Эфавиренз/Эмтрицитабин/Тенофовир

• русский
• қазақша

• Скачать инструкцию медикамента

Саудалық атауы

Эфавиренз/Эмтрицитабин/Тенофовир

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 600 мг/200 мг/300 мг

Құрамы

Бір таблетканың құрамында

белсенді зат: эфавиренз 600 мг, эмтрицитабин 200мг, тенофовир дизопроксилі фумараты 300 мг (тенофовир дизопроксилге баламалы 245 мг)

қосымша заттар: микрокристалды целлюлоза, лактоза моногидраты, натрий кроскармеллозасы (AC-DI-SOL, FMC), натрий лаурилсульфаты, гидроксипропилцеллюлоза (Klucel-LF), магний стеараты, микрокристалды целлюлоза3

үлбірлі қабық

Opadry II көк (85F30602)

Үлбірлі қабықтың құрамы Opadry II көк (85F30602):

Сипаттамасы

Капсула пішінді, екі беті дөңес, бір жағында «TЕЕ» таңбаланған және екінші жағы тегіс, көк түсті үлбірлі қабықпен қапталған таблеткалар.

Фармакотерапиялық тобы

Жүйелі қолдануға арналған вирусқа қарсы препараттар. Тікелей әсер ететін вирусқа қарсы препараттар. АИТВ-инфекциясын, біріктірілімдерін емдеуге арналған вирусқа қарсы дәрілер. Эмтрицитабин, тенофовир дизопроксил және эфавиренз

АТХ коды J05AR06

Фармакологиялық қасиеттері

Фармакокинетикасы

АИТВ-инфекциясын жұқтырған пациенттерге жеке-дара тағайындалатын эфавиренз, эмтрицитабин және тенофовир дизопроксил фумаратының жеке фармацевтикалық түрлері эфавиренз, эмтрицитабин және тенофовир дизопроксилі фумаратының фармакокинетикасын анықтау үшін пайдаланылды.

Сынақ: біріктірілген бекітілген дозасы бар бір таблетка ашқарынға қабылданды.

Стандарт: бір реттік дозадағы 600 мг эфавиренз таблеткасы, 200 мг эмтрицитабин капсуласы және 300 мг тенофовир дизопроксил фумаратының таблеткасы ашқарынға қабылданды.

Сынақ және стандарт үшін орташа мәні (өзгерістер коэффициентінің %).

GMR=геометриялық орташа, ең аз квадраттар әдісімен есептелген, CI=сенім аралығы

Сіңуі: АИТВ-инфекциясын жұқтырған пациенттердегі қан плазмасындағы эфавиренз концентрациясының шыңына 5 сағат ішінде қол жеткізілді және тұрақты концентрацияларына 6-дан 7 күнге дейін уақытта қол жеткізілді. Күніне бір рет 600 мг эфавиренз алған 35 пациентте концентрацияның стационарлық шыңы (Cmax) 12,9 ± 3,7 мкМ (29%) [орташа ± стандартты ауытқу (СА) (өзгерістер коэффициенттері (% ӨК))] құрады, тұрақты жай—күй Cmin құрады 5.6 ± 3.2 мкМ (57%), және ҚАА - 184 ± 73 мкМсағ (40%).

Эмтрицитабин доза енгізуден кейін 1–ден 2 сағатқа дейінгі уақытта туындайтын плазмадағы концентрация шыңымен жылдам сіңеді. Көп реттік оральді эмтрицитабин дозасынан кейін АИТВ-инфекциясын жұқтырған 20 пациенттегі анықталған Cmax 1,8 ± 0,7 мкг / мл (орташа ± СА) (39% ӨК) құрады, дозалаудың 24 сағаттық аралығынан кейін орныққан концентрация Cmin 0.09 ± 0.07 мкг/мл (80%) және ҚАА - 10.0 ± 3.1 мкгсағ/мл (31%) құрады.

Дизопроксил фумарат тенофовирдің бір реттік 300 мг дозасын пероральді қабылдағаннан кейін ашқарындағы АИТВ-1 инфекциясын жұқтырған пациенттерде тенофовир ең жоғары концентрациясына бір сағат ішінде қол жеткізді, ал Cmax және ҚАА (орташа± СА) (%ӨК) 296 ± 90 нг/мл (30%) және 2,287 ± 685 нгсағ/мл (30%) тиісінше мәнін құрады. Тенофовир дизопроксил фумаратын ашқарында пероральді қабылдағанда тенофовирдің бииожетімділігі шамамен 25% құрады.

Ас болғандағы әсері: Таблеткадағы эфавиренз, эмтрицитабин және тенофовир дизопроксил тамақпен бірге қабылдағанда бағаланбаған.

Капсулалардағы эфавирензді май құрамы жоғары тамақпен бірге қабылдау ашқарында қабылдаумен салыстырғанда эфавиренздің орташа ҚАА және Cmax тиісінше 28% және 79%-ға ұлғайтты. Ашқарында қабылдаумен салыстырғанда, сондай-ақ май құрамы жоғары тамақпен немесе жеңіл тамақтанумен бірге тенофовир дизопроксил фумаратын және эмтрицитабинді дозалау эмтрицитабин әсеріне тиіспей, тенофовирдің ҚАА және Cmax тиісінше 35% және 15% ұлғайтты.

Таблеткадағы эфавиренз, эмтрицитабин және тенофовир дизопроксил фумаратын ашқарынға қабылдау ұсынылады, өйткені тамақ эфавиренз әсерін арттыруы және жағымсыз реакцияларының жиілігі ұлғаюына әкелуі мүмкін. Таблеткадағы эфавиренз, эмтрицитабин және тенофовир дизопроксил фумаратын ашқарынға қабылдаудан кейін тамақпен бірге қабылданған тенофовир дизопроксил фумаратының жеке компоненттерімен салыстырғанда тенофовирдің әсері шамамен 35%-ға төмен болатыны болжанады.

Таралуы: Эфавиренз адам плазмасының ақуыздарымен негізінен альбуминдермен жоғары (> 99%) байланысады. Зертханалық жағдайларда эмтрицитабиннің адам қаны плазмасындағы ақуыздармен байланысуы 4% азды құрайды және 0.02-ден 200 мкг/мл дейіннен астам концентрацияға тәуелді емес. Вена ішіне енгізуден кейін эмтрицитабиннің таралу көлемі 1,4 л/кг құрады. Эмтрицитабин пероральді қабылдаудан кейін денеге түгел ауқымды тарайды. Плазма/қандағы концентрациясының орташа арақатынасы шамамен 1,0 дейінді және шәуһет/плазма концентрациясының орташа арақатынасы шамамен 4,0 дейінді құрады.

Зертханалық жағдайларда тенофовирдің адам қаны плазмасымен немесе сарысулық ақуызбен байланысуы, тиісінше тенофовирдің 0.01-ден 25 мкг/мл дейінгі концентрация диапазонында < 0.7% және 7.2% құрайды. Вена ішіне енгізуден кейін тенофовирдің таралу көлемі 800 мл/кг құрады. Тенофовирді пероральді қабылдаудан кейін бүкіл денеге кеңінен тарайды.

