Амфонекс

Амфонекс

Амфотерицин В

Дәрілік түрі, дозасы

Вена ішіне енгізу үшін ерітінді дайындауға арналған лиофилизат (липидті кешен), 50 мг

Жүйелі пайдалануға арналған инфекцияға қарсы препараттар. Жүйелі қолдануға арналған зеңге қарсы препараттар. Антибиотиктер. Амфотерицин В.

АТХ коды J02AA01

- диссеминацияланған кандидоз, мукормикоз, аспергиллез, криптококкоз, гистоплазмоз сияқты амфотерицин В-ға сезімтал организмдерден туындаған жүйелі микоздық инфекцияларда

- нейтропениямен ауыратын пациенттерде қызбасы кең ауқымды антибиотиктермен емделмейтін, ал тиісті зерттеулер аурудың себебін бактериялық немесе вирустық деп анықтауға мүмкіндік бермейтін шығу тегі белгісіз қызбада

- ересектер мен балаларды қоса алғанда, иммунокомпетентті пациенттердегі висцеральді лейшманиозда

Амфонекс теріге жасалған немесе серологиялық тесттер тек оң нәтиже көрсететін зеңдік ауруларының клиникалық айқын емес кең таралған түрлерін емдеу үшін қолданылмауы керек.

Қолдануды бастағанға дейін қажетті мәліметтер тізбесі

- амфотерицин В немесе оның кез келген компоненттеріне жоғары сезімталдық, немесе, егер дәрігердің пікірі бойынша, препаратты қолданудың артықшылығы аса жоғары сезімталдық қаупінен асып түспесе

- арахиске немесе сояға аллергиялық реакциялар

- 1 айға дейінгі балалар

- тұқым қуалайтын фруктоза көтере алмаушылығы, глюкоза-галактоза мальабсорбциясы, сахараза-изомальтаза ферментінің тапшылығы бар адамдар

Қолдану кезіндегі қажетті сақтық шаралары

Анафилаксиялық реакциялар

Липосомалық амфотерицин В вена ішіне енгізу кезінде анафилаксиялық реакциялар туралы хабарланды. Идиосинкразиялық анафилаксиялық реакциялардың даму мүмкіндігін бағалау және осы реакциялар дамыған жағдайда енгізілетін дозаны мейлінше азайту үшін препараттың тестілік дозасын бастапқы енгізу ұсынылады. Амфотерицин В барлық өнімдерін қолдануға келетін болсақ, Амфонекс енгізген кезде анафилактоидты реакциялардың пайда болуына байланысты жүрек қызметі мен тыныс алуды қалпына келтіруге арналған дәрілер оңай қол жетімді болуы керек. Аллергиялық реакциялар Амфонекс препаратын, сондай-ақ құрамында амфотерицин В бар кез-келген басқа өнімдерді де енгізу кезінде пайда болуы мүмкін. Ауыр анафилаксиялық/ анафилактоидты реакция туындаған жағдайда инфузияны дереу тоқтату керек және пациент препараттың одан әрі инфузиясын жалғастырмауы керек.

Инфузиямен байланысты реакциялар

Инфузия кезіндегі реакциялар әдетте ауыр болмаса да, сақтық шаралары ретінде мұндай реакциялардың алдын-алу немесе қайтару әрдайым қарастырылуы тиіс. Инфузияның анағұрлым төмен жылдамдығы, инфузиялық қоспаны сұйылту, дифенгидрамин, парацетамол, петидин және/немесе гидрокортизон сияқты препараттарды енгізу инфузияға байланысты реакциялардың алдын алуда немесе емдеуде табысты болып табылатыны хабарланды.

Диабетпен ауыратын пациенттерді емдеу кезінде

Әрбір Амфонекс құтысының ішінде 900 мг сахароза бар. Қант диабетіне шалдыққан пациенттерге Амфонексті құтыдағы препараттың құрамындағы қант мөлшерін есептеген соң ғана тағайындау қажет.

