Анидулафунгин (Анидулафунгин)

Анидулафунгин

Анидулафунгин

Дәрілік түрі, дозасы

Инфузияға арналған ерітінді дайындау үшін концентрат дайындауға арналған лиофилизат, 100 мг.

Жүйелі пайдалануға арналған инфекцияға қарсы препараттар. Жүйелі қолданылатын зеңге қарсы препараттар. Жүйелі пайдалануға арналған зеңге қарсы препараттар басқалары. Анидулафунгин.

АТХ коды: JO2AX06.

- ересек пациенттерде және 1 айдан < 18 жасқа дейінгі балалар жасындағы пациенттерде инвазивтік кандидозды емдеу.

Қолдану басталғанға дейін қажетті мәліметтер тізбесі

• анидулафунгинге немесе препараттың кез келген басқа компоненттеріне жоғары сезімталдық;

• эхинокандидтер класының басқа препараттарына (мысалы, каспофунгинге) жоғары сезімталдық.

Қолдану кезінде қажетті сақтық шаралары

Терапия басталғанға дейін аурудың қоздырғышын бөліп алу және сәйкестендіру үшін егуге және басқа зертханалық зерттеулерге (гистологиялық зерттеуді қоса) материал алу керек. Емдеуді зертханалық зерттеулердің нәтижелерін алғанға дейін бастауға болады. Алайда, осы нәтижелерді алғаннан кейін зеңге қарсы емді түзету қажет.

Бауыр функциясы бұзылуының зертханалық белгілері дені сау адамдарда және анидулафунгин қабылдаған пациенттерде байқалды. Бауыр функциясының елеулі бұзылулары анидулафунгинмен қатар басқа препараттармен бірге ем қабылдған ауыр аурулары бар пациенттерде байқалды. Бауырдың ауыр жеткіліксіздігі, гепатит немесе бауыр жеткіліксіздігі өршуінің жекелеген жағдайлары сипатталған, бірақ бұл бұзылулардың анидулафунгинді қабылдаумен байланысы анықталған жоқ. Анидулафунгинмен емдеу кезеңінде бауыр жеткіліксіздігі дамыған пациенттер мұқият бақылауда болуы тиіс және анидулафунгинмен емдеуді жалғастыру туралы шешім қауіп-пайда арақатынасын бағалағаннан кейін қабылдануы тиіс.

Басқа дәрілік препараттармен өзара әрекеттесуі

In vitro және in vivo клиникаға дейінгі зерттеулер, сондай-ақ клиникалық зерттеулер анидулафунгин Р 450 цитохромы изоферменттерінің клиникалық маңызды субстраты, индукторы немесе тежегіші болып табылмайтындығын көрсетті. Дәрілік өзара әрекеттесуді зерттеу тек ересек пациенттерде жүргізілді. Анидулафунгин бүйрек клиренсінің (< 1 %) шамалы мөлшерін көрсетті. Аралас терапия кезінде басқа дәрілік заттармен өзара әрекеттесу ықтималдығы аз.

In vitro зерттеулер анидулафунгин адамның Р 450 цитохромымен немесе адамның оқшауланған гепатоциттерімен метаболизденбейтінін және клиникалық маңызды концентрацияларда анидулафунгин адамның Р 450 цитохромы изоферменттерінің (CYP1A2, CYP2D6, CYP2C9, CYP2C19, CYP2D6, CYP3A) белсенділігін елеусіз ғана тежейтінін көрсетті.

Анидулафунгинмен бірге қолданған кезде мынадай дәрілік заттармен ешқандай клиникалық маңызы бар дәрілік өзара әрекеттесулер байқалмаған

Циклоспорин (CYP3A4 цитохромы изоферментінің субстраты)

Дені сау еріктілерге анидулафунгинді тәулігіне 200 мг/тәул қаныққан дозадан кейін 100 мг/тәул дозада немесе тәулігіне 2 рет 1,25 мг/кг дозада циклоспоринмен біріктіріп енгізген кезде циклоспорин тек Сmax анидулафунгинмен тепе-теңдікке болмашы ғана әсер етті, алайда AUC бұл ретте 22%-ға өсті. In vitro зерттеуі анидулафунгин циклоспориннің метаболизміне әсер етпейтінін көрсетті. Байқалған жағымсыз құбылыстар тек анидулафунгин зерделенген басқа зерттеулерде сипатталғанмен сәйкес келді. Бірге қолданғанда бірде-бір препарат үшін дозаны түзету талап етілмейді.

