Этид

• русский
• қазақша

• Скачать инструкцию медикамента

Саудалық атауы

Этид

Халықаралық патенттелмеген атауы

Этионамид

Дәрілік түрі

Үлбірлі қабықпен қапталған 250 мг таблеткалар

Құрамы

Бір таблетканың құрамында

белсенді зат - 250 мг этионамид,

қосымша заттар: кальций дигидрофосфаты дигидраты, повидон К-90, натрий крахмалы гликоляты, жүгері крахмалы, пропиленгликоль, натрий бензоаты, микрокристалды целлюлоза (Авицел РН 102), тальк, коллоидты кремнийдің қостотығы, магний стеараты,

қабықтың құрамы: гипромеллоза (метоцел E 5 LVP), гипромеллоза (метоцел E 15 LVP), полиэтиленгликоль 4000, тальк, титанның қостотығы (Е 171), темірдің (III) сары тотығы (Е 172).

Сипаттамасы

Сары түсті, дөңгелек пішінді, екі беті дөңес, екі жағынан да тегіс үлбірлі қабықпен қапталған таблеткалар.

Фармакотерапиялық тобы

Туберкулезге қарсы препараттар. Тиокарбамид туындылары. Этионамид

АТХ коды J04AD03

Фармакологиялық қасиеттері

Фармакокинетикасы

Ішке қабылдағанда этионамид тез сіңіріледі. 250 мг дозада қан плазмасындағы ең жоғары концентрациясына 2 сағаттан соң жетеді және шамамен 2 мкг/мл құрайды. Ағзаның тіндерінде және сұйық орталарында кеңінен таралады. Плаценталық бөгет, интактілі ми қабығы арқылы өтеді. Жұлын сұйықтығында сарысуға баламалы концентрацияларда анықталады.

Бауырда қарқынды метаболизденеді. Организмде ішінара туберкулостатикалық белсенділікке ие сульфоксидке айналады. Өтпен шығарылуы – 70-80%, бүйрекпен – 20-30%, 1%-дан азы өзгермеген күйде шығарылады.

Фармакодинамикасы

Туберкулезге қарсы препарат, бактериостатикалық әсер етеді (микобактериялар ақуыздары синтезін басады). Туберкулездік қабыну ошағында фагоцитозды күшейтеді, бұл оның сіңірілуіне ықпал етеді. Емдеу барысында препараттың туберкулостатикалық белсенділігі төмендейді.

Қолданылуы

- кешенді бактерияға қарсы емдеу құрамындағы резистентті туберкулездің барлық түрлерін, тек басқа тиімді препараттармен біріктірілімде химиотерапияның 2-желісі режимдерінде мультирезистентті туберкулезді емдегенде және изониазидпен, рифампицинмен немесе бірінші желінің басқа препараттарымен емдеу тиімсіз болғанда.

Қолдану тәсілі және дозалары

Препаратты туберкулезбен ауыратын науқастарға көптеген дәрілік төзімділікпен (КДТ ТБ) қарқынды фазада (6 ай бойы емдеу) және демеуші фазаларда (12 - 18 ай) төмендегі дозада тағайындайды (IV режим бойынша күнделікті қабылдау):

Ересектер үшін туберкулезге қарсы препараттардың ұсынылатын тәуліктік дозалары (мг)*

Балалар үшін туберкулезге қарсы препараттардың ұсынылатын тәуліктік дозалары (мг/кг)*

*-2011 жылдың 25 сәуіріндегі №218 ҚР ДСМ бұйрығы

Асқазанның тітіркенуін азайту үшін дәріні тағаммен қабылдаған дұрыс. Балаларға тәулігіне 15-20 мг/кг-дан күніне 2 рет. Ең жоғарғы тәуліктік дозасы 1 г.

Этионамид бауырда толығымен метаболизденетіндіктен, препаратты бауыр функциясының ауыр бұзылулары бар емделушілерге пайдалану ұсынылмайды. Этионамидтің өте аз мөлшері бүйрек арқылы шығарылады, сондықтан бүйрек жеткіліксіздігі бар емделушілерде дозаны түзетудің қажеті жоқ.

Туберкулезге қарсы емнің ұзақтығы таңдап алынған емдеу сызбасына, емделушінің клиникалық және рентгенологиялық жауабына, қақырық жағындысының микроскопия нәтижелеріне, науқастан немесе басқа да күдікті тұлғадан бөлініп шыққан туберкулез микобактерияларының сезімталдығына байланысты.

