Амиклав Санто® (875 мг/125 мг)

Амиклав Санто®

Жоқ

Дәрілік түрі, дозасы

Үлбірлі қабықпен қапталған таблеткалар, 875 мг / 125 мг

Жүйелі пайдалануға арналған инфекцияға қарсы препараттар. Жүйелі қолданылатын бактерияға қарсы препараттар. Бета-лактамдық бактерияға қарсы препараттар, пенициллиндер. Бета-лактамаз тежегіштерімен біріктірілімдегі пенициллиндер. Амоксициллин және бета-лактамаза тежегіші

АТХ коды J01CR02

• жедел бактериалды синусит (диагноз расталған кезде)

• жедел ортаңғы отит

• созылмалы бронхиттің өршуі (диагноз расталған кезде)

• ауруханадан тыс пневмония

• цистит

• пиелонефрит

• тері мен жұмсақ тіндердің инфекциясы

• тері астындағы тіндердің қабынуы-целлюлит, жануарлардың шағуы, жедел абсцесс және жақсүйек-бет аумағының флегмондары

• сүйектер мен буындардың инфекциясы (остеомиелит)

Бактерияға қарсы дәрілерді тиісінше қолдану жөніндегі ресми нұсқаулықтарды назарға алған жөн.

Қолдануды бастағанға дейін қажетті мәліметтер тізбесі

- пенициллиндерге немесе қосымша заттардың кез келгеніне аса жоғары сезімталдық

- анамнезінде басқа бета-лактамды антибиотиктерге (цефалоспориндерге, карбапенемдерге немесе монобактамдарға) жедел аса жоғары сезімталдықтың ауыр реакциясы (мысалы, анафилаксия)

- амоксициллин/клавулан қышқылы біріктірілімін қабылдау аясында дамыған сарғаю немесе бауыр функциясының бұзылуы

Қолданған кездегі қажетті сақтандыру шаралары

Амоксициллин/клавулан қышқылымен емдеуді бастау алдында пенициллиндерге, цефалоспориндерге немесе басқа бета-лактамды антибиотиктерге аса жоғары сезімталдық реакцияларының болуына қатысты толық анамнезді жинау қажет.

Пенициллинмен емделген пациенттерде ауыр, кейде өлімге әкелетін аса жоғары сезімталдық реакцияларының (анафилактоидты және терінің ауыр жағымсыз реакцияларын қоса) дамуы туралы хабарламалар алынды. Аса жоғары сезімталдық реакциялары сонымен қатар миокард инфарктісіне әкелуі мүмкін ауыр аллергиялық реакция Коунис синдромына дейін үдеуі мүмкін. Бұл реакциялар анамнезінде пенициллинге аса жоғары сезімталдығы бар адамдарда және атопиясы бар адамдарда жиі кездеседі. Аллергиялық реакция пайда болған жағдайда амоксициллин/клавулан қышқылымен емдеуді тоқтатып, тиісті альтернативті терапияны тағайындау керек.

Егер инфекция амоксициллинге сезімтал микроорганизмдерден туындаса, ресми нұсқауларға сәйкес амоксициллин/клавулан қышқылынан амоксициллинге ауысуды қарастырған жөн.

Қоздырғыштың бета-лактамды антибиотиктерге төзімділігі жоғары болу қаупі кезінде Амиклав Санто® препаратын қолдануға болмайды. S. pneumoniae туындаған пенициллинге резистентті инфекцияларды емдеу үшін препаратты қолдану ұсынылмайды.

Бүйрек функциясы бұзылған пациенттерде және препараттың жоғары дозаларын қабылдайтын пациенттерде құрысулар пайда болуы мүмкін.

Инфекциялық мононуклеозға күдік болған кезде қызылшатәріздес бөртпенің (амоксициллинге) пайда болу мүмкіндігіне байланысты амоксициллин/клавулан қышқылын қолдануды болдырмау керек.

Амоксициллинмен емдеу кезінде аллопуринолды бір мезгілде қолдану терінің аллергиялық реакцияларының ықтималдығын арттыруы мүмкін.

Ұзақ мерзімді пайдалану кейде сезімтал емес микроорганизмдердің шамадан тыс өсуіне әкелуі мүмкін.

