Эрмуцин®

Эрмуцин®

Эрдостеин

Дәрілік түрі, дозасы

Ішке қабылдау үшін суспензия дайындауға арналған ұнтақ, 175 мг/5мл

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімдерін қоспағанда. Муколитиктер. Эрдостеин.

АТХ коды R05CB15

Тыныс алу жолдарының жедел және созылмалы аурулары кезіндегі муколитикалық, сұйылтатын дәрі

Қолданудың басталуына дейін қажетті мәліметтер тізбесі

• белсенді немесе қосымша заттардың қандай да біріне жоғары сезімталдық

• белсенді пептидтік ойық жара

• Метионин метаболизміне өнімнің ықпал етуі мүмкіндігіне байланысты, Эрмуцин® бауыр циррозынан және цистатион-синтетазасы ферментінің тапшылығынан зардап шегетін пациенттерге қолдануға болмайды

• креатинин клиренсі <25 мл/мин бүйрек жеткіліксіздігі немесе бауыр жеткіліксіздігі бар пациенттер жайында деректер болмағандықтан, эрдостеинді бұл пациенттерге пайдалану ұсынылмайды

• дәрілік препаратты 2 жасқа дейінгі балаларға қолдануға болмайды.

Қолдану кезіндегі қажетті сақтандыру шаралары

Эрмуцин® препаратын қолданардың алдында дәрігерден немесе фармацевттен кеңес алу керек.

Басқа дәрілік  препараттармен өзара әрекеттесуі

Қандай да бір басқа дәрілік заттарды пайдаланған жағдайда дәрігеріңізге немесе фармацевтке хабарлау керек.

Басқа дәрілік заттармен өзара әрекеттесуі жөнінде хабарлар болған жоқ, сондықтан препаратты антибиотиктермен және бронходилататорлармен (теофиллин немесе бета2-миметиктер, жөтелге қарсы препараттар және т.б.) бірге қабылдауға болады.

Арнайы сақтандырулар

Балалар

Эрмуцинді 2 жасқа дейінгі балаларға қолдануға болмайды. Муколитиктер 2 жасқа дейінгі балаларда бронхтың обструкциясына әкелуі мүмкін. Шын мәнінде, бұл жаста бронх шырышының дренаждық қабілеті тыныс алу жолдарының физиологиялық ерекшеліктеріне байланысты шектеулі.

Өнімде сахароза және натрий бар.

Сахароза

Фруктозаны көтере алмайтын, глюкоза-галактоза мальабсорбциясы немесе сахараза-изомальтаза жеткіліксіздігі сияқты тұқым қуалайтын сирек аурулары бар пациенттерге бұл дәрілік затты қабылдауға болмайды.

Натрий

Бұл препарат құрамында 5 мл суспензияда 1 ммольден (23 мг) аз натрий бар, сондықтан оның құрамында натрий жоқ деп айтуға болады.

Күкірт иісінің болуы өнімнің өзгеру белгісі болып табылмайды, ол белсенді заттың сипаты болып саналады.

Жүктілік және бала емізу

Жүктілік немесе бала емізу, жүктілікті болжамдау немесе жоспарлау жағдайында бұл дәрілік препаратты пайдаланар алдында дәрігеріңізден немесе фармацевттен кеңес алу керек.

Жүктілік және бала емізу кезеңінде эрдостеин қауіпсіздігі анықталмады, сондықтан оны қолдану ұсынылмайды.

Сол сияқты, оны бала емізу кезінде де қолдану ұсынылмайды.

Препараттың көлік құралын немесе әлеуетті қауіптілігі зор механизмдерді  басқару қабілетіне әсер ету ерекшеліктері

Эрмуцин® көлік құралдарын басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Ересектер

Күніне екі рет 10 мл.

Балалар

Дозалау режимі дене салмағы мен жасына байланысты былай анықталады:

15 – 19 кг (2 жастан асқан): күніне екі рет 5 мл;

20 – 30 кг (2 жастан асқан): күніне үш рет 5 мл;

30 кг жоғары (2 жастан асқан): күніне екі рет 10 мл.

Енгізу әдісі және жолы

Құтының ішіндегісіне арнайы белгіге дейін су қосыңыз. Біртекті суспензия пайда болғанша жақсылап шайқаңыз. Құтының ішіндегісінің деңгейін тексеріңіз және (егер қажет болса) су қосыңыз және құтыны қайта шайқаңыз. Дайындалған суспензияны 15 күннен аспайтын уақыт бойы қолдануға болады, тоңазытқышта 2-8 оС температурада сақтау керек.

