Этомид
Инструкция
-
русский
-
қазақша
Саудалық атауы
ЭТОМИД
Халықаралық патенттелмеген атауы
Этионамид
Дәрілік түрі
Үлбірлі қабықпен қапталған 250 мг таблеткалар
Құрамы
Бір таблетканың құрамында
белсенді зат - 250 мг этионамид
қосымша заттар: жүгері крахмалы, желатин, натрий крахмалының гликоляты, сусыз коллоидты кремнийдің қостотығы, қараған, тазартылған тальк, магний стеараты, повидон
үлбірлі жабын: гипромеллоза, титанның қостотығы (Е 171), хинолинді сары супра (Е 104), диэтилфталат
Сипаттамасы
Дөңгелек, екі жақ беті дөңес, сары түсті үлбірлі қабықпен қапталған, екі жақ беті тегіс таблеткалар.
Фармакотерапиялық тобы
Туберкулезге қарсы препараттар. Тиокарбамид туындылары. Этионамид.
АТХ коды J04AD03
Фармакологиялық қасиеттері
Фармакокинетикасы
Сіңуі: Ішке қабылданғаннан кейін этионамид асқазан-ішек жолынан жақсы сіңеді. 250 мг дозада плазмада ең жоғары концентрация шегіне 2 сағаттан соң жетеді және 1,7-2,0 мг/л құрайды. Плазмадағы жартылай өмір сүру кезеңінің орташа мәні – 2,1 сағат.
Таралуы: Препарат организмге жақсы таралады; бауыр, бүйрек және көкбауыр тіндерінен байқалады. Көрінетіндей таралу кезеңі белгісіз. Плазма құрамы қалыпты болғанда плазма ақуыздарымен байланысуы 30% құрайды. Препараттың өте үлкен мөлшері альбуминмен, қалған бөлігі α1- және α2-глобулиндермен байланысады. Жұлын сұйықтығында сарысудағыға баламалы концентрацияларда байқалады.
Экскрециясы: Этионамид бауырда биотранформацияға ұшырайды; өзгермеген препараттың тек 0,16%-ы ғана және оның сульфоксид-метаболитінің 1,2%-ы несеппен бірге шығарылады. Өзгермеген этионамидтің 0,1%-дан азы нәжістермен бірге шығарылады. Бауырдың жедел немесе созылмалы ауруларының препараттың шығарылуына ықпалы белгісіз. Этионамидтің және оның судьфоксид метаболитінің жартылай өмір сүру кезеңінің орташа мәндері - 1,87 және 1,92 сағат, тиісінше, 1,74 сағаттан 2,0 сағатқа дейінгі және 1,68 сағаттан 2,12 сағатқа дейінгі аралықта.
Фармакодинамикасы
Этионамид туберкулездің микобактериясына бактериостатикалық әсер етеді. Әсер ету механизмі микобактерия ақуыздары синтезінің басылуы болып табылады. Туберкулездің қабыну ошағында фагоцитозды күшейтеді, ол оның сіңуіне мүмкіндік береді. Этионамид сондай-ақ M. kansasii, M. leprae, және кейбір M. avium-complex штаммдарына қатысты да белсенді. Этионамид өте төмен басым концентрацияларда МБК 0,05 мкг/мл-де M. leprae қатысты бактерицидті әсер етуі мүмкін. Этионамидті монотерапия режимінде қабылдағанда төзімділік тез пайда болады.
Қолданылуы
- туберкулез: мультитөзімді туберкулезді емдеген кезде 2-ші тізбекті химиялық емдеу режимінде тиімді басқа препараттармен біріктіріп қана, және изониазидпен, рифампицинмен немесе бірінші тізбекті басқа да препараттармен емдеу тиімсіз болған кездегі емдеуде.
Қолдану тәсілі және дозалары
Этионамидтің ересек адамдар үшін тәуліктік дозасы дене салмағының әр кг-на шаққанда 10-20 мг құрайды. Ең төмен тәуліктік дозасы – 500 мг, ең жоғары дозасы – 750 мг.
Бүйрек қызметінің жеткіліксіздігіндегі дозасы: креатинин клиренсі (КК) минутына 10 мл-ден астам болғанда әдеттегі доза ұсынылады. КК минутына 120 мл-ден аз болғанда дозаны 50%-ға азайтқан жөн. Перитонеальді диализдегі немесе гемодиализдегі емделушілерде дозаны түзету жөнінде нұсқаулар жоқ.