Емдеудің басында пустулаға байланысты қызбамен жайылған эритеманың пайда болуы жедел жайылған экзантемалық пустулоздың (ЖЖЭП) симптомы болуы мүмкін. Бұл реакция Амиклав Санто® препаратын тоқтатуды талап етеді және амоксициллинді кейіннен қабылдауға қарсы көрсетім болады. Бауыр жеткіліксіздігінің белгілері бар пациенттерде Амоксициллин/клавулан қышқылын сақтықпен қолдану керек.

Бауыр функциясының бұзылуының пайда болу жағдайлары негізінен ерлер мен егде жастағы пациенттерде тіркелді және препаратты ұзақ уақыт бойы қабылдаған балаларда сирек кездесті. Белгілер мен симптомдар әдетте емдеу кезінде немесе одан кейін бірден дамиды, бірақ кейбір жағдайларда терапия тоқтатылғаннан кейін бірнеше аптадан кейін де пайда болуы мүмкін. Бұл симптомдар әдетте қайтымды. Бауырдың зақымдануы ауыр болуы мүмкін және өте сирек жағдайларда өліммен аяқталу туралы хабарланды. Олар әрдайым күрделі дерлік негізгі ауруы бар пациенттерде немесе бауырға әсер ететін дәрілік заттарды бір мезгілде қабылдау кезінде пайда болды.

Амоксициллинді қоса алғанда, барлық дерлік бактерияға қарсы препараттарды қолданғанда антибиотикпен астасқан колиттің дамуы туралы хабарланды және оның ауырлығы жеңілден өмірге қауіп төндіретінге дейін түрленуі мүмкін. Сондықтан бұл диагнозды кез келген антибиотиктерді енгізу кезінде немесе одан кейін диареясы бар пациенттерде ескеру маңызды. Антибиотикпен астасқан колит дамыған жағдайда амоксициллин/клавулан қышқылын қабылдауды дереу тоқтатып, дәрігермен кеңесіп, тиісті терапияны бастау керек. Бұл жағдайда перистальтиканы басатын дәрілерді қолдануға болмайды.

Дәрілік индукцияланған энтероколит синдромы (DIES) көбіне амоксициллин/клавуланат қабылдаған балаларда байқалды («Жағымсыз реакциялар» бөлімін қараңыз). DIES-аллергиялық тері немесе респираторлық симптомдар болмаған кезде ұзаққа созылған құсудың жетекші симптомымен аллергиялық реакция (препаратты қолданғаннан кейін 1-4 сағаттан кейін). Қосымша симптомдарға іштің ауыруы, диарея, гипотензия немесе нейтрофилиясы бар лейкоцитоз кіруі мүмкін. Шокқа дейінгі үдеуді қоса алғанда ауыр жағдайлар орын алды.

Ұзақ мерзімді терапия кезінде бүйрек, бауыр және қан түзілу функциясын қоса, жүйелер мен ағзалардың функцияларын мезгіл-мезгілімен бағалау ұсынылады.

Амоксициллин/клавулан қышқылымен емделген пациенттерде протромбин уақытының ұзаруы туралы сирек хабарланды. Антикоагулянттарды бір мезгілде тағайындаған кезде тиісті мониторингті жүргізу қажет. Антикоагулянттардың қажетті деңгейін ұстап тұру үшін пероральді антикоагулянттардың дозасын түзету қажет болуы мүмкін.

Бүйрек функциясы бұзылған пациенттерде дозаны бұзылу дәрежесіне қарай түзету керек.

Диурезі төмендеген пациенттерде негізінен парентеральді терапия кезінде (жедел бүйрек жеткіліксіздігін қоса) кристаллурия өте сирек байқалды. Амоксициллиннің жоғары дозаларын енгізу кезінде амоксициллин кристаллуриясының мүмкіндігін азайту үшін сұйықтық пен диурезді адекватты қолданылуын ұстанған жөн. Қуық катетері бар пациенттерде өткізгіштілікті тұрақты түрде тексеріп отыру керек.

