Азелтин

Азелтин

Азитромицин

Дәрілік түрі, дозалануы

Ішке қабылдау үшін суспензия дайындауға арналған ұнтақ, 200мг/ 5мл

Инфекцияларға қарсы жүйелік пайдалануға арналған препараттар. Бактерияларға қарсы жүйелік пайдалануға арналған препараттар. Макролидтер, линкозамидтер және стрептограминдер. Азитромицин.

АТХ коды J01FA10

Азитромицин анықталған немесе бір немесе бірнеше сезімтал микроорганизмдерден туындауы мүмкін келесі инфекцияларды емдеу үшін қолданылады:

- бронхит

- ауруханадан тыс пневмония

- синусит

- фарингит/тонзиллит

- ортаңғы отит

- терінің және жұмсақ тіндердің инфекциялары

- Chlamydia trachomatis және Neisseria gonorrhoeae әсерінен туындаған асқынбаған жыныстық инфекциялар

Бактерияларға қарсы препараттарды тиісінше қолдану жөнінде ресми нұсқауларға назар аудару керек.

Қолдануды бастағанға дейін қажетті мәліметтер тізімі

- азитромицинге, эритромицинге немесе макролидтік және кетолидтік антибиотиктерге, немесе препараттың басқа компоненттеріне жоғары сезімталдық

- бауыр және бүйрек функцияларының ауыр бұзылулары

- фруктоза жақпаушылығының сирек тұқым қуалайтын түрлері, сахараза-изомальтаза тапшылығы немесе глюкозо-галактоза мальабсорбциясының синдромы (сахарозаның болуына байланысты)

- 6 айға дейінгі балаларға

- жүктілік және лактация кезеңі

Басқа дәрілік препараттармен өзара әрекеттесуі

Антацидтер: антацидтерді бір мезгілде қолданудың азитромициннің фармакокинетикасына ықпалын зерттегенде, қан плазмасында азитромициннің ең жоғары концентрациясы 24%-ға төмендесе де, биожетімділігінің өзгеруі білінген жоқ.

Цетиризин: дені сау ерікті адамдарда азитромицинді 20 мг доза цетиризинмен 5 күн бірге қабылдау фармакокинетикалық өзара әрекеттесуге және QT аралығының елеулі өзгеруіне әкелген жоқ.

Диданозин: АИТВ-оң 6 науқаста тәулігіне 1200 мг азитромицинді және тәулігіне 400 мг диданозинді бірге қабылдау, плацебомен салыстырғанда, диданозинның фармакокинетикасына ықпалын тигізген жоқ.

Дигоксин және колхицин: жекелеген пациенттерде макролидтер тобының кейбір антибиотиктері ішекте дигоксиннің метаболизміне ықпал еткені мәлімделді. Сондықтан азитромицинді және дигоксинді бір мезгілде қолданған жағдайда дигоксин концентрациясының жоғарылауы мүмкін екендігін ескеру керек және оның қандағы деңгейіне мониторинг жүргізу керек.

Зидовудин: азитромициннің бір реттік 1000 мг және 1200 мг немесе 600 мг дозаларын көп реттік қолданғанда зидовудиннің және оның глюкуронидтік метаболиттерінің фармакокинетикасына және несеппен бірге шығарылуына аздаған ықпалы байқалды, алайда азитромицинді қабылдау шеткері қанның мононуклеарларында фосфорланған зидовудиннің (клиникалық тұрғыдан белсенді метаболитінің) концентрациясын арттырды. Осы көрсеткіштердің клиникалық маңыздылығы анықталмай қалуда, бірақ олар пациенттер үшін маңызды болуы мүмкін. Азитромицин бауырда Р450 цитохром жүйесімен өзара әрекеттеспейді, ол эритромицин және басқа да макролидтер сияқты фармакокинетикалық дәрілік өзара әрекеттесуге қатыспайды. Азитромицин цитохром-метаболит кешенінің жәрдемімен P450 цитохромын индукцияламайды немесе оның белсенділігін жояды.

Эрготамин туындылары: эрготизмнің дамуы теориялық мүмкін болғандықтан, азитромицинді қастауыш туындыларымен бір мезгілде тағайындау ұсынылмайды. Фармакокинетикалық зерттеулер Р450 цитохромы арқылы болатын метаболизмі белгілі препараттармен жүргізілді.

