Цефазолина натриевая соль (1 г, 5 мл растворителя)

• русский
• қазақша

• Скачать инструкцию медикамента

Саудалық атауы

Цефазолин натрий тұзы

Халықаралық патенттелмеген атауы

Цефазолин

Дәрілік түрі

Бұлшықетішілік инъекциялар үшін ерітінді дайындауға арналған 1.0 г ұнтақ еріткішпен жиынтықта (5 мл инъекцияға арналған су)

Құрамы

1 құтының ішінде

белсенді зат - натрий цефазолин (цефазолинге шаққанда) 1.0 г,

«Ампуладағы инъекцияға арналған су, 5 мл» еріткіші

1 ампуланың ішінде

Еріткіш - 5.0 мл инъекцияға арналған су.

Сипаттамасы

Өте гигроскопиялы, ақ дерлік немесе сарғыш реңді ақ ұнтақ.

Фармакотерапиялық тобы

Жүйелі пайдалануға арналған бактерияға қарсы препараттар.

Бета-лактамазалық бактерияға қарсы басқа да препараттар.

Алғашқы буынды цефалоспориндер. Цефазолин

АТХ коды J01DВ04

Фармакологиялық қасиеттері

Фармакокинетикасы

Парентеральді енгізгеннен кейін қанда препараттың жоғарғы концентрациялары құрылады. 1000 мг дозада бұлшықет ішіне енгізгенде ең жоғарғы концентрациясына (Сmах) 1 сағаттан кейін жетеді және 64-70 мкг/мл құрайды. Қанда шамамен цефазолиннің 90% қан плазмасы ақуыздарымен байланысады.

Цефазолин сүйек тініне, асциттік, плевральді және синовиальді сұйықтықтарға, өтке, ортаңғы құлаққа, теріге және жұмсақ тіндерге, бүйрекке және несеп шығару жолдарына өтеді. Плаценталық бөгет арқылы өтеді, азғантай мөлшерде емшек сүтімен бөлініп шығады. Алайда, гематоэнцефалдық бөгет арқылы өтпейді.

Өзгермеген күйде бүйрекпен шығарылады (24 сағат ішінде енгізілген дозаның 80-нен 100% -ға дейінгісі шығарылады). Препараттың жартылай шығарылу кезеңі 1,8-2 сағатты құрайды. Бүйрек функциясы бұзылған емделушілерде препараттың жартылай шығарылу кезеңі артады.

Фармакодинамикасы

Әсер ету ауқымы кең І буынды цефалоспоринді антибиотик. Микроорганизмдердің жасуша қабырғалары синтезін бәсеңдете отырып, бактерицидті әсер етеді. R-плазмидтік лактамазалардың грамоң бактерияларының әдеттегі спектрі бета-лактамазаларына қатысты төзімді. Грамоң аэробтарға қатысты белсенді: Staphylococcus spp. (соның ішінде бета-лактамаза өндіретін штамдар), Staphylococcus aureus, Streptococcus spp. (соның ішінде Streptococcus pneumoniae), Corynebacterium diphtheriae, Bacillus anthracis; грамтеріс аэробты бактериялар: Escherichia coli, Enterobacter aerogenes, Neisseria meningitides, Neisseria gonorrhoeae, Klebsiella spp., Shigella spp., Salmonella spp., Pseudomonas aeruginosa, Treponema pallidum; грамтеріс анаэробты кокктар: Peptococcus spp., Peptostreptococcus spp. (В.fragilis қоспағанда). Spirochaetoceae, Leptospira spp. қатысты белсенді.

Цефазолинге метициллинрезистентті штамдар Staphylococcus spp., Pseudomonas aeruginosa, индол-оң штамдар Proteus spp., Mycobacterium tuberculosis төзімді. Препаратқа, сондай-ақ, госпитальдік штамдар Escherichia coli, Proteus mirabilis төзімді.

Қолданылуы

- жоғарғы және төменгі тыныс алу жолдарының жұқпаларында (бронхит, пневмония)

- несеп шығару жолдарының жұқпаларында (пиелонефрит, цистит)

- өт шығару жолдарының жұқпаларында (холангит, холецистит, өт эмпиемасы)

- тері және жұмсақ тіндердің ауруханадан тыс жұқпаларында, соның ішінде маститте

- жара, күйік жұқпаларында

- сүйек-буын жүйесі жұқпаларында, соның ішінде остеомиелитте

- кіші жамбас мүшелерінің жұқпаларында (эндометрит, сальпингоофорит)

- сифилисте, гонореяда

- ортаңғы отитте

- операциядан кейінгі жұқпалы асқынулардың алдын алуда

Қолдану тәсілі және дозалары

Қатаң түрде дәрігердің тағайындауымен қолдану керек. Препарат бұлшықет ішіне енгізіледі.