Жағымсыз әсерлері
Жиі
- эпигастрий тұсында жайсыздық, диарея, анорексия, жүректің айнуы, стоматит, ауыздан тот тату және күкіртті иістің шығуы. Құсу және сілекейдің көп бөлінуі байқалуы мүмкін
Жиі емес
- елестеулерді және депрессияны қоса психоздық реакциялар болуы мүмкін
- гипогликемия, гипотиреоз
Сирек
- гинекомастия, етеккір оралымының бұзылуы, эректильді қызметтің бұзылуы, акне
- бауыр қызметінің бұзылуы, сарғаю, гепатит, бауыр паренхимасының дистрофиясы
- ортостатикалық гипотензия
- бас ауыру, әлсіздік, ұйқысыздық
- шеткергі нейропатия, көру жүйкесінің невриті, жарықтан қорқу
- есекжем, эксфолиативті дерматит
- қан түзудің тежелуі
Қолдануға болмайтын жағдайлар
- этионамидке және/немесе препараттың кез келген басқа компонентіне жоғары сезімталдық
- қант диабеті
- бауыр қызметінің ауыр бұзылулары
- жүктілік және лактация кезеңі
- 18 жасқа дейінгі балалар
- эпилепсия
- жедел гастрит, асқазанның ойық жара ауруы, колит
Дәрілермен өзара әрекеттесуі
Рифампицинді және этионамидті біріктіргенде гепатит пайда болуы мүмкін. Изониазидпен біріктірген кезде соңғысының плазмалық концентрациялары едәуір жоғарылайды. Циклосеринмен бір мезгілде қабылдау нейроуыттық жағымсыз әсерлердің пайда болу қаупін арттырады (әсіресе сыртартқысында неврологиялық немесе психикалық бұзылулары бар емделушілерде). Ішу арқылы қабылданатын гипогликемиялық препараттарды қолданған кезде соңғысының гипогликемиялық әсері күшейеді. Парааминосалицил қышқылы препараттарымен бірге қолдану гипотиреоз дамуына әкеп соғуы мүмкін.
Айрықша нұсқаулар
Емдеуді бастар алдында емделушіде бөлінген Mycobacterium tuberculosis өсіріндісін этионамидке in vitro сезімталдығын тексерген жөн. Этомидті туберкулезге қарсы басқа дәрілермен біріктіріп қана қолданады. Емдеуге дейін және әрбір 2-4 апта емдеуден кейін бауыр трансаминазасы белсенділігін бақылау қажет. Пиразинамидпен бірге қолданған жағдайда бауыр қызметін әдеттегіден өте жиі бақылау қажет. Гепатоуыттылығы белгілі препараттармен бір мезгілде қабылдамаған жөн. Бауыр паренхимасының зақымдануының, мысалы, аурудың жалпы симптомдары айқын сарғаю, ұзақ уақыт (6-8 апта) ішінде сарысулық трансаминаза деңгейінің жоғарылауы сияқты симптомдары пайда болғанда препаратты қабылдауды тоқтатқан жөн.
Этомидті қабылдау кезінде шеткергі невритке жол бермеу үшін пиридоксин тағайындайды.
Этомидті депрессияда және басқа да психикалық ауруларда абайлап қолданады. Емдеу кезінде алкоголь қабылдауға болмайды.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Препаратты қабылдау кезіндегі жағымсыз әсерлерді ескеріп, көлікті және басқа да қауіпті механизмдерді басқару кезінде сақ болған жөн.
Артық дозалануы
Симптомдары: жағымсыз әсерлері күшеюі мүмкін.
Емдеу: препаратты тоқтату, симптоматикалық және демеуші шаралар, соның ішінде асқазанды шаю. Арнайы у қайтарғысы жоқ.
Шығарылу түрі және қаптамасы
Баспалы лакталған алюминий фольгадан жасалған пішінді ұяшықсыз қаптамада 10 таблеткадан.
Пішінді ұяшықсыз 5 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Бір жағы дәнекерленген, тығыздығы төмен полиэтиленнен жасалған қапшыққа 500 таблеткадан қапталған, ол медицинада қолданылуы жөнінде мемлекеттік және орыс тілдеріндегі нұсқаулықпен бірге алюминий жарғақшамен нығыздап дәнекерленген, тығыздығы жоғары полиэтиленнен жасалған контейнерге салынған.
Сақтау шарттары
Құрғақ, жарықтан қорғалған жерде, 30оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші ұйымның атауы және елі
Macleods Pharmaceuticals Limited, Үндістан
Тіркеу куәлігі иесінің атауы және елі
Macleods Pharmaceuticals Limited, Үндістан
Қаптаушы ұйымның атауы және елі
Macleods Pharmaceuticals Limited, Үндістан
Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы
ҚР-дағы «Macleods Pharmaceuticals Limited» өкілдігі
ҚР, Алматы қ-сы, Төлебаев к-сі 38, 307А кеңсе
Тел./факс. +7 727 3562832
E-mail: vijay9376@yahoo.com
Директор
Фармакологического Центра