Цетил (500 мг)

• русский
• қазақша

• Скачать инструкцию медикамента

Саудалық атауы

Цетил

Халықаралық патенттелмеген атауы

Цефуроксим

Дәрілік түрі

Үлбірлі қабықпен қапталған таблеткалар, 250 мг және 500 мг

Құрамы

Бір таблетканың құрамында

белсенді зат - цефуроксим аксетилі 311.75 мг (250 мг цефуроксимге баламалы) және 623.50 мг (500 мг цефуроксимге баламалы),

қосымша заттар: микрокристалды целлюлоза, натрий лаурилсульфаты, натрий кроскармелозасы, гидрогенделген өсімдік майы, коллоидты кремнийдің қостотығы,

қабығы: гидроксипропилметилцеллюлоза (метоцел Е 15 LVP), гидроксипропилметилцеллюлоза (метоцел Е 5 LVP), полиэтиленгликоль 4000, пропиленгликоль, титанның қостотығы (Е 171), тазартылған тальк.

Сипаттамасы

Пішіні капсула тәрізді, екі жағы дөңес, бір жағында сызығы және екінші жағында «LUPIN» жазуы бар, ақ немесе ақ дерлік түсті үлбірлі қабықпен қапталған таблеткалар.

Фармакотерапиялық тобы

Жүйелі пайдалануға арналған антибактериялық препараттар. Бета-лактамды антибактериялық басқа да препараттар. Екінші буын цефалоспориндері. Цефуроксим.

АТХ коды J01DС02

Фармакологиялық қасиеттері

Фармакокинетикасы

Ішке қабылдағаннан кейін препараттың 30-50-ы сіңіріледі. Қан сарысуындағы цефуроксимнің 50-ға жуығы қан ақуызымен байланысады. 250 немесе 500 мг цефуроксим аксетилді ішке қабылдағаннан кейін оның қан плазмасындағы ең жоғары шектегі концентрациясы (Смах) тиісінше 4.1 және 7.0 мг/мл құраған. Ең жоғары шектегі концентрациясына жету уақыты (Тмах) 2-ден 3 сағатқа дейін ауытқиды. Жартылай шығарылуының орташа кезеңі 1.2 сағатқа жуықты құрайды. Цефураксим гематоэнцефалдық бөгет арқылы, плацента арқылы өтеді және емшек сүтіне енеді

Цефуроксим өзгермеген күйінде несеппен бірге шығарылады және қабылданған дозаның 50-ы несеппен бірге 12 сағаттың ішінде шығарылады. Бүйрек қызметі бұзылған емделушілерде цефуроксимнің жартылай шығарылу кезеңі артады. Алайда бүйрек қызметі бұзылған емделушілер (гемодиализ жасатып жүргендерін қосқанда), сондай-ақ егде жастағы емделушілер препаратты тәулігіне 1 г дейінгі дозада қабылдаған кезде ешқандай ерекше сақтық шараларын қажет етпейтіндігін ескерген жөн.

Фармакодинамикасы

Цетил цефураксимнің аксетилоксиэтил эфирі болып табылады. Цетил екінші буынды цефалоспорин және бірінші буынды цефалоспориндерден айырмашылығы грамоңдарға ғана емес, сондай-ақ грамтеріс микроорганизмдерге де қарсы белсенді әсер етеді. Цетилдің әсер ету механизмі бактериялардың жасушалық қабырғасының пенициллинмен байланыстыратын ақуыздарымен байланысып, одан кейінгі лизисі және бактериялардың өлуі болып табылады (бактерицидтік әсер). Цетил – бұл цефуроксимнің белсенді қосылысының ізашар дәрісі. Ішке қабылдағаннан кейін Цетил ішектің шырышты қабығының өзіне тән емес эстеразасымен цефуроксимге дейін гидролизденеді. Осыдан кейін цефуроксим жасушадан тыс сұйықтықтарға таралады.