Аторвастатин: аторвастатинді (күн сайын 10 мг) және азитромицинді (күн сайын 500 мг) бірге қабылдау қан плазмасында аторвастатиннің концентрациясын өзгертпейді (CoA-редуктаза HMG талдауы негізінде).

Карбамазепин: дені сау ерікті адамдарда азитромициннің фармакокинетикалық өзара әрекеттесуіне жүргізілген зерттеулерде препарат қан плазмасында карбамазепиннің деңгейіне немесе оның белсенді метаболиттеріне елеулі ықпалын тигізген жоқ.

Циметидин: азитромицинді қабылдаудан 2 сағат бұрын қабылданған циметидиннің бір реттік дозаларын зерттелген фармакокинетикалық зерттеуде азитромициннің фармакокинетикасында өзгерулер байқалған жоқ.

Кумаринді қатардың пероральді антикоагулянттары: өзара әрекеттесуіне жүргізілген фармакокинетикалық зерттеулерде азитромицин дені сау адамдар қабылдаған бір реттік 15 мг доза варфариннің антикоагулянттық әсерін өзгертпеді. Постмаркетингтік кезеңде азитромицинді және пероральді кумариндік антикоагулянттарды бірге қабылдағаннан кейін антикоагулянттық әсерінің күшейгені туралы мәлімдемелер алынды. Себеп-салдарлық байланысы анықталмаса да, кумарин типті пероральді антикоагулянттарды қабылдап жүрген науқастарға азитромицинді тағайындағанда протромбин уақытын бақылау керек.

Циклоспорин: азитромицинді күніне 500 мг пероральді түрде 3 күн бойы қабылдаған, ал содан кейін 10 мг/кг циклоспоринді бір реттік пероральді түрде қабылдаған дені сау ерікті адамдарға жүргізілген фармакокинетикалық зерттеулерде, циклоспориннң Cmax және AUC0-5 едәуір жоғары болып шықты. Демек, осы препараттарды бір мезгілде тағайындау мүмкіндігін қарастырмас бұрын сақтық таныту керек. Егер осы препараттарды бірге қабылдау қажет болса, циклоспориннің деңгейін бақылау және қажеттілік болғанда дозасын түзету керек.

Эфавиренз: 600 мг азитромициннің және 400 мг эфавиренздің бір реттік дозасын 7 күн бойы бірге қабылдау клиникалық тұрғыдан маңызды фармакокинетикалық өзара әрекеттесулерге әкелген жоқ.

Флуконазол: азитромициннің бір реттік 1200 мг дозасын бірге қабылдау флуконазолдың бір реттік 800 мг дозасының фармакокинетикасын өзгертпейді. Азитромициннің жалпы әсері және жартылай шығарылу кезеңі флуконазолмен бірге енгізген кезде өзгерген жоқ, алайда азитромициннің Cmax клиникалық тұрғыдан аздап (18%) төмендегені байқалды.

Индинавир: азитромициннің бір реттік 1200 мг дозасын бірге қабылдау 5 күн бойы күніне үш рет 800 мг дозада қабылданатын индинавирдің фармакокинетикасына статистикалық тұрғыдан маңызды әсерін тигізген жоқ.

Метилпреднизолон: фармакокинетикалық өзара әрекеттесуге жүргізілген зерттеулерде дені сау волонтерлерде азитромицин метилпреднизолонның фармакокинетикасына елеулі ықпалын тигізген жоқ.

Мидазолам: дені сау ерікті адамдарда 3 күн бойы тәулігіне 500 мг азитромицинді бір мезгілде қабылдау мидазоламның 15 мг бір дозасының фармакокинетикасының және фармакодинамикасының клиникалық тұрғыдан маңызды өзгерістерін туындатқан жоқ.

Нелфинавир: азитромицинді (1200 мг) және нелфинавирді 750 мг дозада күніне үш рет бірге қабылдау азитромицин концентрациясының жоғарылауына әкелді. Клиникалық тұрғыдан маңызды жағымсыз әсерлері байқалған жоқ, сондықтан дозаны түзетудің қажеті жоқ.