Бүйрек уыттылығы

Липосомалық амфотерицин В амфотерицин В стандартты дәрілік түріне қарағанда аз уытты екендігі дәлелденді, әсіресе нефроуыттылық көрінісі кезінде; дегенмен, жағымсыз дәрілік реакциялар, оның ішінде бүйрек тарапынан да пайда болуы мүмкін.

Амфонекс препаратын тәулігіне 3 мг/кг дозада және одан жоғары дозаларда (тәулігіне 5, 6 немесе 10 мг/кг) салыстырмалы зерттеу нәтижелері сарысу креатининінің жоғарылау жиілігі, гипокалиемия және гипомагниемия жоғары дозаларды қолдану аясында айтарлықтай жоғары болғанын көрсетті.

Қан сарысуындағы электролиттердің құрамына, әсіресе калий мен магнийге, сондай-ақ бүйрек, бауыр және қан түзу функцияларына жүйелі түрде зертханалық бағалау жүргізу керек. Бұл әсіресе қатарлас нефроуытты дәрілік заттарды алатын пациенттер үшін өте маңызды. Амфонекс препаратымен емдеу кезінде гипокалиемия қаупінің жоғарылауына байланысты организмдегі калий мөлшерін тиісті толықтыру қажет болуы мүмкін. Бүйрек функциясының клиникалық тұрғыдан елеулі төмендеуі немесе басқа параметрлердің нашарлауы жағдайында дозаны төмендету, Амфонекс препаратымен емдеуді уақытша тоқтату немесе тоқтату мүмкіндігін қарастыру керек.

Белгілі нефроуытты препараттармен кез келген қатар жүретін ем дозаны төмендеткенге немесе емді тоқтатқанға дейін назарға алынуы тиіс.

Өкпе уыттылығы

Лейкоциттік массаны құю кезінде немесе одан кейін амфотерицин В (натрий дезоксихолаты кешені түрінде) алатын пациенттерде жедел өкпе уыттылығы фактілері туралы мәліметтер бар. Бұл жағдайда инфузиялар арасындағы аралықты анағұрлым ұзақ кезеңге ұлғайту және өкпе функциясын бақылау ұсынылады.

Гемодиализ алатын пациенттер

Гемодиализ немесе сүзілу емшарасын жүргізу талап етілетін пациенттерді емдеу кезінде Амфонекс препаратының дозасын өзгерту талап етілмейді, дегенмен, емшара кезінде оны енгізуден аулақ болу керек.

Басқа дәрілік препараттармен өзара әрекеттесуі

Амфонекс препаратын енгізгеннен кейін фармакокинетикалық өзара әрекеттесуді зерттеу туралы нақты деректер жоқ. Алайда, кейбір препараттар амфотерицин В-мен әрекеттесетіні белгілі.

Нефроуытты препараттар

Амфонекс препаратын басқа нефроуытты препараттармен (мысалы, циклоспорин, аминогликозидтер және пентамидин) бір мезгілде қолдану кейбір пациенттерде дәрілік нефроуыттылықтың біліну қаупін арттыруы мүмкін.

Амфонекс препаратын басқа нефроуытты дәрілік заттармен бір мезгілде қабылдайтын пациенттерде бүйрек функциясын тұрақты бақылау ұсынылады.

Кортикостероидтар, кортикотропин (АКТГ) және диуретиктер

Кортикостероидтарды, АКТГ және диуретиктерді (ілгекті және тиазидті) бір мезгілде қолдану гипокалиемияның айқындылығын күшейтуі мүмкін.

Оймақгүл гликозидтері

Амфонекс препаратымен индукцияланған гипокалиемия оймақгүл уыттылығын арттыруы мүмкін.

Миорелаксанттар

Амфонекс препаратымен индукцияланған гипокалиемия миорелаксанттардың (мысалы, тубокурариннің) кураре тәрізді әсерін күшейтуі мүмкін.

Зеңге қарсы препараттар

Флуцитозинмен бір мезгілде қолдану флуцитозиннің уыттылығын оның жасушалармен қармалуын ықтимал күшейту және/немесе оның бүйрек арқылы экскрециясын бұзу жолымен арттыруы мүмкін.