Вориконазол (СҮР2С19, CYP2C9, CYP3A4 цитохром изоферменті тежегіші және субстраты)

Зерттеуде дені сау еріктілер күніне 200 мг/тәул қанықтыратын дозадан кейін тәулігіне 100 мг дозада анидулафунгинді; тек вориконазолды 200 мг тәулігіне 2 рет бірінші тәулікте 2 рет 400 мг қанықтыратын дозадан кейін пероральді; содан кейін екі препаратты да алған. Бұл ретте препараттарды бірге қолданған кезде тепе-тең Сmax және AUC шамалы өзгерген. Бірге қолданған кезде препараттардың ешқайсысы үшін дозаны түзету талап етілмейді.

Такролимус (CYP3A4 цитохромы изоферментінің субстраты)

Зерттеуде дені сау еріктілер такролимусты 5 мг дозада бір рет пероральді қабылдады, содан кейін 200 мг екпінді дозасынан кейін тәулігіне 100 мг дозада анидулафунгинді; содан кейін екі препаратты да алды. Препараттарды бірге қолданған кезде анидулафунгин және такролимустың тепе-тең Сmax және AUC шамалы өзгерді. Бірге қолданған кезде препараттардың ешқайсысы үшін дозаны түзету талап етілмейді.

Липосомалық амфотерицин В

Анидулафунгиннің фармакокинетикасын тәулігіне 100 мг дозада анидулафунгин қабылдаған, сондай-ақ тәулігіне 5 мг/кг дейінгі дозада липосомалық амфотерицин енгізген пациенттерде зерттеген. Популяциялық фармакокинетикалық талдау липосомалық амфотерицинді біріктірілген қабылдау анидулафунгиннің фармакокинетикасына болмашы әсер еткенін көрсетті. Анидулафунгин дозасын түзету қажет емес.

Рифампицин (қуатты цитохромды индуктор Р 450)

Анидулафунгин фармакокинетикасын тәулігіне 50 мг немесе тәулігіне 75 мг дозада анидулафунгин қабылдаған, сондай-ақ рифампицинді тәулігіне 600 мг дейінгі дозада енгізген пациенттерде зерттеді. Рифампицинді біріктіріп қабылдау анидулафунгиннің фармакокинетикасына болмашы әсер еткен. Анидулафунгин дозасын түзету қажет емес.

Арнайы ескертулер

Нейтропениясы бар пациенттерде анидулафунгинді қолдану туралы деректер шектеулі.

Егер инфузия жылдамдығы 1,1 мг/мин аспаса, Анидулафунгин препаратының инфузиясымен байланысты жағымсыз құбылыстар сирек туындайды.

Кез келген анафилаксиялық реакциялар дамыған кезде анидулафунгинмен емдеуді тоқтатып, тиісті ем тағайындау керек.

Анидулафунгин препаратының ерітіндісін инфузияға арналған 0,9% натрий хлориді ерітіндісін (9 мг/мл) немесе инфузияға арналған 5% декстроза ерітіндісін (50 мг/мл) қоспағанда, басқа препараттармен немесе электролиттермен бірге араластыруға немесе енгізуге болмайды.

Жүктілік немесе лактация кезінде

Эксперименттік зерттеулерде анидулафунгиннің репродуктивті уыттылығы анықталған жоқ. Адам үшін мүмкін болатын қауіп белгісіз. Жүкті әйелдерде анидулафунгиннің қауіпсіздігі туралы бақыланатын зерттеу деректері жоқ. Сондықтан жүктілік кезінде анидулафунгинді, егер ана үшін күтілетін пайдасы шаранаға төнетін ықтимал қауіптен асып кетсе ғана, қолданған жөн.

Эксперименттік модельдерде анидулафунгин сүтпен бөлінетіні көрсетілген. Анидулафунгин әйелдерде емшек сүтімен бөлінетін-бөлінбейтіні белгісіз. Анидулафунгинмен емді жалғастыру/тоқтату туралы шешімді бала үшін емшек емізудің пайдасы мен ана үшін анидулафунгинмен емнің пайдасын ескере отырып, қабылдау керек.

Анидулафунгин препаратының құрамында фруктоза бар 100 мг/30 мл

Егер сіздің емдеуші дәрігеріңіз кейбір қанттарға төзбеушілік бар екенін хабарлаған болса, осы препаратты қолданар алдында дәрігерге қаралыңыз.

Егер Сізде (немесе Сіздің балаңызда) фруктозаға тұқым қуалайтын төзбеушілік (ФТТ), сирек кездесетін генетикалық ауру болса, Сізге (немесе Сіздің балаңызға) бұл дәріні қабылдауға болмайды. ФТТ бар пациенттер бұл препаратта фруктозаны ыдырата алмайды, бұл елеулі жанама әсерлерді тудыруы мүмкін.