Биотрансформация: эфавиренз негізінде соңынан осы гидроксилденген метаболиттердің глюкурондануымен гидроксилденген метаболиттерге дейін Р450 жүйесінің цитохромаларымен метаболизденеді. Бұл метаболиттер негізінен АИТВ-1 қарсы белсенді емес. Зертханалық зерттеулер CYP3A4 және CYP2B6 эфавиренз метаболизміне жауапты негізгі ферменттер болып табылатындығын және оның Р450 жүйесінің 2С9, 2С19 және 3А4 изоферменттерін тежейтіндігін болжайды. Зертханалық зерттеулерде эфавиренз клиникада қол жеткізілетіннен елеулі асатын концентрацияларында ғана CYP2E1 изоферментін тежемеді және CYP2D6 және CYP1A2 изоферменттерін тежеді.

Эфавиренздің плазмаға әсері CYP2B6 изоферментінің гомозиготалы G516T генетикалық нұсқасы бар пациенттерде артуы мүмкін. Эфавиренз P450 жүйесі энзимдерін индукцияланатынын көрсетті, бұл оның өзінің метаболитінің индукциялануына әкелді. 10 күн бойына тәулігіне 200-ден 400 мг дейін көптеген дозалар аккумуляциясының болжанғаннан төменірек дәрежесіне (22-ден 42% дейін және төмен ), ал сондай-ақ 40-тан 55 сағатқа дейінгі қысқалау жартылай ыдырау кезеңіне (бір реттік дозаның жартылай ыдырау кезеңі 52-ден 76 сағатқа дейін) әкелді.

Эмтрицитабиннің метаболизмі шектеулі. Эмтрицитабиннің биотрансформациясына 3'-сульфоксид диастереомерлер түзілуі бар (шамамен дозаның 9%-ы) және 2'-О-глюкуронид түзе отырып глюкуронды қышқылмен конъюгациясымен (шамамен дозаның 4%) тиол қалдығы тотығуы жатады.

Зертханалық зерттеулер CYP450 энзимдер үшін тенофовир дисопроксил фумарат та, тенофовир да субстрат болмайтынын анықтады. Зертханалық жағдайда эмтрицитабин де, тенофовир де дәрілік заттардың биотрансформациясына қатысатын адамның негізгі CYP450 изоформаларының кез келгені арқылы жүретін дәрілер метаболизмін тежемеді. Бұдан басқа эмтрицитабин глюкуронизацияға жауапты фермент уридин-5'-дифосфоглукоронил трансферазаны тежемеді.

Шығарылуы: Эфавиренз бір реттік дозаны қабылдағаннан кейін 52 сағат бойына және көп реттік дозадан кейін 40-тан 55 сағатқа дейін ең кемі жартылай шығарылуының ақырғы фазасында салыстырмалы ұзақ кезеңін иеленген. Несеппен эфавиренздің шамамен 14-тен 34 %-ға дейінгісі радиоизотоппен таңбаланған дозасы қалпына келтіріледі және эфавиренздің несеппен 1 %-дан аз дозасы өзгермеген түрінде шығарылады.

Пероральді қабылдағаннан кейін эмтрицитабиннің жартылай шығарылу кезеңі шамамен 10 сағатты құрайды. Эмтрицитабин негізінен бүйрекпен дозасы несепте (86%-ға жуық) және нәжісте (14%-ға жуық) толық қалпына келіп шығарылады. Эмтрицитабин дозасының он үш пайызы несепте үш метаболит түрінде қалпына келеді. Эмтрицитабинның жүйелі клиренсі орташа 307 мл/мин құрайды.

Тенофовирді пероральді қабылдағаннан кейін жартылай шығарылу кезеңі шамамен 12-ден 18 сағатқа дейінді құрайды. Тенофовир негізінен бүйрекпен сүзіліс және белсенді өзекшелік сөлініс жолымен тасымал жүйесімен шығарылады, вена ішіне енгізгеннен кейін несепте дозаның шамамен 70%-дан 80%-ға дейіні ағзадан өзгеріссіз шығарылады. Тенофовирдің болжамды клиренсі орташа 307 мл/мин жуық. Бағалау бойынша бүйрек клиренсі шамамен 210 мл/мин құрайды, бұл шумақтық сүзіліс жылдамдығын арттырады. Бұл белсенді өзекшелік сөлініс тенофовир шығарылуының маңызды бөлігі болып табылатындығын көрсетеді.

Жасы: Эфиваренз, эмтрицитабин немесе тенофовирдің егде жастағы адамдарда (65 жастан асқан) фармакокинетикалық зерттеулері жүргізілмеген.

Жынысы: Эмтрицитабин және тенофовирдің еркек және әйел жынысты пациенттердегі фармакокинетикасы ұқсас. Әйелдердегі эфавиренздің әсері жоғарырақ болатындығын шектеулі деректер айғақтайды, бірақ олардың оған төзімділігі аз емес сияқты.

Этникасы: Азия және Тынық мұхит аралдарының пациенттеріне эфавиренздің әсері жоғарырақ болатындығын шектеулі деректер айғақтайды, бірақ олардың оған төзімділігі аз емес сияқты.

Педиатриялық популяция: балаларда (18 жасқа дейінгі) таблеткадағы эфиваренз, эмтрицитабин немесе тенофовир дипроксил фумаратының фармакокинетикалық зерттеулері жүргізілмеген.

Бүйрек жеткіліксіздігі: Бүйрек жеткіліксіздігі бар АИТВ-инфекциясын жұқтырған пациенттерде жеке-дара фармацевтикалық түрлерін немесе таблеткадағы эфавиренз, эмтрицитабин және тенофовир дизопроксил фумаратын бірге енгізгеннен кейін фармакокинетикасы зерттелмеген.

Әртүрлі дәрежедегі бүйрек жеткіліксіздігі бар АИТВ-инфекциясын жұқтырмаған пациенттерде эмтрицитабин 200 мг немесе тенофовир дизопроксил 245 мг препараттарының жеке дара бір реттік дозаларын енгізгеннен кейін фармакокинетикалық параметрлері анықталды. Бүйрек жеткіліксіздігінің дәрежесі бастапқы креатинин клиренсіне (бүйрек функциясы қалыпты, креатинин клиренсі > 80 мл/мин, орташа бұзылуы бар креатинин клиренсі = 50-ден 79 мл/мин дейін; орташа нашарлауы бар креатинин клиренсі = 30-дан 49 мл/мин дейін және күрделі бұзылулары бар креатинин клиренсі = 10–нан 29 мл/мин дейін) сәйкес анықталды.

Жеңіл, орташа және ауыр бүйрек жеткіліксіздігі бар пациенттерде бүйрек функциясы қалыпты болғандағы эмтрицитабиннің орташа әсері (% ӨК) 12 мкг·сағ/мл (25%) тиісінше 20 мкг·сағ/мл (6%), 25 мкг·сағ/мл (23%) және 34 мкг·сағ/мл (6%) дейін ұлғайған. Жеңіл, орташа және ауыр бүйрек жеткіліксіздігі бар пациенттерде бүйрек функциясы қалыпты болғандағы тенофовирдің орташа әсері 2185 нг·сағ/мл (12%)-ден тиісінше 3064 нг· сағ/мл (30%), 6009 нг·сағ/мл (42%) және 15985 нг·сағ/мл (45%) дейін ұлғайған.