Ісікке қарсы препараттар

Ісікке қарсы препараттарды бір мезгілде қолдану бүйректің нефроуытты көрінісі, бронх түйілуі мен гипотензияның даму қаупін арттыруы мүмкін. Ісікке қарсы препараттарды қатар қолдану сақтықты сақтауды талап етеді.

Лейкоциттерді құю

Жедел өкпе уыттылығы жағдайлары лейкоциттік массаны құю кезінде немесе одан кейін амфотерицин В (натрий дезоксихолаты кешені түрінде) алған пациенттерде сипатталған. Амфонекс препаратын енгізу мен лейкоциттік массаны құю арасындағы ұзақтығы бойынша барынша мүмкін болатын аралықты сақтау, сондай-ақ өкпе функциясын бақылау ұсынылады.

Арнайы ескертулер

Жүктілік

Жүкті немесе бала емізетін әйелдерде препаратты қолдану қауіпсіздігі Амфонекс препараты үшін анықталмаған. Әдетте амфотерицин В жүкті әйелдерде жүйелі зеңдік инфекциясын шарана үшін ешқандай айқын салдарсыз емдеу үшін сәтті қолданылады, тек аз ғана жағдайлар туралы хабарланады.

Бала емізу

Амфонекс препаратының емшек сүтіне енетіні белгісіз. Амфонекс препаратын қолдану кезінде бала емізу туралы шешімді бала үшін ықтимал қауіпті, сондай-ақ бала үшін емізудің артықшылықтарын және ана үшін Амфонекс препаратымен емдеудің артықшылықтарын ескере отырып, қабылдау керек.

Демек, Амфонекс жүкті немесе бала емізетін әйелдерге өмірге қауіп төндіретін ауру болған жағдайда, болуы мүмкін пайдасы ана мен шарана үшін қауіптен асып кетсе ғана тағайындалуы керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амфонекс адамның көлік жүргізу немесе механизмдермен жұмыс істеу қабілетіне әсер етуі екіталай, өйткені жағымсыз реакциялар әдетте инфузиямен байланысты. Дегенмен, Амфонекс препаратын енгізуді талап ететін пациенттердің клиникалық жай-күйі және кейбір жағымсыз реакциялар әдетте жүргізу немесе механизмдермен жұмыс істеу мүмкіндігін жоққа шығарады.

Қолдану бойынша ұсынымдар

Дозалау режимі

Амфонекс түріндегі амфотерицин В дозалануын әр пациенттің жеке қажеттіліктеріне қарай бейімдеу керек.

Жүйелік микоздық инфекцияны емдеу үшін

Емді тәуліктік дозада кг дене салмағына 1 мг тағайындайды. Дозаны біртіндеп 3 мг/кг-ға дейін арттырады. Әдетте ұсынылатын кумулятивтік дозаны 3-4 аптаның ішінде липосомалық амфотерицин В түрінде 1-ден 3 г-ға дейін амфотерицин В құрайды.

Мукормикоз

Емдеу күн сайын енгізілетін 5 мг/кг дозадан басталады. Емдеу ұзақтығы анағұрлым жоғарылау дозалар пайда-қауіп арақатынасын бағалауды ескере отырып, жеке айқындалуы тиіс.

Нейтропениясы бар пациенттерде шығу тегі белгісіз қызбаны емдеу үшін

Нейтропениясы бар пациенттерде шығу тегі белгісіз қызбаны емдеу үшін емді күніне 1 мг/кг дозадан бастаған жөн, қажет болған жағдайда дозаны күніне 3 мг/кг дейін арттыруға болады.

Висцеральді лейшманиозды емдеу үшін

10-21 күн ішінде кг дене салмағына 21-ден 30 мг/кг-ға дейінгі жалпы дозасы ұсынылады. Висцеральді лейшманиозды емдеу кезінде препараттың дозасы 21 күн ішінде тәулігіне 1,0-1,5 мг/кг құрайды. Балама ретінде 10 күн ішінде күніне 3 мг/кг ұсынылады.