Ересектер үшін орташа тәуліктік доза - 1-4 г, енгізу еселігі – тәулігіне 4-6 рет. Ең жоғарғы тәуліктік доза - 6 г (сирек жағдайларда 12 г).

Орташа емдеу ұзақтығы 7-10 күнді құрайды.

Операциядан кейінгі жұқпаның алдын алу үшін – операцияға дейін 30 минут қалғанда - 1 г, операция кезінде - 0,5-1 г және операциядан кейін тәулік бойы әр 6-8 сағат сайын - 0,5-1 г.

Бүйрек функциясы бұзылған емделушілерге креатинин клиренсі (КК) мәндеріне сәйкес дозалау режимін өзгерту қажет етіледі.

КК 55 мл/мин және одан көп болғанда немесе плазмадағы креатинин мөлшері 1,5 мг% және одан аз болғанда толық дозаны енгізуге болады. КК 54-35 мл/мин болғанда немесе плазмадағы креатинин мөлшері 3-1,6 мг% болғанда толық дозаны енгізуге болады, бірақ инъекциялар арасындағы аралықтарды 8 сағатқа дейін арттыру керек. КК 34-11 мл/мин болғанда немесе плазмадағы креатинин мөлшері 4,5-3,1 мг% болғанда 1/2 дозаны 12 сағат аралықпен енгізу керек. КК 10 мл/мин және одан төмен немесе плазмадағы креатинин мөлшері 4,6 мг% және одан артық науқастарға – орташа дозаның 1/2 әр 18-24 сағат сайын енгізу керек. Барлық ұсынылған дозалар бастапқы екпінді дозадан кейін енгізіледі.

1 айдан асқан балаларға орташа тәуліктік доза - 20-50 мг/кг; жұқпаның ауыр ағымында доза тәулігіне 100 мг/кг дейін арттырылуы мүмкін. Енгізу еселігі - тәулігіне 6 ретке дейін.

Бүйрек функциясы бұзылған балаларда дозалау режимін түзетуді КК мәндеріне байланысты жүзеге асырады.

КК 70-40 мл/мин болғанда – орташа тәуліктік дозадан 60%-ын және 12 сағаттан кейін енгізеді. КК 40-20 мл/мин болғанда - орташа тәуліктік дозадан 25%-ын 12 сағат аралықпен енгізеді. КК 5-20 мл/мин балаларға - орташа тәуліктік дозадан 10%-ын әр 24 сағат сайын енгізеді.

Барлық ұсынылған дозалар бастапқы екпінді дозадан кейін енгізіледі.

Бұлшықет ішіне енгізу үшін ерітінділерді дайындау

Бұлшықет ішіне енгізу үшін құтының ішіндегісін инъекцияға арналған 3-5 мл стерильді сумен сұйылтады, сұйылтқан кезде толық ерігенге дейін құтыларды қатты сілку қажет, содан соң алынған ерітіндіні бұлшықетке терең енгізеді.

Жағымсыз әсерлері

- препараттың үлкен дозасымен емдеген кезде бүйрек функциясының бұзылуы

- жүрек айнуы, құсу, іштің ауыруы, диарея, жалған жарғақшалы энтероколит - дисбактериоз, антибиотикке төзімді штамдардан туындаған асқын жұқпа, кандидоз

