Кларисан (10 мг)

Кларисан

Лоратадин

Таблеткалар, 10 мг

Бір таблетканың құрамында

белсенді зат: лоратадин - 10 мг;

қосымша заттар: лактоза моногидраты 110 мг, микрокристалды целлюлоза 75 мг, кальций стеараты 2 мг, натрий карбоксиметилкрахмалы 3 мг.

Жайпақ цилиндр тәрізді, ойығы бар, ақ немесе ақ дерлік түсті таблеткалар.

Жүйелі әсер ететін антигистаминдік препараттар. Жүйелі әсер ететін антигистаминдік басқа препараттар. Лоратадин.

АТХ коды R06 AX 13

Фармакокинетикасы

Асқазан-ішек жолынан жылдам және толықтай сіңеді. Препаратты қабылдағаннан кейін қан плазмасында ең жоғарғы концентрациясына жету уақыты - 1,3-2,5 сағат; тамақтану оны 1 сағатқа баяулатады. Препараттың ең жоғары концентрациясы бауырдың алкогольдік зақымдануында – аурудың ауырлауы ұлғаюмен егде жастағы адамдар қан плазмасында 50 %-ға артады. Плазманың ақуыздарымен байланысуы - 97%. CYP3A4 цитохормы изоферменттерінің және азырақ дәрежеде CYP2D6 қатысуымен белсенді метаболит дескарбоэтоксилоратадинді түзе отырып бауырда метаболизденеді.

Лоратадин мен метаболиті плазмадағы тепе-тең концентрациясына енгізудің 5-ші тәулігінде жетеді.

Гематоэнцефальді бөгет арқылы өтпейді.

Лоратадиннің жартылай шығарылу кезеңі - 3-20 (орташа алғанда 8,4) сағат, белсенді метаболитінікі - 8,8-92 сағ (орташа алғанда 28 сағ); егде пациенттерде тиісінше – 6,7-37 сағ (орташа алғанда 18,2 сағ) және 11-38 сағ (17,5 сағ). Бауырдың алкогольдік зақымдануында жартылай шығарылу кезеңі ауырудың ауырлығына пропорционалды артады.

Бүйрек арқылы және өтпен шығарылады.

Бүйрегінің созылмалы жеткіліксіздігі бар пациенттерде және гемодиализ жүргізгенде фармакокинетикасы іс жүзінде өзгермейді.

Фармакодинамикасы

Н1-гистаминдік рецепторлардың (ұзақ әсер ететін) блокаторы. Жуан жасушалардан гистамин мен С4 лейкотриеннің босап шығуын бәсеңсітеді. Аллергиялық реакциялардың дамуын болғызбайды және өтуін жеңілдетеді. Аллергияға қарсы, қышынуға қарсы, эксудаттарға қарсы әсерге ие. Капиллярлардың өткізгіштігін азайтып, тіндер ісінуінің дамуын болғызбайды, тегіс бұлшықеттің түйілуін қайтарады.

Аллерияға қарсы тиімділігі 30 минуттан кейін дамиды, ең жоғарғы деңгейіне 8-12 сағаттан кейін жетеді және 24 сағатқа созылады. Орталық жүйке жүйесіне әсер етпейді (өйткені гематоэнцефалдық бөгет арқылы өтпейді) және әдеттенуді туғызбайды.

- аллергиялық ринитті симптоматикалық емдеуде

- терінің аллергиялық ауруларын симптоматикалық емдеуде

Ішке қабылдауға арналған таблеткалар. Таблеткаларды аздаған су мөлшерімен ішіп, тамақтануға байланыссыз қабылдауға болады.

Ересектер және 12 жастан асқан балалар (дене салмағы 30 кг астам):

10 мг тәулігіне бір рет (1 таблетка)

6-дан 12 жасқа дейінгі балалар (дене салмағы 30 кг дейінгі):

5 мг тәулігіне бір мәрте (½ таблетка)

Ең жоғары тәуліктік доза ересектер үшін 10 мг (1 таблетка), балаларға 5 мг (½ таблетка).

Бүйрек жеткіліксіздігі немесе бауыр функциясы бұзылған пациенттер үшін бастапқы доза ересектер және 12 жастан асқан балаларға (дене салмағы 30 кг асатын) күнара 10 мг болуы тиіс, ал 6-дан 12 жасқа дейінгі балаларға (дене салмағы 30 кг дейінгі) күнара 5 мг (½ таблетка) құрайтын дозаны қолдану ұсынылады.