Препарат басқа антибиотиктерге төзімді мына грамоң және грамтеріс микроорганизмдерге қатысты белсенді: Staphylococcus aureus (бета-лактамаза өндіретін штамдарды қосқанда, бірақ метициллинге төзімді штамдар емес), Streptococcus pneumoniae, Streptococcus pyogenes, Escherichia coli, Haemophilus influenzae (бета-лактамаза өндіретін штамдарды қосқанда), Haemophilus parainfluenzae, Klebsiella pneumoniae, Moraxella catarrhalis, Neisseria ganorrhoeae (бета-лактамаза өндірмейтін штамдар ғана), Staphylococcus epideridis, Morganella morganii, Neisseria ganorrhoeae (бета-лактамаза өндіретін штамдар ғана), Proteus mirabilis.

Pseudomonas spp., көпшілік Enterococcus spp. штамдарына, Staphylococcus spp. метициллинге төзімді штамдарына, Listeria monocytogenes-ге қатысты белсенді емес.

Қолданылуы

Сезімтал микроорганизмдер туындатқан жұқпалы-қабыну ауруларын емдеу:

• төменгі тыныс жолдарының жұқпаларында (жедел бронхит, созылмалы бронхит асқынуы, пневмония)

• жоғарғы тыныс жолдарының жұқпаларында (құлақ, тамақ және мұрын жұқпалары, ортаңғы отит, синусит, тонзиллит, фарингит)

• несеп-жыныс жолдарының жұқпаларында (пиелонефрит, цистит, уретрит)

• созда (асқынбаған гонококты жедел уретрит, цервицит)

• тері және жұмсақ тіндер жұқпаларында (фурункулез, пиодермия, импетиго)

• Лайм ауруының ерте сатыларында және ересектер мен 12 жастан асқан балаларда осы аурудың кейіннен кешеуілдеген сатыларының алдын алуда.

Қолдану тәсілі және дозалары

Препаратты қабылдау ұзақтығы орташа алғанда 5-тен 10 күнге дейінді құрайды.

Препаратты тамақтан кейін қабылдау керек.

Ересектер:

Фарингит/тонзиллит және жедел синусит кезінде 250 мг тәулігіне екі рет.

Созылмалы бронхит асқынуы және жедел бронхит, тері және жұмсақ тіндер жұқпалары кезінде тәулігіне екі рет 250-500 мг ұсынылады.

Несеп жолдарының ауыр емес жұқпалары кезінде 250 мг тәулігіне екі рет.

Ауыр емес соз кезінде 1 г бір мәрте.

Ересектер үшін ең жоғары тәуліктік дозасы 1000 мг.

6 жастан асқан балалар: 125-250 мг-ден тәулігіне 2 рет, ең жоғары тәуліктік дозасы 250 мг.

Жағымсыз әсерлері

• бас ауыру, бас айналу, қызба

• диарея, жүрек айну, құсу, бауыр ферменттері деңгейінің транзиторлы жоғарлауы, холестатикалық сарғаю, гепатит, жалған жарғақшалы колит, іштің ауыруы

• тері бөртпесі, қышыну, Квинке ісінуі, Стивенс-Джонсон синдромы, мультиформалы эритема, уытты эпидермальді некролиз (экзантемальді некролиз), сарысу құю ауруы, қызба, анафилаксия және ангионевротикалық ісіну, есекжем

• лейкопения, нейтропения, тромбоцитопения, эозинофилия, гемолитикалық анемия, гипопротромбинемия, бауыр ферменттері белсенділігінің артуы (АЛТ, АСТ, ЛДГ), оң Кумбс реакциясы

• интерстициальді нефрит, кандидоз.

Қолдануға болмайтын жағдайлар

• цефалоспориндер тобының антибиотиктеріне, препараттың басқа компоненттеріне жоғары сезімталдық

• сыртартқысында асқазан-ішек жолының аурулары (жалған жарғақшалы колит) және қан кетулер

• жүктілік және лактация кезеңі

• 6 жасқа дейінгі балалар.