- лейкопения

Сирек

- холестаздық сарғаю, гепатит

- құрысулар

- тромбоцитопения, тромбоцитоз, гемолитикалық анемия, эозинофилия

- Кумбстың оң реакциясы, трансаминазалар белсенділігінің жоғарылауы,

гиперкреатининемия, протромбиндық уақытының артуы

- гипертермия, тері бөртпесі, есекжем, терінің қышынуы

- мультиформалы экссудативтік эритема (Стивенс-Джонсон синдромы),

Квинке ісінуі, анафилактикалық шок, бронх түйілуі

- артралгиялар

- бүйрек функциясының бұзылуы

Жергілікті реакциялар

- бұлшықет ішіне енгізгенде енгізген орынның ауыруы

Қолдануға болмайтын жағдайлар

- цефалоспориндерге және басқа да бета-

лактамазалық антибиотиктерге жоғары сезімталдық

- 1 айға дейінгі балаларға

- жүктілік, лактация кезеңі

Дәрілермен өзара әрекеттесуі

Антикоагулянттармен және диуретиктермен бір уақытта қабылдау ұсынылмайды. Цефазолин мен «ілмектік диуретиктерді» бір уақытта қолданғанда оның өзекшелік секрециясының бөгеті орын алады және жағымсыз реакциялардың даму қаупі артады.

Тікелей емес антикоагулянттармен бірге қолданғанда қан кету ықтималдығы артады.

Аминогликозидтер бүйректің зақымдану қаупін арттырады. Аминогликозидтермен фармацевтикалық тұрғыдан үйлесімсіз, себебі өзара белсенділігі жойылады. Цефазолиннің бүйрек клиренсі пробенецидті бір уақытта қабылдағанда төмендейді. Алкогольді бір уақытта қолданғанда дисульфирама тәріздес әсерлер дамуы мүмкін (беттің қызаруы, іштің спастикалық ауыруы, жүрек айнуы, құсу, бас ауыруы, гипотония, тахикардия, демікпе).

Айрықша нұсқаулар

Бүйрек/бауыр жеткіліксіздігінде, ішек ауруларында (соның ішінде сыртартқысында колит болса), 1 жасқа дейінгі балаларға препаратты сақтықпен тағайындайды.

Бүйрек функциясы бұзылған емделушілерде дозаны түзету және қан сарысуындағы цефазолин концентрациясын мониторингілеу қажет етіледі.

Сыртартқысында пенициллинге, карбапенемге аллергиялық реакциялары бар емделушілерде цефалоспориндік антибиотиктерге жоғары сезімталдық байқалуы мүмкін.

Аллергиялық реакция белгілері пайда болған жағдайда препаратты енгізуді тоқтату қажет және тиісінше ем тағайындау керек.

Зертханалық көрсеткіштерге әсері

Цефазолинмен емдеген кезде Бенедикт, Фехтлинг ерітінділерін немесе Clinitest таблеткаларын пайдалану арқылы несептегі глюкозаны анықтағанда жалған оң нәтиже туындауы мүмкін. Глюкозаны анықтаудың ферментативтік тәсілінде цефазолин нәтижесіне әсер етпейді.

Цефазолинмен емдеген кезде Кумбстың тікелей және тікелей емес оң сынамасын алуға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті және қауіптілігі зор механизмдерді басқару қабілетіне әсер етпейді.

Артық дозалануы

Симптомдары: бүйрек функциясы бұзылған емделушілерде бас айналу, жүрек айнуы, құсу, құрысулар және сананың бұзылуы пайда болуы мүмкін.

Емі: препаратты тоқтату, гемодиализ, гемоперфузия, симптоматикалық ем. Спецификалық у қайтарғы жоқ.

Шығарылу түрі және қаптамасы

1.0 г белсенді заттан алюминий немесе «FLIPP OFF» біріктірілген қалпақшалармен қаусырылған, резеңке тығындармен тұмшаланып тығындалған шыны түтіктен жасалған құтыларда.

Әр құтыға заттаңбалық немесе жазатын қағаздан жасалған немесе импорттық өндірілген өздігінен желімденетін заттаңба жапсырылады.

5 мл еріткіштен бейтарап шыны ампулаларда.

1 құты препараттан 1 ампула еріткішпен бірге картон қорапшаға салынған. Қорапшаға медицинада қолданылуы жөніндегі мемлекеттік және орыс тілдеріндегі бекітілген нұсқаулық және ампулалық скарификатор салынған. Кертігі, сақиналары және нүктелері бар инъекцияға арналған су ампулаларын қаптағанда скарификаторлар салынбайды.

Медицинада қолданылуы жөніндегі мемлекеттік және орыс тілдеріндегі бекітілген нұсқаулық мәтінін қорапшаға жазуға болады.

Сақтау шарттары

Құрғақ, жарықтан қорғалған жерде, 300С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы,

Шымкент қ., Рашидов к-сі, 81, т/ф: 560882

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов к-сі,, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz