ЦИТИКОЛИН-САНТО (Цитиколин)

ЦИТИКОЛИН-САНТО®

Цитиколин

Дәрілік түрі, дозасы

Ішуге арналған ерітінді, 10 г/100 мл, 30 мл

Жүйке жүйесі. Психоаналептиктер. Зейін қою тапшылығында және аса жоғары белсенділікте қолданылатын психостимуляторлар (ADHD-Attention deficit hyperactivity disorder) және ноотроптық дәрілер. Басқа психостимуляциялайтын және ноотроптық дәрілер. Цитиколин.

АТХ коды N06ВХ06

• инсультпен байланысты неврологиялық және когнитивтік бұзылуларды

емдеуде

• бассүйек-ми жарақаттарымен байланысты неврологиялық және

когнитивтік бұзылыстарды емдеуде

Қолданудың басталуына дейін қажетті мәліметтер тізбесі

• әсер етуші зат цитиколинге, немесе қосымша заттардың кез келгеніне аса жоғары сезімталдық

• парасимпатикалық жүйке жүйесінің тонусы жоғарылауында

• сирек кездесетін, тұқым қуалайтын фруктоза жақпаушылығы бар адамдарға

Қолдану кезіндегі қажетті сақтандыру шаралары

Препараттың құрамында сорбитол бар, сондықтан сирек кездесетін, тұқым қуалайтын фруктоза жақпаушылығы бар пациенттер ЦИТИКОЛИН-САНТО® препаратын қабылдамауы керек.

Бұдан өзге, сорбитол әлсіз іш жүргізетін әсер беруі мүмкін.

Құрамында қосымша заттар метилпарагидроксибензоат пен пропилпарагидроксибензоаттың болуына байланысты, препаратты қабылдаған кезде аллергиялық реакциялар (оның ішінде баяу типті) дамуы мүмкін.

Бұл препараттың құрамында, препараттың ұсынылған 500 мг-ден 2000 мг дейінгі тәуліктік дозасында 31,69 мг-ден 126,76 мг дейінгі немесе 1,38 ммольден 5,5 ммольге дейінгі натрий бар. Натрий түсімі шектелген диета ұстап жүрген пациенттер ескеруі қажет.

Бұл препараттың құрамында, препараттың ұсынылған 500 мг-ден 2000 мг дейінгі тәуліктік дозасында 1 ммольден аз (39 мг) калий бар, яғни, іс жүзінде, калийсіз.

Басқа дәрілік препараттармен өзара әрекеттесуі

ЦИТИКОЛИН-САНТО® L-дигидроксифенилаланиннің (L-ДОФА) әсерін күшейтеді.

Құрамында центрофеноксин және меклофеноксат бар дәрілік препараттармен бір мезгілде тағайындамау керек.

Арнайы сақтандырулар

Педиатрияда қолдану

Балаларда қолданылу тәжірибесі жоқ, сондықтан препаратты, егер күтілетін емдік пайдасы ықтимал қаупінен асып түсетін болса ғана тағайындайды.

Жүктілік немесе лактация кезінде

Жүкті әйелдерде және бала емізу кезеңінде цитиколинді қолдану туралы жеткілікті деректер жоқ. ЦИТИКОЛИН-САНТО® препаратын жүктілік кезінде және лактация кезеңінде, айқын қажеттілігі болған, яғни күтілетін емдік пайдасы кез келген ықтимал қаупінен жоғары болған жағдайлардан басқасында пайдаланбаған дұрыс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ЦИТИКОЛИН-САНТО® көлік құралдарын және қауіпті механизмдерді басқаруға әсер етпейді.

Қолдану жөніндегі нұсқаулар

Дозалау режимі

Ересектер

Ересектер үшін ұсынылатын дозасы симптоматиканың ауырлығына қарай күніне 500 мг-ден 2000 мг-ге дейін (100 мг = 1 мл) құрайды. Ұсынылатын қабылдау жиілігі 6-8 апта бойы күніне 2 - 3 рет.

Пациенттердің ерекше топтары

Балалар

Балаларда қолданылу тәжірибесі деректерінің шектеулілігіне байланысты препаратты тек, егер күтілетін емдік пайдасы кез келген ықтимал қаупінен асып түсетін болса ғана қолданған жөн.

Егде жастағы адамдар

Егде жастағы пациенттерде дозасын түзету қажет емес.

Енгізу әдісі және жолы

Препаратты ашқаннан кейін сұйылтпай бірден ішуге немесе қабылдар алдында 1/2 стақан (120 мл) сумен сұйылтуға болады.

Препаратты пипетка-дозатордың көмегімен қолдану алгоритмі:

Артық дозалану жағдайында қабылдау қажет болатын шаралар

Артық дозаланған жағдайлар туралы хабарланбаған.

Дәрілік препараттың бір немесе бірнеше дозасын өткізіп алу кезіндегі қажетті шаралар

Дәрілік затты қабылдауды өткізіп алғанның орнын толтыру үшін екі есе дозаны қабылдамаңыз.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қолданар алдында кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте сирек

• елестеулер

• бас ауыруы, бас айналуы

• артериялық гипертензия, артериялық гипотензия

• ентігу

• жүрек айнуы, құсу, кейде диарея

• гиперемия, есекжем, бөртпе, пурпура

• қалтырау, ісіну

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік

препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

100 мл препараттың құрамында

белсенді зат – 10.450 г натрий цитиколині

(цитиколинге баламалы (10.000 г))

қосымша заттар: сұйық кристалды емес сорбитол, глицерин (глицерол), метилпарагидроксибензоат, пропилпарагидроксибензоат, натрий цитраты, натрий сахарині, калий сорбаты, лимон қышқылы моногидраты 50 % ерітіндісі, 0.1 М натрий гидроксиді ерітіндісі, «Құлпынай 546» тағамдық хош иістендіргіші, тазартылған су

Сыртқы түрінің, иісінің, дәмінің сипаттамасы

Өзіне тән хош иісі бар мөлдір түссіз немесе сәл боялған сұйықтық.

Шығарылу түрі және қаптамасы

Алғашқы ашылуын бақылау сақинасы бар бұрандалы полиэтилен қақпақтармен тығындалған шыныдан жасалған құтыларға 30 мл препараттан.

Әрбір құтыға заттаңба жабыстырылады.

1 құтыдан медициналық қолдану жөніндегі қазақ және орыс тілдеріндегі бекітілген нұсқаулықпен және пипетка-дозатормен бірге картон қорапшаға салынады.

Қорапшаларды картон қораптарға салады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25ºС-ден аспайтын температурада.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электронды пошта phv@santo.kz; infomed@santo.kz