Аллохол

Аллохол

Жоқ

Дәрілік түрі, дозасы

Қабықпен қапталған таблеткалар

ATX коды: A05AX

Кешенді ем құрамында:

– созылмалы холангит

– созылмалы холецистит

– гипокинетикалық типі бойынша өт шығару жолдарының дискинезиясы

– постхолецистэктомиялық  синдром

– атониялық іш қатулар

Қолданудың басталуына дейінгі қажетті мәліметтер тізбесі

– әсер етуші заттарға немесе қосымша заттардың кез келгеніне аса жоғары сезімталдық

– жедел гепатит

– өт-тас ауруы

– обтурациялық сарғаю

– Одди сфинктерінің түйілуі

– жедел панкреатит

– өршу сатысындағы асқазан мен он екі елі ішектің ойық жаралы ауруы

– жедел энтероколит

– бауырдың жедел және жеделге жуық дистрофиясы

– 18 жасқа дейінгі балалар мен жасөспірімдер

Қолдану кезінде қажетті сақтық шаралары

Қант диабеті кезінде препараттың құрамына сахароза кіретінін ескеру керек. Бір таблеткада шамамен 0,13 г сахароза (ақ қант) бар, бұл 0,013 НБ сәйкес келеді; препараттың ең жоғары тәуліктік дозасында шамамен 1,03 г сахароза (ақ қант) бар, бұл 0,1 НБ сәйкес келеді. Сирек кездесетін тұқым қуалайтын фруктоза көтере алмаушылығы, глюкоза-галактоза мальабсорбциясы немесе сахараза-изомальтаза тапшылығы бар пациенттерге бұл препаратты қабылдауға болмайды.

Аллохол препаратының құрамында аллергиялық реакциялар тудыруы мүмкін апельсин сары бояғыш Е 110 бар.

Аллохол құрамында хинолинді сары Е 104 бар, оны балаларда қолдануға тыйым салынады.

Басқа дәрілік препараттармен өзара әрекеттесуі

Құрамында алюминий гидроксиді, колестирамин, колестипол бар препараттар сіңірілуді төмендетеді (және әсерін азайтады) – бір мезгілде қабылдау тиімсіз. Аллохол препаратын синтетикалық немесе өсімдік текті холеретиктермен бір мезгілде қолдану өт айдайтын әсерді күшейтеді.

Аллохол іш жүргізетін препараттардың әсерін потенциалдауы мүмкін.

Аллохол майда еритін дәрумендердің жақсы сіңуіне ықпал етеді.

Варфарин қабылдайтын пациенттерде препараттың құрамына кіретін сарымсақты тұтыну қан кету ұзақтығын арттыруы мүмкін.

Арнайы ескертулер

Балалар мен жасөспірімдер

Препаратты 18 жасқа дейінгі балалар мен жасөспірімдерде қолдануға тыйым салынған.

Жүктілік немесе лактация кезінде

Жүктілік кезінде және лактация кезінде қолдану қауіпсіздігі туралы деректер жоқ. Аллохол препараты құрамындағы қалақай жапырақтары тегіс бұлшықеттердің, соның ішінде жатырдың бұлшық еттері тонусын жоғарылатуы мүмкін. Препаратты жүктілік уақытында және лактация кезеңінде қолдануға дәрігердің бақылауымен пайда/қауіп арақатынасын бағалағаннан кейін ғана жол беріледі.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Аллохол көлік құралдарын басқару және жоғары зейін қоюды және психомоторлық реакциялар жылдамдығын талап ететін күрделі механизмдермен жұмыс істеу қабілетіне әсер етпейді.

Қолдану бойынша ұсынымдар

Дозалау режимі

Ересектерге тәулігіне 3-4 рет 1-2 таблеткадан қабылдау ұсынылады.

Өт шығару жолдарының созылмалы аурулары өршіген кезде – тәулігіне 2-3 рет 1 таблеткадан.

Енгізу әдісі мен жолы

Ішке, тамақтан кейін.

Қабылдау уақыты көрсетілген қолдану жиілігі

Тәулігіне 3-4 рет; емдеу курсы 3-4 апта.

Өт шығару жолдарының созылмалы аурулары өршіген кезде –1-2 ай бойы тәулігіне 2-3 рет.

Қажет болған жағдайда қайталанатын емдеу курстарын 3 ай аралықпен жүргізеді.

Артық дозаланғанда қабылдануы қажет шаралар

Симптомдары: диарея, жүрек айнуы, қыжыл, терінің қышынуы, қан сарысуындағы «бауыр» трансаминазаларының белсенділігі жоғарылауы.

Емі: дәрілік препаратты тоқтату, симптоматикалық емдеу. Арнайы антидоты жоқ.

Дәрілік препараттың бір немесе бірнеше дозасын өткізіп алу кезіндегі қажетті шаралар

Жекелеген дозларды өткізіп алған жағдайда, өткізіп алған дозаның орнын толтыру үшін препараттың қосарлы дозасын қабылдамау керек.

Препаратты қолдану бойынша сұрақтар туындаған жағдайда медицина қызметкеріне жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

- аллергиялық реакциялар,

- диарея.

Олар пайда болған кезде препаратты қабылдауды тоқтату керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: 80 мг құрғақ өт, 40 мг сарымсақ ұнтағы, 5 мг қалақай жапырақтары, 25 мг белсендірілген көмір,

қосымша заттар: магнийдің ауыр тотығы, картоп крахмалы, тальк, сусыз коллоидты кремнийдің қостотығы, кальций стеараты,

қабық: ақ қант, магнийдің негізгі жеңіл карбонаты, сусыз коллоидты кремнийдің қостотығы, титанның қостотығы, коповидон К-28, хинолинді сары бояғыш Е 104, апельсин сары бояғышы Е 110, араның сары балауызы.

Сыртқы түрінің, иісінің, дәмінің сипаттамасы

Ашық-сары түсті, өзіне тән иісі бар, екі беті дөңес, қабықпен қапталған таблеткалар. Көлденең қимасында екі қабаттан тұратыны көрініп тұрады.

Шығарылу түрі және қаптамасы

10 таблеткадан поливинилхлоридті үлбірден және алюминий фольга негізіндегі икемді қаптамадан жасалған пішінді ұяшықты қаптамада. 1 немесе 5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

4 жыл.

Жарамдылық мерзімі өткеннен кейін қолдануға болмайды!

Ылғалдан және жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Өндіруші туралы мәліметтер

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

Телефон: (+375 17) 220 37 16,

Электронды пошта: medic@belmedpreparaty.com.

Тіркеу куәлігінің ұстаушысы

«Белмедпрепараты» РУК, Беларусь Республикасы

220007, Минск қ., Фабрициус к-сі, 30,

Телефон: (+375 17) 220 37 16,

Электронды пошта: medic@belmedpreparaty.com.

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Registrarius» ЖШС

Заңды мекенжайы: Алматы қаласы, 050036, Әуезов ауданы, Мамыр-1 ықшам ауданы, 29 үй, 159 пәтер.

Телефон: +77273131207, +77718887711

Электронды пошта: info@registrarius.org