Бұл дәрі-дәрмекті қабылдамас бұрын, егер сізде (немесе сіздің балаңызда) ФТТ болса немесе Сіздің балаңыз жүрек айну, құсу немесе іштің кебуі, асқазан спазмы немесе диарея сияқты жағымсыз әсерлерге байланысты тәтті тамақ немесе сусын іше алмаса, емдеуші дәрігеріңізге хабарлауыңыз керек.

Анидулафунгин препаратының құрамында натрий бар

Бұл препараттың бір құтысында 1 ммольден аз натрий (23 мг) бар, яғни іс жүзінде «құрамында натрий жоқ».

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Анидулафунгиннің автокөлік жүргізу және механизмдерді басқару қабілетіне әсері туралы деректер жоқ. Неврологиялық бұзылулардың даму қаупіне (бас айналу, құрысулар, көру қабілетінің бұзылуы) байланысты Анидулафунгин препаратын көлік жүргізетін және жоғары зейін қою мен жылдам қимылдау реакциясын талап ететін қызмет түрлерімен айналысатын адамдарға сақтықпен тағайындау керек.

Қолдану бойынша ұсынымдар

Дозалау режимі

Инвазивті кандидоз, соның ішінде кандидемия

Бірінші тәулікте Анидулафунгин препаратын 200 мг дозада бір рет, одан әрі тәулігіне 100 мг дозада енгізеді. Емдеу ұзақтығы пациенттің клиникалық жауабына байланысты. Зеңге қарсы емді инфекция симптомдары жоғалғаннан және қоздырғыштың эрадикациясынан кейін кемінде 14 күн жалғастыру керек.

Өңеш кандидозы

Бірінші тәулікте Анидулафунгин препаратын 100 мг дозада бір рет, одан әрі тәулігіне 50 мг дозада енгізеді. Емдеу ұзақтығы пациенттің клиникалық жауабына байланысты. Зеңге қарсы емді инфекция симптомдары жоғалғаннан кейін кемінде 14 күн және кемінде 7 күн жалғастыру керек. АИТВ-инфекциясы бар пациенттерде өңеш кандидозының қайталану қаупі кезінде Анидулафунгин препаратымен емдеу курсынан кейін рецидивке қарсы зеңге қарсы ем қажеттілігін анықтау керек.

Пациенттердің ерекше топтары

Бауыр функциясы бұзылған пациенттер

Бауыр жеткіліксіздігінің жеңіл, орташа және ауыр дәрежесі бар (Чайлд-Пью жіктемесі бойынша А, В және С класы) пациенттерде Анидулафунгин препаратының дозасын түзету талап етілмейді.

Бауыр функциясы бұзылған пациенттер

Гемодиализ алатын пациенттерді қоса, бүйрек жеткіліксіздігінің кез келген дәрежесі бар пациенттерде Анидулафунгин препаратының дозасын түзету талап етілмейді.

Препарат гемодиализ жүргізу уақытына қарамастан қолданылуы мүмкін.

Жасы

Ересек пациенттерде олардың жасына, жынысына, салмағына, нәсіліне және АИТВ-инфекциясының болуына байланысты Анидулафунгин препаратының дозасын түзету талап етілмейді.

Анидулафунгин препаратын балаларда қолдану тәжірибесі шектеулі. Қолданудың ықтимал пайдасы болуы мүмкін қауіптен асатын жағдайларды қоспағанда, 18 жасқа дейінгі балаларда қолдану ұсынылмайды.

Енгізу әдісі мен жолы

Анидулафунгин препаратын вена ішіне енгізеді.

Инфузия жылдамдығы 1,1 мг/мин аспауы тиіс, бұл 100 мг дозалау үшін 1,4 мл/мин баламалы.

Инфузияның ең аз ұзақтығы-90 мин.

Анидулафунгин препараты бір рет қолдануға арналған құтыда шығарылады.

Анидулафунгин препаратын инъекцияға арналған сумен қалпына келтіру керек, содан кейін инфузияға арналған 0,9% натрий хлориді ерітіндісімен немесе инфузиядан кейін ғана 5% декстроза ерітіндісімен сұйылту керек.

Қалпына келтіру

Асептикалық жағдайларда құтыға инъекцияға арналған 30 мл су қосылады және құрамында шамамен 3,33 мг/мл концентрациядағы анидулафунгин бар ерітінді алынады. Қалпына келтіруге шамамен 5 минут кетуі мүмкін.