Егде жастағы пациенттер немесе бүйрек жеткіліксіздігі бар пациенттер үшін дозаны түзету қажет етілмейді.

Жағымсыз әсерлері клиникалық зерттеулер және маркетингтен кейінгі кезеңде қолдану барысында олардың туындау жиілігіне сәйкес бөлінген: өте жиі (1/10); жиі (1/100-ден <1/10 дейін); жиі емес (1/1000-нан <1/100 дейін); сирек (1/10000-нан <1/1000 дейін); өте сирек (<1/10000), белгісіз (қолда бар деректерден жиілігін анықтау мүмкін емес).

Жиі

- бас ауыруы

- ұйқышылдық

- тәбеттің жоғарылауы

- ұйқысыздық

Өте сирек

- тахикардия, жүрек қағуының жиілеуі,

- бас айналу, құрысулар

- ауыздың құрғауы, жүрек айну, гастрит

- бөртпе, шаштың түсуі

- анафилаксиялық реакция, ангионевроздық ісіну

- бауыр функциясының бұзылуы

- қажығыштық

- препарат компоненттерінің кез келгеніне аса жоғары сезімталдық

- тұқым қуалайтын лактоза жақпаушылығы, лактаза тапшылығы немесе глюкоза- галактоза мальабсорбциясы

- 6 жасқа дейінгі балалар

- лактация кезеңі

Лоратадинмен бірге қолданғанда Эритромицин, циметидин және кетоконазол клиникалық көріністерді туындатпай және электрокардиография деректеріне әсер етпестен қан плазмасында лоратадиннің концентрациясын арттырады.

Микросомальді тотықтану индукторлары (фенитоин, барбитураттар, рифампицин, фенилбутазон, трициклді антидепрессанттар) лоратадиннің тиімділігін төмендетеді. Лоратадин орталық жүйке жүйесіне алкогольдің әсерін күшейтпейді.

Кларисан препаратын аллергиялық тері сынамаларын жүргізерден кем дегенде екі күн бұрын тоқтатқан жөн, өйткені дәрілік препарат теріні аса жоғары сезімталдыққа тексеру нәтижелерін бұрмалауы мүмкін.

Бауыр зақымдануы кезінде қандағы ең жоғары концентрациясы және жартылай шығарылу кезеңі ауру ауырлығының ұлғаюына байланысты жоғарылайды, сондықтан бауыр функциясының ауыр бұзылуымен пациенттерге препаратты тағайындаған кезде, аз бастапқы дозасы ұсынылады.

Жүктілік және лактация

Жүктілік кезінде ана үшін болжамды пайдасы шаранаға төнетін қауіптен асып түсетін жағдайларда ғана қолданылуы мүмкін. Емдеу кезінде бала емізуді тоқтатқан жөн (емшек сүтіне енеді).

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Емделу кезеңінде автокөлікті жүргізгенде және жоғары зейін қоюды және психомоторлық реакция жылдамдығын қажет ететін қауіптілігі зор қызмет түрлерімен айналысқанда абай болу қажет.

Симптомдары: ұйқышылдық, тахикардия, бас ауыруы.

Емі: қажетті уақыт кезеңі ішінде симптоматикалық және демеуші ем. Асқазанды шаю, сумен бірге ұнтақталған белсендірілген көмір қабылдау. Лоратадин гемодиализ арқылы шығарылмайды. Шұғыл жәрдем көрсетілгеннен кейін пациент дәрігерлік бақылауда болуы тиіс.

Шығарылу түрі және қаптамасы

7 немесе 10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

1 немесе 3 пішінді ұяшықты қаптама медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Құрғақ жерде, 25°С-ден аспайтын температурада.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның атауы және елі

"АКРИХИН" АҚ, Ресей

142450, Мәскеу облысы, Ногинский ауданы, Старая Купавна қ.,

Киров к-сі, 29 үй.

Телефон/факс: +7 (495) 702-95-03.

Тіркеу куәлігі иесінің атауы және елі

"Химфарм" АҚ, Қазақстан Республикасы

Қаптаушы ұйымның атауы және елі

"АКРИХИН" АҚ, Ресей

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Химфарм» АҚ, Қазақстан Республикасы, Шымкент қ. Рашидов к-сі, 81

Телефон нөмірі +7 7252 (610151)

Электронды пошта complaints@santo.kz

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Химфарм» АҚ, Қазақстан Республикасы, Шымкент қ. Рашидов к-сі, 81

Телефон нөмірі +7 7252 (610150)

Электронды пошта phv@santo.kz; infomed@santo.kz