Иммунитеті әлсіреген пациенттер үшін 21 күн ішінде күніне 1-ден 1,5 мг/кг-ға дейінгі доза ұсынылады. Қайталану қаупіне байланысты демеуші немесе реиндукциялық ем ұсынылады.

Препаратты дайындау жөніндегі нұсқаулық

Амфонекс препаратымен жұмыс істеген кезде асептикалық жағдайларды қатаң сақтау керек, өйткені өнімде консерванттар немесе бактериостатикалық агенттер жоқ. Амфонекс құтылары бір рет пайдалануға арналған. Қалпына келтірілгеннен кейін кез келген пайдаланылмаған материал утилизациялануы керек.

ИНЪЕКЦИЯҒА АРНАЛҒАН НАТРИЙ ХЛОРИДІНІҢ ЕРІТІНДІСІМЕН (ФИЗИОЛОГИЯЛЫҚ ЕРІТІНДІ) СҰЙЫЛТУҒА НЕМЕСЕ БАСҚА ПРЕПАРАТТАРМЕН НЕМЕСЕ ЭЛЕКТРОЛИТТЕРМЕН ҚОСПА ЖАСАУҒА БОЛМАЙДЫ. ТЕСІГІНІҢ КӨЛЕМІ 1 МИКРОННАН АЗ СҮЗГІНІ ПАЙДАЛАНБАҢЫЗ.

Қалпына келтірілген өнімнің, сондай-ақ сұйылтылған инфузиялық қоспаның физикалық және химиялық тұрақтылығы 25 °С-ден төмен температурада сақтау кезінде 48 сағатқа дейін сақталады. Алайда, липосомалық амфотерицин В инфузиялық қоспасын сұйылтқаннан кейін бірден қолдану ұсынылады, өйткені Амфонексте консерванттар жоқ.

Амфонекс препаратының әрбір құтысын инъекцияға арналған 12 мл сумен сұйылтады және құтыны біртекті жартылай мөлдір сары түсті ерітінді алынғанға дейін қатты шайқайды. Мұндай сұйылтылған ерітіндідегі амфотерицин В мөлшері шамамен 4 мг/мл құрайды. Құтыдан қалпына келтірілген өнімнің қажетті көлемін (4 мг/мл) стерильді шприцке алады. Тесігінің өлшемі 5 мкм шприцті сүзгіні пайдалана отырып, қалпына келтірілген өнімді инъекцияға арналған декстрозаның 5% ерітіндісінің есептелген мөлшері бар стерильді контейнерге құяды. Бір мл-ге 2-ден 0,2 мг-ға дейінгі концентрациясы бар амфотерицин В ерітіндісін алу үшін сұйылту мақсатында декстроза ерітіндісінің 1-ден 19-ға дейін бөлігін пайдаланады. Ұнтақты/тығыздаманы сұйылту үшін тек инъекцияға арналған стерильді су қолданылады. Қалпына келтірілген өнімді сұйылту үшін инъекцияға арналған декстроза ерітіндісін ғана қолданады. Барлық басқа парентеральді препараттар сияқты, егер сұйылтуға дейін немесе одан кейін тұнбаның немесе бөгде заттардың қандай да бір белгілері болса, препаратты қолдануға болмайды.

Инфузияға арналған декстрозаның 5% ерітіндісінде еріту үшін тәулігіне 3 мг/кг дозада инфузияға арналған Амфонекс препаратының дисперсиясын дайындау үлгісі

* Пациентке арналған дозаны дайындау үшін құтының (құтылардың) ішіндегісінің барлығы талап етілмеуі мүмкін.

** Амфотерицин В 4 мг/мл концентрациясына қол жеткізу үшін, Амфонекс (50 мг) препаратының әрбір құтысын инъекцияға арналған 12 мл сумен сұйылтады.

Пациенттердің ерекше топтары

Балалар

Бала жастағы пациенттерде жүйелі зеңдік инфекциялар мен шығу тегі белгісіз қызба Амфонекс препаратымен емделді, бұл ретте атипиялық жағымсыз әсерлер байқалмады.