Қалпына келтірілген ерітіндіні 25 ОС температурада 24 сағат бойы сақтауға болады. Көрінетін бөлшектер және/немесе боялуы көрінуі анықталған кезде ерітіндіні жою керек.

Сұйылту және инфузия

Асептикалық жағдайларда қалпына келтірілген ерітінді құрамында инфузияға арналған 0,9% натрий хлориді ерітіндісі немесе анидулафунгиннің қажетті концентрациясына қол жеткізу үшін инфузияға арналған 5% декстроза ерітіндісі бар құтыдан инфузиялық пакетке (немесе құтыға) ауыстырылады. Төмендегі кестеде ерітінді мен еріткіштің қажетті көлемі, сондай-ақ инфузия жылдамдығы және инфузияның ең аз ұзақтығы көрсетілген.

Инфузияға арналған дайын ерітіндіні 25 О С температурада сақтау және 48 сағат бойы пайдалану керек.

Инфузия үшін ерітінді дайындау

* Инфузияға арналған 0,9% натрий хлориді ерітіндісі немесе инфузияға арналған 5% декстроза ерітіндісі

** инфузия үшін ерітінді концентрациясы шамамен 0,77 мг/мл құрайды

Артық дозалану жағдайында қабылдануы қажет шаралар

Анидулафунгиннің артық дозалануында симптоматикалық ем қолдану қажет. Анидулафунгинді қанықтыру дозасы ретінде 400 мг дозада кездейсоқ бір реттік енгізу кезінде клиникалық маңызды жағымсыз құбылыстар байқалған жоқ

Анидулафунгинді дені сау еріктілерге 260 мг қаныққан дозада енгізген кезде, кейіннен тәулігіне 130 мг дозада препарат жағымдылығы жақсы болды. Дозаға тәуелді уыттылық анықталған жоқ. Бірнеше субъектіде трансаминазалар деңгейінің өткінші симптомсыз жоғарылауы (нормадан 3 есе артуынан аздау) байқалды.

Анидулафунгин гемодиализ кезінде шығарылмайды.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Анидулафунгин препараттарын қолдану кезінде байқалған жағымсыз құбылыстар әлсіз немесе орташа болды және препаратты тоқтатуға сирек әкелді.

Препараттың инфузиясымен байланысты жағымсыз құбылыстарға бөртпе, есекжем, «ысынулар», қышыну, ентігу, бронх түйілуі және артериялық гипотензия кірді.

Препаратты қолданумен байланысты төменде аталған жағымсыз құбылыстар жиілікке сәйкес жіктелген: жиі (≥1/100, ≤ 1/10), жиі емес (≥1/1000, ≤ 1/100), жиілігі белгісіз.

Инфекциялар

Сирек: фунгемия, Clostridium difficile-мен астасқан колит, кандидоз, ауыз қуысының кандидозы.

Метаболизмнің бұзылуы

Жиі: гиперкалиемия, гипокалиемия, гипомагнемия.

Жиі емес: гипергликемия, гиперкальциемия, гипернатриемия.

Жүрек-қантамыр жүйесі тарапынан

Жиі: бет терісіне «қан тебуі»

Жиі емес: жүрекшелік фибрилляция, синустық аритмия, қарыншалық экстрасистолия, Гис шоғыры оң тармағының блокадасы, тромбоз, артериялық гипертензия, ыстықты сезіну.

Асқазан-ішек жолы тарапынан

Жиі: диарея, билирубин концентрациясының жоғарылауы, гамма-глутамилтрансфераза, сілтілі фосфатаза, аспартатаминотрансфераза, аланинаминотранфераза белсенділігінің жоғарылауы.

Жиі емес: іш жоғарғы бөлігінің ауыруы, құсу, еріксіз дефекация, жүрек айну, іш қату, холестаз.

Қан түзу жүйесі мен лимфа жүйесі тарапынан

Жиі: құрысулар, бас ауыруы.

Тірек-қимыл жүйесі тарапынан

Сирек: арқадағы ауырсыну.

Тері және тері асты тіндері тарапынан бұзылулар

Жиі: бөртпе, қышыну.

Сирек: уртикария, жайылған қышыну.

Көру ағзасы тарапынан

Сирек: көздің ауыруы, көру қабілетінің бұзылуы, бұлыңғыр көру.

Тыныс алу жүйесі тарапынан

Жиілігі белгісіз: бронх түйілуі.

Иммундық жүйе тарапынан

Жиілігі белгісіз: анафилаксиялық шок, анафилаксиялық реакциялар.