Егер емдеу тоқтап қалса, емдеу сызбасы үзілістің ұзақтығына, үзіліске дейінгі емдеу уақытына (ерте немесе кеш) және науқастың жағдайына байланысты емдеуді аяқтаудың барынша ұзақ кезеңіне ұзартылуы тиіс.

Жағымсыз әсерлері

Жиі

- стоматит, гиперсаливация, эпигастрийдегі ауыру, іш қату, диарея, ауыздың құрғауы және/немесе ауыздың металл татуы, жүрек айнуы, құсу

Жиі емес

- депрессия, психоз, мазасыздық, елестеу, ұйқышылдық, ұйқысыздық

- гинекомастия, гипогликемия, гипотиреоз

Сирек

• дисменорея, импотенция

• бауыр функциясының бұзылуы, бауыр дистрофиясы, АЛТ, АСТ, билирубиннің жоғарылауы, сарғаюмен немесе сарғаюсыз гепатит, анорексия, дене салмағының төмендеуі

• тахикардия, жүрек жеткіліксіздігі симптомдарының пайда болуы, ортостатикалық гипотензия

• бас ауыруы, парестезия, құрысулар, сананың шатасуы, зейін шоғырландырудың төмендеуі, әлсіздік, бас айналу

• шеткергі неврит, көру жүйкесінің невриті, жарықтан қорқу, диплопия, анық көрмеу, энцефалопатия

• қан түзілуінің бәсеңдеуі, тромбоцитопения, тромбоцитопениялық пурпура

• В6 гиповитаминозы, фотосенсибилизация, акне, артралгия

• аллергиялық реакциялар: тері бөртпесі, есекжем, қызба, эксфолиативтік дерматит

• пеллагра тәрізді синдром

Қолдануға болмайтын жағдайлар

• препарат компоненттеріне жекелей аса жоғары сезімталдық

• бауыр функциясының ауыр бұзылулары

• жедел гастрит, асқазанның ойық жара ауруы, колит

• қант диабеті

• жүктілік, лактация кезеңі

• эпилепсия

• 14 жасқа дейінгі балаларға

Дәрілермен өзара әрекеттесуі

Туберкулезге қарсы басқа препараттармен бір уақытта қолданғанда туберкулезге қарсы препараттардың аддитивтік гепатоуытты әсерін назарға алу керек. Рифампицин мен этионамидті біріктіргенде гепатит өршуі мүмкін. Изониазидпен үйлестіргенде соңғысының плазмалық концентрациясы айтарлықтай жоғарылайды. Циклосеринмен бір уақытта қабылдау нейроуытты жағымсыз әсерлерінің туындау қаупін арттырады (әсіресе сыртартқысында неврологиялық немесе психикалық бұзылулары бар емделушілерде). Пероральді гипогликемиялық препараттармен қолданғанда соңғыларының гипогликемиялық әсері күшейеді. Парааминосалицил қышқылы препараттарымен бірге қабылдау гипотиреоздың дамуына әкелуі мүмкін.

Кейбір жағдайларда Этидті қабылдаған кезде инсулиннің немесе диабетке қарсы пероральді препараттардың дозасын төмендету керек.

Айрықша нұсқаулар

Депрессия және басқа да психикалық ауруларда Этидті сақтықпен қолданады. Емді бастар алдында емделушіде жуықта бөлінген Micobacterium tuberculosis өсіріндісінің этионамидке in vitro сезімталдығын зерттеу керек. Этидті тек басқа да туберкулезге қарсы дәрілермен біріктірілімде қолданады.

Этидті қолданар алдында және емнің әр 2-4 аптасы сайын бауыр трансаминазасы белсенділігін бақылау, офтальмологиялық тексеру жүргізу қажет. Пиразинамидпен бірге қолданған жағдайда бауыр функциясын әдеттегіден жиі бақылау қажет. Гепатоуытты әсер ететін препараттарды бір уақытта қолдануды болдырмау керек. Аурудың айқындалған жалпы сиптомдарымен бірге сарғаю сияқты бауыр паренхимасының зақымдалу симптомдары дамыған кезде, ұзақ уақыт бойы (6-8 апта) сарысу трансаминазалары деңгейі жоғарылағанда препаратты қабылдауды тоқтату керек. Протионамидпен бірге қабылдау осы дәрілік заттарға туберкулез микобактерияларының айқаспалы резистенттілігі болуы салдарынан мақсатқа сай емес.