Рифабутин: азитромицинді және рифабутинді бір мезгілде қолдану осы препараттардың қан плазмасындағы концентрациясына ықпалын тигізген жоқ.

Азитромицинді және рифабутинді бір мезгілде қабылдағанда нейтропения байқалды. Нейтропенияның дамуы рифабутинді қолданумен байланысты болды, азитромицинді бір мезгілде қабылдаумен себептік байланысы анықталған жоқ.

Силденафил: дені сау қалыпты ерікті еркек адамдарда силденафилдің немесе оның айналымдағы негізгі метаболитінің AUC және Cmax мәндеріне азитромициннің (3 күн бойы күніне 500 мг) ықпалына дәлелдер алынған жоқ.

Терфенадин: фармакокинетикалық зерттеулерде азитромицин және терфенадин арасында өзара әрекеттесу туралы мәлімделген жоқ. Кейбір жағдайларда өзара әрекеттесуді толық жоққа шығару қиын, дегенмен осындай өзара әрекеттесудің орын алғанына нақты дәлелдер табылған жоқ.

Теофиллин: азитромицинді және теофиллинді дені сау волонтерлер бір мезгілде қабылдағанда азитромицин теофиллиннің фармакокинетикасына ықпалын тигізген жоқ.

Триазолам: 1-ші күні 500 мг, 2-ші күні 250 мг азитромицинді бір мезгілде қабылдаған дені сау ерікті 14 адамда 2-ші күні 0,125 мг триазоламмен бір мезгілде қабылдау триазоламның фармакокинетикалық көрсеткіштеріне (триазоламоммен және плацебомен салыстырғанда) елеулі ықпалын тигізген жоқ.

Триметоприм/сульфаметоксазол: триметопримді/ сульфаметоксазолды DS (160 мг/800 мг) 7 күн бойы 1200 мг азитромицинмен бір мезгілде қолдану триметопримнің немесе сульфаметоксазолдың ең жоғары концентрациясына, жалпы әсеріне немесе шығарылуына елеулі ықпалын тигізген жоқ. Азитромициннің сарысудағы концентрациялары басқа зерттеулерде білінген концентрацияларға ұқсас болды.

Арнайы ескертулер

Препаратты қолдану ұзақтығы нұсқаулықта көрсетілген мерзімнен аспауы тиіс.

Аса жоғары сезімталдық

Басқа да макролидтерді қабылдаған кездегідей, Квинке ісінуі және анафилаксия сияқты сирек күрделі аллергиялық реакциялардың (төтенше жағдайларда өліммен аяқталатын) дамығаны туралы мәлімделді. Осы реакциялардың кейбіреулері қайталанатын симптомдардың дамуына әкелді және өте ұзақ бақылауды және емдеуді қажет етеді.

Гепатоуыттылық

Бауыр азитромициннің метаболизмі жүретін негізгі ағза болып табылады, сондықтан Азелтин препаратын бауырдың ауыр аурулары бар пациенттерге сақтықпен тағайындау қажет. Бауыр дисфункциясының, мысалы, сарғаюмен тез дамитын астения, несептің қараюы, қан кетулерге бейімділік немесе бауырлық энцефалопатия сияқты белгілері мен симптомдары пайда болған жағдайда бауырға функциональді сынаманы/талдауды дереу жүргізу қажет. Бауыр дисфункциясы дамыған кезде Азелтин препаратын қабылдауды тоқтату және дәрігерге қаралу қажет.

Қастауыш алкалоидтары және азитромицин

Қастауыш туындыларын қабылдап жүрген пациенттерде эрготизмнің пайда болуы кейбір макролидтік антибиотиктерді бір мезгілде қабылдаумен өршиді. Қастауыш туындылары мен азитромицин арасында өзара әрекеттесудің болуы мүмкін екендігіне қатысты деректер жоқ, дегенмен эрготизмнің теориялық даму мүмкіндігі бар болғандықтан, азитромицин және қастауыш туындылары бөлек қабылдануы тиіс.