Амфонекс препараты бір айдан 18 жасқа дейінгі пациенттер зерттелген. Препараттың дозасын ересектер сияқты килограмм дене массасына есептеу керек. Амфонекс препаратын бір айға дейінгі балаларда қолдану қауіпсіздігі мен тиімділігі анықталмаған.

Егде жастағы пациенттер

Дозаны немесе енгізу жиілігін өзгерту талап етілмейді.

Бүйрек функциясы бұзылған пациенттер

Амфонекс препараты бүйрек функциясының бұзылуы бар пациенттерге тәулігіне 1-5 мг/кг дозада енгізілді. Бұл ретте дозаны немесе енгізу жиілігін өзгерту талап етілмеді.

Бауыр функциясы бұзылған пациенттер

Бауыр функциясы бұзылған пациенттерге арналған дозаны ұсынуға мүмкіндік беретін деректер жоқ.

Енгізу әдісі мен жолы

Амфотерицин В барлық өнімдеріндегідей, тест-дозаны (1 мг) 10 минут бойы баяу енгізу керек, содан кейін пациенттің жағдайын 30 минут бойы бақылау керек.

Пациенттің тестілік дозасымен ауыр анафилаксиялық немесе аллергиялық реакциялар болмағаны расталғаннан кейін ғана қажетті дозаны енгізуді жалғастырады.

Ересектер мен балалар

Амфонексті қалпына келтірілген өнімді амфотерицин В 0,2 мг - 2 мг/мл концентрациясына дейін сұйылтқаннан кейін, вена ішіне құю арқылы енгізу керек. Енгізу жылдамдығы шамамен 120 минут ішінде бақыланатын инфузиялық құрылғыны пайдалана отырып жүзеге асырылуы тиіс. Емдеуге жақсы төзімді пациенттерде инфузия уақыты шамамен 60 минутқа дейін қысқаруы мүмкін.

Артық дозаланған жағдайда қабылдануы қажет шаралар

Жедел артық дозалану кезіндегі Амфонекс уыттылығы анықталмаған.

Егер артық дозалануға күдік болса, емдеуді тоқтату керек. Пациенттің клиникалық жай-күйін, бүйрек және бауыр функциясын, қан сарысуындағы электролиттердің концентрациясын және гематологиялық жай-күйін мұқият бақылау талап етіледі. Демеуші емді қажеттілігіне қарай тағайындау қажет. Гемодиализ немесе перитонеальді диализ, шамасы, Амфонекс препаратының шығарылуына әсер етпейді.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі ұсынымдар

Егер осы препаратты қолдану туралы тағы да қандай да бір сұрақтар туындаса, өз дәрігеріңізге қаралыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

- гипокалиемия

- жүрек айнуы, құсу

- қалтырау, гипертермия

Жиі

- гипонатриемия, гипокальциемия, гипомагниемия, гипергликемия

- бас ауыруы

- тахикардия

- гипотензия, қантамырлардың кеңеюі, ысынулар

- ентігу

- диарея, іштің ауыруы

- бауырдың функционалды сынамаларының бұзылуы, гипербилирубинемия, сілтілі фосфатаза деңгейінің жоғарылауы

- бөртпе

- арқаның ауыруы

- креатинин концентрациясының жоғарылауы, қандағы мочевина мөлшерінің жоғарылауы

- кеуденің ауыруы

Жиі емес

- тромбоцитопения

- анафилактоидты реакция

- құрысулар

- бронх түйілуі

- флебит

Белгісіз

- анемия

- анафилаксиялық реакциялар, аса жоғары сезімталдық

- жүректің тоқтап қалуы, аритмия

- ангионевроздық ісіну

- рабдомиолиз (гипокалиемиямен байланысты), қаңқа-бұлшықет ауыруы (артралгия немесе сүйек ауыруы деп сипатталған)

- бүйрек жеткіліксіздігі

Таңдалған жағымсыз реакциялардың сипаттамасы

Инфузиямен байланысты реакциялар

Қызба және қалтырау/дірілдеу - Амфонекс препаратын енгізу кезінде күтілетін ең жиі реакциялар. Инфузиямен жиі байланысты емес реакциялар бір немесе бірнеше симптомдарды қамтуы мүмкін: ауырлық сезімі немесе кеуденің ауыруы, ентігу, бронх түйілуі, ысыну, тахикардия, гипотензия және қаңқа-бұлшықеттің ауыруы (артралгия, арқаның немесе сүйектің ауыруы). Жоғарыда көрсетілген симптомдар инфузияны тоқтатқаннан кейін тез жойылады және әрбір келесі инфузия кезінде немесе препаратты анағұрлым баяу енгізу (инфузияның ұзақтығы 2 сағаттан астам) кезінде дамымауы мүмкін.

