімталдық реакциялары, аллергиялық ісіну және анафилаксия

- терінің қышынуы

- көзішілік қан құйылу (конъюнктивалық қан құйылуды қоса алғанда)

- гипотензия (емшараны орындау кезінде гипотензияны қоса алғанда)

- қан қақыру

- геморроидальді қан кету

- қан аралас нәжіс

- бауыр функциясының биохимиялық көрсеткіштері қалпынан ауытқу, аспартатаминотрансфераза белсенділігінің жоғарылауы, қандағы сілтілік фосфатаза деңгейінің жоғарылауы, қандағы билирубин деңгейінің жоғарылауы

- алопеция

- бұлшықеттен қан кету

- қолдану орнынан қан кету

- жасырын қан кетуге оң сынама

- емшарадан кейінгі қан кетулер (оның ішінде емшараны орындағаннан кейін гематома, жарадан қан кету, қантамыр тесілген жеріндегі гематома және катетер орнатылған жерден қан кету), жарадан шығатын бөліністер, кескен жерден қан кету (кескен жердегі гематоманы қоса алғанда), интраоперациялық қан кету

- жарақаттық қан кету

Сирек

- миға қан құйылу

- тыныс алу жолдарынан қан кету

Белгісіз

- құрсақішілік қан кету

- ішперде сыртына қан құйылу

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік заттың құрамы

Бір таблетканың құрамында

белсенді заттар: апиксабан 2.5 мг немесе 5 мг,

қосымша заттар: сусыз лактоза, микрокристалды целлюлоза, натрий кроскармеллозасы, натрий лаурилсульфаты, магний стеараты

қабықтың құрамы:

2.5 мг дозалау үшін - Опадрай II 32К520161 Сары (гидроксипропилцеллюлоза 2910/гипромеллоза, лактоза моногидраты, титанның қостотығы (Е 171), темірдің сары тотығы (Е 172), триацетин);

5 мг дозалау үшін - Опадрай II 32К540097 Қызғылт (гидроксипропилцеллюлоза 2910/гипромеллоза, лактоза моногидраты, титанның қостотығы (Е 171), триацетин, темірдің қызыл тотығы (Е 172)).

Сыртқы түрінің, иісінің, дәмінің сипаттамасы

Дөңгелек пішінді, сары түсті қабықпен қапталған, бір жағында «2.5» және екінші жағында «А» таңбалануы бар таблеткалар (2.5 мг дозалау үшін).

Дөңгелек пішінді, қызғылт түсті қабықпен қапталған, бір жағында «5» және екінші жағында «А» таңбалануы бар таблеткалар (5 мг дозалау үшін).

Шығарылу түрі және қаптамасы

60 таблеткадан тығыздығы жоғары және алғашқы ашылуы бақыланатын қақпағы бар құтыда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

4 жыл

Жарамдылық мерзімі өткеннен кейін қолдануға болмайды!

Сақтау шарттары

30ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Natco Pharma Limited,

Pharma Divisions

Kothur, Ranga Reddy District,

Телангана – 5099228, Үндістан.

Тел: +91-0854-2227600

Факс: +91-8548-257290

Тіркеу куәлігінің ұстаушысы

«APC Healthcare Limited» компаниясының өкілдігі,

050040, Қазақстан Республикасы, Алматы қ., Попов к-сі, 19, 301 кеңсе

Тел: 8 (727) 260-84-33

факс: 8 (727) 386-82-25

Электронды пошта: apchealthcare@mail.ru

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электрондық пошта):

«APC Healthcare Limited» компаниясының өкілдігі,

050040, Қазақстан Республикасы, Алматы қ., Попов к-сі, 19, 301 кеңсе

Тел: 8 (727) 260-84-33

факс: 8 (727) 386-82-25

Электронды пошта: apchealthcare@mail.ru