Амоксициллинмен емдеу кезінде ферментативті емес әдістерді қолдану кезінде жалған оң нәтижелер алынуы мүмкін болғандықтан, несептегі глюкозаның бар-жоғын әр тестілеу кезінде ферментативті глюкоза оксидаза әдістерін қолдану керек.

Амиклав Санто® препаратында клавулан қышқылының болуы Кумбс тестісінің жалған оң нәтижесіне әкелетін IgG мен альбуминнің эритроциттер жарғақшаларымен спецификалық емес байланысуын тудыруы мүмкін.

Амоксициллин/клавулан қышқылымен емделген кейіннен аспергиллез инфекциясы анықталмаған пациенттерде Bio-Rad Laboratories Platelia Aspergillus EIA тестісін қолдана отырып, тесттің оң нәтижелері туралы есептер бар. Bio-Rad Laboratories platelia Aspergillus EIA тестісі арқылы Aspergillus қатысы жоқ полисахаридтермен және полифураноздармен айқаспалы реакциялар туралы хабарланды. Сондықтан амоксициллин / клавулан қышқылын қабылдайтын пациенттерде тесттердің оң нәтижелерін сақтықпен түсіндіріп, басқа диагностика әдістермен растау керек.

Басқа дәрілік препараттармен өзара әрекеттесуі

Пероральді антикоагулянттар

Пероральді антикоагулянттар мен пенициллинді антибиотиктер өзара әрекеттесу туралы есептерсіз тәжірибеде кеңінен қолданылды. Алайда, әдебиетте амоксициллин курсы тағайындалған аценокумаролмен немесе варфаринмен емделіп жүрген пациенттерде халықаралық қалыпқа келтірілген қатынастың жоғарылау жағдайлары болған. Егер бірлескен терапия қажет болса, протромбин уақыты немесе қалыпқа келтірілген арақатынас амоксициллинді кейіннен қосумен немесе тоқтатумен мұқият бақылануы керек. Сонымен қатар, пероральді антикоагулянттардың дозасын түзету қажет болуы мүмкін.

Метотрексат

Пенициллиндер уыттылықтың жоғарылауына әкеле отырып, метотрексаттың шығарылуын төмендетуі мүмкін.

Пробенецид

Амоксициллинді пробенецидпен бір мезгілде қолдану ұсынылмайды. Пробенецид бүйрек түтікшелерінде амоксициллин секрециясын төмендетеді. Пробенецид пен амоксициллинді бір мезгілде қолдану қандағы амоксициллин концентрациясының тұрақты және ұзақ мерзімді жоғарылауына әкелуі мүмкін.

Микофенолат мофетил

Микофенолатты мофетилмен ем алатын пациенттерде клавулан қышқылымен пероральді амоксициллинді қолдануды бастағаннан кейін микофенол қышқылының белсенді метаболитінің дозаға дейінгі концентрациясы шамамен 50% - ға төмендеуі мүмкін. Дозаға дейінгі деңгейдің бұл өзгеруі микофенол қышқылының жалпы экспозициясының өзгеруіне толық сәйкес келмеуі мүмкін. Демек, трансплантат дисфункциясының клиникалық растамасы болмаса, мофетил микофенолатының дозасын өзгерту әдетте қажет болмайды. Дегенмен, біріктірілімді қолдану кезінде және антибиотиктермен емдеуден кейін көп ұзамай мұқият бақылауды жүргізу қажет.

Арнайы ескертулер

Бұл дәрінің құрамында бір таблеткада 1 ммольден аз натрий (23 мг) бар, яғни іс жүзінде натрий жоқ дерлік.

Жүктілік немесе лактация кезінде

Жануарларға жүргізілген зерттеулер жүктілікке, эмбрионның/ұрықтың дамуына, босануға немесе босанғаннан кейінгі дамуға қатысты тікелей немесе жанама зиянды әсерлерді көрсетпейді.

Адамдарда жүктілік кезінде амоксициллин/ клавулан қышқылының біріктірілімін қолдану туралы шектеулі деректер туа біткен ақаулар қаупінің жоғарылауын көрсетпейді. Шарана қабығының мерзімінен бұрын жарылуы бар әйелдерде жүргізілген бірлі-жарым зерттеу амоксициллин/клавулан қышқылымен профилактикалық терапия жаңа туған нәрестелерде некроздалатын энтероколиттің даму қаупінің жоғарылауына байланысты болатынын анықтады. Препаратты дәрігер тағайындаған жағдайларды қоспағанда, жүктілік кезінде қолдануға болмайды.