Гемодиализді қажет ететін бүйрек жеткіліксіздігінің терминальді сатысында (БЖТС) препараттың диализ арасындағы әсері эмтрицитабиннің 72 сағат ішінде 53 мкг·сағ/мл (19%) дейін және тенофовир үшін 48 сағаттан астам 42857 нг·сағ/мл (29 %) дейін елеулі жоғарылады.

Бүйрек жеткіліксіздігіндегі эфавиренз фармакокинетикасы зерттелмеген. Алайда, эфавиренз дозасының 1% азы организмнен несепте өзгеріссіз шығарылады, сондықтан бүйрек жеткіліксіздігінің эфавиренз әсеріне ықпалының ықтималдығы ең аз болады.

Таблеткадағы эфавиренз, эмтрицитабин және тенофовир дизопроксил фумараты орташа немесе күрделі бүйрек жеткіліксіздігінде (креатинин шығарылуы < 50 мл/мин) ұсынылмайды.

(Орташа немесе күрделі бүйрек жеткіліксіздігінде эмтрицитабин және тенофовир дизопроксил фумараты дозаларының аралығын түзету талап етіледі, бұған біріктірілген таблеткалар көмегімен қол жеткізу мүмкіндігі жоқ.

Бауыр жеткіліксіздігі: АИТВ-инфекциясын жұқтырған, бауыр функциясы бұзылуы бар пациенттерде таблеткадағы эфавиренз, эмтрицитабин және тенофовир дизопроксил фумаратының фармакокинетикасы зерттелмеген. Бауырдың орташа жеткіліксіздігі бар пациенттерге эфавиренз, эмтрицитабин және тенофовир дизопроксил фумараты таблеткаларын сақтықпен тағайындау керек.

Таблеткадағы эфавиренз, эмтрицитабин және тенофовир дизопроксил фумаратын ауыр бауыр жеткіліксіздігі бар пациенттерге пайдалануға болмайды және бауыр функциясының орташа бұзылуы бар пациенттер үшін ұсынылмайды. Әртүрлі дәрежедегі бауыр жеткіліксіздігі бар, В гепатиті вирусын жұқтырмаған пациенттерде эмтрицитабин фармакокинетикасы зерттелмеген.

Тенофовир фармакокинетикасы бауыр жеткіліксіздігі пациенттерде елеулі өзгерген жоқ, бұл пациенттер үшін тенофовир дизопроксил фумаратының дозасын еш түзету талап етілмейтіні болжанған.

Фармакодинамикасы

Әсер ету механизмі және фармакодинамикалық тиімділігі: Эфавиренз – бұл АИТВ-1 КТНЕТ. Эфавиренз АИТВ -1 кері транскриптазасын (КТ) бәсекелес емес тежейді және адам иммун тапшылығы вирусының -2 (АИТВ-2) немесе жасушалық полимераза дезоксирибонуклеинді қышқылының (ДНҚ) полимеразаларын (α, β, γ және δ) КТ елеулі тежемейді. Эмтрицитабин цитидиннің нуклеозидты аналогы. Тенофовир дизопроксил фумараты табиғи жағдайларда тенофовирге, аденозинмонофосфатының аналогы нуклеозид монофосфатына (нуклеотид) өзгереді.

Эмтрицитабин және тенофовир тиісінше эмтрицитабин трифосфатын және тенофовир дифосфатын түзумен жасушалық ферменттермен фосфорланады. Зертханалық зерттеулер эмтрицитабин және тенофовирдің бір-бірімен жасушаларда біріккенде толық фосфорлануы мүмкіндігін көрсетеді. Эмтрицитабин трифосфат және тенофовир дифосфат АИТВ -1 кері транскриптазасын бәсекелес тежейді, бұл ДНҚ тізбегінің үзілуіне әкеледі.

Эмтрицитабин трифосфат және тенофовир дифосфат сүт қоректілердегі ДНҚ-полимеразаның әлсіз тежегіші болып табылады және зертханалық және табиғи жағдайларда митохондрий үшін уыттылықтың ешбір белгілері болмаған.

Зертханалық жағдайлардағы антивирустық белсенділігі: Эфавиренз В (А, АЕ, AG, C, D, F, G, J және N қосалқы түрлері) біртекті емес жинақтың көпшілігіне қатысты вирусқа қарсы белсенділігін көрсетті, бірақ O тобының вирустарына қатысты вирусқа қарсы белсенділігі төмен. Эмтрицитабин A, B, C, D, E, F және G типті АИТВ -1 жинағына қатысты вирусқа қарсы белсенділігін көрсетті. Тенофовир A, B, C, D, E, F, G және O типті АИТВ -1 жинағына қатысты вирусқа қарсы белсенділігін көрсетті. Эмтрицитабин және тенофовир екеуі АИТВ -2 қатысты штамм спецификалық белсенділігін көрсетті және В гепатиті вирусына қатысты вирусқа қарсы белсенділігін көрсетті.

Қолданылуы

Эфавиренз, эмтрицитабин және тенофовир дизопроксилфумарат таблеткалары [600/200/300 мг] 18 жастағы және одан асқан ересек тұлғаларда адам иммун тапшылығы вирусын-1 (АИТВ-1) емдеу үшін тек толық режим ретінде немесе басқа антиретровирусты препараттармен біріктірілімде пайдалану үшін көрсетілген

Қолдану тәсілі және дозалары

Емді АИТВ-инфекциясын емдеуде жеткілікті тәжірибесі бар дәрігер тағайындауы керек.

Ересектер: Эфавиренз, эмтрицитабин және тенофовир дизопроксилфумараты, таблеткаларының ұсынылатын дозасы - күніне 1 рет пероральді қабылданатын бір таблетка.

Таблеткадағы эфавиренз, эмтрицитабин және тенофовир дизопроксил фумаратын ашқарынға қабылдау ұсынылады, өйткені тамақ эфавиренз әсерін ұлғайтуы мүмкін және жағымсыз реакцияларының жиілігі артуына әкелуі мүмкін. Эфавиренздің жүйке жүйесіне жағымсыз әсерлеріне қатысты жағымдылығын жақсарту үшін препаратты ұйықтар алдында қабылдау ұсынылады.

Дозаны түзету: Егер эфавиренз, эмтрицитабин және тенофовир дизопроксил фумараты таблеткалары бір мезгілде қолданылса.

Арнайы популяциялар

Егде жастағы пациенттер: Эфавиренз, эмтрицитабин және тенофовир дизопроксил фумараты, таблеткаларын егде жастағы пациенттерге сақтықпен тағайындау керек.