Дәрілермен өзара әрекеттесуі

Цетилді ықтимал нефроуытты препараттармен (аминогликозидті антибиотиктер) және фуросемидпен бір мезгілде қолданғанда бүйрек қызметін бақылап отыру қажет. Цетил ішек флорасын баса отырып, К витаминінің синтезіне кедергі жасайды. Цетил біріктірілген ішілетін контрацептивтердің тиімділігін төмендетуі мүмкін.

Асқазан сөлі қышқылдығын азайтатын препараттар ашқарынға препаратты осындай қабылдаумен салыстырғанда Цетил биожетімділігін төмендетуі мүмкін және тамақтанумен байланысты сіңірілудің жоғарылауына кедергі келтіреді.

«Ілмектік диуретиктермен» бір мезгілде қабылдау өзекшелік секрецияны баяулатады, бүйрек клиренсін төмендетеді, плазмада концентрацияны жоғарылатып, цефуроксимнің жартылай шығарылу кезеңін ұзартады.

Пробеницидпен бір мезгілде енгізу Цетил AUC-ның 50%-ға артуына әкеледі.

Бір мезгілде қабылдағанда варфариннің антикоагулянтты әсері күшейеді.

Айрықша нұсқаулар

Цетил пенициллиндерге аса жоғары сезімталдығы бар емделушілерге, әсіресе пенициллиндер анафилактоидтық реакциялар тудырған емделушілерді емдеген кезде сақтықпен тағайындалады. Цефуроксиммен ұзақ уақыт емдеу оған сезімтал емес микроорганизмдердің шамадан тыс көбеюін тудыруы мүмкін.

Антибиотиктерді, оның ішінде Цетилді қолдану аясында диарея пайда болғанда жалған жарғақшалы колиттің туындау мүмкіндігін ескерген жөн.

Қазіргі уақытта Цетилдің эмбриоуытты немесе тератогенді белсенділігі жөнінде деректер жоқ. Лайм ауруын Цетилмен емдеген кезде Яриш-Герсгеймер реакциясы байқалған. Бұл реакция ауру қоздырғышы –Borrelia burgdorferi спирохетке Цетилдің бактерицидті әсерінің тікелей салдары саналады, әрі жиі болатын және әдетте өздігінен өтетін емдеу салдары болып табылады. Емделушілер бұл симптомдардың осы ауру кезінде антибиотиктер қолдануға тән салдары екендігінен хабардар болулары тиіс.

Несептегі глюкозаның бар-жоқтығын анықтайтын Бенедикт реакциясы Цетилмен емдеу кезінде жалған оң нәтиже беруі мүмкін. Қандағы глюкоза деңгейін анықтау үшін глюкозооксидазалық немесе гексокиназалық әдістерді пайдалану ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бас айналу сияқты болуы мүмкін жағымсыз әсерлерін ескере отырып автомобиль немесе қауіптілігі зор механизмдерді басқару кезінде сақ болу қажет.

Дәрігердің тағайындауы бойынша қолдану керек.

Артық дозалануы

Симптомдары: қозу, құрысулармен байқалатын ОЖЖ тарапынан бұзылулар.

Емі: симптоматикалық, Цетил гемодиализ және перитонеальді диализ кезінде шығарылады.

Шығарылу түрі және қаптамасы

10 таблеткадан алюминий фольгадан жасалған пішінді ұяшықты қаптамаға салынады.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынады.

Сақтау шарттары

Құрғақ жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Люпин ЛТД

159, Си Эс Ти Роуд, Калина, Сантакруз (Ист), Мумбай 400098, Үндістан

Тіркеу куәлігінің иесі

Люпин ЛТД

159, Си Эс Ти Роуд, Калина, Сантакруз (Ист), Мумбай 400098, Үндістан

Қазақстан Республикасы аумағында тұтынушылардан өнім (тауар) сапасы жөнінде шағымдарды қабылдайтын ұйымның мекенжайы

Қазақстан Республикасындағы Люпин ЛТД компаниясының өкілдігі,

Алматы қ., Жангелдин к-сі 31, «Жар - Су» БО 419 кеңсе

тел - 278 – 59 – 73, факс: 7 (727) 3 86 28 38

е.mail: lupinkz@yandex.ru