QT аралығының ұзаруы

Азелтин препаратын аритмиялардың даму қаупі бар пациенттерде (әсіресе егде жастағы пациенттерде), сондай-ақ:

- туа біткен немесе жүре пайда болған QT аралығының ұзаруында,

- аритмияға қарсы IА класының (хинидин, прокаинамид) және III класының (дофетилид, амиодарон және соталол) препараттарын, цизапридті, терфенадинді, психозға қарсы препараттарды (пимозид), антидепрессанттарды (циталопрам), фторхинолондарды (моксифлоксацин және левофлоксацин) қабылдап жүрген пациенттерде,

- су-электролиттік теңгерім бұзылғанда, әсіресе гипокалиемия немесе гипомагниемия жағдайында,

- клиникалық тұрғыдан маңызды брадикардияда, жүрек аритмияларында немесе жүрек функциясының ауыр жеткіліксіздігінде қолданғанда сақтық таныту керек.

Жалған жарғақшалы энтероколит

Кез келген басқа антибиотиктерді қолданған кездегідей, зеңдерді қоса, резистентті микроорганизмдерден туындаған суперинфекциялардың бергілерін бақылау ұсынылады. Бактерияларға қарсы препараттармен емдеу ішектің қалыпты флорасын өзгертеді, ол C. difficile-нің шамадан тыс өсуіне әкеледі. Clostridium difficile әсерінен туындаған диарея азитромицинді қоса, бактерияларға қарсы барлық препараттарды қолданғанда білінді және жеңіл диареядан ауыр колитке дейін өзгеруі мүмкін. Жалған жарғақшалы энтероколит антибиотиктерді қолданудан кейінгі диареямен қаралған барлық науқастарда қаралуы тиіс. Мұндай жағдайларда, әсіресе егер диарея бактерияларға қарсы препаратты қолданудан кейін алғашқы екі ай ішінде пайда болса, анамнезді мұқият жинау қажет.

Стрептококктік инфекция

Азитромицин резистентті штаммдар көбірек таралған аудандардағы (10% немесе одан көбірек) инфекцияларды эмпириялық емдеу үшін алғаш таңдау түсетін препарат болып табылмайды. Аурушаңдық деңгейі жоғары және эритромицинге тұрақты аудандарда әсіресе азитромицинге және басқа антибиотиктерге сезімталдықтың өзгеруін ескеру маңызды. Басқа макролидтерге қатысты айтар болсақ, азитромициннің Streptococcus pneumoniae-ге резистенттілік көрсеткіштері (> 30%) кейбір еуропалық елдерде тіркелді. Мұны Streptococcus pneumoniae әсерінен туындаған инфекцияларды емдеген кезде ескеру керек.

Бүйрек функциясының жеткіліксіздігі

Бүйрек функциясының ауыр жеткіліксіздігі бар (шумақтық сүзілу жылдамдығы <10 мл/мин) пациенттерде азитромициннің жүйелік әсерінің 33%-ға артуы байқалды.

Миастения

Азелтин препаратын қолдану миастенияның дамуына түрткі болуы немесе оның өршуін туындатуы мүмкін.

Диабет

Азелтин препаратының құрамында сахароза бар, мұны тұқым қуалайтын фруктоза, глюкоза немесе галактоза жақпаушылығы, сахараза-изомальтаза жеткіліксіздігі бар пациенттер және диабеті бар пациенттер ескеруі қажет, олар осы препаратты қабылдамаулары тиіс.

Жүктілік және лактация кезеңі

Азитромицинді жүктілік кезінде тек ана үшін күтілетін пайдасы шарана үшін потенциалды қаупінен басым болған жағдайларда ғана қолдануға болады.

Препараттың ана сүтімен бірге бөлініп шығатыны туралы деректер жоқ. Көптеген препараттар организмнен ана сүтімен бірге шығарылатын болғандықтан, Азелтин препаратын, егер ана үшін потенциалды пайдасы нәресте үшін ықтимал қаупінен басым болмаса, қолданбау керек.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

Азелтин препаратының автокөлікті басқару және қозғалыстағы механизмдермен жұмыс жасау қабілетіне ықпалына ешқандай да дәлелдер жоқ.

Қолданылуы жөніндегі нұсқаулар

Дозалау режимі

Азелтин препаратын бір реттік тәуліктік дозада қабылдау керек.

Азелтин препаратын тамақпен бірге немесе онсыз қабылдауға болады.