Бүйрек жеткіліксіздігі: Эфавиренз, эмтрицитабин және тенофовир дизопроксил фумараты, таблеткалары орташа немесе ауыр бүйрек жеткіліксіздігі (креатинин шығарылуы (CrCl) < 50 мл/мин) бар пациенттер үшін ұсынылмайды. Орташа немесе ауыр бүйрек жеткіліксіздігі бар пациенттерге біріктірілген таблеткалар көмегімен қол жеткізу мүмкін емес эмтрицитабин және тенофовир дизопроксил фумаратының доза аралығын түзету талап етіледі.

Бауыр жеткіліксіздігі: Таблеткадағы эфавиренз, эмтрицитабин және тенофовир дизопроксил фумаратының фармакокинетикасы бауыр функциясы бұзылуы бар пациенттерде зерттелмеген. Бауыр ауруларының жеңіл түрі (Чайлд-Пью-Туркотт (Child-Pugh-Turcotte) жіктеу жүйесі (CPT), A класы) бар пациенттерді таблеткадағы эфавиренз, эмтрицитабин және тенофовир дизопроксил фумаратының әдеттегі ұсынылатын дозасы көмегімен емдеуге болады. Пациенттерді эфавирензге байланысты жағымсыз реакцияларға, әсіресе жүйке жүйесінің симптомдарына мұқият бақылау керек.

Егер бір мезгілде АИТВ инфекциясы және В гепатиті вирусы бар науқастарда таблеткадағы эфавиренз, эмтрицитабин және тенофовир дизопроксил фумаратын қабылдау тоқтатылса, бұл пациенттер гепатиттің өршуіне мұқият бақылануы тиіс.

Балалар: Таблеткадағы эфиваренз, эмтрицитабин және тенофовир дизопроскил фумаратын [600/200/300 мг] 18 жастан кіші пациенттер үшін пайдалану ұсынылмайды.

Қабылдау тәсілі

Эфиваренз, эмтрицитабин және тенофовир дизопроскил фумаратын күніне бір рет сумен толық жұту керек.

Жағымсыз әсерлері

Төмендегі жағымсыз реакциялар компоненттері бойынша аталған препарат қабылдауға байланысты жағымсыз реакциялар:

Болжамды жағымсыз реакциялар туралы есеп

Дәрілік препарат тіркелгеннен кейінгі болжамды жағымсыз реакциялары бойынша есеп берудің маңызы зор. Бұл дәрілік препараттың пайда және қаупінің теңгеріміне мониторингті жалғастыруға мүмкіндік береді.

Денсаулық сақтау саласы қызметкерлеріне болжанған кез келген жағымсыз реакциялары туралы ұлттық есеп жүйесі арқылы мәлімдеу ұсынылады.

Қолдануға болмайтын жағдайлар

- әсер етуші заттарына немесе қосымша заттарының кез келгеніне жоғары сезімталдық

- бауырдың ауыр зақымдануы (CPT, C класы)

- таблеткадағы эфиваренз, эмтрицитабин және тенофовир дизопроскил фумараты эфавирензге ерте анықталған клиникалық елеулі аса жоғары сезімталдығы бар пациенттерге (мысалы, Стивенс-Джонсон синдромы, эритема немесе уытты бөртулер) қарсы көрсетілімде

- терфенадин, астемизол, цизаприд, мидазолам, триазолам, пимозид, бепридил немесе қастауыш алкалоидтарын (мысалы, эрготамин, дигидроэрготамин, эргоновин және метилэргоновин) бірге енгізу. Р450 цитохромының (CYP) 3A4 Эфавиренз көмегімен бәсекелесуі метаболизм тежелуіне және күрделі және/немесе өмірге қауіпті (мыс., жүрек аритмиясы, ұзаққа созылған тыныштандыратын жай-күй немесе тынысты бәсеңдету) болуы ықтимал жағымсыз әсерлерге әкелуі мүмкін

- вориконазолмен бірге енгізу. Эфавиренз плазмада вориконазол концентрациясын елеулі төмендетеді, бұл арада Вориконазол сондай-ақ плазмадағы эфавиренз концентрациясын елеулі ұлғайтады. Өйткені таблеткадағы эфиваренз, эмтрицитабин және тенофовир дизопроскил фумараты дәрілік препарат ретінде бекітілген доза беріледі, ал эфавиренз дозасын өзгертуге болмайды

- Плазмада концентрациясы төмендеуі қаупінен және Эфавиренздің клиникалық әсері төмендеуінен құрамында шайқурай Hypericum perforatum) бар өсімдік текті препараттармен бірге енгізу

- тұқым қуалайтын фруктоза жағымсыздығы, Lapp-лактаза ферменті тапшылығы, глюкоза-галактоза мальабсорбциясы бар тұлғалар

Дәрілермен өзара әрекеттесуі

Таблеткадағы эфавиренз, эмтрицитабин және тенофовир дизопроксил фумаратының дәрілік препараттармен өзара әрекеттесуіне ешқандай зерттеу жүргізілген жоқ.

Таблеткадағы эфавиренз, эмтрицитабин және тенофовир дизопроксил фумаратының бекітілген біріктірілімі ретінде құрамындағы кез келген компонент - эфавиренз, эмтрицитабин және тенофовир дизопроксил фумараты бар басқа дәрілік заттармен бір мезгілде тағайындауға болмайды. Эмтрицитабинмен ұқсастығынан таблеткадағы эфавиренз, эмтрицитабин және тенофовир дизопроксил фумаратын ламивудин сияқты цитидиннің басқа аналогтарымен бір мезгілде тағайындауға болмайды. Таблеткадағы эфавиренз, эмтрицитабин және тенофовир дизопроксил фумаратын адефовир дипивоксилмен тағайындауға болмайды.

Эфавиренз CYP3A4 изоферменті индукторы және CYP3A4 қоса, кейбір CYP450 изоферменттерінің тежегіші болып табылады. CYP3A4 субстраттары болып табылатын басқа қосылыстар эфавирензбен бірге енгізгенде қан плазмасындағы концентрациясын төмендетуі мүмкін. Сондай-ақ эфавиренз әсері CYP3A4 белсенділігіне ықпалы бар дәрілік заттармен немесе тамақпен (мысалы, грейпфрут шырынымен) енгізгенде өзгеруі мүмкін. Фармакокинетикалық өзара әрекеттесулердің зертханалық және клиникалық зерттеулері эмтрицитабин және тенофовир дизопроксил фумаратының басқа дәрілік препараттармен CYP450-арқылы болатын өзара әрекеттесулердің ықтималдығын көрсетті.

Каннабиноидтармен өзара әрекеттесулеріне сынақ: Эфавиренз каннабиноидты рецепторлармен байланыспайды. Эфавиренз алатын инфекция жұқтырмаған еріктілерде каннабиноидтарға несептің тестісінің жалған оң нәтижесі тіркелді. Сынақтың жалған оң нәтижесі скрининг үшін пайдаланылатын CEDIA DAU Multi-Level THC талдауында ғана бақыланды және оң нәтижелерді растау үшін пайдаланылатын тесттерді қоса, каннабиноидтарға сынақтың басқа талдаулары бақыланбады.