Гипотиреозы және аса жоғары сезімталдығы бар науқастарда Этидті сақтықпен қолданады. Емдеу барысында алкоголь қабылдауға болмайды.

Арнайы ескертулер және сақтандыру шаралары

Төзімділіктің дамуы

Туберкулезді емдеуде бір ғана этионамидті пайдалану төзімділіктің тез дамуына әкеледі. Сондықтан, туберкулезге қарсы басқа қолайлы препаратты немесе препараттарды тағайындау маңызды, таңдау сезімталдықты анықтау нәтижелері негізінде жасалуы тиіс. Осыған қарамастан, емдеу дәрігердің шешімі бойынша сезімталдық нәтижелерін алғанға дейін басталуы мүмкін.

Гепатоуыттылық

Уытты гепатит, сарғаю, бауырдың жедел некрозы, сондай-ақ, бауыр трансаминазаларының, билирубиннің және сарғаюмен немесе сарғаюсыз сілтілік фосфатазаның орташа жоғарылауы этионамидпен емдеу барысында сипатталған. Бауырдың негізгі функцияларының тестілері ем басталғанға дейін алынуы тиіс және сарысу трансаминазалары көрсеткіштері емдеу барысында әр 2-4 апта сайын бақылануы тиіс. Егер трансаминазалар деңгейі симптомдарымен немесе симптомдарсыз ЖҚШ (жоғарғы қалып шегі) бес есе немесе сарғаюмен және/немесе гепатит белгілерімен ЖҚШ үш есе асып кетсе, этионамидті және бірге енгізілген басқа да әлеуетті гепатоуытты дәрілік заттарды қабылдау зертханалық ауытқулардың себептері жойылғанша уақытша тоқтатылуы тиіс. Қайсы препарат (немесе препараттар) гепатоуыттылыққа себеп болып табылатынын (табылатындарын) анықтау үшін бұл препараттар содан соң қайталап бірізді енгізілуі мүмкін.

Гепатоуыттылықтың жоғары қаупі қант диабеті бар емделушілерде анықталды.

Неврологиялық әсерлері

Психикалық бұзылыстар, энцефалопатия, шеткергі жүйке мен көру жүйкесі невриті, сондай-ақ, пеллагра тәрізді синдром этионамидті қабылдаған кезде анықталды. Кейбір жағдайларда бұл симптомдар никотинамид пен пиридоксинді қабылдағаннан кейін жақсарды.

Қан глюкозасы

Гипогликемия симптомдары этионамидпен емдеуге байланысты, қандағы глюкоза деңгейі этионамидпен емдегенге дейін және емдеу барысында кезеңмен анықталуы тиіс. Этионамидпен емдеу барысында қант диабеті кезіндегі қандағы глюкоза деңгейін бақылау қиынға түседі.

Гипотиреоз

Зобпен немесе онсыз гипотиреозда қалқанша без функциясын кезеңдік бақылау ұсынылады.

Аллергиялық реакциялары

Этионамид бөртпе және қызбамен бірге аса жоғары сезімталдықтың ауыр аллергиялық реакцияларын туындатуы мүмкін. Бұл жағдайда этионамидті қабылдауды тоқтату керек.

Этионамид көрудің бұзылуын туындататындықтан, этионамидпен емдегенге дейін және емдеу барысында ауық-ауық офтальмоскопия ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қабылдаған кезде жағымсыз әсерлерін есепке ала отырып көлік құралын және қауіптілігі зор басқа механизмдерді басқарғанда сақ болу керек.

Артық дозалануы

Симптомдары: препараттың жағымсыз әсерлерінің күшеюі.

Емі симптоматикалық.

 

Шығарылу түрі және қаптамасы

Алюминий фольгадан жасалған пішінді ұяшықсыз қаптамаға 10 таблеткадан салынған.

5 пішінді ұяшықсыз қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

Люпин ЛТД

159, Си Эс Ти Роуд, Калина, Сантакруз (Ист), Мумбай 400098 ҮНДІСТАН

Тіркеу куәлігінің иесі

Люпин ЛТД, Мумбай 400 098, ҮНДІСТАН

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы Қазақстан Республикасындағы Люпин ЛТД компаниясының өкілдігі

Алматы қ., Жангелдин к-сі, 31 «Жар - Су» БО 419-кеңсе

Тел – 8(727) 278 59 73, факс: 7 (727) 386 28 38

E.mail: lupinkz@yandex.ru