Амри-К

• русский
• қазақша

• Скачать инструкцию медикамента

Саудалық атауы

Амри - К

Халықаралық патенттелмеген атауы

Фитоменадион

Дәрілік түрі

Бұлшықет ішіне енгізуге арналған 10мг/мл 1 мл ерітінді

Құрамы

1 мл препараттың құрамында

белсенді зат - 10.0 мг фитоменадион ( К1 дәрумені)

қосымша заттар: полисорбат 80, пропиленгликоль, натрий ацетаты, мұзды сірке қышқылы, инъекцияға арналған су

Сипаттамасы

Күңгірт-сары түсті мөлдір ерітінді.

Фармакотерапиялық тобы

Гемостатиктер. К дәрумені және басқа гемостатиктер. К дәрумені. Фитоменадион

АТХ коды B02BA01

Фармакологиялық қасиеттері

Фармакокинетикасы

К1 дәруменінің 90%-ы қан плазмасындағы липопротеидтермен байланысады. К1 дәруменін 10 мг дозада бұлшықет ішіне енгізгенде, қан плазмасындағы концентрациясы 10 – 20 мкг/л (қалыптағысы – 0.4 – 1.2 мкг/л) құрайды. Бұлшықет ішіне енгізгендегі биожетімділігі 50%-ға жуықты құрайды және қан плазмасындағы жартылай бөлініп шығу кезеңі 1.5 – 3 сағатқа жуық. Толығымен метаболизденеді. Метаболизм өнімдері бүйрекпен және өтпен бөлініп шығады.

Фармакодинамикасы

К1 дәруменінің бауырдағы протромбиннің биосинтезі үшін (II фактор) және плазмадағы протромбин концентрациясының артуы мен ұю уақытының төмендеуін тудыратын қан ұюының басқа VII, IX және X факторлары үшін маңызы зор. VII, IX, X факторлардың прокоагулянт-ізашарларының посттрансляциялық гамма-карбоксилирленуін және С протеинін (коагуляция тежегішінің) катализдеуші, сондай-ақ қан плазмасы мен тіндердегі кальцийді, соның ішінде остеокальцинді байланыстыратын гепатоциттердің эндоплазматикалық желісіндегі микросомалық ферменттердің ко-факторы болып табылады. АТФ және тіндер креатинфосфатының биосинтезіне, АТФаза, креатинкиназаның, кейбір аминотрансферазалардың, қарынша безі ферменттерінің (амилазаның, липазаның), ішектің (этерокиназа, сілтілік фосфатаза) белсендіруге қатысады.

Қолданылуы

• геморрагиялық синдромда (жоғары қанағыштық) гипопротромбинемиямен (қанда протромбин құрамының немесе қан ұюының VII факторының төмендеуі)

• қанда протромбин деңгейінің немесе қан ұюының VII факторының төмендеуімен байланысқан, геморрагияға бейім пациенттерге профилактикалау үшін

Қолдану тәсілі мен дозалары

Амри – К ампулалары бұлшықет ішіне енгізіледі.

Антикоагулянттарды қабылдаудан туындаған геморрагиялық синдром гипопротромбинемиямен

Антикоагулянттарды қабылдауды дереу тоқтату керек. Егер протромбин кешенінің концентраты қол жетімсіз болса, жаңада мұздатып қатырылған плазманы енгізуге болады.

Бұлшықет ішіне 5-10 мг препарат енгізіледі, қажет болғанда доза 6-8 сағаттан кейін қайталанады. МНО-ны әр үш сағат сайын бағалап отыру, егер жауабы жеткіліксіз болса, дозаны қайталау қажет. 24 сағат тішінде 40 мг-нан аспауы керек. Коагуляциялық пішінді күнделікті негізде бақылап отыру қажет.

Балаларда қолдану

Амри-К препаратын балаларға қолданар алдында гематологпен кеңесу қажет.

Жаңа туған сәбилердегі геморрагияны емдеу үшін жеке белгілейді.

Жаңа туған сәбилерге педиатриялық доза 2мг/0,2 мл қолданылады.

Жаңа туған сәбилерге: геморрагиялық аурулардың профилактикасы үшін – б/і, туғаннан кейінгі бірінші сағат ішінде бір рет 0.5 - 1 мг, емдеу үшін күніне 1 мг б/і 3 – 4 күн бойы (анасына тікелей емес антикоагулянттар қолданылған жағдайда ұлғайтылған дозаларда).