Бір мезгілде пайдаланудың қарсы көрсетілімдері

Таблеткадағы эфавиренз, эмтрицитабин және тенофовир дизопроксил фумаратын терфенадинмен, астемизолмен, цизапридпен, мидазоламмен, триазоламмен, пимозидпен, бепридилмен немесе қастауыш алкалоидтарымен (мысалы, эрготаминмен, дигидроэрготаминмен, эргоновинмен, және метилэргоновинмен) бірге тағайындауға болмайды, өйткені олардың метаболизмін тежеу күрделі, өмірге қауіпті салдарларға әкелуі мүмкін.

Вориконазол: Эфавиренз және вориконазолдың стандартты дозаларын бірге енгізу қарсы көрсетілімде. Таблеткадағы эфавиренз, эмтрицитабин және тенофовир дизопроксил фумараты бекітілген дозадағы біріктірілген препарат болуынан эфавиренз дозасын өзгерту мүмкіндігі жоқ; сондықтан вориконазол және эфавиренз, таблеткадағы эмтрицитабин және тенофовир дизопроксил фумаратын бірге қабылдауға болмайды.

Шайқурай (шілтер жапырақты шайқурай): таблеткадағы эфавиренз, эмтрицитабин және тенофовир дизопроксил фумаратын және шілтер жапырақты шайқурай немесе құрамында шайқурай бар өсімдік жинақтарын бірге қабылдау қарсы көрсетілімде. Қан плазмасындағы эфавиренз деңгейі шайқураймен дәрілік-метаболиздеуші ферменттердің және/немесе тасымалдаушы ақуыздардың индукциялануынан бір мезгілде шайқурай қабылдау жолымен төмендетілуі мүмкін. Егер пациент шайқурайды қабылдап жүрсе, оны қабылдауды тоқтату керек, вирустық және егер мүмкін болса эфавиренз деңгейін тексеру керек. Эфавиренз деңгейі шайқурайды тоқтатқанда артуы мүмкін. Шайқурайдың индукциялаушы әсері ем тоқтатылғаннан кейін 2 аптадан кем емес уақыт ішінде сақталуы мүмкін.

Бірге пайдалану ұсынылмайды:

Атазанавир/ритонавир: Атазанавир/ритонавирдің таблеткадағы эфавиренз, эмтрицитабин және тенофовир дизопроксил фумаратымен үйлесіміндегі дозасын ұсыну үшін деректер жеткіліксіз. Сондықтан атазанавир/ ритонавирді және эфавиренз, эмтрицитабин және тенофовир дизопроксил фумаратын бірге енгізу ұсынылмайды.

Диданозин: Таблеткадағы эфавиренз, эмтрицитабин және тенофовир дизопроксил фумаратын және диданозинді бірге тағайындау ұсынылмайды.

Софосбувир/велпатасвир: Таблеткадағы Эфавиренз/эмтрицитабин/тено-фовир және софосбувир/ велпатасвир дәрілік препаратын бір мезгілде қолдану ұсынылмайды.

Бүйрекпен шығарылатын медициналық препараттар: Эмтрицитабин және тенофовир негізінен бүйрекпен шығарылатын болғандықтан таблеткадағы эфавиренз, эмтрицитабин және тенофовир дизопроксил фумаратын бүйрек функциясын төмендететін немесе белсенді өзектік секреция (мысалы цидофовир) үшін бәсекелес болатын дәрілік заттармен бірге тағайындау эмтрицитабин, тенофовирдің және/немесе бірге қабылданатын дәрілік заттардың концентрациясының артуына әкелуі мүмкін.

Нефроуытты агенті бар немесе оны жуырда пайдаланудан кейін эфавиренз, эмтрицитабин және тенофовир дизопроксил фумаратын бір мезгілде қабылдаудан аулақ болу керек. Басқаларының арасында кейбір мысалдарда аминогликозидтер, амфотерицин В, фоскарнет, ганцикловир, пентамидин, ванкомицин, сидофовир немесе интерлейкин-2 бар.

1 кесте: Дәрілік препараттың жеке-дара компоненттерінің арасындағы өзара әрекеттесулер

Эфавиренз/Эмтрицитабин/Тенофовир таблеткасы және басқа дәрілік препараттармен

Айрықша нұсқаулар

Сүт қышқылды ацидоз / стеатозды ауыр гепатомегалия

Сүт қышқылды ацидоз / стеатозды ауыр гепатомегалия, өлім жағдайларын қоса, басқа антиретровирусты дәрілермен біріктірілімдегі таблеткадағы эфавиренз, эмтрицитабин және тенофир дизопроксил фумараты компонентін, тенофовир дизопроксил фумаратын қоса, нуклеозидті аналогтармен пайдалануда тіркелді.

Бұл жағдайлар көбінде әйелдерде болды. Семіздік және нуклеозидтің ұзақ әсері қауіп факторы болуы мүмкін. Бауыр аурулары үшін қауіптің белгілі факторлары бар кез келген пациентке нуклеозидтер аналогтарын тағайындағанда ерекше сақ болу керек; алайда сонымен бірге қауіптің белгісіз факторы бар пациенттер туралы да хабарланды. Таблеткадағы эфавиренз, эмтрицитабин және тенофовир дизопроксил фумаратын қолданумен ем клиникалық немесе зертханалық зерттеулер сүт қышқылды ацидоз немесе айқын гепатоуыттылық (оның ішінде гепатомегалия және стеатоз болуы мүмкін, тіпті трансаминаза деңгейінің елеулі жоғарылауы болмаса да) анықтаған барлық пациенттер үшін тоқтатылуы тиіс.

Бір мезгілдегі АИТВ-1 инфекциясы және "В" гепатиты вирусы бар пациенттер

АИТВ-1 инфекциясы бар барлық пациенттердің антиретровирусты ем бастағанға дейін созылмалы В гепатиті болуына тексерілуі ұсынылады. Таблеткадағы эфавиренз, эмтрицитабин және тенофовир дизопроксил фумараты созылмалы "В" гепатиті вирусы инфекциясын емдеу үшін мақұлданбаған, таблеткадағы эфавиренз, эмтрицитабин және тенофовир дизопроксил фумаратының бір мезгілде "В" гепатиті және АИТВ-1 инфекциясын жұқтырған пациенттердегі қауіпсіздігі мен тиімділігі анықталмаған. В гепатитінің күрделі жедел өршуі гепатит вирусын және АИТВ-1 инфекциясын жұқтырған және эмтрицитабин немесе тенофовир ДФ, таблеткадағы эфавиренз, эмтрицитабин және тенофовир дизопроксил фумаратының екі компонентін қабылдауды тоқтатқан пациенттерде тіркелген. Эмтрицитабин алған және В гепатитінің вирусы инфекциясын жұқтырған кейбір пациенттерде В гепатитінің өршуі бауырдың декомпенсациясымен және бауыр жеткіліксіздігімен байланысты болды.

