Циклонамин (250 мг)
Инструкция
-
русский
-
қазақша
Саудалық атауы
Циклонамин
Халықаралық патенттелмеген атауы
Этамзилат
Дәрілік түрі
250 мг таблеткалар
Құрамы
Бір таблетканың құрамында
белсенді зат - 250 мг этамзилат бар,
қосымша заттар: жүгері крахмалы, микрокристалды целлюлоза, натрий крахмалы гликолаты (А типі), кремнийдің коллоидты сусыз қостотығы, магний стеараты, натрий метабисульфиті (Е 223).
Сипаттамасы
Ақ түсті, дөңгелек, екі беті дөңес, қабықсыз таблеткалар.
Фармакотерапиялық тобы
Гемостатиктер. К витамині және басқа гемостатиктер. Өзге де жүйелі гемостатиктер. Этамзилат.
АТХ коды B02BX01
Фармакологиялық қасиеттері
Фармакокинетикасы
Этамзилат ішу арқылы қабылдаудан кейін жақсы сіңіріледі. 500 мг қабылдағаннан кейін плазмадағы шекті концентрациясы қабылдағаннан кейінгі 4 сағаттан соң қол жеткізілетін 60 мкг/мл құрайды. Ішу арқылы қабылдағаннан кейін препараттың жартылай шығарылу кезеңі 8 сағатты құрайды.
Енгізілген дозаның 80-95%-ы өзгермеген күйде несеппен шығарылады.
Фармакодинамикасы
Препарат қан кету қарқындылығын төмендетеді, қан кету ұзақтығын қысқартады, тромбоциттер санын арттырады және плазмалық ұю факторларының құрамына әсер етпейді. Өнім тамыр жақтауларына әсер етеді. Бұл қылтамырлар төзімділігін арттырады және олардың өткізгіштігін төмендетеді, бұл қылтамырлардың үзілуінің азаюына әкеледі. Бұл әсер терідегі және шырышты қабықтардағы жаңадан қан құйылулардың пайда болуының азаюында немесе болмауында көрінеді. Препарат қанның шамадан тыс ұюын туғызбайды және қан тамырларына құрылымдық әсері жоқ – сондықтан оны пайдалану тромбоз қаупімен байланысты емес.
Қолданылуы
- хирургиялық операциялардан кейін, сондай-ақ, тамырлардың көп мөлшерімен тіндер қамтылған жағдайларда: отоларингология, гинекология, акушерлік, урология, стоматология, офтальмология мен пластикалық және реконструктивтік хирургияда қылтамырлық қан кетулердің алдын алу және тоқтатуда;
- түрлі этиология және локализациядағы: гематурия, метроррагия, бастапқы меноррагиялар, жатырішілік контрацептивтерді пайдаланатын әйелдердегі меноррагиялар (органикалық патология болмағанда), мұрыннан қан кету, қызыл иектің қанауындағы қылтамырлық қан кетулердің алдын алу және тоқтатуда
Қолдану тәсілі және дозалары
қолданылуы
Операциядан кейінгі кезеңде бір реттік дозасы қан кету қаупі сақталған болса әр 6 сағат сайын ішке 1 немесе 2 таблетканы (250-500 мг) құрайды.
Гинекология, мено-метроррагияда: бір таблеткадан күніне 3 - 4 рет (750-
1000 мг), тамақтану кезінде азғантай мөлшердегі сумен ішеді.
Емдеу 10 күнге созылады және күтілетін етеккір басталғанға дейін 5 күн бұрын басталады.
Қалған жағдайларда: 1 немесе 2 таблетка күніне 3 - 4 рет (1000 - 2000 мг), тамақтану кезінде азғантай мөлшердегі сумен ішеді. Емдеу ұзақтығы алынған нәтижелерге байланысты.
Жағымсыз әсерлері
- бас ауыруы, бас айналу
- өтпелі тері бөртпелері
- жүрек айнуы, қыжыл, эпигастральді аумақтың ауыруы, диарея
- аяқ парестезиялары
- артериялық қысымның төмендеуі
- аллергиялық реакциялар: тері бөртпесі, анафилактикалық шок, өмірге қауіпті демікпе ұстамалары
Қолдануға болмайтын жағдайлар
- әсер ететін затқа немесе қосымша заттардың кез келгеніне жоғары сезімталдық
- жедел порфирия
- жүктілік және лактация кезеңі
- тромбоз, тромбоэмболия (соның ішінде сыртартқысында)
Дәрілермен өзара әрекеттесуі
Циклонамин таблеткаларында бар натрий метабисульфиті тиаминнің (В1 витамині) белсенділігін жояды.
Егер Декстранмен перфузия қажет болса, бірінші кезекте Циклонамин таблеткаларын қабылдау керек.
Басқа дәрілік заттармен өзара әрекеттесуі белгісіз.
Айрықша нұсқаулар
Аталған дәрілік зат құрамында натрий метабисульфиті бар, ол басқа ингредиенттерге қарағанда жиі шамадан тыс аса жоғары сезімталдық реакциясын туғызуы мүмкін.
Егер препарат шамадан тыс және/немесе ұзаққа созылған етеккір қан кетулерін азайту үшін қолданылса және ешқандай жақсару байқалмаса, ықтималды себептер мен патологиялардың бар-жоғын анықтау керек.
Препаратты балаларда қолданудың тиімділігі мен қауіпсіздігі белгіленген жоқ.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Препарат автокөлік жүргізу және механизмдерді басқару қабілетіне әсер етпейді.
Артық дозалануы
Артық дозалану жағдайлары анықталған жоқ. Артық дозаланған жағдайда симптоматикалық емді бастау керек.
Шығарылу түрі және қаптамасы
Поливинилхлоридті үлбірден және алюминий фольгадан жасалған пішінді ұяшықты қаптамаға 30 таблеткадан салынған.
1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
Құрғақ, жарықтан қорғалған жерде, 25 0С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«ГАЛЕНА» ФӨК
Польша, 50-984 Вроцлав, Круча к-сі, 62
Тіркеу куәлігінің иесі
«ГАЛЕНА» ФӨК, Польша
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы Қазақстандағы «ПОЛЬФА» АҚ өкілдігі
Республика алаңы 15, 372 кеңсе, 050013 Алматы
тел/факс + 7 (727) 2505 241, 2505 962, 2503 469