Емізу

Екі әсер етуші зат емшек сүтіне бөлінеді. Емшек сүтіне Амиклав Санто® препаратының әсер етуші заттарының іздік мөлшерінің енуіне байланысты ауыз қуысы шырышты қабығының сенсибилизациясының, диареясының немесе кандидозының даму мүмкіндігін қоспағанда, емшек сүтімен қоректенетін балаларда басқа да жағымсыз әсерлер байқалған жоқ. Емшек сүтімен қоректенетін балаларда жағымсыз әсерлер пайда болған жағдайда, емізуді тоқтату қажет. Амиклав Санто® препаратын егер ана үшін пайда нәресте үшін ықтимал қауіптен асып кеткен жағдайда емізу кезінде қолдануға болады.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат бас айналуды туындатуы мүмкін болғандықтан, пациенттерге көлік құралын басқару немесе қозғалмалы механизмдермен жұмыс істеу кезінде сақтық шаралары туралы ескерту қажет.

Қолдану жөніндегі нұсқаулар

Дозалау режимі

Доза дозаның әрбір компоненті үшін бөлек көрсетілген жағдайларды қоспағанда, амоксициллин мен клавулан қышқылының құрамына қатысты біріктірілімде көрсетіледі.

Жеке инфекцияны емдеу үшін Амиклав Санто® препаратының дозасын таңдағанда келесілерді ескеру қажет:

- күтілетін патогендер және олардың бактерияға қарсы препараттарға ықтимал сезімталдығы

- инфекция ауырлығы және оны оқшаулау

- пациенттің жасы, дене салмағы және бүйрек функциясының жағдайы

Қажет болған кезде Амиклав Санто® препаратының балама дәрілік түрлерін (мысалы, амоксициллиннің жоғары дозаларын және/немесе амоксициллиннің клавулан қышқылына әртүрлі қатынасын қамтамасыз ететіндерді) қолдануды қарастырған жөн.

Салмағы> 40 кг ересектер мен балалар үшін Амиклав Санто® препаратының бұл құрамы тәулігіне 2 рет қабылдаған кезде 1750 мг амоксициллин/250 мг клавулан қышқылының жалпы тәуліктік дозасын және төмендегі ұсынымдарға сәйкес тағайындаған кезде тәулігіне 3 рет қабылдаған кезде 2625 мг амоксициллин/375 мг клавулан қышқылын қамтамасыз етеді.

Салмағы 40 кг-нан аз балалар үшін Амиклав Санто® препаратының бұл құрамы төмендегі ұсыныстарға сәйкес тағайындалған кезде 1000-2800 мг амоксициллин/143-400 мг клавулан қышқылының ең жоғары тәуліктік дозасын қамтамасыз етеді.

Ересектер мен балалар> 40 кг, ұсынылатын дозалар:

Пациенттердің ерекше топтары

Балалар < 40 кг:

6 жастан кіші немесе салмағы 25 кг-нан аз балаларды амоксициллин/клавулан қышқылы суспензиясымен немесе педиатриялық пакеттермен емдеген жөн.

Балаларда ұсынылатын дозалау режимі:

• күніне 25 мг/3,6 мг/кг-нан 45 мг/6,4 мг/кг-ға дейін екі бөлінген доза түрінде;

• күніне 70 мг/10 мг/кг дейін екі бөлінген доза ретінде кейбір инфекцияларда (мысалы, ортаңғы отит, синусит және төменгі тыныс жолдарының инфекциялары) қарастырылуы мүмкін.

Дене салмағы 25 кг-нан аз балаларға Амиклав Санто® таблеткаларын қабылдауға болмайды, 875 мг / 125 мг таблеткаларды бөлуге болмайды.

Төмендегі кестеде дене салмағы 25-тен 40 кг-ға дейінгі балаларда 875 мг/125 мг бір таблетка қабылдаған кезде алынған дозалар (мг/кг дене салмағы) көрсетілген

6 жастан кіші немесе салмағы 25 кг-нан аз балаларды амоксициллин/клавулан қышқылы суспензиясымен немесе педиатриялық пакеттермен емдеген жөн.