АИТВ-1 инфекциясын және В гепатитінің вирусы инфекциясын жұқтырған пациенттерді таблеткадағы эфавиренз, эмтрицитабин және тенофовир дизопроксил фумаратын қолданумен емді тоқтатқаннан кейін соңынан ең кемі бірнеше ай бойы бақылаумен клиникалық және зертханалық жолдармен мұқият бақылау керек. Егер қолдану мүмкіндігі болса B гепатиті вирусына қарсы ем басталуы мүмкін. Таблеткадағы эфавиренз, эмтрицитабин және тенофовир дизопроксил фумаратын HEPSERA® препаратымен (адефовир дипивоксил) тағайындауға болмайды.

Дәрілік препараттардың өзара әрекеттесулері

Қан плазмасындағы эфавиренз концентрациясы CYP3A изоферментінің субстраттары, тежегіштері немесе индукторлары көмегімен өзгеруі мүмкін. Осыған ұқсас түрде, эфавиренз CYP3A изоферментімен метаболизденетін препараттардың плазмалық концентрациясын өзгертуі мүмкін.

Басқа дәрілік препараттармен біріктіріп қабылдау

Таблеткадағы эфавиренз, эмтрицитабин и тенофовир дизопроксил фумаратын бірге қабылдауға арналмаған байланысты дәрілік препараттарға COMPLERA (эмтрицитабин / Rilpivirine / тенофовир DF), Эмтрива (эмтрицитабин), Сустива (эфавиренз), ТРУВАДУ (эмтрицитабин / тенофовир DF) және Viread (тенофовир DF) жатады, бұлардың құрамында да дәл таблеткадағы эфавиренз, эмтрицитабин және тенофовир дизопроксил фумаратындағы сияқты белсенді компоненттер бар. Эмтрицитабин және ламивудин арасындағы ұқсастығына байланысты таблеткадағы эфавиренз, эмтрицитабин и тенофовир дизопроксил фумаратын Комбивир (ламивудин/зидовудин), Эпивир немесе Эпивир-ВГВ (ламивудин), Эпзиком (сульфат абакавир / ламивудин) немесе Тризивир (абакавир сульфат / ламивудин / зидовудин) қоса, құрамында ламивудин бар препараттармен бірге қабылдауға болмайды

Шартты-патогенді организмдерден туындаған инфекциялар

Таблеткадағы Эфавиренз/Эмтрицитабин/Тенофовир немесе басқа антиретровирустық препараттар қабылдаған пациенттер шартты-патогенді организмдерден туындаған инфекцияларды және АИТВ-инфекциясының басқа асқынуларын одан әрі қарай дамытуы мүмкін, олар осылайша АИТВ инфекциясына байланысты аурулардан зардап шегетін пациенттерді емдеуде тәжірибесі бар дәрігерлердің мұқият клиникалық бақылауында болуы тиіс.

Психиатриялық симптомдар

Эфавиренз алған пациенттерде күрделі психикалық жағымсыз реакциялар тіркелген. Орташа алғанда 1,5 - 2,1 жыл ішінде эфавиренз қолданумен емделген пациенттерде нақты күрделі психикалық бұзылулар туындаған: ауыр депрессия, өзіне қол жұмсау туралы ойлар, өзін өлтіргісі келудің фатальді емес ұмтылыстары, озбыр мінез-құлық, параноидальді реакциялар, маниакальді реакциялар. Психиатриялық симптомдар жоғарыда аталғандарға ұқсас болғанда біріктірілген және деректердің көп факторлы талдауында топ ретінде бағаланды.

Жүйке жүйесінің симптомдары

Эфавиренз алатын пациенттерде орталық жүйке жүйесінің симптомдары (кез келген класты, себептеріне байланыссыз) кездесті. Бұл симптомдарға бас айналуы, ұйқысыздық, зейін қою бұзылуы, ұйқышылдық, аномальді түстер және елестеулер жатады. Басқа симптомдары эйфория, сананың шатасуы, қозу, амнезия, мелшию, дұрыс ойлана алмау және өзін өзі танымау болды. Бұл симптомдардың көпшілігі жеңіл немесе орташа болды; 2% пациенттерде симптомдар күрделі болды. Негізінде нәтижесінде пациенттердің 2,1% -да емді тоқтатты. Бұл симптомдар әдетте емнің бірінші немесе екінші күні ішінде басталады және әдетте емнің алғашқы 2-ші және 4-ші аптасынан кейін жойылады. 4 апталық емнен кейін ең кемі ауырлығы орташа дәрежедегі жүйке жүйесінің симптомдарының таралуы эфавиренз қолданумен ем алған пациенттердің

5%-дан 9%-ға дейінін және бақылау тобының пациенттерінің 3%-дан 5%-ға дейінін құрады. Пациенттерді осы жалпы симптомдардың ұзақ емдегенде жақсаруы мүмкіндігі туралы хабардар ету керек және кейіннен психиатриялық симптомдардың жиілігінің азырақ пайда болуын болжамайды. Препаратты ұйықтар алдында қабылдау жүйке жүйесінің осы симптомдарын көтеруді жақсартуы мүмкін. Таблеткадағы эфавиренз, эмтрицитабин және тенофовир дизопроксил фумаратын қабылдаған пациенттердің ұзақ мерзімді талдауынан деректер алкогольмен немесе психикалық белсенді заттармен бір мезгілде пайдаланылатын таблеткадағы эфавиренз, эмтрицитабин және тенофовир дизопроксил фумаратын қабылдағанда орталық жүйке жүйесі үшін аддитивті әсерлер болуы мүмкіндігі туралы ескертілуі тиіс. Бас айналуы, зейін қою бұзылуы және/немесе ұйқышылдық сияқты орталық жүйке жүйесінің симптомдары бар пациенттерге машина жүргізу немесе оның эксплуатациясы сияқты қауіптілігі зор міндеттерден аулақ болу керек.

Жаңасы басталуы және бүйрек жеткіліксіздігінің нашарлауы

Эмтрицитабин және тенофовир негізінен бүйрекпен шығарылады: бұл оның эфавирензден айырмашылығы. Өйткені таблеткадағы эфавиренз, эмтрицитабин және тенофовир дизопроксил фумараты біріктірілген өнім және дара компоненттерінің дозасы өзгертіле алмайды, креатинин клиренсі 50 мл/мин төмен пациенттерге таблеткадағы эфавиренз, эмтрицитабин және тенофовир дизопроксил фумаратын тағайындауға болмайды.

Тенофовир дизопроксил фумаратын пайдаланғанда жедел бүйрек жеткіліксіздігі жағдайларын және Фанкони синдромын (ауыр гипофосфатемиясы бар бүйрек өзекшелерінің зақымдануы) қоса, бүйрек функциясы бұзылуы тіркелген.

Барлық пациенттерде ем бастар алдында және таблеткадағы эфавиренз, эмтрицитабин және тенофовир дизопроксил фумараты пайдаланылған ем кезіндегі клиникалық жағдайларға байланысты креатинин клиренсін есептеу керек. Креатинин клиренсін және қан сарысуындағы фосфорды есептеудің ағымдағы мониторингін бұрын HEPSERA қабылдағанда бүйрек оқиғалары болған пациенттерді қоса, бүйрек функциясы бұзылуының қаупі бар пациенттерде жүргізу керек. Эфавиренз, эмтрицитабин және тенофовир дизопроксил фумаратын нефроуытты агенттермен немесе оны жуырда пайдаланудан кейін бір мезгілде қабылдаудан аулақ болу керек.