Сонымен қатар, премедикация көмегімен инфузиямен байланысты реакциялардың дамуын болдырмауға болады. Дегенмен, инфузиямен байланысты ауыр реакциялар Амфонекс препаратын қолдануды толық тоқтатуды талап етуі мүмкін.

Бүйрек уыттылығы

Амфотерицин В стандартты түрін вена ішіне алатын пациенттердің көпшілігінде препараттың түрлі дәрежедегі нефроуытты әсері байқалған.

Фосфордың химиялық талдауына араласу

Қан сарысуындағы фосфорды зерттеудің жалған оң нәтижелері PHOSm сандық талдауын (мысалы, Synchron LX20 қоса алғанда, Beckman Coulter анализаторларында пайдаланылатын) пайдалана отырып, Амфонекс препаратын қабылдайтын пациенттердің үлгілерін талдау кезінде туындауы мүмкін. Бұл сандық талдау адамның сарысуы, плазмасы немесе несеп үлгілеріндегі бейорганикалық фосфорды сандық анықтауға арналған.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - амфотерицин В липидті ұнтағы 1 0.4 г2 (50.0 мг амфотерицин В баламалы),

қосымша заттар: динатрий сукцинаты гексагидраты, сахароза, инъекцияға арналған су.

1 -Амфотерицин В, гидрогенделген соя фосфатидилхолинінен (HSPC), натрий дистеароилфосфатидилглицеролынан (DSPG-Na), холестериннен, альфа токоферол мен хлорсутегі қышқылынан тұрады. Амфотерицин В мөлшері 11.26% - дан 13.76% - ға (м/м) дейін өзгереді.

2- Саны амфотерицин В липидті ұнтақтағы амфотерицин В мөлшеріне байланысты есептеледі, мұны сапаны бақылау департаменті хабарлайды. Липидті ұнтақ амфотерицин В мәні амфотерицин В белсенді затының 100% болған жағдайында беріледі.

Сыртқы түрінің, иісінің, дәмінің сипаттамасы

Сары түсті ұнтақ.

Қалпына келтірілген ерітінді: препарат сары жартылай мөлдір сұйықтық түзе отырып, агломерат белгілерінсіз біркелкі ериді.

Шығарылу түрі және қаптамасы

Препаратты сыйымдылығы 20 мл, хлорбутил резеңке тығынмен тығындалған және үзілмелі пластик жапсырмасы бар алюминий қалпақшамен қаусырылған мөлдір шыны құтыға салынады.

1 құтыдан 5 мкм шприцті сүзгімен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Бхарат Сирамс Энд Ваксинс Лимитед, Үндістан

17-ші қабат, Хечст Хаус,

Нариман Поинт, Мумбай – 400 021

Тел.: +91-22-6656 0900/6656 0980

Факс: +91-22-6656 0933

Е-mail: corporate@dnaratserums.com

Тіркеу куәлігінің ұстаушысы

Бхарат Сирамс Энд Ваксинс Лимитед, Үндістан

17-ші қабат, Хечст Хаус,

Нариман Поинт, Мумбай – 400 021

Тел.: +91-22-6656 0900/6656 0980

Факс: +91-22-6656 0933

Е-mail: corporate@dnaratserums.com

Қазақстан Республикасының аумағында тұтынушылардан дәрілік зат жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«AEM Services» ЖШС,

050040, Қазақстан Республикасы, Алматы қ-сы,

Әл-Фараби д-лы, 75А үй, 102-103 кеңсе

Тел.: +7 707 798 83 99; е-mail: aemservices@mail.ru