2 жасқа дейінгі балаларда тәулігіне 45 мг/6.4 мг/ кг жоғары дозада амоксициллин/клавулан қышқылы препараттарының 7:1 қатынасында дозалары туралы клиникалық деректер жоқ.

2 айға дейінгі балаларда амоксициллин / клавулан қышқылын 7:1 қатынасында қолдану туралы клиникалық деректер жоқ. Осыған байланысты пациенттердің осы тобында дозалау бойынша ұсыныстарды беру мүмкін емес.

Егде жастағы пациенттер

Егде жастағы пациенттерде дозаны түзету қажет емес.

Бауыр жеткіліксіздігі бар пациенттер

Бауыр жеткіліксіздігі бар пациенттерде сақтықпен қолданылу ұсынылады, сондай-ақ, бауыр функциясын үнемі бақылау қажет.

Бүйрек жеткіліксіздігі бар пациенттер

Креатинин клиренсі (CrCl) 30 мл / мин асатын пациенттерде дозаны түзету қажет емес.

Креатинин клиренсі 30 мл / мин кем пациенттерде амоксициллин / клавулан қышқылын 7:1 қатынасында қолдану дозаны түзету бойынша ұсынымдардың болмауына байланысты ұсынылмайды.

Енгізу әдісі мен жолы

Амиклав Санто® препараты пероральді қолдануға арналған.

Амиклав Санто® препаратын асқазан-ішек жолына жақпаушылықты азайту үшін тамақтану кезінде қабылдау керек. Таблеткаларды толығымен жұтып, сумен ішу керек, шайнауға, ұсақтауға немесе таблетканы бөліктерге бөлуге болмайды. Тұншығу қаупін азайту үшін балаларға бір уақытта бірнеше таблетка ішуге болмайды.

Емдеу ұзақтығы

Емдеу ұзақтығы клиникалық көрініспен анықталады. Кейбір инфекциялар (мысалы, остеомиелит) ұзақ емдеуді қажет етеді. Емдеуді клиникалық жағдайды қайта қараусыз 14 күннен артық жалғастыруға болмайды.

Артық дозаланған жағдайда қабылдануы тиіс шаралар

Симптомдары: асқазан-ішек жолдарының бұзылуы және су-электролит теңгерімі бұзылуы мүмкін.

Бүйрек функциясы төмендеген пациенттерге Амиклав Санто® препаратын тағайындағанда немесе жоғары дозаларды пайдаланғанда құрысулар дамуы мүмкін.

Амоксициллин, әсіресе вена ішіне енгізу арқылы жоғары дозаларда тағайындағаннан кейін қуық катетерлерінде тұнуы мүмкін.

Кейбір жағдайларда бүйрек жеткіліксіздігіне әкелетін амоксициллин кристаллуриясы сипатталған.

Емдеу: симптоматикалық терапия жүргізу, су-электролит теңгерімін түзету. Амиклав Санто® препараты қаннан гемодиализ арқылы шығарылады.

Дәрілік препараттың бір немесе бірнеше дозасын өткізіп алған кезде қажетті шаралар

Ұмытылған дозаның орнын толтыру үшін қос дозаны қабылдамаңыз.

Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар

Дәрілік препаратты қолданбас бұрын дәрігерге жүгініңіз.

ДП стандартты қолданған кезде байқалатын жағымсыз реакциялардың сипаттамасы және осы жағдайда қабылдануы тиісті шаралар

Өте жиі

• диарея

Жиі

• кандидоз (тері және шырышты қабаттар)

• жүрек айнуы3, құсу

Жиі емес

• ас қорыту бұзылулары

• АСТ және / немесе АЛТ5 деңгейінің бірқалыпты жоғарылауы

• тері бөртпесі7, қышу7, есекжем7

• бас айналу, бас ауруы

Сирек

• өтпелі лейкопения (нейтропенияны қоса алғанда), тромбоцитопения

• көп формалы эритема7

Белгісіз (қолда бар деректер негізінде бағалау мүмкін емес)