Дене салмағы 45 кг-ден көбірек болатын балалар мен жасөспірімдер, ересектер және егде жастағылар

Дене салмағы 45 кг-ден көбірек балалар және ересектер, соның ішінде егде жастағы пациенттер үшін Азелтин препаратының жалпы дозасы 1500 мг құрайды, оны үш күн бойы (күніне бір рет 500 мг-ден) қабылдау керек.

Асқынбаған генитальді инфекцияларда (хламидиозда) бір реттік 1000 мг доза ұсынылады. Гонококктік инфекцияның сезімтал штаммдары үшін ұсынылатын доза 250 мг немесе 500 мг цефтриаксонмен біріктірілген 1000 мг немесе 2000 мг Азелтин препаратын құрайды (бактерияларға қарсы препараттарды қолдану жөніндегі қолданыстағы нұсқауларға сәйкес). Тағайындалатын пенициллинге және/немесе цефалоспориндерге аллергиядан зардап шегіп жүрген пациенттер жергілікті емдеу қағидаттарына қатысты кеңес алғандары жөн.

Балалар

Дене салмағы 45 кг-ден азырақ балалар және жасөспірімдер

Азитромицинді 6 айлықтан кіші балаларға қолдану жөнінде ақпарат жоқ. Балаларға арналған доза 10 мг/кг құрайды, препарат 3 күн бойы бір реттік тәуліктік доза түрінде қолданылады.

Дене салмағы 15 кг-ден көбірек балалар үшін Азелтин суспензиясын қасықтың жәрдемімен, келесі нұсқауларға сәйкес қабылдау керек:

Дене салмағы 15-25 кг (3-7 жастағы) балаларға: 5 мл (200 мг), 3 күн бойы күніне бір рет.

Дене салмағы 26-35 кг (8-11 жастағы) балаларға: 7,5 мл-ден (300 мг), 3 күн бойы күніне бір рет.

Дене салмағы 36-45 кг (12-14 жастағы) балаларға: 10 мл-ден (400 мг), 3 күн бойы күніне бір рет.

Дене салмағы 45 кг-ден көбірек балалар үшін: ересек пациенттерге сәйкес келетін доза.

Дене салмағы 45 кг-ден жоғары балалар үшін: ересектердегі сияқты доза.

Бүйрек функциясының жеткіліксіздігі бар пациенттер

Бүйрек функциясының жеңіл және орташа жеткіліксіздігі бар (шумақтық сүзілу жылдамдығы 10-80 мл/мин) пациенттерде дозаны түзетудің қажеті жоқ.

Азелтин бүйрек функциясының ауыр жеткіліксіздігі бар (шумақтық сүзілу жылдамдығы <10 мл/мин) науқастарға сақтықпен қолданылуы тиіс.

Бауыр функциясының жеткіліксіздігі бар пациенттер

Бауыр функциясының жеңіл және орташа айқын жеткіліксіздігі бар пациенттерде дозаны түзетудің қажеті жоқ. Азитромицин бауырда метаболизденетін және өтпен бірге шығарылатын болғандықтан, препаратты бауырдың ауыр сырқаты бар пациенттерге қолданбау керек. Препаратты бауырдың ауырырақ бұзылуларында қолдану туралы ақпарат жоқ.

Қолдану тәсілі

Азелтин тек пероральді түрде ғана қолдануға арналған.

Дәрілік препаратты қолдану тәсілін түсіну үшін медицина қызметкеріне кеңес алу үшін бару ұсынылады.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар (қажеттілік болғанда)

Өте жиі

- диарея, іштің ауыруы, жүрек айнуы, метеоризм

Жиі

- анорексия

- бас айналу, бас ауыру, парастезия, дисгевзия (дәмнің бұзылуы)

- анық көрудің бұзылуы

- кереңдік

- құсу, диспепсия

- қышыну, бөртпе

- артралгия

- шаршау

- лимфоциттер санының азаюы, эозинофилдер санының артуы, қан бикарбонатының төмендеуі