Ұрпақ өрбіту функциясы үшін потенциалды қаупі

D санатты жүктілік: Эфавиренз жүкті әйелдің жүктілігінің бірінші триместрінде қабылдау кезінде шарана үшін зиян туындатуы мүмкін. Әйелдерге таблеткадағы эфавиренз, эмтрицитабин және теновир дизопроксил фумаратын жүктілікте қабылдаудан аулақ болу керек. Ұрықтануға қарсы бөгеттік дәрілер әркез контрацепцияның басқа әдістерімен үйлесімде пайдаланылуы тиіс (мысалы, оральді немесе басқа гормональді контрацептивтер). Эфавиренздің жартылай ұзақ ыдырауы кезеңінен таблеткадағы эфавиренз, эмтрицитабин және теновир дизопроксил фумаратын қабылдауды тоқтатқаннан кейін 12 апта ішінде контрацепцияның тиісті шараларын қолдану керек. Ұрпақ өрбіту жасындағы әйел таблеткадағы эфавиренз, эмтрицитабин және теновир дизопроксил фумаратын қабылдауды бастар алдында жүктілікке тест өтуі тиіс.

Егер бұл препарат жүктілігінің бірінші триместрі кезінде пайдаланылса немесе егер әйел осы препаратты қабылдау кезеңінде жүкті болса шарана үшін потенциалды зияны туралы пациент хабардар болуы тиіс. Жүкті әйелдерде таблеткадағы эфавиренз, эмтрицитабин және теновир дизопроксил фумаратының тиісінше және жақсы бақыланған ешбір зерттеуі жоқ.

Таблеткадағы эфавиренз, эмтрицитабин және теновир дизопроксил фумаратының жүктілік кезінде тек егер потенциалды пайдасы шарана үшін потенциалды қаупін ақтаса ғана, мысалы емнің басқа терапевтік нұсқасы жоқ жүкті әйелдерде пайдалану керек.

Бауыр үшін уыттылығы

Емдеуге дейінгі және ем кезіндегі бауыр ферменттерінің мониторингі В және С гепатиті инфекциясын қоса, қатарлас бауыр аурулары бар пациенттер үшін; айқын трансаминазалары бар пациенттерде; бауыр уыттануына байланысты басқа препараттар қабылдаған пациенттерде ұсынылады. Қандай да бір бұрын болған бауыр ауруларынсыз немесе басқа тиісті қауіп факторларының идентификациясынан туындаған пациенттердегі бауыр жеткіліксіздігі туралы маркетингтен кейінгі бірнеше есеп бар. Сондай-ақ бауыр дисфункциясы бұрын болмаған немесе басқа қауіп факторларынсыз пациенттер үшін бауыр ферменттерінің мониторингін қарастыру керек. Қан сарысуындағы трансаминазаның жоғарғы қалып шегі диапазонынан бес есе жоғары, одан астам тұрақты жоғарылауы бар науқастарда таблеткадағы эфавиренз, эмтрицитабин және тенофовир дизопроксил фумаратын пайдаланып емді жалғастырудың пайдасы бауырдың елеулі уыттылығының белгісіз қаупіне қарсы бағалануы тиіс.

Сүйектің минералдық тығыздығының төмендеуі

Сондай-ақ патологиялық сүйек сыну тарихы бар немесе остеопения қаупіндегі АИТВ-1 инфекциясын жұқтырған пациенттер үшін сүйектің минералдық тығыздығының (СМТ) мониторингін қарастыру керек. Кальций және D дәрумені бар тағамдық қоспалардың әсері зерттелмесе де, бұл қоспалар барлық пациенттер үшін пайдалы болуы мүмкін. Егер сүйек тарапынан ауытқуларға күдік болса, онда тиісті кеңес алу керек.

Құрысулар

Құрысулар әдетте анамнезінде құрысулар болған, эфавиренз қабылдайтын пациенттерде байқалған. Құрысу тарихы бар кез келген пациентке эфавиренз тағайындағанда ерекше мұқият бақылау керек. Фенитоин және фенобарбитал сияқты негізінен бауырда метаболизденетін құрысуға қарсы препараттарды бір мезгілде қабылдайтын пациенттер плазмадағы деңгейіне мезгіл-мезгіл мониторинг жүргізуді қажет етуі мүмкін.

Иммундық қалпына келу синдромы

Иммундық қалпына келу синдромы таблеткадағы эфавиренз, эмтрицитабин және тенофовир дизопроксил фумаратының компоненттерін қоса, біріктірілген антиретровирустық емі бар пациенттерде тіркелген. Иммундық жүйесі реакция беретін пациенттерде біріктірілген антиретровирустық емнің бастапқы сатысында сылбыр немесе қалдық оппортунистік инфекцияларға (мысалы, Mycobacterium avium инфекциясы, цитомегаловирус, Pneumocystis jiroveci немесе туберкулез) қабыну жауабы бақылануы мүмкін, бұл одан әрі тексеру мен емді талап етуі мүмкін.

Салмақ және зат алмасу функциясы көрсеткіштері

Салмақ және липидтер және қандағы глюкоза деңгейі артуы антиретровирустық ем жүргізу кезінде туындауы мүмкін. Бұндай өзгерістер ішінара пациенттің ауруын және өмір салтын бақылауға байланысты болуы мүмкін. Бұл арада қандай да бір емнің салмақ артуына қатысты әсеріне сенімді айғақ болмаса да, емнің липидтер деңгейі артуына әсерін растайтын кейбір жағдайлар бар. Липидтер және қандағы глюкоза деңгейін бақылау АИТВ емдеу бойынша бекітілген клиникалық хаттамамен анықталған. Липидтік алмасу бұзылуы клиникалық көрсетілімдерге сәйкес түзетілуі тиіс.

Егде жастағы пациенттер

Эфавиренз/Эмтрицитабин/Тенофовир таблеткасы дәрілік препараты 65 жастан асқан пациенттердің қабылдауы үшін зерттеулерде тексерілмеген. 65 жастан асқан пациенттер дәрілік препаратты ерекше сақтықпен қолдануы тиіс, өйткені пациенттердің бұл тобында бүйрек және бауырдың жеткіліксіздігі дамуының жоғары ықтималдығы бар.

Жүктілік және бала емізу

Бала көтеретін жастағы әйелдер:

Таблеткадағы эфавиренз, эмтрицитабин және тенофовир дизопроксил фумаратын қабылдайтын әйелдерге жүктіліктен аулақ болу керек. Таблеткадағы эфавиренз, эмтрицитабин және тенофовир дизопроксил фумаратын қабылдауды бастар алдында бала көтеру жасындағы әйелдер жүктілікке тест өтуі тиіс.