Жалпы және жергілікті реакциялар

Сирек: инъекция орнындағы ауырсыну.

Зертханалық көрсеткіштер

Жиі: тромбоциттер санының төмендеуі, қан сарысуындағы креатинин концентрациясының жоғарылауы, ЭКГ-да QT аралығының ұзаруы.

Сирек: қан сарысуындағы магний концентрациясының төмендеуі, тромбоциттер санының жоғарылауы, қан сарысуындағы мочевина концентрациясының жоғарылауы, қан сарысуындағы амилаза, липаза белсенділігінің жоғарылауы, ЭКГ өзгерістері.

Ғылыми әдебиеттерде келесі жағымсыз құбылыстар сипатталған (сирек, ≥1/1000, ≤ 1/100): нейтропения, лейкопения, анемия, гиперурикемия, гиперкальциемия, гипонатриемия, гипоальбуминемия, гипофосфатемия, қозу, делирий, сананың шатасуы, есту елестері, бас айналу, парестезия, варолий көпірі орталық бөлімдерінің демиелизациясы, дәмнің өзгеруі, Гийен–Барре синдромы, тремор, көру қабілетінің бұзылуы, бір құлақтағы кереңдік, флебит, беткейлік ромбофлебит, артериялық гипотензия, лимфангит, диспепсия, ауыздың құрғауы, өңеш ойық жаралары, бауыр некрозы, ангионевроздық ісіну, гипергидроз, миалгия, моноартрит, бүйрек жеткіліксіздігі, гематурия, гипертермия, қалтырау, шеткері ісінулер, енгізу орнындағы реакциялар, қан сарысуындағы креатинфосфокиназа белсенділігінің жоғарылауы, қан айналымындағы лактатдегидрогиназа белсенділігінің жоғарылауы, лимфоциттер санының төмендеуі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz.

Қосымша мәліметтер

Дәрілік препараттың құрамы

30 мл препарат құрамында

белсенді зат – анидулафунгин, 100,0 мг,

қосымша заттар – фруктоза, маннитол, полисорбат 80, (S)-сүт қышқылы, хлорсутек қышқылы, натрий гидроксиді.

* Пациенттің препараттың қаптамасында мәлімделген дозасын қабылдауын қамтамасыз ету мақсатында құтыда әсер етуші және қосымша заттар номиналды мөлшерден 2,5% артық болады.

Сыртқы түрінің, иісінің, дәмінің сипаттамасы

Ақ немесе ақ дерлік лиофилизацияланған масса немесе ұнтақ.

Шығарылу түрі және қаптамасы

Препарат фторполимерлі жабыны бар тығындармен тығындалған, «флип-офф» типті пластикалық қақпақтары бар алюминий қалпақшалармен қаусырылған, сыйымдылығы 30 мл І типті түссіз шыныдан жасалған құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшада.

3 жыл.

Жарамдылық мерзімі өткеннен кейін пайдалануға болмайды.

2°-ден 8 °С-ге дейінгі температурада сақтау керек.

Препарат 96 сағат бойы 25 °C температурада сақтауға, содан кейін оны қайтадан тоңазытқышқа салуға болады.

Қаптаманы алғаш ашқаннан кейінгі жарамдылық мерзімі

Қалпына келтірілген ерітіндіні 25 ºС аспайтын температурада 24 сағаттан асырмай сақтайды.

Инфузияға арналған ерітіндіні 25 ºС-ден аспайтын температурада 48 сағаттан асырмай немесе мұздатып қатырғанда 72 сағаттан асырмай сақтайды. Ерітінді ерігеннен кейін және бөлме температурасында (25 °C) тұрақтанғаннан кейін 48 сағат ішінде қолданылады.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Фармидея» ЖШҚ, Латвия

Олайне қ., LV-2114, Рупницу к-сі, 4.

Тел.: +371 67069889;

электронды пошта: pharmidea@pharmidea.lv

Тіркеу куәлігінің ұстаушысы

«Мир-Фарм» ЖШҚ, Ресей

249036, Обнинск қ., Калуга обл., Королев к-сі, 4 үй

Тел./Факс: (495) 984-28-40 / 41

электронды пошта: info@mirpharm.ru

Қазақстан Республикасының аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Кузнецов В.В.» ЖК

A05K1X0, Қазақстан Республикасы, Алматы қ., Шәріпов көш., 17 үй, 20 пәтер,

тел.+7 727 238 94 27, моб.тел.+7 776 004 79 67

электронды пошта: phmd.kz@gmail.com