Іркілісті сары ауруда, гепатоцеллюлярлық ауруда, мальабсорбция синдромында – К1 дәруменін тәулігіне 10 мг/1 мл бұлшықет ішіне,

Жаңа туған сәбилерге: геморрагиялық аурулардың профилактикасы үшін – б/і,

Дені сау, мерзіміне жетіп туылған сәбилерге: туғаннан кейін 1 сағат ішінде бір рет 1 мг-нан,

Шала туған сәбилер гестация мерзімі жүктіліктің 36 аптасынан аз және салмағы 2,5 кг-нан немесе көбірек: - туғаннан кейін бір сағат ішінде 1 мг-нан бұлшықет ішіне бір рет

Мөлшері мен келесі дозалардың жиілігі коагулограмма жағдайына қарай негізделуі тиіс.

Шала туған сәбилер гестация мерзімі жүктіліктің 36 аптасынан аз және салмағы 2,5 кг-нан аз : 0,4 мг/кг есебінен) туғаннан кейін бір сағат ішінде бұлшықет ішіне бір рет. Мөлшері мен келесі дозалардың жиілігі коагулограмма жағдайына қарай негізделуі тиіс.

Емдеу курсының ұзақтығын емдеуші дәрігер анықтайды.

Егде жастағы пациенттер

Егде жастағы пациенттерде дозаны терапиялық диапазоннан төмен түсіру талап етіледі.

Жағымсыз әсерлері

- гиперкоагуляция

- АҚ-ның қысқа уақытқа төмендеуі, тахикардия

-ыстықтау және қызару сезімі, тері бөртпесі, қышу, анафилактикалық шок.

Жергілікті реакцялар: енгізген жердің ауыруы мен ісінуі; парентеральді қайталап енгізгендегі – инфильтрат, қышу, склеродермияға тән тері өзгерістері,

Басқа да: гипербилирубинемия (балаларда), дәм сезудің өзгеруі, ағыл-тегіл терлеу, диспноэ, цианоз

Қолдануға болмайтын жағдайлар

- қанның ұйығыштығының жоғарылауында

- тромбозға және тромбоэмболияға бейімділікте

- фитоменадионге жоғары сезімталдықта

- жаңа туған сәбилердегі гемолитикалық ауруда

- глюкоза–6–фосфат дегидрогеназа мен глутатионредуктаза тапшылығында

- холестатикалық сары ауруда

Дәрілермен өзара әрекеттесуі

Бір мезгілде қолданылғанда фитоменадион тікелей емес антикоагулянттардың әсерін бөгейді. Колестирамин фитоменадионның АІЖ-нан сіңірілуін азайтады.

Кумариннің туындылары антикоагулянттармен біріктіріп қолданғанда, протромбиндік уақыт едәуір артады.

Алкогольмен өзара әрекеттесуі

Мәліметтер берілмеген

Айрықша нұсқаулар

Жарықта ажырайды. Емдеуді бастағанға дейін немесе емдеу барысында гемокоагуляция көрсеткіштерін бақылау керек (протромбиндік индексті, қанның ұю факторларының концентрациясын, тромбоциттер санын). Бауыры ауыратын, сондай-ақ өт түзілуі мен бөлінуі бұзылған науқастарға қан кетудің профилактикасы үшін ішу арқылы қолдану көрсетілген.

Фитоменадион ақуыз алмасуы кезіндегі гепарин мен протромбин тапшылығынан туындаған, гемофилия мен Верльгоф ауруы кезіндегі қан кетулерді тыймайтынын ескеру керек.

Тек бүлінбеген ампулаларды пайдалану керек. Шөгінді түзілген болса, ерітінді пайдалануға жарамайды. Ампуланы ашқаннан кейін ерітіндіні дереу енгізу керек.

Жүктілік және лактация кезеңі

Препаратты жүктілік және лактация кезеңінде (бала емізуді тоқтату керек), балаларға (ішу арқылы қолдану үшін) сақтықпен тағайындайды.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері

• Ықпалы жөнінде мәліметтер жоқ.

  Артық дозаланғанда

  К1 дәрумені – дәруменінің артық дозаланғаны туралы мәліметтер жоқ

Шығарылу түрі мен қаптамасы

Күңгірт шыныдан жасалған ампулаларда препарат 1 мл-ден. 5 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

30°С-ден аспайтын температурада сақтау керек

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Amriya Pharmaceutical Industries»

Alexandria-Cairo Desert Road KM 25, PO Box 111, El Manshia Alex. , Александрия, Мысыр

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«A.N.Р.» ЖШС, Алматы қ-сы, Земнухов к-сі 19А,

телефон нөмірі: 7 727 290-73-63

факс нөмірі: 7 727 2290-73-63

электронды поштасы: nazarbek64@gmail.ru