Қолданар алдында шайқау керек!

Препарат ішке қабылдауға арналған.

Емдеу ұзақтығы

Бұл дәрілік препаратты дәрігердің нұсқауына сәйкес нақты қолдану керек. Сұрақтар туындаған кезде дәрігерден немесе фармацевттен кеңес алу керек.

Артық дозалану жағдайында қабылдау қажет болатын шаралар

Ұсынылған (күніне 1200 мг) дозадан арттырған кезде тершеңдік, бас айналуы және қан кернеулері байқалған.

Эрмуцин® препаратын кездейсоқ қажет мөлшерден артық қабылдаған болсаңыз, дереу дәрігерге хабарлауыңыз немесе жақын ауруханаға баруыңыз керек.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препарат қабылдауын өткізіп алған кезде дозаны екі еселеп қабылдаудың қажеті жоқ.

Дәрілік препаратты қолдану тәсілін түсіндіру үшін медицина қызметкерінен кеңес алу

Осы дәрілік препаратты пайдалану бойынша қосымша сұрақтар туындаған кезде дәрігерге немесе фармацевтке жүгіну керек.

ДП стандартты қолдану кезінде көрініс беретін жағымсыз реакциялар сипаттамасы

Барлық дәрілік препараттар сияқты, бұл дәрі де жағымсыз әсерлерді тудыруы мүмкін, бірақ оны барлық пациенттер сезіне бермейді.

Асқазан-ішек жолы тарапынан болатын жағымсыз реакциялар 1000 пациенттің ішінен 1-уінде пайда болуы мүмкін.

Өте сирек:

• бас ауыру

• диспноэ

• дисгевзия (дәм сезу сезімінің өзгеруі), жүрек айну, құсу, диарея, эпигастрий тұсындағы ауырсыну

• есекжем, эритема, экзема

Жиілігі белгісіз:

• бронхтың обструкциясы.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек.

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

белсенді зат - 3,50 г эрдостеин;

қосымша заттар: сахароза, натрий бензоаты, натрий крахмал гликоляты, сусыз лимон қышқылы, сукралоза, mask CLD nat дәмдік қоспасы, сицилиялық апельсин хош иісті ұнтағы.

Сыртқы түрінің, иісінің, дәмінің сипаттамасы

Жағымды иісі мен өзіне тән апельсин дәмі бар жұқа, сусымалы, ақ ұнтақ.

Шығарылу түрі және қаптамасы

50 г препараттан полиэтиленді ендірмесі бар қорғаныш бұрандалы алюминий қақпақпен тығындалған, көлемі 125 мл ІІІ типті янтарь түсті шыныдан жасалған 100 мл белгісі бар құтыларда.

1 құтыдан медициналық қолдану жөніндегі қазақ және орыс тілдеріндегі нұсқаулықпен және 2.5, 5 және 10 мл толтыратын белгілері бар полипропилен өлшеу стақанымен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Дайын суспензияны 2 - 8 ºС температурада, тоңазытқышта 15 күннен асырмай сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

ЗЕТА ФАРМАЦЕУТИЦИ С.П.А. / ZETA FARMACEUTICI S.P.A.

Мекенжайы: Виа Галвани, 10 - 36066 Сандриго (ВИ), Италия.

Телефон: +39 0444 461911

Факс: +39 0444 658351

Электронды пошта: info@zetafarm.it

Тіркеу куәлігінің ұстаушысы

ЮАБ «МРА» / UAB «MRA»

Мекенжайы: Тоторю к-сі 20-9, LT – 01121 Вильнюс, Литва Республикасы.

Телефон: +370 5 2649010

Факс: +370 5 2124270

Электронды пошта: info@mra.lt

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын жауапты ұйымның атауы, мекенжайы және байланыс деректері (телефон, факс, электронды пошта)

«МЕРЛИН КЭПИТАЛ ИНВЕСТМЕНТС ЛЛП» / «MERLIN CAPITAL INVESTMENTS LLP» Серіктестігінің Өкілдігі, Достық даңғылы, 105, 050051, 301А кеңсе, Алматы қ., Қазақстан Республикасы

Тел/факс: +772 731 71464

Электронды пошта: gulmira.pharm@yahoo.com

Қазақстан Республикасының аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Registrarius» ЖШС. Қазақстан Республикасы, 050036, Алматы қ., Мамыр-1 ықшам ауданы, 29 үй, 159 п.

Тәулік бойы жұмыс істейтін телефон: +7-717-272-72-31

e-mail: pv.kz@biomapas.eu