Жиі емес

• кандидоз, ауыз қуысының кандидозы, қынаптық инфекциялар

• лейкопения, нейтропения

• Квинке ісінуі, жоғары сезімталдық

• күйгелектік

• гипоэстезия, ұйқышылдық, ұйқысыздық

• есту бұзылысы, құлақтың шуылдауы

• жүрек соғуын сезіну

• гастрит, іш қату

• гепатит

• Стивенс-Джонсон синдромы, фотосезімталдық реакциялары, есекжем

• кеуде қуысының ауыруы, ісінулер, дімкәстік, астения

• қанда калий мөлшерінің бұзылуы, қанда аспартат-аминотрансферазаның, аланинаминотрансферазаның, билирубиннің, қанда мочевинаның және креатининнің жоғарылауы

Сирек

• ажитация (қозу)

• бас айналу

• бауыр функциясының бұзылуы

• уытты эпидермальді некролиз

Өте сирек

• дәрілік препаратқа эозинофилиялы және жүйелік біліністері бар реакция (DRESS-синдром)

Белгісіз

• жалған жарғақшалы колит

• тромбоцитопения, гемолиздік анемия

• анафилаксиялық реакция

• метоболизм және тамақтанудың бұзылуы

• агрессия, мазасыздық

• естен тану, құрысулар, психомоторлы аса жоғары белсенділік, аносмия (иіс сезудің жоғалуы), паросмия (иістерді дұрыс ажырата алмау), миастения, агевзия (дәм сезімінің бұзылуы)

• пируэтті тахикардия, аритмия (қарыншалық тахикардияны қоса)

• гипотензия

• панкреатит, тіл түсінің өзгеруі

• бауыр функциясының жеткіліксіздігі (ол өлімге сирек әкелді), фульминантты гепатит, бауыр некрозы, холестаздық сарғаю

• дәнекер тінінің ауруы, мультиформалы эритема

• бүйрек функциясының жедел жеткіліксіздігі, интерстициальді нефрит

• электрокардиограммада QT аралығының ұзаруы

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

5 мл суспензияның құрамында

белсенді зат - 209.64 мг азитромицин дигидраты (200 мг азитромицинге баламалы)

қосымша заттар: сахароза, сусыз тринатрий фосфаты, натрий бензоаты, гидроксипропилцеллюлоза, ксантан шайыры, натрий сахарині, банан хош иістендіргіші, таңқурай хош иістендіргіші.

Сыртқы түрінің, иісінің, дәмінің сипаттамасы

Бананға және таңқурайға тән иісі бар, ақ түсті ұнтақ.

Дайын суспензия сарғыш реңді біртекті ақ түсті суспензия болып табылады.

Шығарылу түрі және қаптамасы

Пластик тығынмен тығындалған, көлемі 15 мл ақ түсті мөлдір емес полиэтилен құтыларға суспензия дайындауға арналған ұнтақ 12.56 г-ден салынған.

1 құтыдан көлемі 5 мл өлшеуіш қасықпен, көлемі 7.5 мл өлшеуіш стақанмен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл

Жарамдылық мерзімі өткеннен кейін қолдануға болмайды.

Жарықтан қорғалған жерде, 25С-ден аспайтын температурада сақтау керек.

Дайын суспензияны 25С-ден аспайтын температурада 5 күннен асырмай сақтау керек.

Балалардың қолы жетпейтін жерде сақтау керек.

Рецепт арқылы

Өндіруші туралы мәліметтер

Биофарма Илач Сан. ве Тидж. А.Ш., Стамбул қ., Санджактепе, Акпинар ауданы, Османгази к-сі, №156, Түркия

тел: +90 216 398 10 63;

факс: +90 216 398 10 20;

e-mail: YurtDisiRuhsat@biofarma.com.tr

Тіркеу куәлігінің ұстаушысы

Биофарма Илач Сан. ве Тидж. А.Ш., Стамбул қ., Санджактепе, Акпинар ауданы, Османгази к-сі, №156, Түркия

тел: +90 216 398 10 63;

факс: +90 216 398 10 20;

e-mail: YurtDisiRuhsat@biofarma.com.tr

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Altes Pharm (Алтес Фарм)» ЖШС, 050000, Қазақстан Республикасы, Алматы қ., Төле би к-сі  83, «Ambassador» бизнес орталығы, 777 кеңсе.

Тел./факс +7-727-292-26-08

E-mail: pvkz@altesgroup.com