Ерлер мен әйелдердегі контрацепция:

Таблеткадағы эфавиренз, эмтрицитабин және тенофовир дизопроксил фумаратын тағайындаумен емдегенде бөгеттік ұрықтануға қарсы дәрілер әркез контрацепцияның басқа әдістерімен үйлесімде пайдаланылуы тиіс. Эфавиренздің ұзақ жартылай ыдырау кезеңіне байланысты таблеткадағы эфавиренз, эмтрицитабин және тенофовир дизопроксил фумаратын қабылдауды тоқтатқаннан кейін 12 апта ішінде контрацепцияның тиісінше шараларын қабылдау ұсынылады.

Жүктілік

Эмтрицитабин және тенофовир дизопроксил фумараты: Жүкті әйелдер туралы деректердің орташа саны (жүктіліктің 300-1000 саны арасында) шарана дамуында ақаудың немесе эмтрицитабинмен және тенофовир дизопроксил фумаратқа байланысты неонатальді уыттылықтың

жоқтығын көрсетеді. Эмтрицитабин және тенофовир дипроксил фумараты бойынша жануарлардағы зерттеулер ұрпақ өрбітуге уыттылығын көрсетпеген. Таблеткадағы эфавиренз, эмтрицитабин және тенофовир дизопроксил фумаратын егер әйелдің клиникалық жай-күйі осы препараттарды қолданумен емді талап етпесе, жүктілік кезінде пайдалануға болмайды.

Бала емізу

Эмтрицитабин және тенофовир ана сүтіне бөлінетіні көрсетілген. Эмтрицитабин және тенофовирдің жаңа туған нәрестелерге/сәбилерге әсері туралы ақпарат жеткіліксіз. Егеуқұйрықтардағы зерттеулер эфавиренздің сүтке бөлінетіндігін көрсетті; эфавиренз концентрациясы анасының плазмасындағыға қарағанда елеулі жоғары болды. Нәрестелер үшін қаупі жоққа шығарылуы мүмкін емес. Сондықтан таблеткадағы эфавиренз, эмтрицитабин және тенофовир дизопроксил фумараты бала емізу кезеңінде пайдаланылмауы тиіс.

Әдетте, АИТВ-инфекциясы анасынан сәбиге берілуін болдырмау үшін АИТВ-инфекциясын жұқтырған әйелдерге баланы емізбеу ұсынылады.

Фертильділігі

Таблеткадағы эфавиренз, эмтрицитабин және тенофовир дизопроксил фумаратының адамға әсері туралы ешбір дерекке қол жетімді емес. Жануарларға зерттеулер эфавиренз, эмтрицитабин және тенофовир дизопроксил фумаратының фертильділікке зиянды әсерін көрсетпеген.

Қосымша заттар бойынша ақпарат

Құрамында қосымша зат ретінде лактоза моногидраты болуынан қант диабеті бар науқастарға сақтықпен тағайындау керек.

Дәрілік заттың көлік құралдарын және әлеуетті қауіптілігі зор механизмдерді басқару қабілетіне әсер ету ерекшеліктері

Басқару және пайдалану қабілетіне әсері туралы ешбір зерттеулер жүргізілмеген. Алайда эфавиренз, эмтрицитабин және тенофовир дизопроксил фумаратын пайдаланып емдеу кезінде бас айналу жағдайлары тіркелді. Эфавиренз сондай-ақ зейін қою бұзылуын және/немесе ұйқышылдық туындатуы мүмкін. Пациенттер егер оларда осы симптомдар болса, машинаны жүргізу және пайдалану сияқты қауіптілігі зор міндеттерден аулақ болуы тиістігі туралы хабардар болуы керек.

Артық дозалануы

Артық дозаланған жағдайда, пациенттің клиникалық жай-күйін бақылау және өмірлік маңызды белгілеріне мониторингті қоса, пациент уытты әсерінің белгілеріне бақылануы тиіс; содан кейін қажет болуына қарай стандартты демеуші емді қолдану керек. Сіңірілмеген эфавирензді шығаруды жеңілдету үшін белсендірілген көмір қабылдау пайдаланылуы мүмкін. Гемодиализ эмтрицитабин және тенофовир ДФ шығаруы мүмкін, бірақ қандағы эфавирензді шығарылуының елеулілігі күмәнді.

Эфавиренз: күніне екі рет кездейсоқ 600 мг қабылдаған кейбір пациенттер жүйке жүйесінің жоғарылауы симптомдары туралы хабарлаған. Бір пациентте еріксіз бұлшықет тартылуы болған.

Эмтрицитабин: эмтрицитабиннің емдік дозаларынан асатын дозалардағы шектеулі клиникалық тәжірибеге қол жетімді. Клиникалық фармакологиядағы бір сынақта 1200 мг эмтрицитабин бір реттік дозасын 11 пациентке енгізген. Ешбір күрделі жағымсыз реакциялар тіркелмеген. Гемодиализ эмтрицитабин дозасын енгізгеннен кейінгі (қан ағынының жылдамдығы 400 мл/мин және диализат ағыны жылдамдығы 600 мл/мин) 1,5 сағаттан соң жүргізілген 3 сағаттық диализ кезеңі ішінде эмтрицитабиннің шамамен 30% дозасын шығарады.Эмтрицитабиннің перитонеальді диализ көмегімен шығарылу-шығарылмауы белгісіз.

Тенофовир дизопроксил фумараты: Тенофовир ДФ 300 мг емдік дозасынан асатын дозалардағы клиникалық тәжірибе шектеулі. 600 мг тенофовир ДФ бір зерттеуінде 28 күн бойына 8 пероральді енгізілген, және ешбір күрделі жағымсыз реакция байқалмаған. Жоғарырақ дозалаудың әсері белгісіз. Тенофовир гемодиализбен 54% шамасындағы жою коэффициентімен тиімді шығарылады. 300 мг тенофор ДФ бір реттік дозасынан кейінгі 4 сағаттық гемодиализ сессиясы енгізілген тенофовир дозасының 10%-ға жуығын жойды.

Шығарылу түрі және қаптамасы

30 таблеткадан бірінші ашылуына бақылауы бар бұралып жабылатын ақ түсті қақпағы бар тығыздығы жоғары полиэтиленнен (HDPE) жасалған ақ түсті пластик құтыға салынады. Құтыда ылғал тартқыш силикагель бар.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.

Сақтау шарттары

25 °С-ден аспайтын температурада

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші ұйымның және қаптаушы ұйымның атауы мен елі

Strides Shasun Limited

36/7, Сурагаджакканахалли,

Индлавади Кросс, Анекал Талук,

Бангалор-562 106, ҮНДІСТАН.

Тіркеу куәлігі иесінің атауы мен елі

Strides Shasun Limited

«Strides House» Bilekahalli,

Bannerghatta Road,

Бангалор – 560 076, ҮНДІСТАН

Қазақстан Республикасы аумағында тұтынушылардан өнім (тауар) сапасы жөніндегі шағымдарды (ұсыныстарды) қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы:

«Попова Татьяна Александровна» ЖК, 050057 Қазақстан Республикасы, Алматы қ., Бұқар Жырау к-сі 65 үй 8 пәтер

Тел.:  +7 771 300 99 07, e-mail: popovakz@gmail.com