• сезімтал емес организмдердің тез өсуі

• асептикалық менингит

• қайтымды агранулоцитоз, гемолиздік анемия, қан кету және протромбин уақытының артуы1

• ангионевроздық ісіну10, анафилаксия10, өтпелі сарысу тәрізді анафилаксия10, аллергиялық васкулит10

• қайтымды аса жоғары белсенділік, құрысулар2,

• антибиотикпен астасқан колит4, қара «бүртікті» тіл

• дәрілік препаратпен индукцияланған энтероколит синдромы

• жедел панкреатит

• гепатит6, холестаздық сары ауру 6

• Стивенс-Джонсон синдромы7, уытты эпидермальді некролиз7, буллезді эксфолиативті дерматит 7, жедел жайылған экзантематозды пустулез (AGEP)9, эозинофилиясы және жүйелік симптомдары бар дәрілік заттарға реакция (DRESS-синдром)

• IgА тәуелді сызықтық дерматоз 7

• бүйректің жедел зақымдануын қоса, интерстициальды нефрит, кристаллурия8

• Коунис синдромы (аллергиялық коронарлық синдром)

1 Қолданған кездегі қажетті сақтандыру шаралары бөлімін қараңыз.

2 Қолданған кездегі қажетті сақтандыру шаралары бөлімін қараңыз.

3 Жүрек айнуы көбінесе пероральді дозалардың жоғарылауымен байланысты. Егер асқазан-ішек жолдарының реакциялары айқын болса, оларды тамақ кезінде амоксициллин/ клавулан қышқылын қабылдау арқылы азайтуға болады.

4Оның ішінде жалғанжарғақшалы колит пен геморрагиялық колит (Қолданған кездегі қажетті сақтандыру шаралары бөлімін қараңыз).

5 Бета-лактамдық антибиотиктерді қабылдаған пациенттерде АСТ және/немесе АЛТ деңгейінің орташа жоғарылауы байқалды, бірақ бұл нәтижелердің мәні белгісіз.

6 Бұл асқынулар препаратты басқа пенициллиндермен және цефалоспориндермен бірге қолданғанда байқалды (Қолданған кездегі қажетті сақтандыру шаралары бөлімін қараңыз).

7 Кез-келген аса жоғары сезімталдықтың тері реакциясы пайда болған кезде емдеуді тоқтату керек (Қолданған кездегі қажетті сақтандыру шаралары бөлімін қараңыз.).

8 Қолдану бойынша ұсыныстар бөлімін қараңыз.

9 Қолданған кездегі қажетті сақтандыру шаралары бөлімін қараңыз.

10 Қолдануға болмайтын жағдайлар, Қолданған кездегі қажетті сақтандыру шаралары бөлімдерін қараңыз.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылауды бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: амоксициллин тригидраты (амоксициллинге баламалы) 875.00 мг/ микрокристалды целлюлозасы бар клавулан қышқылы (клавулан қышқылына баламалы) 125.00 мг

қосымша заттар: кросповидон А типі (Е1202), микрокристалды целлюлоза (Е460), натрий кроскармеллозы, сусыз коллоидты кремний қостотығы (Е551), магний стеараты (Е470b)

үлбірлі қабық: негізгі бутилденген метакрилат сополимері (Евдрагит E 12.5), титанның қостотығы (Е171), тальк (Е 553b), макрогол 6000, тазартылған су, изопропил спирті

Сыртқы түрінің, иісінің, дәмінің сипаттамасы

Сопақ пішінді таблеткалар, ақ түстен дерліктей ақ түске дейінгі үлбірлі қабықпен қапталған, екі жағынан сызығы бар.

Шығарылу түрі және қаптамасы

7 таблеткадан ОПА/Al/ПВХ-алюминий баспадан жасалған пішінді ұяшықты қаптамаға салады.

2 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

ПенСеф Фарма ГмбХ, Брайтенбахштрассе 13-14

13509 Берлин, Германия

тел. +49(0)30 90229-2099

факс +49(0)30 90229-2099

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610151)

Автожауапбергіш нөмірі: +7 7252 (561342)

Электронды пошта: complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдарды (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты болатын ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі: +7 7252 (610150)

Электронды пошта: phv@santo.kz