Эритромицин (Эритромицин)

Эритромицин

Эритромицин

Дәрілік түрі, дозасы

Көзге арналған жақпамай 10000 ӘБ/г

Сезім мүшелері. Офтальмологиялық препараттар. Микробқа қарсы препараттар. Антибиотиктер. Эритромицин.

АТХ коды Ѕ01АА17

- бактериялық блефарит

- бактериялық конъюнктивит

- трахома

- бактериялық кератит

Қолдануды бастағанға дейін қажетті мәліметтер тізбесі

- препарат компоненттеріне аса жоғары сезімталдық

- бауыр және бүйрек функциясының ауыр бұзылыстары

- анамнездегі сарғаюы

Қолдану кезіндегі қажетті сақтық шаралары

Егде жас, бауыр және бүйрек функциясының бұзылуы.

Басқа дәрілік препараттармен өзара әрекеттесуі

Линкомицинмен, клиндамицинмен және хлорамфениколмен (антагонизм) үйлеспейді.

Бета-лактамдық антибиотиктердің (пенициллиндер, цефалоспориндер, карбопенемдер) бактерицидті әсерін төмендетеді.

Аминогликозидтермен фармацевтикалық тұрғыдан үйлеспейді. Глюкокортикостероидтармен пайдаланғанда олардың әсерінің ұлғаюына әкеледі.

Арнайы ескертулер

Бактерияға қарсы дәрілерді қолдану зеңдерді қоса, эритромицинге төзімді организмдердің пайда болуымен қатар жүруі мүмкін; эритромицинге төзімді организмдер пайда болғанда бактерияға қарсы дәріні қолдану тоқтатылуы және тиісті шаралар қолданылуы тиіс.

Сықпа ұштығын көз шырышымен, саусақпен немесе басқа нәрселермен зақымдап алудан аулақ болыңыз.Педиатрияда қолдану

Нәрестелерде офтальмияның профилактикасында эритромицин көз жақпамайын көзден шайып тастау керек емес.

Аналарында клиникалық тұрғыдан айқын соз ауруы бар балаларда эритромицинді офтальмологиялық дәрі ретінде парентеральді қолдануға арналған G пенициллиннің сулы ерітіндісімен бір уақытта пайдаланады.

Жүктілік немесе лактация кезінде

Жүктілік және лактация кезеңінде препаратты қолданудың жеткілікті тәжірибесі жоқ. Егер күтілетін емдік әсер ықтимал жағымсыз әсерлердің қаупінен басым болса емдеуші дәрігердің тағайындауымен жүкті әйелдерді емдеу үшін эритромицин қолдануға болады. Лактация кезеңінде қолдану қажет жағдайда емшек емізуді тоқтату туралы мәселені шешіп алу керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Аппликациядан кейін көру айқындылығы уақытша жоғалған пациенттерге препаратты қолданғаннан кейін бірден машина жүргізу немесе күрделі техникамен, станоктармен немесе көру айқындылығын талап ететін қандай да бір күрделі жабдықпен жұмыс істеу ұсынылмайды.

Қолдану жөніндегі нұсқаулар

Дозалау режимі

Жергілікті.

Ұзындығы 0,5-1 см жақпамай жолағын күніне 3 рет астыңғы қабыққа, ал трахоманы емдеу кезінде күніне 4-5 рет жағады. Трахома кезінде фолликулдарды жарумен үйлестіру керек. Қабыну үдерісі бәсеңдегенде препаратты күніне 2-3 рет қолданады.

Емдеу ұзақтығы

Емдеу ұзақтығы аурудың түрі мен ауырлығына байланысты, бірақ 14 күннен аспауы тиіс.

Трахоманы емдеу курсының ұзақтығы 3 айдан аспауы тиіс.

Артық дозалану жағдайында қабылдануы қажет шаралар

Препаратпен артық дозалану бойынша деректер жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер емдеуден кейін жақсару болмаса немесе симптомдар нашарласа немесе жаңа симптомдар пайда болса, дәрігермен кеңесу керек. Препаратты медициналық қолдану жөніндегі нұсқаулықта көрсетілген көрсетілімдерге, қолдану тәсіліне және дозаларға сәйкес ғана қолданыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Барлық дәрілік препараттар сияқты, Эритромицин көзге арналған жақпамай да жағымсыз әсерлерді тудыруы мүмкін, бірақ олар барлығында бола бермейді.

Дәрілік препаратты қолдануды тіркеуден кейінгі кезеңде келесі жағымсыз реакциялар байқалды, олардың жиілігі белгісіз (қолда бар деректер бойынша бағалау мүмкін емес):

- аса жоғары сезімталдық реакциялары, оған қоса есекжем;

- шымылдату сезімі;

- гиперемия;

- көздің шырышты қабығының тітіркенуі;

- анық емес көру түйсігі.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

1 г жақпамай құрамында:

белсенді зат: эритромицин (сусыз затқа және 1000 мкг/мг белсенділікке шаққанда) – 0,01 г.

қосымша заттар: сусыз ланолин, натрий метабисульфиті, вазелин.

Сыртқы түрінің, иісінің, дәмінің сипаттамасы

Сарғыштан қоңыр-сары түске дейінгі жақпамай.

Шығарылу түрі және қаптамасы

10 г алюминий сықпада.

Сықпаны медициналық қолдану жөніндегі қазақ және орыс тіліндегі нұсқаулықпен бірге картон қорапшаға салады.

3 жыл.

Қаптаманы алғаш ашқаннан кейін 6 аптадан асырмай сақтау керек.

Жарамдылық мерзімі өткеннен кейін қолдануға болмайды!

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәлімет

"Татхимфармпрепараты" АҚ, Ресей

420091, Татарстан Республикасы, Қазан қаласы, Беломорская көшесі, 260-үй

Тел.: 8 800 201 98 88, тел./факс: +7 (843) 571-85-58

е-mail: marketing@tatpharm.ru

Тіркеу куәлігінің ұстаушысы

"Татхимфармпрепараты" АҚ, Ресей

420091, Татарстан Республикасы, Қазан қаласы, Беломорская көшесі, 260-үй

Тел.: 8 800 201 98 88, тел./факс: +7 (843) 571-85-58

е-mail: marketing@tatpharm.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Козлов Игорь Алексеевич

Қазақстан Республикасы, 050000, Алматы қ., Бөгенбай батыр к-сі, 136 үй, 27 пәтер

тел.: +7(777) 211-72-97

е-mail: doctorkvi@gmail.com